පාස්කු දින බෝම්බ ප්‍රහාරය ගැන සංචාරකයින්ගේ අදහස්-අපි නැවතත් මේ පාරාදීසයට එනවාමයි

 පාස්කු ඉරිදා සිදු වුණු අමානුෂික බෝම්බ ප්‍රහාර හේතුවෙන් මෙරට සංචාරක කර්මාන්තයට දැඩි බලපෑමක් එල්ලවී තිබුණද ඇතැම් විදේශිකයින්  මෙරට ආරක්ෂාව පිළිබඳ ඉතා සුභවාදී අයුන් කතා කළහ.
මෙවැනි ත්‍රස්ත ප්‍රහාර ලංකාවේ තුළ පමණක් නොව ලෝකයේ වෙනත් රටවලත් සිදුවන බව සදහන් කළ ඇතැම් විදේශීය සංචාරකයන් ඔවුන් යළිත් මෙරටට පැමිණෙන බව සඳහන් කර තිබිණි. මේ පිළිබඳ ඔවුහු කිහිපදෙනෙක් අපත් සමග මෙසේ අදහස් දැක්වූහ.

වැන්ඩ්‍රා (25) සහ ජේසන් බේල් (60)
(නෙදර්ලන්ත ජාතික මවක් හා දියණියක්)


 මේ ත්‍රස්ත ප්‍රහාරය ඉතා සුළු පිස්සු මිනිසුන් පිරිසකගේ වැඩක්. ඒ ගැන අපි කනගාටු වෙනවා. අපි කැමති නැහැ මේ පිස්සු මිනිසුන් දිනනවාට. ලස්සන රටක් නැතිකරන්න දෙන්න බැහැ . අපි සංචාරකයින් විදියට යළි මෙරටට නොපැමිණියහොත් මේ පිස්සු මිනිසුන් ජයග්‍රහණය කරනවා. මේ අයට ජාතියක් ආගමක් නැහැ. අපේ ආරක්ෂාව තහවුරු කරලා තිබුණා. මොන ප්‍රශ්න තිබුණත් අපි නැවත වතාවක් අනිවාර්යයෙන්ම ලංකාවට එනවා. ලංකාව දිගු ඉතිහාසයක් තියෙන රටක් . අපි පන්සලවලට ගියා. පිස්සු මිනිසුන් සුළු පිරිසක් කරන වැඩ නිසා ලංකාවේ මිනිසුන්ට දුක්විදින්න වෙනවා. මෙරට සංචාරක කර්මාන්තයට බලපෑමක් තියෙනවා මිනිසුන්ට ආදායම් මාර්ග නැතිවෙනවා. නමුත් මේ රටට අපි ගොඩක් ආදරෙයි. ලංකාව පාරාදිසයක්. අපි පළමු වතාවට තමයි ලංකාවට ආවේ. අපි නැවත ලංකාවට අනිවාර්යයෙන් එනවා. මේ සිද්ධිය වන අවස්ථාවේ අපි මහනුවර දළදා මාලිගාවේ හිටියේ. ඒ අවස්ථාවේ තමයි මෙම සිද්ධිය දැන ගත්තේ. ඒ අවස්ථාවේ පොඩි තිගැස්මක් ඇතිවුණා. පස්සේ එය පහව ගියා. ඇතැම් ගමන්බිමන් අවලංගු කළා. ඇල්ල දිය ඇල්ල පින්නවල අලි බලන්න ගියා ගාලු කොටුව බලන්නත් ආවා."


මරියානා අර්න්ට්, (ජර්මානු ජාතික කාන්තාවක්)

"මා මුල්වතාවට 80 වර්ෂයේ තමයි ලංකාවට ආවේ. වසර 39ක් තුළ 76 වතාවක් මෙරටට ඇවිත් තියෙනවා, කොග්ගල වෙරළ තීරයට මා ගොඩක් කැමතියි. කොග්ගල ලෝන් බීච් හෝටලය විවෘත කළ මුල් කාලයේදී තමයි ඒ හෝටලයට ආවේ. මේ වතාවේ ආවේ මගේ මුණුපුරා සමග. යුද්ධය පැවැති කාලයේත් අපි මෙරටට පැමිණියා. දකුණු වෙරළ තීරයේ නම් ආරක්ෂාව තහවුරු වී තියනවා. ජර්මනියෙත් මේ වගේ ප්‍රශ්න තියෙනවා. ලංකාවට එල්ල කළ ප්‍රහාරය ගැන අපි කනගාටු වනවා, මගේ දෙවැනි නිවහන තමයි ලංකාව. ලංකාවේ මිනිසුන් හිනාව කාරුණික බව ආගන්තුක සත්කාර නිසා ලංකාව ගැනෙ මගේ හදවත බැඳීගෙන ඉන්නේ. නමුත් ජර්මනියේ මේ රට ගැන අනතුරු අඟවලා තියෙනවා, ඒ නිසා මුල්වතාවට මෙරට පැමිණෙන අය පැමිණේවි කියලා හිතන්න අපහසුයි. මා නම් නැවත අනිවාර්යයෙන්ම ලංකාවට එනවා.

ෂනික්ලෝ (45)
(නෙදර්ලන්තයේ පදිංචි ප්‍රංශ ජාතික කාන්තාවක්)

"පළමු වතාවට තමයි ලංකාවට ආවේ. මේ රට් ඉතා ලසන්නයි, අපි ගොඩක් විනෝද වුණා. බෝම්බ ප්‍රහාරය ගැන අපි කනගාටු වෙනවා. යළි ලංකාවට සාමය උදාවන්න කියලා අපි ප්‍රාර්ථනා කරනවා. මෙය බලාපෙරොත්තු නොවූ ප්‍රහාරයක් , මුළින්ම අපි බය වුන. අප තුළ තිගැස්මක් ඇති වුණා නමුත් අපි සංචාරය අවලංගු කළේ නැහැ, අපි නැවත ලංකාවට එනවා. අනතුරු හැඟවීම් තිබුණත් ලංකාවේ සතියම ගත කරනවා."

Read More

මුස්ලිම් කාන්තාවන් 22 දෙනෙක්ගේ ජාතික හැඳුනුම්පත් ළඟ තබාගෙන සිටි අයෙක් අත්අඩංගුවට

විවිධ ප්‍රදේශවල පදිංචි, මුස්ලිම් කාන්තාවන් 22 දෙදෙනෙකුගේ ජාතික හැඳුනුම්පත් තමා සත්තකයේ තබා ගෙන සිටි පුද්ගලයකු කල්පිටිය පල්ලිවාසල්තුරේ ප්‍රදේශයේදී පෙරේදා (28දා) කල්පිටිය පොලීසිය විසින් අත්අඩංගුවට ගනු ලබ තිබේ.

50 හැවිරිදි පුද්ගලයෙකු මෙලෙස අත්අඩංගුවට පත්ව ඇත.

සැකකරු පුත්තලම මිනල්ගුංඩු ප්‍රදේශයේ පදිංචිකරුවෙකු බවත්, මීට මාස හතරකට ඉහත, සිය දරු පවුලද සමගින්, මෙම නිවසේ පදිංචියට පැමිණ ඇතැයි ඔහුගෙන් සිදු කළ ප්‍රශ්න කිරීම්වලදී අනාවරණය වී ඇත.

මෙම පුද්ගලයා මෙහි පදිංචියට පැමිණි හේතුව නිශ්චිතවම පැවසීමට අපොහොසත් වු බව සිද්ධිය පිළිබඳ පරීක්ෂණ පවත්වන කල්පිටිය පොලිස් ස්ථානාධිපති පොලිස් පරික්ෂක ලක්ෂ්මන් රන්වල ආරච්චි මහතා පැවසීය.

එසේම, සිය රැකියාව හෝ මෙම මුස්ලිම් ජාතික කාන්තා හැඳුනුම්පත් එක් රැස් කිරීමේ හේතුවද නිශ්චිතව පැවසීමට ඔහු අපොහොසත් වී ඇත.

අත්අඩංගුවට පත් සැකකරුගෙන් ප්‍රශ්න කිරීම සිදු කරන බව කල්පිටිය පොලිස් ස්ථානාධිපති ලක්ෂ්මන් රංවල ආරච්චි මහතා වැඩිදුරටත් පවසා සිටියේය.

Read More

අනුර කුමාර සමග සිටි මුස්ලිම් තරුණයා බෝම්බ කරුවෙක් බවට ව්‍යාජ ප්‍රචාර යැවූ FACEBOOK කූඹියෝ සොයා පරීක්ෂණ

ජනතා විමුක්ති පෙරමුණේ නායක අනුර කුමාර දිසානායක  මහතා සමග සිට එම පක්ෂයේ ක්‍රියාකාරි මුස්ලිම් තරුණයකු ලබාගත් ඡායාරූපයක් සමාජ මාධ්‍ය ජාලාවලට මුදාහැර එය  ශැන්ග්‍රිලා හෝටලයේ මරාගෙන මැරුණු බෝම්බකරු බවට සිදුකළ අසත්‍ය ප්‍රචාරයට එරෙහිව එම මුස්ලිම් ජාතික ජනතා  විමුක්ති පෙරමුණු ක්‍රියාකාරිකයා මූතූර් පොලිසියට පෙරේදා (28)
පැමිණිල්ලක් කළේය.

 මුතුර් පදිංචි එස්. වජීර් නමැති අය මෙම පැමිණිල්ල ඉදිරිපත් කරමින් පවසන්නේ ජනතා විමුක්ති පෙරමුණු නායකයා ත්‍රිකුණාමලයේ සමුළුවකට පැමිණි අවස්ථාවේ එකට සිට ගත් ඡායාරූපයක් උපයෝගී කරගෙන මෙම අසත්‍ය ප්‍රචාර පතුරුවා හැරීම තුළින් තමන් දැඩි අපහසුතාකට පත්වී සිටින බවයි.

