කුලියාපිටිය ඇපලදෙණිය මහ විදුහලේදී සිසුවෙකු විසින් කරන ලද පහරදීමකින් මියගිය සිසුවා සමිබන්ධයෙන් එම විදුහලේ විදුහල්පතිවරයා කිසිදු සැලකිල්ලක් නොදක්වා ඇතැයි පවසමින් දෙමවුපියෝ පිරිසක් ඊයේ (20දා) උදෑසන එම විදුහල ඉදිප්පිට විරෝධතාවක නිරත වූහ.
අදාළ විදහලයේදී පසුගිය 15 වැනිදා සිසුවෙකු විසින් කරන ලද පහරදීමකින් අසාධ්‍ය තත්ත්වයේ පසු වූ තවත් සිසුවෙකු කුලියාපිටිය රෝහලට ඇතුළත් කිරීමෙන් පසු කුරුණෑගල ශික්‍ෂණ රෝහලට මාරුකර යවා තිබූ අතර, එහි ප්‍රතිකාර ලබමින් සිටියදී පසුගියදා (18දා) ජීවිතසෂයට පත්ව තිබිණි.
මෙලෙස ජීවිතක්ෂයට පත්වූයේ සචිත දයාන් (අවු.14) නමැත්තෙකි.
පහරකෑමට ලක්වූ සිසුවා විදුහල්පති කාර්යාලය අසල බිම වැටී සිටියද විදුහල්පතිවරයා නොසැලකිලිමත්ව කටයුතු කින්ම හේතුවෙන් රෝහල්ගත කිරීම ප්‍රමාද වී ඇති බවත්, එම නිසා මෙම මරණය සිදුව ඇති බවත් විරෝධතාකරුවෝ පැවසූහ.
එහිදී මියගිය සිසුවාගේ විශාල ප්‍රමාණය ඡායාරූපයක් හා විවිධ සටන් පාඨ පුවරු ප්‍රදර්ශනය කරමින් මෙම විරෝධතාව පැවැත්විණි.
විරෝධතාවට එක්ව සිටි මවක අප වෙත අදහස් දක්වමින් පවසා සිටියේ, “සචිත දරුවාට විදුහලේදීම සිසුවෙකු විදුහල් බිමේදී පහර දෙදී 'මට ගහන්න එපා'යි කෑගසමින් විදුහල්පති කාර්යාලය දෙසට දුවගාස්තු බිම වැටී තිබෙනවා. එවිට ඔහු සිට ඇත්තේ ක්ලාන්තයකින් වැනි අසාධ්‍ය තත්ත්වයකින්. විදුහල්පතිවරයා මේ තත්වය සැලකිල්ලට නොගෙන කටයුතු කර ඇත්තේ ඉතා අකාර්යක්‍ෂම අයුරීන්, හැකි ඉක්මනින් ඒ දරුවාව රෝහල්ගත කළේ නම් දරුවාගේ ජීවිතය බේරාගන්න තිබුණා යැයි අපි විශ්වාස කරනවා" යනුවෙනි.
අනතුරුව විරෝධතාකරුවන් කුලියාපිටිය අධ්‍යාපන කාර්යාලය වෙත යාමට සුදානම් වූ අතර, එම අවස්ථාවේදී පොලීසියේ දැනුම් දීම මත කුලියාපිටිය කලාප කාර්යාලයේ කලාප නියෝජ්‍ය අධ්‍යාපන අධ්‍යක්ෂක හා දහනැක්ගෙදර අධ්‍යාපන කොට්ඨාසයේ අධ්‍යාපන අධ්‍යක්‍ෂ එස්.එච්.එම්.ඒ. චන්ද්‍රසේන යන මහත්වරු විරෝධතාව පැවැති ස්ථානයට පැමිණ විරෝධතාකරුවන් සමග සාකච්ඡා කළහ.
එහිදී විරෝධිතාකරුවන් ආවේගශීලීව පවසා සිටියේ, අදාළ විදුහල්පතිවරයා එම අවස්ථාවේම මාරුකර යැවිය යුතු බවත්, ඒ නොවන්නේ නමි, තම දරුවන් පාසලෙන් ඉවත් කර ගැනීමට කටයුතු කරන බවත්ය.
එහිදී අදහස් දැක්වූ කලාප නියෝජ්‍ය අධ්‍යාපන අධ්‍යක්‍ෂ ඩී.පී.පී. කුමාර මහතා,
"දෙමවුපිය චෝදනා සම්බන්ධයෙන් විධිමත් පරික්ෂණයක් අධ්‍යාපන කාර්යාලය මිහින් ආරම්භ කරනවා. විදුහල්පතිවරයා වරදක් කර තිබේද යන්න ගැන මෙහිදී නිශ්චය කළ නොහැකියි, ඔහුට එරෙහි දෙමවුපිය චෝදනා සමිබන්ධයෙන් දෙමවුපියන්ට එම පරීක්‍ෂණයේදී කරුණු ඉදිපත් කළ හැකියි" යැයි පැවසීය..
කෙසේ වුවද, අදාළ විදුහල්පතිවරයා ඉවත් කළ යුතුය යන ස්ථාවරයේ විරෝධතාකරුවන් සිටීම හේතුවෙන් විදුහල්පති කාර්යාලයේදී කලාප නියෝජ්‍ය අධ්‍යාපන අධ්‍යක්‍ෂවරයා ඇතුළු පිරිස විදුහල්පතිවරයා සමග සාකච්චාවක් පැවැත්වූහ.
එම සාකච්ඡාවෙන් අනතුරුව විරෝධතාකරුවන් හමුවේ අදහස් දැක්වූ
හේමකුමාර මහතා, අදාළ පර්ෂවයේ කටයුතු ඉතා කඩිනමින් ආරම්භ කරන අතර, ඔහුට එරෙහි දෙමවුපියන්ගේ චෝදනා හා යෝජනා එහිදී ඉදිරිපත් කළ හැකි බවත්, විදුහල්පතිවරයා අද (2දා) දින සිට කුලියාපිටිය අධ්‍යාපන කාර්යාලයට අනුයුක්ත කර, නියෝජ්‍ය විදුහල්පතිවරයාට විදුහල් පරිපාලන කටයුතු බාරදෙන බවත්ය.
එය පිළිගත් විරෝධතාකරුවෝ පසුව විසිර ගියහ.
