අධික ලෙස බීමත්ව යුද හමුදා කෝප්‍රල්වරයකු හා 19 හැවිරිදි තරුණයකු නිරුවත් කර ඔවුන්ට අමානුෂික ලෙස පහරදුන් බව කියන ඉංගිරිය පොලිසියේ උප පොලිස් පරීක්ෂකවරයකු ඇතුළු පොලිස් නිලධාරීන් තිදෙනකු අද (30 වැනිදා) දක්වා රක්ෂිත බන්ධනාගාරගත කරන ලෙස හොරණ වැඩබලන මහෙස්ත්රාත් නලින් ඉඹුල්ගොඩ මහතා ඊයේ (29 වැනිදා) නියෝග කළේය.
ඉංගිරිය පොලිස් නිලධාරීන්ගේ පහර කෑමට ලක්වූ යුද හමුදා කෝප්‍රල්වරයා හා තරුණයා ඉංගිරිය රෝහලටත් පසුව හොරණ රෝහලටත් ඇතුළත් කර ඇත.
නිර්දෝෂී තරුණයන් දෙදෙනකු නිරුවත් කර ඔවුන්ට අමානුෂික අයුරින් පහරදීම නිසා කෝපයට පත්වූ ඉංගිරිය ප්‍රදේශයේ ජනතාව පෙරේදා (28 වැනිදා) රාත්‍රි ඉංගිරිය පොලිසිය වටකරගෙන කලහකාරී ලෙස හැසිරීම නිසා එම ප්‍රදේශයේ දැඩි උණුසුම්කාරී තත්වයක් හටගෙන තිබුණි.
පානදුර ජ්‍යෙෂ්ඨ පොලිස් අධිකාරි සේනානායක මහතාගේ පූර්ණ අධීක්ෂණය යටතේ මෙම සිද්ධිය පිළිබඳ විමර්ශන පැවැත්වූ හොරණ මූලස්ථාන ප්රධාන පොලිස් පරීක්ෂක ප්‍රසන්න වැලිකල මහතා සැකකාර උප පොලිස් පරීක්ෂකවරයා, සැරයන්වරයා සහ කොස්‌තාපල්වරයා අත්අඩංගුවට ගෙන පසුව වෛද්‍යවරයකු වෙත ඉදිරිපත් කළ අතර උප පොලිස් පරීක්ෂකවරයා හා කොස්‌තාපල්වරයා අධික ලෙස බීමත්ව සිටින බවට එහිදී හෙළිවී තිබේ.
බුලත්සිංහල ප්‍රදේශයේදී ඒ.ටී.එම්. යන්ත්‍රවලට මුදල් තැන්පත් කරන වෑන් රථය කොල්ලකෑමේ සිද්ධියෙන් පසුව ඒ අවට පොලිස් ස්‌ථාන සීරුවෙන් තබා ක්‌ෂණික මෙහෙයුම් ක්‍රියාත්මක කිරීමට පොලිස් මූලස්‌ථානයෙන් උපදෙස් ලබා දී තිබුණි.
සැකකාර උප පොලිස් පරීක්ෂකවරයා ඇතුළු නිලධාරීන් තිදෙනා ඉංගිරිය ප්‍රදේශයේ සෝදිසි සංචාරයක නිරත වී ඇත්තේ ඉහළින් ලැබී තිබූ එම නියෝගය අනුවය. මෙම නිලධාරීන් තිදෙනාගෙන් දෙදෙනකු මත්පැන් පානය කර සෝදිසි මෙහෙයුමට එක්‌ව ඇත.
ඉංගිරිය ප්‍රදේශයේ පැවැති පිරිත් පිංකමකට සහභාගි වූ යුද හමුදා කෝප්‍රල්වරයා හා 19 හැවිරිදි තරුණයා යතුරුපැදියකින් තම නිවස බලා යමින් සිටියදී සැකකාර නිලධාරීන් ඔවුන් නතර කර පරීක්ෂා කර තිබේ. එහිදී හමුදා කෝප්‍රල්වරයා පවසා ඇත්තේ තමන් ඉංජිනේරු බළකායට අනුයුක්‌තව කොම්පඤ්ඤවීදියේ කඳවුරක සේවය කරන බවත් නිවාඩු ලබා පැමිණ සිටියදී මෙම පිරිත් පිංකමකට සහභාගි වූ බවත්ය. ඒ අවස්ථාවේදී කෝපයට පත්වී ඇති පොලිස් නිලධාරීන් කෝප්‍රල්වරයා හා තරුණයා මහමග දණගස්‌වා ඔවුන්ට පහරදී ඇත. පසුව ඔවුන් දෙදෙනා ඉංගිරිය පොලිසිය වෙත රැගෙන ගොස් ඇති පොලිස් නිලධාරීන් එහිදී ඔවුන් නිරුවත් කර නැවත ඔවුන්ට පහරදී ඇත.