 මුහුණුපොතේ කූඹියෝ නමින් අන්වර්ත නාමයකින් පෙනී සිටි. අයෙකු මෙම ඡායාරූපය අන්තර්ජාලයට මුදාහැර ඇත‍ෙයි පොලිසිය කියයි.

පැමිණිලිකරු එහි පිටපතක් ඉදිරිපත් කරමින් මෙම පැමිණිල්ල සිදුකර තිබේ. මූතූර් පොලිසිය සිද්ධිය සමිබන්ධයෙන් වැඩිදුර පරීක්‍ෂණ පත්වාගෙන යයි.

Read More

අයි.එස් ත්‍රස්තවාදීන් සමග එකට හිඳ ඇප ලැබූ සිරකරුවෙක් ගැනත්සැකයක්

අයි.එස්.අයි.එස් ත්‍රස්තවාදීන් හා සමීප සබඳතා පැවැත්වූ බවට සැකකරන රිමාන්ඩ් සිරකරුවකු වෙනත් නඩුවක් සම්බන්ධයෙන් බන්ධනාගාරගතව සිට ඉකුත්දා ඇපමන නිදහස්ව ගොස් ඇති බවට බන්ධනාගාර ආරංචි මාර්ග අනාවරණය කරයි.

 බන්ධනාගාර සිරකරුවන් පිරිසක් බන්ධනාගාර නිලධාරින්ට දුන් තොරතුරකට අනුව මෙම සැකය මතුවී ඇති අතර ඒ පිළිබඳව සෙසු සැකකරුවන් පිළිබඳව පරික්ෂාවක් ද සිදුකර ඇතැයි දැන ගැනීමට තිබේ.

එම සැකකරු මාස 6කට ආසන්න කාලයක් රිමාන්ඩ් වී සිට ඇතැයි ද පැවසේ.ඉකුත්දා සිදුවූ ත්‍රස්ත ප්‍රහාරයත් සමගම මෙම සැකකරු පිළිබදව බන්ධනාගාර බලධාරීන් සොයා බලා ඇතත් ඒ වනවිට ඔහු ඇපමත නිදහස්ව ගොස් ඇති බවට තොරතුරු හෙළිවීතිබේ.

මේ සිද්ධියත් සමගම කොළඹ හා තදාසන්න බන්ධනාගාරවල රඳවා සිටින සැකකරුවන් වෙන් වෙන් වශයෙන් පරීක්ෂාවට ලක්කර වෙනම ආරක්ෂිත ස්ථානවල රැඳවීමට පියවර ගෙන ඇතැයි ද සඳහන් වේ.

කෙසේ වෙතත් ඇප මත නිදහස්වී ගොස් ඇති සැකකරුවන් පිළිබඳව මෙතෙක් කිසිදු තොරතුරක් දැනගන්නට නැතැයි ද පැවසේ.

සැකකරු ඉදිරි පරික්ෂණ කටයුතු සඳහා අත්අඩංගුවට ගැනීම් සම්බන්ධයෙන් අවශ්‍ය තොරතුරු පොලිසියට ලබාදීමට බන්ධනාගාර නිලධාරින් පියවර ගෙන ඇතැයි ද වාර්තා වේ.

මේ පිළිබඳව කරන ලද විමසුමක දී එහි උසස් නිලධාරියකු පැවසුවේ ජීවිත ආරක්ෂාව සඳහා අදාළ සැකකරුවන් වෙනම රඳවා තබන බවය. අයි එස් සංවිධානය හා සම්බන්ධ බවට සැකකරන අයකු පිළිබඳව මෙතෙක් තොරතුරක් ලැබී නැතැයි ද ඔහු කීය.

-ජයන්ත සමරකෝන්-

Read More

පාසල් අවට වාහන නතර කිරිම තහනම්

පාසල් අවට වාහන නතර කර තැබීමෙන් වළකින ලෙස පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර මහතා ජනතාවගෙන් ඉල්ලා සිටියි. ලබන මැයි 06 වැනිදා පාසල් ආරම්භ කිරීමට නියමිත බැවින් එහි ආරක්ෂාව සම්බන්ධයෙන් එය බාධාවක් වන නිසා මෙම තීරණය ගෙන තිබේ.

එසේම කිසියම් පුද්ගලයකු පාසල් අසල වාහන නතර කර තැබුවහොත් එම වාහන ආරක්ෂිත ස්ථානයකට රැගෙන ගොස් දැඩි සෝදිසි මෙහෙයුමකට ලක් කිරීමට සිදු වන බව ද පොලිස් මාධ්‍ය  ප්‍රකාශකවරයා පැවැසීය.

Read More

පේසාලේ ඉහළ අහසේ අබිරහස් යානයක්

මන්නාරම, තලෙයිමන්නාරම මාර්ගයේ පෙසාලේ ප්‍රදේශයට ආසන්නයේ අහසේ පෙරේදා (28දා) රාත්‍රි 10.30ට පමණ අබිරහස් ගුවන්යානයක් ගමන් කොට තිබේ. මේ ගුවන් යානයේ හඬ පැය භාගයක් පමණ වේලා ඇසුණු අතර එය නියත වශයෙන්ම නියමුවන් රහිත යානයක්ද එසේත් නොමැතිනම් ඩ්‍රෝන වර්ගයට අයත් යානයක්ද යන්න නිශ්චිතව හඳුනා ගැනීමට හැකි වී නැත.

මේ මාර්ගයේ සිටි ආරක්ෂක නිලධාරීන් කීප දෙනකුම ගුවන් යානයේ හඩ ආ දෙසට වෙඩි කීපයක්ද තබා තිබේ. මන්නාරම හා පේසාලේ ප්‍රදේශවල ආරක්ෂක නිලධාරීන් මේ ගුවන් යානයේ හඬ ඇසුණු පළාත්වල සාමාන්‍ය වැසියන්ද හමු වී ඔවුන්ගෙන් කටඋත්තර ලබා ගැනීමේ කටයුතුද මේ වනවිට ආරම්භ කොට තිබේ.


-රසාදි චතුරංගි ගමගේ-

Read More

තව්හිත් ජමාත් කොළඹ නායකයා රඳවා තබා ප්‍රශ්න කිරීමට අවසර-බෝම්බ ගැන හසල දැනුමක් ඇති අයෙක්

ඉස්ලාම් අන්තවාදී කල්ලියක සාමාජිකයකු ලෙස සිටිමින් අපරාධයකට කුමන්ත්‍රණය කළැයි කියන සිද්ධියකට අදාළව අත්අඩංගුවට ගත් ජාතික තවුහිත් ජමාත් සංවිධානයේ කොළඹ දිස්ත්‍රික් නායකයා පැය 72 කාලයක්  රඳවා තබාගෙන ප්‍රශ්න කිරීමට කොළඹ   ප්‍රධාන මහේස්ත්‍රාත් ලංකා ජයරත්න මෙනෙවිය  කෙසෙල්වත්ත පොලිසියට ඊයේ (29) අවසර දුන්නාය.

මෙම සැකකරු ජාතික තවුහිත් ජමාත් සංවිධානයේ නායකයා වූ මොහොමඩ් සහරාන් නැමැත්තා සහ පවත්වා ඇත්තේ කුමන ආකාරයක සම්බන්ධතාවක් ද, තවදුරටත් මොහු එම සංවිධානයේ ත්‍රස්ත ක්‍රියා සමග සම්බන්ධව ඇත්දැයි යන්න පිළිබඳ දීර්ඝ ලෙස ප්‍රශ්න කළ යුතුව ඇති බැවින් සැකකරු පැය 72ක කාලයක් රඳවා තබාගෙන ප්‍රශ්ණ කිරීමට අවසර ලබා දෙන ලෙසට කෙසෙල්වත්ත පොලිසිය අධිකරණයෙන් කළ ඉල්ලීමක් සැලකිල්ලට ගත් මහේස්ත්‍රාත්වරිය මෙම නියෝගය නිකුත් කළාය.

මෙලෙස පැය 72 කාලයක් කෙසෙල්වත්ත පොලිසිය තුළ රඳවා තබා ගෙන ප්‍රශ්න කිරීමට අවසර ලබා දුන්නේ අංක 2, එෆ්, ආර්, සූරියමල් පුර මහල් නිවාස, කුමාර දොරටුව, කොළඹ 12 පදිංචි මොහොමඩ් ෆාරුක් මොහොමඩ් පවාස් නැමැත්තාය.

කොළඹ ප්‍රදේශය අවට බෝම්බ පිපිරීම් සිදුවූ අවස්ථාවේ දී පොලිසිය එම ස්ථානයට යැවීමට ප්‍රථම මෙම සැකකරු අදාළ පිපිරීම් සහ එයින් මරණයට පත්වූ අය මෙන්ම තුවාල සිදුවූ අය සම්බන්ධයෙන් සිය ජංගම දුරකතනයෙන් වීඩියෝ ගත කිරීම් සහ ඡායාරූප ගත කිරීම් සිදුකර ඇති බවත් ඔහු එවන් ක්‍රියා සිදුකළේ කෙසේදැයි යන්න සම්බන්ධයෙන් තවදුරටත් ප‍්‍රශ්න කිරීමට අවශ්‍ය බවත් කෙසෙල්වත්ත පොලිසිය අධිකරණය දැනුම් දු න්නේය.

වෘත්තියෙන් වායු සමීකරණ අලුත්වැඩියා කරන අයෙකු බව කියන මෙම සැකකරු බෝම්බ නිෂ්පාදනය සම්බන්ධයෙන් හසල දැනුමක් ඇති අයකු බවට ද  අනාවරණය වී ඇති බව  අධිකරණයේ පෙනී සිටි බස්නාහිර පළාත් බුද්ධි අංශයේ නිලධාරියෙක් මහෙස්ත්‍රාත්වරිය වෙත කරුණු ඉදිරිපත් කරමින් දන්වා සිටියේය.

