රාජපක්ෂ ආණ්ඩුව යටතේ ප්‍රාදේශීය සභා සභාපතිවරුන් තාත්තාවන් දුෂණය කර පාටි දාද්දි සහ අවුරුදු 10ක් තිස්සේ කාන්තා ප්‍රචණ්ඩත්වය අඛන්ඩව සිදුවෙද්දී පොලිසියත් සම්පූර්ණ ආරක්ෂක අංශයත් භාර ලේකම් ලෙස කාන්තාව එදා ආරක්ෂා නොකළ ගෝඨාභය රාජපක්ෂ රටේ ජනාධිපති වී කාන්තා පරපුරට රැකවරණය දෙන්නේ කෙසේ දැයි බහුතරය වන කාන්තාව ප්‍රශ්න කරන බව එක්සත් ජාතික පක්ෂ නායක අග්‍රාමාත්‍ය රනිල් වික්‍රමසිංහ මහතා කොළඹදී පැවසීය.
බහුතරය වන කාන්තාව ආරක්ෂා නොකළ ගෝඨාභය රාජපක්ෂ රටට, ජාතික ආරක්ෂක්‍ෂාව සළසන්නේ කසේ දැයි වහාම පැහැදිළි කළ යුතු බව පැවසූ අග්‍රාමාත්‍යවරයා, සජිත් ප්‍රේමදාස රජයක් යටතේ කාන්තා අයිතිවාසිකම් ආරක්ෂා කරමින් කාන්තාව සමාජයේ සෑම ක්ෂේත්‍රයකම ඉදිරියට ගෙන ඒමේ ක්‍රමවේදය සකස් කෙරෙතැයි ප්‍රකාශ කළේය.
අග්‍රාමාත්‍යය රනිල් වික්‍රමසිංහ මහතා මේ බව කියා සිටියේ කොළඹ 07, කාන්තා සම්මේලන මධ්‍යස්ථානයේ පැවති කාන්තා සම්මේළනයේ ප්‍රධාන ආරාධිතයා ලෙස එක්වෙමිනි.
කාන්තාවන් නැගු ප්‍රශ්නයට පිළිතුරු දිමටද අග්‍රාමාත්‍ය රනිල් වික්‍රමසංහ මහතා එහිදි කටයුතු කළේය.
වැඩිදුරටත් අදහස් දැක්වූ අග්‍රාමාත්‍ය රනිල් වික්‍රමසිංහ මහතා මෙසේද කීවේය.
"රටේ බහුතරය අද කාන්තාවන්. එසේනම් සුළුතර ප්‍රශ්න වගේම කාන්තා බුහුතරයේ ප්‍රශ්න ද විසඳන්න තිබෙනවා. මේ බහුතරය ඒක ආගමකට,එක ජාතියකට, එක වයස් කණ්ඩායමකට, එක් ආර්ථික පන්තියකට, ගමට, නගරයට සීමා වී නැහ. සියයට 52 ක බහුතර කණ්ඩායම් මුළු රටම නියෝජනය කරනවා.
මේ සියයව 52 ව ප්‍රජාතන්ත්‍රවාදය යටතේ තමන් සියලුම අයිතිවාසිකම් බුක්ති විදීම එක්සත් ජාතික පක්ෂය පිළගෙන නිබෙනවා. ඒ වැඩපිළිවෙළ ඉදිරියට ගෙනියන්න අපේ නියෝජ්‍ය නායක සජිත් ප්‍රේමදාස ජනාධිපතිවරණයට ඉදිරිපත් කළා.
අද පළමු වතාවට රටේ කාන්තා නියෝජනයක් දේශපාළන මණ්ඩළයට, සභාවට. නියෝජ්‍ය සභාවට දී තිබෙන්නේ අපේ ආණ්ඩුව යටතේයි. අද සීයට 25ක් නෙවෙයි සියයට 30ක් පමණ කාන්තාවන් ඒ මණ්ඩලයේ සිටිනවා.
