අංජුල මහික වීරරත්න
රාජ්‍ය සේවයේ අත්දැකීම් සහිත නිපුණතාවක් ඇති වෘත්තිකයන් රඳවා ගැනීම සදහා තෝරාගත් ක්ෂේත්‍ර කිහිපයක විශ්‍රාම් ගැන්වීමේ වයස ඉහළ හැංවීමට අවධානය යොමුව තිබෙන බව ජනාධිපති අනුර කුමාර දිසානායක මහතා පැවසීය.රාජ්‍ය පවත්වාගෙන යාම වෙනුවෙන් වැඩි ප්‍රතිපාදන ප්‍රමාණයක් වැය කිරීම ජනතාවගේ පාර්ශ්වයෙන් කිසිසේත් සාධාරණ නොවන බව ජනාධිපතිවරයා කීය.
ජනාධිපති අනුර කුමාර දිසානායක මහතා මේ බව සඳහන් කළේ ගාල්ල දිස්ත්‍රික් ලේකම් කාර්යාලයේදී පෙරේද (28) පස්වරුවේ පැවති ගාල්ල දිස්ත්‍රික් විශේෂ සම්බන්ධිකරණ කමිටු රැස් වීමට එක් වෙගිනි. 2026 අයවැය ප්‍රතිපාදන යටතේ ගාල්ල දිස්ත්‍රික් සංවර්ධන සැලැස්ම ඇතුළුව ගාල්ල දිස්ත්‍රික් ලේකම් කාර්යාලය විසින් ක්‍රියාත්මක කරන ලද සංවර්ධන ව්‍යාපෘතිවල ප්‍රගතිය සහ 2027 මුල්‍ය අවශ්‍යතා පිළිබඳව ද මෙහිදී පුළුල් ලෙස විමසා බැලිණි. සියයට 9ක තේ පවතින පුනරාවර්තන වියදම් අඩු කර ගනිමින්, සියයට 4ක් වන ප්‍රාග්ධන වියදම් ඉහළ නැංවීමේ අරමුණ ඇතිව ඉදිරි වසරේ ආර්ථික සැලසුම් සකස් කර තිබෙන බව ජනාධිපතිවරයා සඳහන් කළේය.
2027 වසරේ ප්‍රාග්ධන වියදම් ලෙස රුපියල් ට්‍රිලියන දෙකක් වෙන් කිරීමට සැලසුම් කර තිබෙන බවත්, එය සියයට 40ක පමණ වැඩිවීමක් බවත් ජනාධිපතිවරයා පෙන්වා දුන්නේය. භාණ්ඩාගාරයට ලැබෙන සෑම රුපියලක්ම රටේ සංවර්ධනය සහ උන්නතිය උදෙසා යෙදවීම අපේක්ෂාව බව මෙහිදී අවධාරණය කළ ජනාධිපතිවරයා අනාගත පරපුරට ණය ගෙවීමට සිදු නොවන, මුල්‍ය විනයක් සහිත රටක් ගොඩ නැගීම රජයේ අපේක්ෂාව බව ද සඳහන් කළේය. ජාත්‍යන්තර වාර්තා තුළ මේ වන විට ශ්‍රී ලංකා ආර්ථිකයේ ප්‍රගතිය සහ සමාජ දර්ශක පිළිබඳ ඇගැයීම් යහපත් මට්ටමක පවතින බවත්, එක් යුගයක ණය ගෙවාගත නොහැකි වූ, දූෂණය සහ සමාජ අපරාධ පිරුණු රටක් ලෙස ජාත්‍යන්තරයේ කතාබහට ලක් වූ රට අද ප්‍රශස්ත ආර්ථිකයක් සහිත සහ දූෂණය අවම වූ රටක් ලෙස ජාත්‍යන්තරයේ ඇගැයීමට් ලක්ව තිබ බවත් ජනාධිපති අනුර කුමාර දිසානායක මහතා මෙහිදී වැඩිදුරටත් පැවසීය.