 මෙම සැකකරුගේ ජංගම දුරකතනයේ බෝම්බ පිපිරීම් සිද්ධිය  සිදුවූ අවස්ථාවේදීම ලබාගත් ඡායාරූප, ජාතික තව්හිත් ජමාත් සංවිධානයේ ලාංජන, මරාගෙන මැරෙන ත්‍රස්තයන් භාවිත කළ වාහනවල ඡායාරූප ද සිද්ධින්වලට අදාළ වීඩියෝ දර්ශන ද අන්තර්ගතවී ඇති බව පොලිසිය අධිකරණයට දැනුම් දුන්නේය.

ඉදිරිපත් වූ කරුණු සැලකිල්ලට ගත් අධිකරණය. රඳවා තබා ගැනීමට අදාළව පොලිස් අධිකාරිවරයා ලබාදී තිබූ අවසර ප‍ත්‍රයට අනුව පැය 72 කාලයක් කෙසෙල්වත්ත පොලීසිය තුළ තබාගෙන සැකකරුගෙන් ප්‍රශ්න කිරීමට අවසර ලබා දුන්නේය.

 එසේම සැකකරු ලබන 02 වැනිදා අධිකරණය වෙත නිරීක්ෂණය සඳහා  ඉදිරිපත් කරන ලෙසට ද අධිකරණය නියෝග කළේය.

(නිමන්ති රණසිංහ)

Read More

සංචාරක ව්‍යාපාරය නඟා සිටුවන්න ජනපතිගෙන් කැබිනට් අනුකමිටුවක්

පාස්කු ඉරිදා එල්ල වූ ත්‍රස්ත ප්‍රහාරයත් සමග බිඳවැටුණු මෙරට සංචාරක ව්‍යාපාරය, හෝටල් ක්ෂේත්‍රය ඇතුළු අනෙකුත් ව්‍යාපාරික අංශ නැවත නගා සිටුවමින් යථා තත්වයට පත් කිරීම සදහා රජය පුළුල් වගකීමකින් කටයුතු කරන බවත් සංචාරක ව්‍යාපාරයේ ප්‍රවර්ධනය උදෙසා ගත යුතු ඉදිරි පියවර සොයා බැලීමට කැබිනට් අනුකමිටුවක් අද (30) පැවැත්වෙන කැබිනට් මණ්ඩලයේ දී ඉදිරිපත් කරන බවත් ජනාධිපති මෛත්‍රිපාල සිරිසේන මහතා පැවැසීය.

මේ බව ඔහු ප්‍රකාශ කළේ සංචාරක ව්‍යාපාරයට, හෝටල් සහ අනෙකුත් ව්‍යාපාරික ක්ෂේත්‍රයන්ට අයත් ව්‍යාපාරිකයන් සමග ඊයේ  (29) පැවැති සාකච්ඡාවකදීය. සංචාරක ව්‍යාපාරයේ ප්‍රවර්ධනය වෙනුවෙන් සහනදායී ක්‍රම යටතේ මුල්‍ය පහසුකම් ඇතුළු සහන සැලසීම ගැනද අද පැවැත්වෙන කැබිනට් මණ්ඩලයේ දී සාකච්ඡා කරන බව එහි දී ජනාධිපතිවරයා ප්‍රකාශ කළේය. ව්‍යාපාරික හැරි ජයවර්ධන මහතා අදහස් දක්වමින් කියා සිටියේ ජාත්‍යන්තරව සංවිධානය වූ මෙම ත්‍රස්ත කණ්ඩායමට ඉතා සාර්ථකව මුහුණ දෙමින් වේගයෙන් නැගී සිටී ලොව එකම රට ශ්‍රී ලංකාව බවයි.

එහි ගෞරවය ජනාධිපති ගරු මෛත්‍රීපාල සිරිසේන මැතිතුමාට සහ හමුදාවට හිමිවන බව පැවසූ හැරි ජයවර්ධන මහතා ඉදිරි දින කිහිපය තුළ දී මෙම ත්‍රස්ත ව්‍යාපාරය ශ්‍රී ලංකාවෙන් සහමුලින්ම තුරන්ව රට යථා තත්වයට පත්වනු ඇති බවට විශ්වාසය පළ කළේය. එමෙන්ම ත්‍රස්ත අභියෝගය හමුවේ ජනාධිපතිතුමා කටයුතු කළ අන්දම ඇගැයීමට ලක් කළ හැරි ජයවර්ධන මහතා ත‍්‍රස්තවායට එරෙහිව ජනාධිපතිතුමා ගත් සෘජු පියවර සහ ප්‍රකාශ ස්තූති පූර්වකව සිහිපත් කළ අතර ලෝකයට අවශ්‍ය එය බව ද කියා සිටියේ ය.


-දිනුක මලින්ද හේරත්-

Read More

වීසා නැති විදේශිකයින් පිටුවහල්

රැකියා සඳහා මෙරටට පැමිණ වීසා බලපත්‍ර නොමැතිව දිවයින්නේ රැදී සිටින සියලුම පුද්ගලයන් මෙරටින් පිටුවහල් කිරීමට විධිවිධාන යොදන මෙන් ආගමන විගමන දෙපාර්තමේන්තුවට සහ සෙසු අංග වෙත  අභ්‍යන්තර හා ස්වදේශ කටයුතු සහ පළාත් සහා හා පළාත් පාලන අමාත්‍යංශය උපදෙස් ලබා දී ඇති බව ඊයේ (29) නිවේදනයක් නිකුත් කරමින් එම අමාත්‍යංශය කියා සිටියේය.

ඉස්ලාම් ධර්මය ඉගැන්වීම සඳහා මෙරටට පැමිණ ඇති විදේශිකයන් පිළිබඳ කරුණු සොයා බලා ඔවුන් රට තුළ  ක්‍රියාත්මක වන ආකාරය පිළිබද ජාතික ප්‍රතිපත්තියක් සකස් කිරීමේ අවශ්‍යතාව ගැන අග්‍රාමාත්‍ය රනිල් වික්‍රමසිංහ මහතා, අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍ය වජිර අබේවික්‍රම මහතාත්, තැපැල් සේවා හා මුස්ලිම් ආගමික කටයුතු අමාත්‍ය එම්.එච්.ඒ. හලීම් මහතාත් සමග ඊයේ සාකච්ඡාවක් පවත්වා තිබේ.

වීසා බලපත්‍රවලින් තොරව පුද්ගලයන් ගණනාවක්ම ආගමික පාසල්වල සේවය කරන බවට මෙහි දී තොරතුරු රැසක් අනාවරණය වී තිබේ. ඒ අනුව එ තොරතුරු ප්‍රකාරව අදාළ වීසා බලපත්‍ර නොමැතිව රැඳී සිටින සියලු විදේශිකයන් අදාළ රටවලට පිටුවහල් කිරීමට ඉදිරියේ දී කටයුතු කරනු ලැබේ.

-දිනුක මලින්ද හේරත්-

Read More

අගමැතිගේ වෙඩි නොවදින වාහනයක් අගරදගුරුතුමාට

අග්‍රාමාත්‍ය රනිල් වික්‍රමසිංහ මහතා වෙනුවෙන් වෙන්කර තිබෙන වෙඩි නොවදින මෝටර් රථ දෙකෙන් එකක් මැල්කම් කාදිනල් රංජිත් කොළඹ අගරදගුරුතුමන්ගේ ගමන් බිමන් වෙනුවෙන් වහාම ලබාදීමට අග්‍රාමාත්‍යවරයා ඊයේ (29) පියවර ගත්තේය.

පාස්කු ඉරිදා කතෝලික දේවස්ථාවලට එල්ල වූ මරාගෙන  මැරෙන ප්‍රහාරයෙන් පසුව කාදිනල්තුමන්ගේ ආරක්ෂාව තහවුරු කිරීම සඳහා මේ වෙඩි නොවදින රථය ලබාදීමට පියවර ගත් බව  අග්‍රාමාත්‍ය කාර්යාලය කටයුතු සම්පාදනය කර ඇත.

රටේ ආරක්ෂක තත්වය තහවුරු වනතුරු අග්‍රාමාත්‍ය කාර්යාලයේ ඉතාම පළපුරුදු රියැදුරකු ද සමග වෙඩි නොවදින මෝටර් රථය කාදිනල්තුමන්ගේ ගමන් බිමන් සඳහා යොදවන බව ද අරලියගහ මන්දිර ප්‍රකාශකයෙකු සඳහන් කළේය.


-අංජුල මහික වීරරත්න-

Read More

රත්නපුර බස් නැවතුම්පළේදී කාන්තාවක ප්‍රශ්න කරන්න අරන් යන්න හැදු හොරා පොලිස් නිලධාරියෙක් නියම පොලිසියට මාට්ටු

පොලිස් නිලධාරීයෙක් ලෙස පෙනී සිටිමින් රත්නපුර ප්‍රධාන බස් නැවතුම්පොළේ මගීන්ගේ බෑග් පරීක්ෂා කරමින් කටඋත්තර ගැනීමට පවසා කාත්තාවක් පිටතට රැගෙන යාමට තැත් කළ අයෙක් බස් නැවතුම්පොළේ  පිහිටි පොලිස් මුරපොළේ නිලධාරීන් විසින් අත්අඩංගුචට ගෙන ඇත. මෙම පුද්ගලයා බස්නැවතුමේ නවතා තිබූ බස් රථවලට නැග මගීගේ බෑග් පරීක්ෂා කර ඇත්තේ පොලිස් නිලධාරියකු බව  පවසමිනි. සැමියා පැමිණෙන තෙක් සිටි කාන්තාවක් අසලට ඔහු ගොස් ඇය පරීක්ෂා කර ඇයගේ ජාතික හැදුනුම්පතේද ඡායාරූපයක් ගෙන ඇත්තේ ඔහුගේ ජංගම දුරකථනයෙනි.

