U Turn' ගැන මුලින්ම කිව්වොත්?
"යූ ටර්න්” කියන්නේ මෑත කාලයේ එළිදැක්වූ චිත්‍රපට අතරින් වෙනස් මුහුණුවරක් ගන්න නිර්මාණයකි. පවුලේ හැමෝටම නරඹන්න පුළුවන් චිත්‍රපටියක් වගේම ත්‍රාස්‍ය, කුතුහලය තියෙන චිත්‍රපටයක් මෙන්ම හොඳ ප්‍රමිතියකින් නිර්මාණය වුණු චිත්‍රපටයක් විදිහට 'යූ ටර්න් හඳුන්වන්න පුළුවන්,
ගොඩක් අය මේ චිත්‍රපට වෙනුවෙන් කරන්න දෝෂාරෝපණයක් තමයි මේක රීමේක් එකක්, කොපියක් කියන එක. මැක්සිම් ගෝර්කි 'අමිමා’ කියන කෘතිය රුසියානු භාෂාවෙන් ලියැවෙන්නේ. ඒක සිංහලෙන් ලියවුණේ නැතිනම් අපිට 'අම්මා” කියන ග්‍රන්ථය අපිට රසවිඳින්න ලැබෙන්නේ නැහැ. ඒ වගේ අපිට හොඳ කතා සන්දර්භයක් තියෙනවා නම් ඒක මොන රටක නිර්මාණයක් වුණත් ඒක අපේ රටේ අයට රසවිදින්න පුළුවන් විදිහට නිර්මාණය කරන්න පුළුවන් නම් ඒක හොඳ දෙයක්. "යූ ටර්න්' කියන්නේ ප්‍රවීණ කැමරා අධක්ෂ චන්න දේශප්‍රියගේ කුළුඳුල් නිර්මාණය. ඔහු වසර 30ක අත්දැකීම් එකතු කරගෙන ප්‍රවීණ කණ්ඩායමත් එක්ක නිර්මාණය වුණු චිත්‍රපටයක්. හොද රංගන ශිල්පීන් මේ චිත්‍රපටයට ඉන්නවා. ලෝකේ හැම භාෂාවකින් නිර්මාණය වන චිත්‍රපට බලනවා. චිත්‍රපටයක තියන ප්‍රමිතිය මොකක්ද කියන එක මිනිස්සු දැන් අඳුරනවා. ඉතින් ගෝලීය චිත්‍රපටි නරඹන අයට ප්‍රමිතිගත චිත්‍රපටයක් බලන්න ඕනේ නම් 'යූ ටර්න්’ තමයි ඒකට හොදම උදාහරණය කියන එක ඉතාම හොඳින් කියන්න පුළුවන්.
"යූ ටජන්” එකට ඔබට අවස්ථාව ලැබුණේ කොහොමද?
යු ටර්න් එම්.එන්ටර්ටේන්මන්ට් ආයතනයෙන් තමයි නිෂ්පාදනය කරන්නේ. මේකෙ මගේ චරිතය වෙන්නේ මාධ්‍යවේදිනියගේ චරිතයක්. ඇත්තම මාධ්‍යවේදිනියක් මේක කළාත් ප්‍රේක්ෂකයන්ගේ කොහොම ප්‍රතිචාරයක් ලැබෙයිද කියන දේ තුළ වෙනසක් කරලා බලන්න එමි. එන්ටටේන්මන්ට් ආයතනයට අවශ්‍යතාවයක් තිබුණා. මහරාජා ආයතන සභාපතිතුමන් සහ එමි. එන්ටටේන්මන්ට් ආයතනයෙන් මට මේ අවස්ථාව ලබා දුන්නා.
පළමු රංගනයේදීම මෙවැනි විශාල නිර්මාණයක් සඳහා දායක වීම මොකද හිතෙන්නේ ?