රාජ්‍ය අංශයේ කාර්යක්ෂමතාව ඉහළ නැංවීම සහ ජනතාවට නිවසේ සිටි සිය සේවා ඉටුකරගත හැකි අන්දමින් රාජ්‍ය සේවය ඩිජිල්කරණයට, රජය ඉදිරි අයවැයෙන් විශේෂ අවධානය යොමු කර තිබෙන්නේ යැයි ද ජනාධිපතිවරයා සඳහන් කළේය.රාජ්‍ය අංශය රැකියා පුරවන තැනක් බවට පත් කරමින් රාජ්‍ය දේහය කඩා දැමීම හේතුවෙන් අහිතකර ආර්ථික ප්‍රතිවිපාකවලට මුහුණ දීමට සිදු වූ බව මෙහිදී පෙන්වා දුන් ජනාධිපතිවරයා රැකියා ඇතිවන එළියේ ආර්ථිකයක් ගොඩනැගිම රජයක වගකීම බවත්, ඒ තුළින් තරුණ තරුණියන්ට රැකියා අවස්ථා උදාකර දිය හැකි බවත් පෙන්වා දුන්නේය.
ගාල්ල දිස්ත්‍රික් සංවර්ධන සැලැස්මේ ප්‍රගතිය ද මෙහිදී සමාලෝචනය කෙරුණු අතර නගර යනු ගොඩනැගෙන ඒවා මිස ගොඩනැගුණු ඒවා නොවන බවත්, ඒ අනුව විධිමත් සැලැස්මක් යටතේ යුගයේ අවශ්‍යතාව අනුව නගර නිර්මාණය වීමේ වැදගත්කමක් ජනාධිපතිවරයා පෙන්වා දුන්නේය.මෙහිදී පළාත් සභා මගින් ක්‍රියාත්මක ව්‍යාපෘති පිළිබඳව ද අවධානය යොමු කෙරුණු අතර ඒ යටතේ භෞතිකව ව්‍යාපෘති සියයට 90ක කටයුතු මේ වන විට අවසන් කර තිබෙන බව සඳහන් කෙරිණි.
ආයතන අතර පවතින ගැටුම හේතුවෙන් ඇතැම් ව්‍යාපෘති ප්‍රමාදවී තිබිම පිළිබඳව මෙහිදී ජනාධිපතිවරයාගේ අවධානය යොමු කෙරුණු අතර එම ගැටලු විසඳාගනිමින් ජාතික සැලැස්මක් අනුව සියලුදෙනා කටයුතු කිරීමේ අවශ්‍යතාව ද පැහැදිලි කළේය.ග්‍රාමීය මාර්ග සංවර්ධනය පිළිබඳවද මෙහිදී විශේෂ අවධානයක් යොමු කෙරුණු අතර රුපියල් මිලියන 250 ක ප්‍රතිපාදන යටතේ ව්‍යාපෘති 122 ක් අනුමත වි ඇති අතර, ඉන් ව්‍යාපෘති 57 ක වැඩ දැනටමිත් අවසන් කර තියන බව අනාවරණය කෙරිණි.
බහුමානීය දිළිඳුකම පිටු දැකීම අරමුණු කරගත් ප්‍රජායක්ති වැඩසටහන යටතේ නිෂ්පාදන ආර්ථිකය, ආහාර සුරක්ෂිතතාව, සමාජ පරිසරය, මානව සම්පත් සංවර්ධනය සහ සැපයුවාල ප්‍රවේශය රැකවරණය කෙරෙහි ව්‍යාපෘති අවධානය යොමු කරමින් රැසක් ක්‍රියාත්මක අතර එහිදී ප්‍රගතිය ද සමාලෝචනය කෙරිණි.
දිස්ත්‍රික්කයේ නිල සෙවන කාර්යාල ඉදිකිරීම පාසල් - ක්‍රීඩා සංවර්ධනය සඳහා ද විශේෂ ප්‍රතිපාදන වෙන් කර තිබෙන අතර රට තුළ ක්‍රීඩා සංස්කෘතියක් ගොඩනැගිමේ දී ක්‍රීඩා පිටි ඉදිකිරීම පමණක් ප්‍රමාණවත් නොවන අතර ක්‍රීඩාව දෛනික ජන ජීවිතයේ කොටසක් බවට පත් කිරීම සඳහා සමාජය තුළ ආකල්පමය ෂනසක් ඇති කිරීමේ වැඩපිළිවෙළක අවශ්‍යභාව ද ජනාධිපතිවරයා පෙන්වා දුන්නේය.