පසුව මොහු ඇය සැක බව පවසා කටඋත්තරයක් ගැනීමට පොලිසියට යාමට පැමිණෙන ලෙසට දන්වා ඇත. ඇය ඒ අවස්ථාවේ පවසා ඇත්තේ තමා සිටින්නේ තම ස්වාමිපුරුෂයා පැමිණෙන තෙක් බවයි. ඔහු ආපසු ආහැකි බවද ඇය පවසා ඇත. මෙම පුද්ගලයා එම කාන්තාව බලහත්කාරයක් කඳවාගෙන යාමට කටයුතු කර ඇත්තේ මහත්තයා එන තෙක් සිටිය නොහැකි බව පවසමිනි. එම සිද්ධිය දෙස විපරමින් බලා සිටි පොලිස් මුරපොළේ නිලධාරීන් දෙදෙනා වහාම එම ස්ථානයට ගොස් ඔහුගෙන් ප්‍රශ්න කර ඇත.

ඒ අවස්ථාවේ, හෙළි වී ඇත්තේ ඔහු හොරා පොලිස් නිලධාරියකු බවයි.  ඒ අවස්ථාවේ ඔහු අත්අඩංගුවට ගෙන රත්නපුර පොලිසිය වෙත රැගෙන ගොස් පැය දෙකක් ප්‍රශ්න කර පොලිස් ඇප මත මුදාහැර ඇත්තේ ඉදිරී දිනයකදී රත්නපුර අධිකරණය වෙත ඉදිරිපත් කිරීමට කටයුතු කරමිනි. සැකකරු කහවත්ත පදිංචි වයස 34ක අයෙකි.

-කේ.එස්.පියතිලක-

Read More

සිංහල - මුස්ලිම් ගැටුමක් ගැන බොරු තොරතුරු දීපු පුද්ගලයා පොලිසිය නිසා ගුටි නොකා බේරෙයි

අනුරාධපුර මැගසි න් මාවත (තිසාවැව ඉදිරිපිට) ප්‍රදේශයේ සිංහල පිරිසක් මුස්ලිම් පුද්ගලයන්ට තියුණු ආයුධ වලින් පහරදෙන බව පවසමින් ජාතිවාදය ඇතිවන අන්දමේ බොරු තොරතුරු සපයමින් පොලිස් හදිසි ඇමතුම් අංශයට දුරකථන ඇමතුමක් ලබාදුන් මුස්ලීම්  ජාතිකයකු අනුරාධපුර මූලස්ථාන පොලිසියේ මෙහෙයුම් අංශයේ නිලධාරීන් පෙරේදා (27දා) සවස අත්අඩංගුවට ගෙන ඇත. පොලිස් හදිසි ඇමතුම් අංශයට ලැබුණු පණිවුඩයට අනුව සිංහල පිරිසක් ආයුධ සන්නද්ධව මුස්ලිම් පිරිසට පහරදෙන බව සැලවි වහාම අනුරාධපුර මැගසී මාවත ප්‍රදේශයට පොලිසිය ගොස් තිබේ.

දරුණු ගැටුමක් ඇතිවෙමින් පවතින බවට ඇමතුම් දුන් පුද්ගලයා කියා තිබූ අතර පොලිස් නිලධාරීන් එම ගැටුම වැළක්වීම සඳහා ආයුධ සන්නද්ධව විසි දෙනෙකුගෙන් පමණ සමන් විත පිරිසක් එහි ගොස් ඇතත් ප්‍රදේශය සාමකාමීව තිබී ඇත. පොලිස් නිලධාරීන් ප්‍රදේශය පුරා සෝදිසි මෙහෙයුමක් දියත් කළ අවස්ථාවේ වෙළඳසලක පුද්ගලයකු බීමතින් ජංගම දුරකථනයක් අතෙහී තබාගෙන සිටින අයුරු දැක ඔහු පරික්ෂාවට ලක්කළ අවස්ථාවේ පොලිස් හදිසි ඇමතුම් අංශයට බොරු දුරකථන ඇමතුම් දුන් පුද්ගලයා ඔහු බව පොලිසිය තහවුරු කර ගෙන ඇත.

කෝන්තරයක් පිරිමසා ගැනීම සඳහා සැකකරු සිංහල ජාතිකයන් පිරිසක් කලහකාරී අනද මින් හැසිරෙන බව පවසමින් ජාතිවාදය අතිවන අන්දමින් බොරු දුරකථන ඇමතුමක් දී තිබෙන අතර පවතින තත්වය හමුවේ ජාතික ආරක්ෂාව සමච්චලයට ලක් කළ පුද්ගලයා අත්අඩංගුවට ගත් පොලිසිය ඔහු අධිකරණයට ඉදිරිපත් කිරීමට කටයුතු යොදා තිබිණි. සැකකරු අත්අඩංගුවට ගැනීමත් සමඟ පොලිසිය අපහසුතාවට පත් වන ආකාරයෙන් ක්‍රියා කිරීම නිසා ආවේගශීලීවූ පිරිසක්  සැකකරුට පහරදීමට උත්සාහ කළත් පොලිසිය එම තත්වය සමනය කර තිබිණි.

-මහේෂ් විජේසුරිය-

Read More

ෂැංග්‍රිලා හෝටලයට ප්‍රහාර එල්ල කල ත්‍රස්තයාගේ මාමණ්ඩියට අයත් ඉඩමක පදිංචි දෙදෙනෙක්ගෙන් ප්‍රශ්න කරයි

ෂැංග්‍රිලා හෝටලන්ට මරාගෙන මැරෙන බෝම්බ ප්‍රහාරයක් එල්ල කළ අයගේ බිරියගේ පියාට අයත් වත්තක සිටි කාන්තාවක් සහ පිරිමි අයකු අත්අඩංගුවටගෙන ප්‍රශ්න කර ප්‍රකාශ ලබාගැනීමෙන් අනතුරුව මුදාහැරීමට මුන්දලම පොලිසිය කටයුතු කර ඇත. පසුගිය 25දා යුද හමුදාවේද සහාය ඇතිව මුන්දලම පොලීසියේ නිලධාරීන් අදාළ ඉඩම් පරික්ෂාවට ලක් කිරීමෙන් අනතුරුව සැකකාරිය සහ සැකකරු අත්අඩංගුවට ගෙන තිබිණි. මුන්දලම පොලිස් වසමේ මදුරන්කුලීය - කරිකට්ටිය ප්‍රදේශයේ පිහිටි අක්කර 24කින් යුක්ත ඉඩම ෂැංග්‍රිලා හෝලයේදී මරාගෙන මැරෙන ප්‍රහාරය එල්ල කළ අයගේ බිරියන්ගේ පියාට අයත් එකක් බවට පොලිසියට තොරතුරක් ලැබී ඇත.

ඒ අනුව අදාළ සෝදිසි කිරීම කර ඇත. ඉඩමේ තිබී සැකකටයුතු කිසිවක් සොයා ගැනීමට ආරක්ෂක අංශ නිලධාරීන්ට හැකියාව ලැබී නැත. එම ඉඩමේ කළමනාකරු ලෙස සේවය කරමින් සිටි පුත්තලම කේ කේ. වීදියේ පදිංචිකරුවකු සහ එහි රැදී සිටි නොච්චියාගම, ඉහළගම පදිංචි කාන්තාවක් පොලිස් නිලධාරීන් අත්අඩංගුවට ගෙන ඇත. අනතුරුව ඔවුන්ගෙන් ප්‍රශ්න කර ප්‍රකාශ සටහන් කර ගැනීමෙන් අනතුරුව මුදා හැරීමට කටයුතු කර ඇත. මුන්දලම පොලිසිය වැඩිදුර විමර්ශන කටයුතු කරගෙන යයි.

-සමන්ප්‍රිය ජයශාන්ත-

Read More

බෝම්බ පිපිරිමේන් පසු අත්‍යවශ්‍ය ද්‍රව්‍ය මිල ඉහළට

ඉකුත් 21 වැනි පාස්කු ඉරිදා දේවස්ථාන හා සංචාරක හෝටල් කිහිපයක සිදුවු බෝම්බ පිපිරීම්වලින් අනතුරුව පොලිස් ඇදිරි නීතියෙන් පසුව විවෘත වෙළෙඳපොළේ අල, ලොකු ලුනු, රතු ලූනු, සුදු ලුනු, පරිප්පු, කඩල, මුංඇට ඇතුළු අතවශ්‍ය ආනයනික ආහාර ද්‍රව්‍ය මෙන්ම එළවළු, අලුත් මාළු ඇතුළු ආහාර ද්‍රව්‍යයද ශීඝ්‍රයෙන් මිල ඉහළ ගොස් තිබේ. මෙවර විශේෂත්වය වී ඇත්තේ මෙතෙක් ඒ ඒ ද්‍රව්‍ය සඳහා රුපියල් 5,10 වැනි මුදලකින් එහා  මෙහා වන සම්මත මිලක් පැවැතියද, ඒ වෙනුවට වෙළෙඳසල් හිමිගේ හිතුමතයට මිල ගණන් වෙස්කරමින් අධික මිල ගණන්ලට ආහාර ද්‍රව්‍ය අලෙවි කරමින් පාරිභෝගිකයා ගසාකෑම බව කළ විමසුමකදී අනාවරණය විණි.