නිර්දෝෂී තරුණයන් දෙදෙනා පොලිසිය වෙත රැගෙන ගොස් ඔවුන්ට අමානුෂික ලෙස පහර දෙන බවට සැලවීමෙන් පසු කෝපයට පත්වූ ප්රදේශවාසීන් ඉංගිරිය පොලිසිය වටකරගෙන කලහකාරී ලෙස හැසිරීමට පටන් ගෙන ඇත. ඇති වූ තත්වය සැලකිල්ලට ගත් පානදුර ජ්‍යෙෂ්ඨ පොලිස් අධිකාරි සේනානායක මහතා හොරණ මූලස්ථාන ප්රධාන පොලිස් පරීක්ෂකවරයා ඇතුළු නිලධාරීන් පිරිසක් ඉංගිරිය පොලිසියට යවා මේ සම්බන්ධයෙන් විමර්ශනයක්‌ පැවැත්වීමට නියෝග කළේය.
හේමන්ත රන්දුණු, විදුර විජයනාථ, රජිත
අධික ලෙස බීමත්ව යුද හමුදා කෝප්‍රල්වරයකු හා 19 හැවිරිදි තරුණයකු නිරුවත් කර ඔවුන්ට අමානුෂික ලෙස පහරදුන් බව කියන ඉංගිරිය පොලිසියේ උප පොලිස් පරීක්ෂකවරයකු ඇතුළු පොලිස් නිලධාරීන් තිදෙනකු අද (30 වැනිදා) දක්වා රක්ෂිත බන්ධනාගාරගත කරන ලෙස හොරණ වැඩබලන මහෙස්ත්රාත් නලින් ඉඹුල්ගොඩ මහතා ඊයේ (29 වැනිදා) නියෝග කළේය.
ඉංගිරිය පොලිස් නිලධාරීන්ගේ පහර කෑමට ලක්වූ යුද හමුදා කෝප්‍රල්වරයා හා තරුණයා ඉංගිරිය රෝහලටත් පසුව හොරණ රෝහලටත් ඇතුළත් කර ඇත.
නිර්දෝෂී තරුණයන් දෙදෙනකු නිරුවත් කර ඔවුන්ට අමානුෂික අයුරින් පහරදීම නිසා කෝපයට පත්වූ ඉංගිරිය ප්‍රදේශයේ ජනතාව පෙරේදා (28 වැනිදා) රාත්‍රි ඉංගිරිය පොලිසිය වටකරගෙන කලහකාරී ලෙස හැසිරීම නිසා එම ප්‍රදේශයේ දැඩි උණුසුම්කාරී තත්වයක් හටගෙන තිබුණි.
පානදුර ජ්‍යෙෂ්ඨ පොලිස් අධිකාරි සේනානායක මහතාගේ පූර්ණ අධීක්ෂණය යටතේ මෙම සිද්ධිය පිළිබඳ විමර්ශන පැවැත්වූ හොරණ මූලස්ථාන ප්රධාන පොලිස් පරීක්ෂක ප්‍රසන්න වැලිකල මහතා සැකකාර උප පොලිස් පරීක්ෂකවරයා, සැරයන්වරයා සහ කොස්‌තාපල්වරයා අත්අඩංගුවට ගෙන පසුව වෛද්‍යවරයකු වෙත ඉදිරිපත් කළ අතර උප පොලිස් පරීක්ෂකවරයා හා කොස්‌තාපල්වරයා අධික ලෙස බීමත්ව සිටින බවට එහිදී හෙළිවී තිබේ.
බුලත්සිංහල ප්‍රදේශයේදී ඒ.ටී.එම්. යන්ත්‍රවලට මුදල් තැන්පත් කරන වෑන් රථය කොල්ලකෑමේ සිද්ධියෙන් පසුව ඒ අවට පොලිස් ස්‌ථාන සීරුවෙන් තබා ක්‌ෂණික මෙහෙයුම් ක්‍රියාත්මක කිරීමට පොලිස් මූලස්‌ථානයෙන් උපදෙස් ලබා දී තිබුණි.
සැකකාර උප පොලිස් පරීක්ෂකවරයා ඇතුළු නිලධාරීන් තිදෙනා ඉංගිරිය ප්‍රදේශයේ සෝදිසි සංචාරයක නිරත වී ඇත්තේ ඉහළින් ලැබී තිබූ එම නියෝගය අනුවය. මෙම නිලධාරීන් තිදෙනාගෙන් දෙදෙනකු මත්පැන් පානය කර සෝදිසි මෙහෙයුමට එක්‌ව ඇත.