මේ ප්‍රතිශතය තව වර්ධනය කළ යුතුයි. ඒ අනුව විශේෂයෙන්ම පළාත් සභාවලත් මේ ක්‍රමවේදය ගේන්න මම බලාපොරොත්තු වෙනවා. ඒ වගේම ද්විතීය සභාවක් උනත් සමහරුන් දැන් කතා කරනවා. ද්විතීය සභාවටත් මේ සුදුසුකම් දිරිපත් කරන්න පුළුවන්. එහෙමනම් සියයට 25 ක නියෝජනය ඒතෙන්ටත් එනවා.
ජාතික මට්ටමේ සිට ගම් මට්ටම දක්වා හැම කාන්තා කණ්ඩායමක්ම එකට එකතුවෙනවා නම් ඒකත් විශාල බළවේයක්.
මෙයට සමගාමීව අනෙක් අංශ දිහාත් බළන්න පුලුවනි. රාජ්‍ය අංශයේ කන්තා නියෝජනය පවතිනවා. පෞදගලික අංශයේ කාන්තා නියෝජනය ගැනත් ක්‍රියා කළ යුතුයි. සමස්තය විදියට කාන්තාව රැකියා සඳහා ඇතුළත් වෙනවා අඩුයි. ඒ සංඛ්‍යාව වැඩි කළ යුතුයි. අපේ රටේ දැන් විශාල ආර්ථීක වැඩසහනක් ක්‍රියාකරගෙන යනවා.
දැනට රටි ණය ප්‍රශ්න විසඳාගන යනවා. අඩු ගානේ ස්ථාවරභාවය අද ඇති වෙලා. තව ණය ගෙවන්න තිබෙනවා. ඒ සඳහා තව විදේශ විනිමය අවශ්‍යයි. ඒ වෙනුවෙන් අපනයන ආර්ථිකය ඇති කළ යුතුයි. මෙයට වඩා සීග්‍රෙයන් දියුණු වෙන්න ආයෝජන අවශ්‍යයි. ඒ ආයෝජන ගැනීම් වෙනුවෙන් ඡන්දයෙන් පසු විශාල වැඩපිළිවෙළක් සකස් කර අවසානයි. සංචාරක ව්‍යාපාරය කර්මාන්ත දියුණු කරන්න. කෘෂිකර්මය නවීකරණය කරන්න,තොරතුරු තාක්ෂණය ගේන්න ඇත්ත වශයෙන්ම කාන්තාව වේවාව සහභාගී වෙන්න ඕන.
කාත්තාවන්ගේ වේතන, පිරිමි වේතන හා සමාන වෙන්න ඕන. වේතන අසමාන වෙන්න විදියක් නැහැ. දෙවනුව දිවා සුරැකුම් අධ්‍යස්ථාන ඇති කරන්න දැන් ලෝක බැංකුව සමග කතා කරගෙන යනවා. ඒ වගේම පෙර පාසල් දියුණු කරන්නත් වැඩසටහන් කර ගෙන යනවා. අපේ ප්‍රතිපත්ති ප්‍රකාශනයෙත් ඒ ගැන සඳහන් වෙනවා.
මේ ආයතන ආරම්භ කළවිට කාන්තාවට රැකියා ලැබෙනවා. එතෙන්ට දරුවන් යොමු කර කාත්නාවන්ට රැකියාවල නිරත වෙන්න හැකියි.
ඊළඟට තිබෙන්නේ කාන්තාවන් සඳහා ප්‍රවාහන ක්‍රමය දියුණු කිරීමය. ප්‍රවාහන ක්‍රමය දියුණු කරීමත් සමග බොහෝ ප්‍රශ්න විසඳෙනවා.
කාන්තා ප්‍රචණ්ඩත්වය පිළිබදවත් විශේෂ අවධානය යොමු කරනවා.
කාන්තා ප්‍රචණ්ඩත්වයට එරහි නීතිය සමිපූර්ණයෙන්ම ක්‍රියාත්මක කිරීමට ඊළඟ අවුරුදු පහ, හයේදී අවස්ථාව ලැබෙනවා. ඒ වෙනුවෙන් පොළිසිය ප්‍රතිසංවිධානය කරගෙන යනවා. මේ වැඩපිළිවළ ඉදිරියටම කරගෙන යනවා.