පොලීස් ඇදිරිනීතිය හා හදිසි නීතිය උපයෝගි කරගනිමින් වෙළෙඳුන්ට පාරීභෝගිකයන් ගසාකෑමට අවස්ථාව ලැබී ඇත්තේ ආනයනික ආහාර තොග වරායේ සිට නිදහස් කර ගැනීමට ඇති බාධාවන් මෙන්ම පොලිස් ඇඳිරිනීතිය හේතුවෙන් එළවළු ගොවීන්ගේ නිෂ්පාදන, ධීවර කර්මාන්තයෙන් අල්ලා ගන්නා මත්ස්‍ය තොග රාත්‍රි කාලයේත් තොග වෙළෙඳපොළ කරා ප්‍රවාහනය කිරීමේදී ඇතිවන බාධා නිසා කොළඹට දිනපතා අලුයම් කාලයේ පැමින එම නිෂ්පාදන රැගත් ලොරිරථ බෙහෙවින් සීමා වීම නිසා බව මැනිං වෙළෙඳසල් හිමියෝ සහ පෑලියගොඩ මත්ස්‍ය වෙළෙඳපොළේ අලෙවිකරුවෝ පවසති.

මෙම තත්වය නිසා කොළඹට තදාසන්න කිරිබත්ගොඩ, කඩවත, වත්තල, රාගම, ගම්පහ, දෙහිවල, ගල්කිස්ස, මොරටුව වැනි නගරවල ලොකු ලුනු, අර්තාපල්, පරිප්පු, කඩල, මුංඇට, සුදු ලූනු කරවල වැනි ආනයනික ආහාර වර්ග අවුරුදු සමයේ පැවැති මිල ගණන්වල වඩා මේ වන විට සියයට 50-70ක් අතර මිලකින් ඉහළ ගොස් තිබේ. උදාහරණයක් ලෙස ගතහොත් ගතවූ අවුරුදු සමයේ රුපියල් 225-250ත් අතර මිලකට අලෙවි කළ සුදු ලූනු කිලෝවක් මේ වන විට අලෙවි වන්නේ රුපියල් 400ක් වැනි ඉහළ මිලකටය.  අවුරුදු සමයේ රුපියල් 100-150ත් අතර මිලකට අලෙවි වූ උඩරට එළවළුවල මිල මේ වන විට ශීඝ්‍රයෙන් ඉහළ ගොස් ඇතැයි පාරිභෝගිකයෝ මැසිවිලි නඟති.

ඒ අනුව කැරට්, බෝංචි, ලික්ස් වැනි උඩරට එළවළු කිලෝක මිල මේ වන විට රුපියල් 340- රුපියල් 400 දක්වා ඉහළ නංවා තිබේ. පොලිස් ඇදිරිනීතිය හේතුවෙන් උඩරට එළවළු ගොවීන්ගේ නිෂ්පාදන රාත්‍රි කාලයේ ප්‍රවාහනය කිරීමට ඇති බාධක හා දුෂ්කරතා හේතුවෙන් මෙසේ මිල ඉහළ ගිය බව ඔවුහු පෙන්වා දෙති. මේ අතර කොළඹ නගරයේ ඇතැම් හෝටල් සහ ආහාර අලෙවිසල්වල බත් සහ වෑංජන සමඟ දිවා ආහාර
වේලක මිල පසුගිය සතියේ සිට රුපියල් 20-30ත් අතර මුදලකින් ඉහළ නංවා තිබේ. අලුත් අවුරුදු නිවාඩුවෙන් පසු ඉකුත් 22 කොළඹ නගරයේ හෝටල් සහ ආහාර අලෙවිසල් විවෘත කිරීමට නියමිතව තිබුණද උද්ගත  වූ හදිසි තත්ත්වය හේතුවෙන් ඊයේ 28දා වන විටත් ඒවා විවෘත කර නොතිබිණි.

-උපතිස්ස පෙරේරා-

Read More

ගිරිඋල්ලෙන් රෙදි ගත්තේ කල්මුණේදි පුපුරවාගෙන මැරුණු කාන්තාවන්.?

කල්මුන සායින්දමරුදු ප්‍රදේශයේ දී සිකුරාදා (26) බෝම්බ පුපුරවාගෙන මිය ගිය ත්‍රස්ත කල්ලියේ සාමාජික පිරිසක් ඉකුත් 19 වැනිදා මීරිගම පොලිස් වසමේ ගිරිඋල්ල භද්දාමුල්ල ප්‍රදේශයේ රෙදි වෙළඳසලකින් රෙදි මිලදී ගෙන ඇති බවට ලැබී ඇති තොරතුරක් පිළිබඳව බස්නාහිර පළාත් උතුර අපරාධ කොට්ඨාස හා මීරිගම පොලිසිය ඊයේ (28) පරීක්ෂණයක් ආරම්භ කළේය.

මෙම ත්‍රස්ත පිරිස මිය ගිය නිවසේ තිබී හමු වූ බැගයක සඳහන් ලිපිනය පරික්ෂා කිරීමේදි ඉකුත් 19 වැනිදා මුහුණු ආවරණය කර ගත් ඇඳුම් ඇඳ ගත් කාන්තාවන් තිදෙනකු මෙම වෙළෙද සැලෙන් රුපියල් තිස් දහසක් වටිනා රෙදි පිළි මිලදී ගෙන ඇති බව ආරක්ෂික කැමරා දත්ත පරික්ෂාවේදී හෙළි වී ඇතැයි පොලිසිය කියයි.

මෙම පිරිස සුදු පැහැති වෑන් රියකින් පැමිණ ඇති බවට තොරතුරු අනාවරණය වී ඇති අතර එහි අංකය හඳුනා ගැනීමට ද පොලිසිය කටයුතු කරයි.

මෙම වෙළෙඳ සැලේ මෙන්ම නාල්ල ප්‍රදේශයේ හෝටල් ඇතුළු ස්ථාන කිහිපයක් ආරක්ෂිත කැමරා දර්ශන පරීක්ෂා කිරීමට පොලිසිය ඊයේ (28) දහවල් කටයුතු කළේය.

මෙලෙස රෙදි මිලදී ගෙන ඇති කාන්තාවන් පිරිස කල්මුන සායින්දමරුඳු ප්‍රදේශයේදී බෝම්බ පුපුරවා ගැනීමෙන් මරණයට පත් වූ පිරිස හෝ ඔවුන්ගේ සාමාජිකයන් දැයි අනාවරණය කර ගැනීමට පොලිස් පරික්ෂණ පැවැත්වේ.

Read More

වව්නියාව පොලිස් නිළධාරීන් මැරුවෙත් තව්හිත්ලා බව හෙළි වෙයි-මාවනැල්ලේ බුදු පිළිම කැඩූ සැකකරුවන් ගැන හෙළි කළ කබීර්ගේ ලේකම්ට වෙඩි තැබීමටත් සම්බන්ධයි

මඩකලපුව, වවුනතිව්හිදී පොලිස් නිලධාරින් දෙදෙනෙකු ඝාතනය කිරීමේ සිදුවීම ඉස්ලාමීය ත්‍රස්ත සංවිධානයට අයත් ක්‍රියාවක් බවත් ඊට අදාළ සැකකරුවන් තිදෙනෙකු අත්අඩංගුවට ගෙන ඇති බවත් පොලිස් මූලස්ථානය සඳහන් කරයි.

ඝාතනයට ලක්වූ පොලිස් නිලධාරීන් දෙදෙනාගේ රාජකාරි ගිනි අවි වන රිවර්වර දෙකද සැකකරුවන්ගේ ප්‍රකාශ මත සොයාගත් බව පොලිස් මාධ්‍ය ප්‍රකාශක, පොලිස් අධිකාරී රුවන් ගුණසේකර මහතා සඳහන් කළේය.

පසුගිය වසරේ (2018) නොවැම්බර් 30 වැනිදා වවුනතිව් ප්‍රදේශයේ මාර්ග බාධක රාජකාරීයේ යෙදී සිටි පොලිස් නිලධාරීන් දෙදෙනෙකු වෙඩිතබා හා තියුණු ආයුධවලින් පහරදී ඝාතනය කර තිබූ බවද හෙතෙම පවසා සිටියේය. මේ පිළිබඳ අපරාධ පරික්‍ෂණ දෙපාර්තමේන්තුව විසින් විමර්ශනයක් සිදු කරන ලද බවත්,එම විමර්ශනවලට අනුව මෙම සැකකරුවන් අත්අඩංගුවට ගෙන ඇති බවත් පොලිස් මාධ්‍ය ප්‍රකාශකවරයා සඳහන් කළේය.


එසේම ඉකුත්  මස 09 වැනිදා මාවනැල්ල පොලිස් වසමේ ධනාගම් ප්‍රදේශයේදී මොහොමඩ් රාසික් මොහොමඩ් තස්ලිම් නමැත්තාට (අමාත්‍ය කබීර් හෂීම් මහතාගේ ලේකම්) වෙඩි තැබීමට යොදාගෙන ඇත්තේද මෙම ඝාතනය කරන ලද පොලිස් නිලධාරීන් දෙදෙනාගෙන් එක් අයකුගේ නිල ගිනි අවිය බට ද අනාවරණය වන බව පොලිස් මාධ්‍ය ප්‍රකාශකවරයා සඳහන් කළේය.

පාස්කු ඉරිදා සිදු වූ ප්‍රහාරය සම්බන්ධයෙන් අපරාධ පරික්ෂණ දෙපාර්තමේන්තුව විසින් සිදු කරන ලද සෝදිසි මෙහෙයුම්වලදී සැකකරුවන් පිරිසක් අත්අඩංගුවට ගෙන තිබූ අතර, එම සැකකරුවන් අතර මෙම සැකකරුවන් තිදෙනාදා සිට ඇතැයි ඒ මහතා පවසා සිටියේ.