ඉංගිරිය ප්‍රදේශයේ පැවැති පිරිත් පිංකමකට සහභාගි වූ යුද හමුදා කෝප්‍රල්වරයා හා 19 හැවිරිදි තරුණයා යතුරුපැදියකින් තම නිවස බලා යමින් සිටියදී සැකකාර නිලධාරීන් ඔවුන් නතර කර පරීක්ෂා කර තිබේ. එහිදී හමුදා කෝප්‍රල්වරයා පවසා ඇත්තේ තමන් ඉංජිනේරු බළකායට අනුයුක්‌තව කොම්පඤ්ඤවීදියේ කඳවුරක සේවය කරන බවත් නිවාඩු ලබා පැමිණ සිටියදී මෙම පිරිත් පිංකමකට සහභාගි වූ බවත්ය. ඒ අවස්ථාවේදී කෝපයට පත්වී ඇති පොලිස් නිලධාරීන් කෝප්‍රල්වරයා හා තරුණයා මහමග දණගස්‌වා ඔවුන්ට පහරදී ඇත. පසුව ඔවුන් දෙදෙනා ඉංගිරිය පොලිසිය වෙත රැගෙන ගොස් ඇති පොලිස් නිලධාරීන් එහිදී ඔවුන් නිරුවත් කර නැවත ඔවුන්ට පහරදී ඇත.
නිර්දෝෂී තරුණයන් දෙදෙනා පොලිසිය වෙත රැගෙන ගොස් ඔවුන්ට අමානුෂික ලෙස පහර දෙන බවට සැලවීමෙන් පසු කෝපයට පත්වූ ප්රදේශවාසීන් ඉංගිරිය පොලිසිය වටකරගෙන කලහකාරී ලෙස හැසිරීමට පටන් ගෙන ඇත. ඇති වූ තත්වය සැලකිල්ලට ගත් පානදුර ජ්‍යෙෂ්ඨ පොලිස් අධිකාරි සේනානායක මහතා හොරණ මූලස්ථාන ප්රධාන පොලිස් පරීක්ෂකවරයා ඇතුළු නිලධාරීන් පිරිසක් ඉංගිරිය පොලිසියට යවා මේ සම්බන්ධයෙන් විමර්ශනයක්‌ පැවැත්වීමට නියෝග කළේය.
හේමන්ත රන්දුණු, විදුර විජයනාථ, රජිත
මන්නාරමේ සතොස තොග ගබඩාව අසලින් හමුවූ මිනිස් ඇටසැකිලි හා අස්ථි කොටස් ඇමෙරිකාවේ ෆ්ලෝරීඩා රසායනාගාරය වෙත යවා කාබන් පරීක්ෂණයකට යොමුකොට වාර්තාවක් ලබාගැනීම කෙරෙහි බලධාරීන්ගේ අවධානය යොමුවී තිබේ. මේ සම්බන්ධයෙන් දැනට සාකච්ඡා පැවැත්වෙන අතර නීතිය හා සාමය පිළිබඳ අමාත්‍යංශය හා අධිකරණ අමාත්‍යංශය මේ අදහසට එකඟ වන්නේ නම් මිනිස් ඇට සැකිලි හා අස්ථි කොටස් ඇමරිකාවට යැවීමට අදහස් කරන බව මන්නාරම අධිකරණයේ නිලධාරියකු පැවැසීය.
හික්කඩුව - පතන මිනිරන් කන්ද ප්‍රදේශයේ ගෙවත්තක ගසකට නැග සිටි හඳුන් දිවියකු ගැන ප්රදේශවාසීන් විසින් හික්කඩුව වනජීවී කාර්යාලයට දැනුම් දීමෙන් අනතුරුව බෙල්ලන්විල - අත්තිඩිය වනජීවී රැඳවුම් මධ්‍යස්ථානයේ නිලධාරීන් විසින් එම සත්ත්වයා නිර්වින්දය කොට අල්ලා ගනු ලැබීය. පිෂින් කැට් වර්ගයට අයත් අඩි හතරහමාරක් පමණ දිගින් යුතු මෙම හඳුන් දිවියාගේ දකුණු පස බාහුවට ඉහළින් විශාල තුවාලයක්ද තිබී ඇත.