ඒක නම් ලොකු දෙයක්. මාව රිදී තිරයේ දකිනවා කියන එක මම පොඩි කාලේ ඉඳන් දැක්ක හීනයක්. පළමු චිත්‍රපටයෙන්ම ප්‍රධාන චරිතයක් සහ ලංකාවේ අනිවාර්යයෙන්ම ජනප්‍රිය වෙන චිත්‍රපටයක්. ඒ හින්දා එවැනි චිත්‍රපටයක, ප්‍රවීණ කණ්ඩායමක් එක්ක සහ ප්‍රවීණ රංගන ශිල්පීන් එක්ක මට ප්‍රධාන චරිතයක් රඟපාන්න ලැබිච්ච එක මම ජීවිතේ ලැබූ ලොකු වාසනාවක්. ඒ ලැබුණු අවස්ථාව වෙනුවෙන් මම කැප වුණා. නවක නිළියක් ලෙස මගේ අඩුපාඩු තියෙනවා. ඉතින් ඒවා හදාගෙන ඉස්සරහට යන්න තමයි බලාපොරොත්තුව.
රංගනය කියන දේ හීනය වුණේ කොහොමද?
පුන්චි කාලේ ඉදන්ම මට රංගනය ගැන හීනයක් තිබුණා. මම රංගනය ඉගෙන ගත්තා. පාසල් කාලයේදී මම වේදිකා නාට්‍යය කළා. පසුකාලීනව මම විශ්වවිද්‍යාලයට ආවට පස්සේ මහාචාර්ය මංගල සේනානායක මහත්මයාගේ වේදිකා නාට්‍ය කණ්ඩායමට එකතු වුණා. දැනටත් එහි සාමාජිකාවක් විදිහට කටයුතු කරනවා. වේදිකාවත් එක්ක ඉන්න කෙනෙක් මම. මහේන්ද්‍ර පෙරේරා මහත්මයාගේ රංගන පාඨමාලාව හදාරලා තියෙනවා. ඒ වගේම මම රංගන කටයුතු කළා. විශ්වවිද්‍යාලයෙත් වේදිකා නාට්‍ය තරගවලට සහභාගී වුණි. ඒ වගේම සංස්කෘතික අමාත්‍යාංශයේ "ප්‍රතිභා රාජ්‍ය නාට්‍ය තරගාවලියේදී 2013 වසරේ හොඳම නිළිය (ගෘෘෂා ආයෙමත් ඇවිදින්) සම්මානය මම අරගෙන තියෙනවා. ඒවගේ රංගන කටයුතු එක්ක ඉදපු කෙනෙක් විදිහට මට රංගනය ගැනත් සිහිනයක්තිබුණා. රංගනය වෙනුවෙන් සම්මාන හිමි කරගෙනත්. ට‍ෙලි නිර්මාණ සහ චිත්‍රපට සඳහා දායක නොවුණේ ඇයි?
මට ටෙලීනාට්‍යය කිහිපයකට කතා කරලා තිබුණා. නමුත් මම කරන රැකියාව එක්ක මට වෙනත් නිර්මාණයකට සහභාගී වෙන්න අවස්ථාව තිබුණෙත් නැහැ. මම කැප වුණේ වැඩිපුරම මගේ වෘත්තීය වෙනුවෙන්. ඒ හින්දා කලාවට එන්න අමාරුයි කියලා හිතුණා. හැබැයි හොඳ අවස්ථාවක් තමයි මට මේ ලැබුණේ.
නිර්මාණය වෙනුවෙන් ලැබුණු ප්‍රතිචාර කොහොමද?