නිවසක් ඉදිකර ගැනීම සඳහා ලක්ෂ 10ක් දීමේ වැඩසටහන ඇතුළු දිස්ත්‍රික්කයේ ජනතාව ඩනුෂඩන් ක්‍රියාත්මක නිවාස වැඩසටහන්හි ප්‍රගතිය ද ජනාධිපතිවරයා මෙහිදී විමසා බැලීය. මෙහිදී Rebuilding Sri Lanka වැඩසටහන ක්‍රියාත්මක කිරීමේ ප්‍රගතිය පිළිබඳව ද සාකච්ඡා කෙරුණු අතර දිව්වා ආපදා තත්වය වෙනුවෙන් වෙන් කළ මුදල් මෙහි මුල්‍ය වර්ෂය තුළඹ වියදම් කිරීමේ අවශ්‍යතාව ද ජනාධිපතිවරයා පෙන්වා දුන්නේය.
විෂ ඔත්ද්‍රව්‍ය උවදුර මුලිනුපුටා දැමීමේ “රටම එකට” ජාතික මෙහෙයුමේ ගාල්ල දිස්ත්‍රික් ප්‍රගතිය ද මෙහිදී සමාලෝචනය කෙරුණු අතර “රටම එකට” මෙහෙයුම ආරම්භ වූ 2025- 10 - 30 දින සිට මේ දක්වා දිස්ත්‍රික්කය තුළ සිදු කළ වැටලීම් 12,608ක් අනුව විෂ මත්ද්‍රව්‍ය කිලෝ ග්‍රෑම් 119.6ක් අන්ඩඅංගුවට ගෙන තිබෙන බව අනාවරණය කෙරිණි.
දිස්ත්‍රික්කය තුළ මත්ද්‍රව්‍ය ජාලය බිඳ දැමීමේදී සියලු ආයතන ඒකාබද්ධව කටයුතු කිරීමේ අවශ්‍යතාව ජනාධිපතිවරයා පෙන්වා දුන්නේය.ගාල්ල නගර සංවර්ධන සැලැස්ම පිළිබඳව ද මෙහිදී විශේෂ අවධානය යොමු කෙරුණු අතර ගාල්ල කොටුව සංචාරක කලාපයක් ලෙස සංවර්ධනය කිරීම, ගාල්ල නගරය ආර්ථික කලාපයක් ලෙස සංවර්ධනය කිරීම සහ මහමෝදර පරිපාලන කලාපයක් ලෙස සංවර්ධනය කිරීම ඒ යටතේ සිදු කෙරේ.
මීගමුව බන්ධනාගාරයේ ප්‍රතිසංස්කරණ කටයුතු නිම වන තෙක් එම රැඳවියන් තාවකාලිකව ඔහුණෝදර සහ බෝගම්බර කඳවුරුවල තාවකාලිකව රඳවා තැබීමට තීරණය කළද, එය ස්ථිර බන්ධනාගාර බවට පත් කිරිමක් සිදු නොවන බව ජනාධිපතිවරයා මෙහිදී පෙන්වා දුන්නේය. කෙසේ වෙතත් මහමෝදර බන්ධනාගාරය පිළිබඳ තීරණය නැවත සලකා බැලීමට ද මෙහිදී අවධානය ගයාමු විය.
ගාල්ල දිස්ත්‍රික් සම්බන්ධීකරණ කමිටු සයි සභාපති වෘත්තීය අධ්‍යාපන නියෝජ්‍ය අමාත්‍ය නලින් හේවයේ ධීවර ජලස් සන සාගර සමීපත් නියෝජ්‍ය අමාත්‍ය රත්න ගමගේ, ගාල්ල දිස්ත්‍රික් සම්බන්ධීකරණ කමිටු සම සභාපති දකුණු පළාත් ආණ්ඩුකාර මහාචාර්ය සුසිරිපාල මානවඩු, ගාල්ල දිස්ත්‍රික් පාර්ලිමේන්තු මන්ත්‍රීවරුන් වන නිසාන්ත සමරවීර, ටී.කේ. ජයසුන්දර, නියාන්ත පෙරේරා, තිලංක යූ. ගමගේ, හසාරා ලියනගේ, චානක මෘදුගොඩ, ගාල්ල නගාරාධිපති සුනිල් ගමගේ, ප්‍රධාන ගල්කයි ඩන්දිම සී. මුහන්දිරම්ගේ යන මහත්ම මහත්මින් ඇතුළු පක්ෂ, විපක්ෂ දේශපාලන අධිකාරිය සහ ගාල්ල දිස්ත්‍රික් ලේකම් කේ.යූ. ඩන්දුලාල් මහතා සහ රාජ්‍ය නිලධාරීන්, ආරක්ෂක අංශ ප්‍රධානී ඇතුළු පිරිසක්ද මෙම අවස්ථාවට එක්ව සිටියහ.