තම වැඩිමහල් සහෝදරියගේ උප්පැන්න සහතිකය සොරාගෙන ගොස් එය උපයෝගි කොටගෙන ව්‍යාජ විදේශ ගමන් බලපත්රයක් සකස් කරන ලදැයි අධිකරණය හමුවට පමුණුවනු ලදුව වරද පිළිගත් කාත්තාවකට මතුගම දිස විනිසුරු හා කළුතර හිටපු ප්රධාන මහෙස්ත්රාත් භාරතී විජේරත්න මහත්මිය දඩ හා සිරදඬුවම් නියම කළාය. අදාළ චෝදනා තුනක් වෙනුවෙන් එක් චෝදනාවකට රුපියල් 1500 බැඟින් රුපියල් 7500 දඩ නියම වූ අතර මාස දෙක බැගින් ලිහිල් සිර දඬුවම් නියම කර එම සිර දඬුවම් වසර දහයකට අත්හිටුවීය.
දෙහිවල ටෙරන්ස් පාරේ බංග්ලාදේශ කාන්තාවක් නැවතී සිටි කාමරයක සූටිකේසයක් තුළ සඟවා ගිය රුපියල් ලක්ෂ 3කට ආසන්න වටිනාකමින් යුත් හෙරොයින් මත්කුඩු තොගයක් සොයාගත් බව දෙහිවල පොලිසිය කියයි. හෙරොයින් මත්කුඩු ග්‍රෑම් 886ක් තුළ තිබී ඇතැයි පොලිසිය කියයි. එම බංග්ලාදේශ ජාතික කාන්තාව මේ වනව්ව විදේශ ගත වී ඇතැයි පොලීසිය කළ පරීක්ෂණවලදී අනාවණය වී ඇත. ටෙරන්ස් පාරේ නිවෙස් හිමිකරු මාසිකව රුපියල් තිස්පන් දහසක කුලී පදනම මත එම නිවසේ සාලය ඇතුළු කොටස් තුනක් මීට මාස හයකට පමණ පෙර බංග්ලාදේශ ජාතික කාන්තාවට ලබා දී ඇති අතර සෙසු කාමර දෙකක් පීරිමි ළමයින් දෙදෙනකුට ලබා ඇති බව පොලිසිය කියයි.
පාර්ලිමේන්තුවේ විපක්ෂනායක ධුරය ඒකාබද්ධ විපක්ෂයට ලබාදුනහොත් ඒ සඳහා පාර්ලිමේන්තු මන්ත්‍රී කුමාර වෙල්ගම මහතා පත් කළ යුතු යැයි ශ්‍රී ලංකා පොදුජන පෙරමුණ ජයග්රහණය කළ පළාත් පාලන ආයතනවල ප්‍රධානින් සියලු දෙනා යෝජනාවක් සම්මත කරගෙන හිටපු ජනාධිපති මහින්ද රාක්ෂ මහතාට බාරදීමට සැලසුම් කර ඇතැයි සමස්ත ලංකා පළාත් පාලන සංසදය පවසයි.
රජය පොරොන්දු වූ වැටුප් වැඩිවිම වහාම ලබාදෙන ලෙස ඉල්ලමින් දුම්රිය රියැදුරු, දුම්රිය ස්ථානාධිපතිවරුන්, දුම්රිය නියාමකවරුන්, දුම්රිය පාලකවරුන් ඇතුළු ප්රධාන දුම්රිය වෘත්තීය සමිති 11 ක් අද (30) මධ්‍යම රාත්‍රියේ සිට දීපව්‍යාප්ත වර්ජනයක් ආරම්භ කිරීමට තීරණය කර ඇත. මෙම වර්ජනය හේතුවෙන් රටපුරා දුම්රිය ධාවන කටයුතු දැඩි ලෙස අඩාල වන බව දුම්රිය නියාමක සංගමයේ ලේකම් ජානක ප්‍රනාන්දු මහතා පැවැසීය.
මහ බැංකුවේ විගණන අංශයේ උසස් නිලධාරීයක් බව පවසමින් දිවයින පුරා විහාරස්ථානවලින් රුපියල් කෝටි ගණනක මුදලක් වංචා සහගත ලෙස ලබාගත් බවට සැකපිට වැලිමඩ පොලීසිය ඉකුත් 26 වැනිදා අත්අඩංගුවට ගත් මව, දියණීය හා තරුණයා ලබන 31 වැනිදා දක්වා රක්ෂිත බන්ධනාගාර ගත කිරීමට නියෝග කළ වැලිමඩ මහේස්ත්‍රාත් නදීරා තරංගනී කුමාරි බෝගහදෙණිය මෙනවිය, සැකකරුවන් එදිනට හඳුනා ගැනීම් පෙරට්ටුවට ඉදිරීපත් කරන ලෙසටද නීයෝග කළාය.
