රන්ජන් කටුගම්පොල
පේරාදෙණිය විශ්වවිද්‍යාලයේ වෛද්‍ය සිසුන් පස් දෙනකුගේ ශිෂ්‍යභාවය අහෝසි කිරීම කරමින් අවලංගු උපාධියේ අවසාන වසර විභාගයට පෙනී සිටීමට අවසර දෙමින් අභියාචනාධිකරණය නිකුත් කර තිබූ නියෝගය ශ්‍රේෂ්ඨාධිකරණය ඊයේ (12) බලරහිත කළේය.
උපාධිය වසර දහයක කාලයක් ඇතුළත අවසන් කළ යුතු බවට සඳහන් රෙගුලාසි උල්ලංඝනය කරමින් වසර දහයක් තුළ වෛද්‍ය උපාධිය නොකළ සිසුන් අවසන් පස් දෙනකුගේ ශිෂ්‍යභාවය අහෝසි කිරීම අවලංගු කරමින් අභියාචනාධිකරණය නිකුත් කළ නියෝගයට එරෙහිව පේරාදෙණිය විශ්ව විද්‍යාලය ගොනුකර තිබූ විශේෂ අභියාචන පෙත්සමකට අවසර දෙමින් ශ්‍රේෂ්ඨාධිකරණය මෙසේ නියෝග කළේය.
පේරාදෙණිය විශ්ව විද්‍යාලය එහි වෛද්‍ය පීඨයේ පිඨාධිපතිවරයා ඇතුළු පිරිසක් විසින් ගොනුකර ඇති පෙත්සමේ වගඋත්තරකරුවන් වශයෙන් මහනුවර ප්‍රදේශයේ පදිංචි ඩී. ඩී. බන්දුල මහතා ඇතුළු පස් දෙනෙක් නම් කරනු ලැබ සිටියහ.ශ්‍රේෂ්ඨාධිකරණ විනිසුරුවරුන් වන මහින්ද සමයවර්ධන, ආචාර්ය සෝභිත රාජ කරුණා සහ ගිහාන් කුලතුංග යන මහත්වරුන්ගෙන් සමන්විත ශ්‍රේෂ්ඨාධිකරණ විනිසුරු මඬුල්ලක් හමුවේ පෙත්සමසලකා බැලිණි.
අනෙකුත් විනිසුරුවන්ගේ එකගත්වයෙන් ශ්‍රේෂ්ඨාධිකරණ විනිසුරු ආචාර්ය සෝභිත රාජකරුණා මහතා විසින් ප්‍රකාශයට පත් කරන ලදී. තීන්දුවේ මෙසේ සඳහන් වේ.පේරාදෙණිය විශ්ව විද්‍යාලයේ ශිෂ්‍ය අත්පොත් වෛද්‍ය සිසුවකු ලියාපදිංචි වී වසර දහයක් ගත වීමෙන් පසු ඔහුගේ ශිෂ්‍යභාවය අහෝසි වන බවට දක්වා ඇති නීතිය බල රහිත කරමින් අභියාචනාධිකරණය මගින් රිට් ආඥාවක් නිකුත් කර ඇති අතර ඊට අමතරව පෙත්සම්කරුවන්ගේ ශිෂ්‍යභාවය අහෝසි කරමින් දී තිබූ නියෝගය අවලංගු කර ඔවුන්ට වෛද්‍ය උපාධියේ අවසාන වසර පරීක්ෂණ සඳහා පෙනී සිටීමට අවසර දෙමින් අභියාචනාධිකරණය රිට් ආඥාවක් ද නිකුත් කර ඇත.
අභියාචනාධිකරණයේ එම තීන්දු වලට එරෙහිව පේරාදෙණිය විශ්ව විද්‍යාලය හා එහි වෛද්‍ය පීඨයේ පිඨාධිපතිවරයා ඇතුළු පිරිසක් මෙම අභියාචන පෙත්සම
ශ්‍රේෂ්ඨාධිකරණය හමුවේ ගොනුකර තිබේ.පෙත්සම්කරුවන් 1982, 1997, 1994, 1996 සහ 1992 යන වර්ෂවලදී පස් වසරක වෛද්‍ය උපාධිය සඳහා ඇතුළත් වූ සිසුහු වෙති.
වසර දහයක් තුළ වෛද්‍ය උපාධිය සම්පුර්ණ කළ යුතු බවට සඳහන් රීතිය පේරාදෙණිය විශ්ව විද්‍යාලයේ ශිෂ්‍ය අත්පොතේ සඳහන් රීතිය හා රෙගුලාසිය සෑහෙන කාලයක් තිස්සේ අනුගමනය කර ඇති නමුත් වග උත්තරකාර පෙත්සම්කරුවන් විසින් අදාළ කාල සීමාව තුළ වෛද්‍ය උපාධිය සම්පූර්ණ කිරීමට වශයෙන් වෛද්‍ය තත්වයන් අසමත් වූ හේතු වශයෙන් වෛද්‍ය තත්වයන් විශ්ව විද්‍යාලය වසා තැබීම හෝ මානසික අපහසුතා යන කරුණු දක්වා නොමැති බවත් සඳහන් කර ඇත.