-ඉන්දික හේවාවිතාරණ-

Read More

ඇමරිකාවෙන් ලංකාවට කෝටි 8400ක්-රටට ලැබුණු විශාලතම මුදල් ප්‍රදානය

ඇමෙරිකා රජයේ මිලේනියම් චැලෙන්ජ් අරමුදලට ශ්‍රී ලංකාවට ඇමරිකානු ඩොලර් මිලියන 450 ක (දළ වශයෙන් රුපියල් කෝටි 8400 ක් පමණ) ප්‍රඥානයක් ලබා දීමට තීරණය කර ඇත.

ඉතිහාසයේ ශ්‍රී ලංකාවට ලැබුණු විශාලතම මූල්‍ය ප්‍රදානය මෙය වන බව ද මුදල් අමාත්‍යාංශය සඳහන් කරයි.

අග්‍රාමාත්‍ය රනිල් වික්‍රමසිංහ මහතාගේ ඉල්ලීමට අනුව එම මූල්‍ය ප්‍රදානය ලබාදීමට මිලේනියම් චැලේන්ජ් අරමුදල තීරණය කර තිබෙන බව ද මුදල් අමාත්‍යාංශය කියයි.

ශ්‍රී ලංකාවේ ප්‍රධාන සංවර්ධන ව්‍යාපෘති තුනක් වෙනුවෙන් වසර 5 ක් ඇතුළතදී එම මුල්‍ය ප්‍රදානය පිරිනැමීමට නියමිතය.


-රංජන් කස්තුරි-

Read More

ඉතිහාසයේ පළමු වතාවට රට පුරා වෙසක් තොරණ,කලාප උත්සව තහනම් කරයි

එළැඹෙන වෙසක් මංගල්‍යයට සමගාමීව දිවයිනේ කිසිදු ප්‍රදේශයක තොරණ හා වෙසක් කූඩු ප්‍රදර්ශනය කිරීම මෙන්ම වෙසක් කලාප වැනි මහජනතාව ඒකරාශි වන කිසිදු ප්‍රදර්ශනයක් පැවැත්වීම තහනම් බව බුද්ධ ශාසන අමාත්‍ය ගාමිණි ජයවික්‍රම පෙරේරා මහතා පවසයි. ඉතිහාසයේ කිසිවිටෙක මෙවැනි තහනම් කිරිමක් මෙරට තුළ සිදුවී නැති අතර මේ සම්බන්ධයෙන් අදහස් දක්වන අමාත්‍යවරයා පවසන්නේ රට තුළ දැනට උද්ගතව තිබෙන අවදානම් තත්වය සැලකිල්ලට ගනිමින් ශාසනාරක්ෂක බල මණ්ඩලවල එකඟතාව මත එකී තහනම් කිරීමේ තීරණය ගත් බවයි.

දන්සල් පැවැත්වීම එතරම් සුදුසු නොවන බවද විහාරස්ථාන තුළ ඉතා ආරක්ෂා සහිතව දන්සල් පැවැත්වීම සුදුසු බව තම මතය බවද කිසියම් ප්‍රදේශයක වෙසක් කලාපයක් පැවැත්වීමට අවශ්‍ය නම් එකී පුද්ගලයන් ඒ සම්බන්ධයෙන් වගකිව යුතු ආරක්ෂක අංශවල උපදෙස් ලබාගත යුතු බවද ඒ මහතා පවසයි.
ආගමික වතාවත් සිදු කිරීම සඳහා විහාරස්ථාන වෙත යන බැතිමතුන් ප.ව. 8.00ට පෙර එකී ආගමික වතාවත්වල නිරත වීම සුදුසු බවද එසේ විහාරස්ථාන වෙත යන බැතිමතුන් පරික්ෂා කිරිම සඳහා ප්‍රදේශයේ සියලු ආරක්ෂක බල මණ්ඩලවල හා දායක සභාවල සහාය ලබාගැනීමට අදාළ විහාරස්ථාන භාර විහාරාධිපතිවරුන් පියවර ගත යුතුව ඇති බවද ඒ මහතා පෙන්වා දෙයි.

වන්දනා ගමන් යන බැතිමතුන්ට මෙන්ම වෙනත් කටයුතු සඳහා යන පුද්ගලයන්ට කිසිදු විහාරස්ථානයක නවාතැන් පහසුකම් ලබාදීමට තහනම් බවද ඒ මහතා කීය. මෙකී තීරණ සම්බන්ධයෙන් ඉදිරි දිනකදි මහ නායක හිමිපාණන් වහන්සේ ආරක්‍ෂක කවුන්සලය දැනුවත් කිරීමට පියවර ගන්නා බවද මෙවර වෙසක් උත්සවය දේශපාලකයන්ට අවශ්‍ය ආකාරයට සිදු නොකරන බවද ආරක්ෂක අංශවල උපදෙස් වලට අනුව තමා එකී කටයුතු සිදු කරන බවද කිසියම් සිද්ධියක් වුවොත් එහි වගකීම තමාට භාර ගැනීමට සිදුවන නිසා තමා එසේ ක්‍රියා කරන බවද ඒ මහතා කීය. එහිදි  ඇසූ ප්‍රශ්නවලට පිළිතුරු දෙමින් බුද්ධ ශාසන ඇමැතිවරයා වැඩිදුරටත් කියා සිටියේ මෙවර වෙසක් මංගල්‍යයේදි ප්‍රතිපත්තිවලට මුල්තාන දෙන බවය. මෙවර රාජ්‍ය වෙසක් උත්සවයද ආරක්ෂක අංශවල උපදෙස් අනුව ඉතාමත් චාම්ව සිදු කරන බවද ඒ මහතා කීය.

-කුමුදු උපුල් ශාන්ත-

Read More

පන්සල්වලට පහර දෙන සැලැස්මක්

ජාතික තවුහිද් ජමාද් සංවිධානයේ කාන්තාවන් උපයෝගී කොටගෙන විහාරස්ථාන ඉලක්ක කර ප්‍රහාර එල්ල කිරීමේ සැලැස්මක් ජාතික බුද්ධි අංශයේ නිලධාරීන් විසින්ම අනාවරණය කරගනු ලැබ ඇත. එම ප්‍රහාරයක් සිදුකිරිම සඳහා ගෙනැවිත් තිබුණු කාන්තාවන් අඳින සුදු සායවල් සහ හැට්ට කට්ටල 5ක් සයින්දමරුදු පිපිරීම සිදුවුණු නිවාස පරික්ෂා කිරීමේදී සොයා ගනු ලැබිණි. මෙම පිරිස ඉකුත් 19 වැනිදා මේවා මිලදිගෙන ඇත්තේ ගිරිඋල්ලේ අලෙවි සලකිනි. රුපියල් 29,000ක පමණ වටිනා කාන්තාවන් අඳින සුදු ඇඳුම් කට්ටල 9ක් සහ යට ඇඳුම් ඇතුළු රෙදිපිළි මිලදිගෙන තිබේ.

 

පසුගියදා බෝම්බ පුපුරුවා ගත් නිවෙසේ තිබියදී මෙම ඇඳුම් සොයාගෙන ඇති අතර සුදු පැහැති ඇඳුම් කට්ටල 4ක් එම ස්ථානයේ තිබී නැත. එම වෙළෙඳසලේ සී.සී.ටී.වී. කැමරාවලද මෙම කාන්තාවන් වෙළෙඳසලේ රෙදි මිලදි ගැනීමට එන ආකාරය සටහන්ව ඇත. ඉතිරි සුදු ඇඳුම් කට්ටල 4 සොයා ගැනීම සඳහා රාජ්‍ය බුද්ධි සේවයේ නිලධාරීහු පරීක්ෂණ පවත්වමින් සිටිති. මෙම සුදු ඇඳුම් කට්ටල විහාරස්ථාන ඉලක්ක කරගෙන මරාගෙන මැරෙන ප්‍රහාර එල්ල කිරීම සඳහා ගෙන එන්නට ඇති බවට රාජ්‍ය බුද්ධි අංශ නිලධාරීහු සැක පහළ කරති.

මේ අතර පසුගිය 26 වැනිදා කල්මුණේ සයින්දමරුදු ප්‍රදේශයේදි බෝම්බ පුපුරුවාගෙන ජීවිතක්ෂයට පත් ත්‍රස්ත කල්ලියේ සාමාජිකයන් පිරිසක් ඉකුත් 19 වැනිදා මීරිගම පොලිස් වසමේ ගිරිඋල්ල, හල්දමුල්ල ප්‍රදේශයේ රෙදිපිළි වෙළෙඳසලකින් රෙදි මිලදීගෙන ඇති බවට ලැබී ඇති තොරතුරක් මත බස්නාහිර පළාත් උතුර අපරාධ කොට්ඨාසය හා මිරිගම පොලිසිය එක්ව ඊයේ (28දා) පරීක්ෂණයක් ආරම්භ කර ඇත.

පිපිරීමට අදාළ නිවෙසේ තිබි හමුවූ බෑගයක සඳහන් වී තිබූ ලිපිනය පරික්ෂා කිරිමේදී ඉකුත් 19 වැනිදා මුහුණු ආවරණය කරගත් ඇඳුම් ඇඳගත් කාන්තාවන් තිදෙනකු මෙම වෙළෙඳසලෙන් රුපියල් තිස් දහසක් පමණ වටිනා රෙදිපිළි මිලදිගෙන ඇති බව ආරක්ෂිත කැමරා දර්ශන පරීක්ෂාවේදී හෙළි වී ඇතැයි පොලිසිය කියයි. මෙම පිරිස සුදු පැහැති වෑන් රියකින් පැමිණ ඇති බවට තොරතුරු අනාවරණය වී තිබෙන අතර එහි අංකය හඳුනාගැනීමටද පොලිසිය පරීක්ෂණ පවත්වයි.