නරඹපු ගොඩක් ප්‍රේක්ෂකයින් හොදයි කියන තැන තමයි හිටියේ. ගොඩක් අය දෙවතාවක් බලන්න ඕනේ කියන තැන හිටියා. ඉන්දියානු චිත්‍රපටියක් හා සමානව හා ප්‍රමිතියකින් නිර්මාණය කරලා තියන චිත්‍රපටයක් කියලා කියන්න පුළුවන්. ඒ ගැන අගය කළා. මගේ රංගනය ගැන කිවිවොත් නවක නිළියක් ලෙස මම මේ සඳහා උපරිම දායකත්වයක් ලබා දෙන්න උත්සහ
කරලා තියෙන කාරණාව ඔවුන් පේන බව තමයි ඔවුන් කිව්වේ . මට බැලුවම මට තේරුණේ හදාගන්න ගොඩක් දේවල් තියෙනවා කියන එක. නමුත් ප්‍රේක්ෂක ප්‍රතිචාර නම් ඉතා හොදයි.
රංගනය ගැන ඉදිරී අදහස් තියෙනවාද?
මම දැනට වැඩ කරන්නේ "AF Jones Exporters' ආයතනයෙන්. මේක තේ අපනයනය කරන ආයතනයක්. ඒ වැඩ කටයුතු එක්ක කලා කටයුතු සමබර කර ගන්න පුළුවන් කියලා හිතුනොත් මම කරන්න කැමැත්තෙන් ඉන්නවා, හොඳ නිර්මාණයක් ලැබුණොත් රංගනයන් දායක වෙන්න බලාගෙන ඉන්නවා.
එතකොට වෘත්තීමය මාධ්‍යවේදිනියක් වුණේ කොහොමද?
මම විශ්ව විද්‍යාලයේ සිවුවැනි වසරේ ඉන්නකොට තමයි ස්ක්‍රීන් ටෙස්ට් එකට යන්න. Pentathlon කියන වැඩසටහනට ඔවුන් නිවේදිකාවක් හොයමින් හිටියේ. මෙම සම්මුඛ පරීක්ෂණ ගණනාවකට ගියා. ඒවලින් තේරිලා තේරීලා තමයි මට ඒ අවස්ථාව ලැබුණේ. කිංස්ලි රත්නායක ජෙෂ්ඨ මාධ්‍යවේදියා එක්ක තමයි මට පළවෙනි වැඩසටහන හිමිවුණා. ඊට පසුව තමයි මම
News First කණ්ඩායමට බිහිවෙන්නේ. එහිදී ප්‍රවෘත්ති නිවේදිකාවක් වශයෙන් සහ ප්‍රවෘත්ති වාර්තාකාරිනියක් ලෙස මට වැඩ කරන්න ලැබෙනවා.
ජිවිතේ ලොකු බලාපොරොත්තු නැද්ද?
ලොකු බලාපොරොත්තු තියෙනවා. පෟද්ගලික ජීවිතයත් බලාපොරොත්තු තියනවා. වෘත්තීමය පැත්තෙන් ඉස්සරහට යන්න බලාපොරොත්තු වෙනවා. ඊටත් වඩා මනුස්සයෙක් විදිහට හොඳින් සතුටින් විනෝදෙන් ඉන්න තමයි මම කැමති.
අද රංගන ශිල්පිනියක් ලෙස ඔබව දකිද්දී දෙමාපියන්ගේ ප්‍රතිචාර කොහොමද?
අම්මයි තාත්තයි මගේ පුංචි කාලේ ඉඳන්ම හැමදේම මට උදවු කළා. ඉතින් අදටත් එහෙමයි. පවුලේ එකම දරුවා මම විතරයි. කිසිම දෙයකට මට බෑ කියන්නේ නැහැ. ඒගොල්ලන්ගේ ආශිර්වාදය සහ උදව්ව මට හැමදාම තියෙනවා. අම්මත් ගුරුවරියක් නිසා දරුවන්ගේ දක්ෂතාවයේ වැදගත්කම අම්මට තේරෙනවා ඇති කියලා හිතනවා. ඒ ආදරය රැකවරණය සහ උපදේශනය ඒ අය හැමදාම ලබා දෙනවා,
-ඩිලාන් ක්‍රිෂාන්ත-