පෙත්සම්කාර විශ්ව විද්‍යාලය වැඩිදුරටත් කියා සිටින්නේ අදාළ සංශෝධන විධානයන් සඳහන් විශේෂිත හේතු කාරණා දෙකක් මත අදාළ කාලය දික් කිරීම සිදු කරන බවත් ශිෂ්‍යයා රෝගයකින් පෙළීම සහ වෙනත් අධ්‍යයන කටයුතු වල බාධාවක් යන කාරණා දෙක පදනම් මත වසර දෙකක අධ්‍යයනය කාලය ද දික් කළ යුතු බව එම සංශෝධනවල සඳහන්ව ඇති නමුත් වග උත්තරකාර පෙත්සම්කරුවන් ඒ සම්බන්ධයෙන් කරුණු තහවුරු කිරීමට අසමත් වී ඇත.
දෙවැනි වගඋත්තරකාර පෙත්සම්කරු 2003 අවසාන විභාගයේ විෂයයන් හතරක් අසමත් වීමෙන් පසු 2004 වසරේදී විභාගයට පෙනී සිටීමට ඔහුට අවස්ථාව තිබියදී ඔහු විභාගයට පෙනී නොසිටි 2012 පෙත්සම ගොනුකර ඇති බවත් අධිකරණ ක්‍රියාවලිය අවභාවිත කර ඇති බවත් විශ්වවිද්‍යාලය කියා සිටී.
වග උත්තරකාර පෙත්සම්කරුවන් ''විජයකෝන් එදිරිව පේරාදෙණිය විශ්ව විද්‍යාලය නමැති නඩුවේ පූර්වාදර්ශඉදිරිපත් කරමින් කියා සිටින්නේ එම නඩුකරය මෙවැනි තත්වයන්ට සමාන බවත් එහිදී ද අමතර සහන ප්‍රදානය කර ඇති බවත්ය. දෙපාර්ශ්වයේ කරුණු ඉදිරිපත් කිරීමෙන් අනතුරුව අධිකරණය විසින් සලකා බැලිය යුතු ප්‍රධාන ප්‍රශ්නය වන්නේ විශ්ව විද්‍යාල බලධාරීන් වගඋත්තරකාර පෙත්සම්කරුවන්ගේ ශිෂ්‍ය භාවය වසර දහයකින් අවසන් වීම සම්බන්ධයෙන් ගත් තීරණයට අධිකරණයට මැදිහත්වීමට හැකියාවක් ඇද්ද ? නැද්ද ? යන්න පිළිබඳව අධිකරණය විසඳිය යුතු ප්‍රශ්නය බව තීන්දුවේ සඳහන් කර ඇත.
ඉදිරිපත් වූ කරුණු අනුව අදාළ ශිෂ්‍යයන්ට විභාගය කල් දැමීම සම්බන්ධයෙන් අධිකරණය තෘප්තිමත් වන කරුණු පැහැදිලි කිරීමක් සිදු කර නොමැති බව අධිකරණයේ නැඟීමයි. ඒ අනුව අභියාචනාධිකරණය වගඋත්තරකාර සිසුන්ට වෛද්‍ය උපාධියේ අවසාන වසර පරීක්ෂණයට පෙනී සිටීමට අවස්ථාවක් ලැබේ යැයි නීත්‍යනුකූල බලාපොරොත්තුවක් තිබූ බවට අභියාචනාධිකරණය ගත් තීන්දුව සම්බන්ධයෙන් තමන්ට එකඟ විය බව සිය තීන්දුවේ සඳහන් කළ ශ්‍රේෂ්ඨාධිකරණ විනිසුරු ආචාර්ය සෝභිත රාජ කරුණා මහතා නඩුවේ හේතු සහ කරුණු සැලකිල්ලට ගැනීමේදී වගඋත්තරකරුවන්ට නෛතික හෝ සමානාත්මතා මුලධර්ම යටතේ රිට් ආඥාවක් ලබා ගැනීමට කරුණු තහවුරු වී නොමැති බව අධිකරණයේ මතයයි.
ඒ අනුව අභියාචනාධිකරණය විසින් අදාළ රිටි අයැදුම්පත වෙනුවෙන් සහන ලබාදීම වැරැදි සහගත බව තීරණය කළ ශ්‍රේෂ්ඨාධිකරණය අභියාචනාධිකරණ තීන්දුව ඉවත දැමීය. පේරාදෙණිය විශ්ව විද්‍යාලය වෙනුවෙන්න නියෝජ්‍ය සොලිසිටර් ජනරාල් මනෝහාර ජයසිංහ මහතා පෙනී සිටියේය. වග උත්තරකාර විශ්ව විද්‍යාල සිසුන් වෙනුවෙන් නීතිඥ කීර්ති තිලකරත්න මහතා පෙනී සිටියේය.