මෙම වෙළෙඳසලේ මෙන්ම නාල්ල ප්‍රදේශයේ හෝටල් ඇතුළු ස්ථාන කිහිපයක ආරක්ෂිත කැමරා දර්ශන පරීක්ෂා කිරීමට පොලිසිය ඊයේ (28දා) දහවල් කටයුතු කරනු ලැබීය. මෙසේ රෙදි මිලදිගෙන ඇති කාන්තාවන් පිරිස කල්මුණ සයින්දමරුදු ප්‍රදේශයේදි බෝම්බ පුපුරුවා ගැනීමෙන් මරණයට පත්වූ පිරිස හෝ ඔවුන්ගේ සාමාජිකයන් දැයි අනාවරණය කරගැනීමට පොලිස් පරික්ෂණ පැවැත්වේ.

-මනොජ් පතිරණ-

Read More

ම්ලේච්ඡ ඝාතක සහරාන් ගැන නැගෙණිය කළ හෙළිදරව්ව

සහරාන් හෂීම් යනු බෝම්බ පුපුරුවා ගත් එම සංවිධානයේ අනෙකුත් සාමාජිකයන් මෙන් වත්පොහොසත්කම් හෝ මිල මුදලින් සපිරි පුද්ගලයකු නොවන බව මේ වනවිට අනාවරණය වී තිබේ. ශ්‍රී ලංකාවේ කාතන්කුඩි ප්‍රදේශයේ පදිංචිකරුවෙකු වූ  සහරාන් හෂීම් එහි පිහිටි ජාතික තවුහීද් ජමාද් පල්ලියේ ඉස්ලාම් ආගමික ඉගැන්වීම් පිළිබද ගුරුවරයෙකු ලෙස කටයුතු කළ අයෙකි.

මෙම පල්ලියද ඔහු විසින්ම පිහිටුවා ගන්නා ලද්දකි.  අවුරුදු 33ක පමණ වයසේ පසු වුණු ඔහු විවාහ වී ඇත්තේ මොහොමඩ් හාදියා නම් වසය අවුරුදු 23ක කාන්තාවක සමගයි. ඔවුන්ට වයස අවුරුදු අටක පිරිමි දරුවෙකු සහ වයස අවුරුදු හතරක ගැහැනු දරුවෙකු සිටින බව අනාවරණය කරගෙන තිබේ. සහරාන් හෂීම්ගේ පවුල් ඔහු හැරෙන්නට සහෝදරයන් දෙදෙනකු සහ සහෝදරියන් දෙදෙනකු සිටි බව පැවසෙයි. ඔහුගේ පියා 55 හැවිරිදි හයාත් මොහාමඩ් හෂීම් වන අතර මව 50 හැවිරිදි අබ්දුල් කාදර් සමීනා ලෙස සඳහන් වෙයි.

කෙසේ වෙතත් පසුගිය අප්‍රේල් 18 වැනිදා සිට හෂ්ම්ගේ පවුලේ සාමාජිකයෝ සියල්ලෝම නිවෙසින් අතුරුද්දන්ව ඇතැයි මේ පිළිබඳව අනාවරණය කරන ඔහුගේ සහෝදරිය වන හෂිම් මදානියා මාධ්‍ය වෙත පවසා තිබේ. ඒ අනුව එදින තමන් සිය මවුපියන්ට සහ සහෝදරයන් දෙදෙනා හමුවීමට ගිය බවත් එදින පටන් ඔවුන් පිළිබඳ කිසිදු තොරතුරක් නොමැති බවත් ඇය පවසයි.

"ඔහු මේ මුස්ලිම් පල්ලිය තුළ ආගමික ඉගැන්වීම් ආරම්භ කළේ2017 වසරේදීය. එතැනදී ඔහු ලෝකය බිහිවී තිබෙන්නේ මුස්ලිම්වරුන්ට බවත් අනෙකුත් ආගමිකයන්ට එහි ඉඩක් නැති බවත් ඉගැන්නුවා. ඒත් අපි මේ ඉගැන්වීම්වලට කැමති වුණේ නැහැ. ඒ නිසාම අපි ඔහු සමග පැවැත්වූ සබඳතා නැවැත්වුවා''
යනුවෙන් ඇය සදහන් කරයි.

මේ අතර, 2017 වසරේ මාර්තු 10 වැනිදා කාතන්කුඩියේදී ඇතිවුණු යම් ගැටුම්කාරී තත්වයකින් පසුව සහරාන් එම පළාතෙන් පලාගොස් ඇත.

 ඒ අනුව, එතැන් සිට පසුගිය පාස්කු ඉරිදා මරාගෙන මැරෙන බෝම්බය පුපුරුවා ගන්නා තෙක්ම සහරාන් පිළිබඳව කිසිදු තොරතුරක් තමන්ට නොලැබුණු බවද සහෝදරිය අනාවරණය කර තිබේ. එසේම ඔහුගේ තෙවැනි සහෝදරයා වන මොහොමඩ් රිල්වාන් හෂිම්ද මේ වනවිට අතුරුදහ්ව සිටියි.  කෙසේ වෙතත් පසුගිය වසරේ දෙසැම්බර් මාසයේදී මහනුවර ප්‍රදේශයේ බෞද්ධ පිළිම වෙත හානි කිරීමේ සිදුවීම පිටුපසද හෂීම් සිටින බවට පොලීසිය විසින් තොරතුරු අනාවරණය කරගෙන තිබේ.

 සහරාන්ගේ මූලිකත්වයෙන් කාත්තන්කුඩිය කේන්ද්‍ර කරගනිමින් ජාතික තවුහීද් ජමාද් සංවිධානය පිහිටු වෙන්නේ 2011 වසරේදීය. මෙය ඉතා කුඩා ප්‍රදේශයක් වුවත් එහි ඉහළ ජන ඝනත්වයක් පවතී. මෙහි අදටත් මුස්ලිම් පල්ලි 63කට ආසන්න සංඛ්‍යාවක් පිහිටා තිබේ.

 ඒ අතරින් පල්ලි 3ක පමණ වහාබ්වාදය පිළිබඳ මූලධර්මීය අදහස් ප්‍රචලිත කිරීමේ යෙදී සිටියි. ඉන්දියානු මාධ්‍ය සදහන් කරන ආකාරයට මේ වසරේ එක් දිනෙකදී මඩකලපුවේ කාත්තන්කුඩියේදී සිදුවුණු යතුරුපැදියක් පිපිරීයාමේ සිදුවීම මෙම මරාගෙන මැරෙන බෝම්බ ප්‍රහාරයට සම්බන්ධතාවක් පවතින බවට සැක කෙරේ.


මෙම කාන්තන්කුඩි නගරය යනු ඊළාම් යුද්ධය අවස්ථාවේදී 1990 වසරේ දිනෙක එල්.ටී.ටී.ඊ. ත්‍රස්තවාදීන් විසින් මුස්ලිම් පල්ලි වෙත පහරදී මුස්ලිම් භක්තිකයන් 150 දෙනෙකු ඝාතනය කර දැමු ස්ථානය ලෙසද ඉන්දීය මාධ්‍ය යළිත් සිහිපත් කර ඇත.

"ඔහු හැම විටම කියපු දෙයක් තමයි අපි කුරානයේ පවසලා තියෙන විදියට ජීවත් වෙන ඕනේ කියන එක. සොරකමකදී ඒ හොරගේ අත කපා දැමිය යුතු බවත්, අනියම් සබඳතාවලදී ගල් ගැසීම් දඩුවම ලබාදිය යුතු බවත් ඔහු කීවා. ඔහුට වුවමනා වුණේ ෂරීයා නීතිය ගෙන එන්න. ඒත් මෙහි රට සෞදී අරාබිය නෙමෙයි කියලා අපි හැමවිටම ඔහුත් සමග ඒ ගැන වචන හුවමාරු කරගත්තා."

කාතාන්කුඩි මුස්ලිම් පල්ලි සම්මේලනයේ හිටපු සාමාජිකයකු වන අබ්දුල් ලතීෆ් මොහොමඩ් සබීල් එලෙස පවසා ඇත.


කාත්තන්කුඩියේ දිළිඳු පවුලක උපත ලබා ඇති සහරාන් හෂීම් කුඩා කල සිටම නොහික්මුණු පුද්ගලයකු ලෙස හඳුනාගෙන ඇත. එසේ ඔහු අධ්‍යාපනය ලබද්දී උගැන්වීම් සිදුකළ ගුරුවරුන් සමගින් විවාදයේ පැටලීම නිසා පාසලින් පවා නෙරපූ අයකු බවත් පැවසෙයි. අනතුරුව නගරයෙන්ද පලා ගොස් ඇති ඔහු පසුව ශ්‍රී ලංකාවේ මධ්‍යම කඳුකරය ආශ්‍රිත පාසලකින් අධ්‍යාපනය ලබා තිබේ.

"ඔහු නැවත කාත්තන්කුඩියට ආවේ අරාබි සහතිකයක් එක්කයි. ඉන් පස්සේ ඔහු ආගමික ඉගැන්වීම් සිදුකළා. ඔහු හොද කථිකයෙක් වුණු නිසා බොහෝ පිරිසක් ඔහු වටා එකතු වුණා. ඔහුට පුළුවන් වුණා 300ක පමණ අනුගාමිකයන් පිරිසක් තමා වටා රැස් කරගන්න.”