ඉපලෝගම පොලිස් වසමේ මහව ප්‍රදේශයේ පදිංචි නව හැවිරිදි බාල වයස්කාර පාසල් සිසුවකු රවටා තම නිවසට කැඳවාගෙන ගොස් බරපතළ ලිංගික අපයෝජනයකට ලක් කළේ යැයි කියන හතළිස් හැවිරිදී යුද හමුදා සෙබළකුට වින්දිත සිසුවාගේ පියා ඇතුළු පිරිසක් විසින් පෙරේදා (23දා) සවස පහරදී ඉපලෝගම පොලිසිය වෙත භාරදී තිබේ. එම පොලිස් වසමේ කඩියන්ගල්ල ප්‍රදේශයේ පදිංචි විවාහක යුද හමුදා සෙබළා පොලිස් අත්අඩංගුවට ගෙන ඇති අතර ඔහු සේනපුර ප්‍රදේශයේ යුද හමුදා කඳවුරක සේවයෙහි නියුතු අයකු බව පොලීස් පරීක්ෂණවලදී අනාවරණය වී ඇත.
බැංකු නිලධාරිනියක ලෙස පෙනී සිටිමින් දිවයිනේ විවිධ ප්‍රදේශවල විහාරස්ථාන රැසක හිමිවරුන් රවටා ලක්ෂ ගණනක් මුදල් වංචා කළ මවක් සහ දියණියක් වැලිමඩ පොලිසිය මගින් ඊයේ (28දා) අත්අඩංගුවට ගෙන තිබේ. පොලිසියට ලැබුණු තොරතුරක් මත වැලිමඩ ප්‍රදේශයේදී මෙම අත්අඩංගුවට ගැනීම සිදුකර තිබේ. පෙරාදෙණිය ප්‍රදේශයේ පදිංචිකරුවන් වන පනස් තුන් හැවිරිදි මව සහ දහනව හැවිරිදි දියණිය විහාරස්ථානවලට ගොස්මෙම වාංචාවන් සිදුකර තිබේ.
ගෝවින්න, රැටියල නිවෙසක නිදි යහන මතදී සිය සහෝදරීගේ ගෙල පිහියකින් කපා ඝාතනය කළ සහෝදරයාගේ මළ සිරුර නිවෙස පිටුපස රඹුටන් ගසක එල්ලෙමින් තිබියදී හමුවූ බව බුලත්සිංහල පොලිසිය කියයි. මෙලෙස ගෙල කැපීමට ලක්ව මියගොස් තිබුණේ පිඹුරගේ ලිලි නෝනා (80) හා ඇයගේ සොහොයුරු වූ පිඹුරගේ ගුණසිරි (75) අවිවාහක සහෝදරිය හා සහෝදරයයි.
වීසා නොමැතිව මෙරට රැදී සිට ව්‍යාජ විදේශයන් ගමන් බලපත්‍ර මඟින් නීති විරෝධි ලෙස එංගලන්තය බලා යෑමට තැත්කළේ යැයි කියන සිද්ධියක් සම්බන්ධයෙන් චෝදනා ලැබ වරද පිළිගත් ඉරාක ජාතික යුවළකට මීගමුව ප්රධාන මහෙස්ත්රාත් රජින්ද්‍රා ජයසූරිය මහත්මිය කාන්තාවට රුපියල් ලක්ෂ දෙකක දඩයක්ද පුරුෂයාට රුපියල් එක් ලක්ෂ පනස් දහසක් වශයෙන් ගෙවන ලෙස 25දා නියම කළාය. මෙම යුවළ සමඟ අත දරුවකුද සිට ඇත.
කටුනායක බණ්ඩාරනායක ජාත්‍යන්තර ගුවන්තොටුපල් ඉකුත් 27දා රාජකාරීයෙහි යෙදී සිටි රේගු ආරක්ෂක නියාමකවරියක් ඇතුළු හය දෙනෙකුට පහර දී තුවාල සිදු කළේ යැයි කියන සිද්ධියක් සමිබන්ධයන් චෝදනා ලැබ සිටි කුවෙට් ජාතික තරුණ කාන්තාව සහ ඇගේ ස්වාමි පුරුෂයා බව කියන දෙදෙනා මීගමුව වැඩ බලන මහේස්ත්‍රාත් නෙල්සන් පී. කුමාරනායක මහතා එක් අයකුට රුපියල් ලක්ෂ 2 බැගින් වූ ශරීර ඇප මත මුදා හැර අද (30) දින මීගමුව මහේස්ත්‍රාත් අධිකරණය පෙනී සිටින ලෙස නියෝග කළේය.