පවුලේ ආර්ථිකය දියුණු විය යුතුයි. උසස්, මධ්‍යම ආදායම් ආර්ථිකය පවත්වා ගෙන යාමට සැළසුම් කර තිබෙනවා. මෙයට සාපේක්ෂව පවුලේ ආදායම වැඩි විය යුතුයි.
ආදායම් වැඩි වීමත් සමග නිවසේ තිබෙන ඇතැම් උපකරණ නිසා කටයුතු පහසු වෙනවා. බොහෝ නිවෙස්වල අද දර ළිප් නැහ. නිවිසට කරන විශාලතම පහසුව කාන්තාවන්ගේ කටයුතු පහසු කරවීමයි.
නිවසේ කටයුතුවල නිරත වන කාළසිමාව අඩු කිරීමෙන් ස්වයං රැකියාවක, වෙනත් රැකියාවක නිරත විමේ අවස්ථාව කාන්තාවට ලබෙනවා.
කාන්තාවන් දුෂණය කරද්දී පාටි දමද්දි කාන්තා ප්‍රචණ්ඩත්ත්වය වෙද්දි අවුරුදු 10ක් ත්ස්සේ ඇමතිවරයාවත්, ලේකම්වරයාවත් කිසිවක් කළේ නැහැ. ඒකකෙනෙකුවත් හිරේ දැම්මේ නැහැ. දැන් කියනවා පොලිසිය භාර හිටපු ලේකම් ජනාධිපති කරන්නලු.
මේ ලේකම් යටතේ කාන්තාවන්ට එදා ආරක්ෂාව තිබුණද? කාන්තාවට ඉදිරියට යන්න පුළුවන් වුණාද? අතීත වාර්තාව බලා කාන්තාව ඡන්දය දෙන්න පුළුවන් සජිත් ප්‍රේමදාසට පමණයි කියා මා කියනවො.
සම්පුර්ණ ආරක්ෂක අංශ තමා යටතේ සිටියදී කාන්තාවන් ආරක්ෂා කරන්න ගෝඨාබට බැරිවුණා. දැන් මට බාර දෙන්න මා කාන්තාවකන්ව ආරක්ෂා කරන්නම්ලු.
කාන්තාව එක හා සමාන අයිතිවාසිකම් තියන අය විදියට එදා සළකුවෙ නැහැ, සෙල්ලම් බඩු ගානට කාන්තාව දැම්මා.මේ රටේ බහුතරය වූ සියයට 52 ක් වන කාන්තාවන්ගන් එකක් අහනවා. වෙනසක් වුනොත් ඔබට ආරක්ෂාව ලැබෙනවාද?
දැන් ගෝඨාභය රාජපක්ෂ ජාතික ආරක්ෂාව දෙනවා කියනවා. බහුතරය වුණ කාත්තාව ආරක්ෂා නොකළ ගෝඨාභය රාජපක්ෂ රට්ට ජාතික ආරක්ෂාව සළසන්නේ කෙසේද? කාන්තාව අපේ රටේ අයට නෙවෙයිද? රටේ බහුතරය කාන්තාව නොවෙයිද? ඒ ප්‍රශ්න ගණ්ඨාභය රාජපක්ෂගෙන් අහනවා.
ජනාධිපතිවරණයේදී කාන්තාවන්ට නිබෙන් එකම් විකල්පයයි. කාන්තා අයිතිවාසිකම් ආරක්ෂා කර ඉදිරියට ගෙන ගියේ අප විතරයි. ඒවා ක්‍රියාත්මීක කළේ අප විතරයි. ඒ නිසා කාන්තා අයිතිවාසිකම් ආරක්ෂා කර ගැනීමට සජිත් ප්‍රේමසට ජන්දය දෙන්න.
කාත්තාව සෙල්ලම් බඩු කරන්න ඕනෑ නම් පත් කර ගන්න ඕනෑ කව්දැයි මා කියන්නේ නැතැයි ද අග්‍රාමාත්‍යවරයා එහිදී පවසීය.
මේ අවස්ථාව සඳහා එක්සත් ජාතික පක්ෂ උප නායක විදුලිබල, බලශක්ති සහ ව්‍යාපාර සංවර්ධන අමාත්‍ය රවි කරුණානායක මහතා ඇතුළු පිරිසක් එක්ව සිටියහ.
නිමල කොඩිතුවක්කු