සබීල් වැඩිදුරටත් පවසා සිටියි. හෂීම් ගැන පැමිණිලි පිට පැමිණිලි
කෙසේ වෙතත් ඔහුගේ මේ ක්‍රියාකාරකම් සම්බන්ධයෙන් 2017 වසරේදී අවස්ථා ගණනාවකදීම පොලිසිය වෙත සහ මුස්ලිම් ආගමික කටයුතු දෙපාරිතමේන්තුව වෙත පවා පැමිණිලි ලැබී තිබේ. ඒ සමගම හෂිම්ද කාත්තන්කුඩියෙන් අතුරුදන්ව ගොස් ඇත.

 ආගමික ඉගැන්වීම සම්බන්ධයෙන් ඔහු ලැබූ ප්‍රසිද්ධියත් සමගම විදෙස් රටවලදී එවැනි ඉගැන්වීම් සිදුකිරීම සඳහාද ඔහුට අවස්ථාවක් ලැබෙන්නට ඇතැයි ඇතැම් පිරිස් විශ්වාසය පළ කරයි.  අනතුරුව සහරාන් හෂීම් යළිත් කරළියට එන්නේ පසුගිය දෙසැම්බර් මාසයේදී කෑගල්ල දිස්ත්‍රික්කයේ බුදු පිළිම කිහිපයක් වෙත හානි කිරීමේ සිදුවීමත් සමගිනි.

ඒ සම්බන්ධයෙන් සිදුකළ වැඩිදුර විමර්ශනවලදී පසුගිය ජනවාරි මාසයේදී  පුත්තලම ප්‍රදේශයේ පොල් වත්තක තිබී පුපුරන ද්‍රව්‍ය, ඩෙටනේටර් සහ අන්තවාදී ඉගැන්වීම් සහිත ලියවිලි රැසක් සොයා ගැනීමට හැකිවී තිබේ.

සහරාගේ මරණයෙන් පසුව ජාතික තවුහීද් ජමාද් සංවිධානයේ නායකත්වය මේ වනවිට මවුලවි තවුෆීක් නම් 33 හැවිරිදි පුද්ගලයෙකු වෙත පිරීනැමී තිබේ. කෙසේ වෙතත් ඇතැම්විට සහරාන් හෂීම් මෙම බෝම්බ ප්‍රහාර මාලාවට සම්බන්ධවීමක් සිදු නොවී මේ වනවිට සැඟවී සිටිය හැකි බවටද ශ්‍රී ලංකාවේ බුද්ධි අංශ සඳහන් කර සිටියි. ඒ පිළිබදව තවදුරටත් පරීක්ෂණ සිදු කෙරෙමින් පවතී.

Read More

බෝම්බවලට යොදන යකඩ බෝල කිලෝ 2ක් සමග වැල්ලවායේ පුද්ගලයෙක් කොටු

වැල්ලවාය නගරයේ ඇල්ල හන්දිය ප්‍රදේශයේ ව්‍යාපාරිකයකු බද්දට ගෙන තිබූ ගොඩනැගිල්ලක සගවා තිබූ බෝම්බ නිෂ්පාදනය සඳහා යොදාගනු ලබන යකඩ බෝල කිලෝග්‍රෑම් දෙකක් සොයා ගැනීමෙන් පසුව සිදුකළ විමර්ශනයේදී එම ව්‍යාපාරිකයාගේ නිවසට යාබද දර මඩුවක තිබී හඳුනා නොගත් රසායනික ද්‍රව්‍ය අඩංගු බෝතල් දෙකක්ද සොයාගෙන ඇත.

මේවා සොයා ගැනීමෙන් පසුව මෙම ව්‍යාපාරිකයා ඇතුළු දෙදෙනෙක් පොලිසිය විසින් අත්අඩංගුවට ගනු ලැබූහ.

වැල්ලවාය ඇල්ල හංදිය ප්‍රදේශයේ වෙළදසැල බදු පදනම මත මෙම ව්‍යාපාරිකයාට ලබාදුන් කඩ හිමියා  පොලිසියට කළ පැමිණිල්ලකට අනුව සැකකාර  ව්‍යාපාරිකයා අත්අඩංගුවට ගෙන තිබේ.

අත්අඩංගුවට ගත් සැකකාර ව්‍යාපාරිකයන් දෙදෙනා වැලිමඩ බෝගහකුඹුර අළුගොල්ල අරාව ප්‍රදේශයේ පදිංචි පුද්ගලයන් බව පොලිසිය පවසයි.

වැල්ලවාය පොලිසිය කළ ඉල්ලීමකට අනුව හපුතලේ පොලිස් විශේෂ කාර්ය බළකා කඳවුරේ ස්ථානාධිපති පොලිස් පරීක්ෂක සිල්වා මහතා ඇතුළු නිලධාරීන් කණ්ඩායමක් වැලිමඩ බෝගහකුඹුර අළුගොල්ල අරාවේ ප්‍රදේශයට ගොස් සැකකරු අත්අඩංගුවට ගෙන වැල්ලවාය පොලිසියට බාරදී ඇත.

සැකකරුගේ නිවසට යාබදව දර මඩුවේ තිබූ හඳුනා නොගත් රසායනික ද්‍රව්‍ය අඩංගු බෝතල් දෙක පිළිබඳව වාර්තතාවක් ලබාගැනීම සඳහා ඒවා රස පරීක්ෂක කාර්යාලයට යොමු කිරීමට පොලිසිය කටයුතු කර ඇත.

Read More

ගව ඝාතකාගාරයේ අපද්‍රව්‍ය වලෙන් නිකුත් විෂ වායුවෙන් සිව්දෙනෙක් මරුට

 වවුනියාව, තාණ්ඩිකුලම්හි ගව ඝාතකාගාරයක අපවිත්‍ර වළක් පිරිසුඳු කිරීමට ගිය නගර සභා සේවකයන් සිවුදෙනකු ඊයේ (25) විෂ වායුවක් ආග්‍රහණය වීමෙන් මියගොස් ඇති බව වවුනියාව පොලිසිය කියයි.

මෙලෙස මියගොස් ඇත්තේ වවුනියාව සහයමාදාපුරම් පදිංචි එස්. සෙල්වරාසා, වසන්ත කුමාර්, ජී. ශෂිකුමාර් හා වවුනියාව පූන්තෝට්ටම් පදිංචි චන්ද්‍රන් සාමි නමැති වවුනියාව නගර සභාවේ සුළු සේවකයින් සිවුදෙනෙකි.

ඊයේ දහවල් 1.30 පමණ නගර සභා සේවකයන් සිව්දෙනා අදාළ ගව ඝාතකාගාරයේ තිබූ කසළ වළක් පවිත්‍ර කිරීමට ගොස් ඇති අතර එහිදී විෂ වායුව ආඝ්‍රහණය වී තිබේ.

දිර්ඝ කාලයක් ආවරණය කොට තිබූ මෙම කසළ වළට නගර සභා එක් සේවකයෙකු අපද්‍රව්‍ය ඉවත් කිරීම සඳහා ප්‍රථමයෙන් බැස ඇති බව පොලිසිය පැවසීය.

වළ තුළ තිබූ විෂ වායුවක් ආග්‍රහණය වීම හේතුවෙන් ඔහු වළ තුළට වැටී ඇති අතර  අනෙක් සිවුදෙනා වළට ඇදවැටුණු පුද්ගලයා ඉවතට ගැනීමට උත්සහ කිරීමේදී ඔවුනුත් එම වළට ඇදවැටී ඇති බව පොලිසිය සඳහන් කළේය.

පොලිසිය පැවසූයේ  වළට ඇදවැටුණු සිවුදෙනාම එම ස්ථානයේදීම මියගොස් ඇති බවත් ප්‍රදේශවාසීන් කිහිපදෙනකු දැඩි පරිශ්‍රමයක් යොදා සිරුරු වළෙන් ගොඩගෙන වවුනියාව රෝහල වෙත රැගෙන ගොස් ඇති බව ද පොලිසිය කීය.

මියගිය නගර සභා සේවකයන් සිවුදෙනා ආරක්ෂිත ක්‍රියාමාර්ග පිළිනොපැද අපවිත්‍ර වළේ අපද්‍රව්‍ය ඉවත් කිරීමට උත්සාහ කොට ඇති බව ද පොලිසිය පැවසීය. පශ්චාත් මරණ පරීක්ෂණය සඳහා සිරුරු වවුනියාව රෝහලේ මෘත ශරීරාගාරය වෙත රැගෙන යනු ලැබීය.

Read More

ප්‍රහරයට දින 10කට කලින් ඉන්දියාව සියලුව තොරතුරු ලංකාවට දුන්නා-NDTV පුවත් සේවය

මෙම ප්‍රහාරය ජාතික තවිහිත් ජමාත් කල්ලිය විසින් එල්ල කරනු ලබන බව පමණක් නොව එහි නායකයාගේ සහ සෙසු ප්‍රහාරකයන්ගේ නම් ගම්, ඔවුන් සැඟවී සිටින ස්ථාන, ඔවුන්ගේ පසුබිම සහ දුරකථන අංක පවා එම වාර්තාවට ඇතුළත් කර තිබුණු බවද NDTV පුවත්  සේවය පවසයි.

බෝම්බකරුවන්ගේ ඉලක්කය වී ඇත්තේ දේවස්ථාන සහ ශ්‍රී ලංකාවේ ඉන්දීය මහ කොමසාරිස් කාර්යාලය බවද පිටු තුනකින් යුත් මෙම වාර්තාවේ සඳහන් කර තිබුණු බවද NDTV පුවත් සේවය  ප්‍රකාශ කරයි.

අනතුරු ඇඟවීම් වාර්තාවෙන් මෙතරම් සවිස්තර තොරතුරු ලබාදී තිබියදී ඒ සම්බන්ධයෙන් අත්‍යවශ්‍යයම පියවර ගත යුතුව  තිබුණත් ශ්‍රී ලංකා බලධාරින් කිසිදු පියවරක් ගෙන නැති බවද එම පුවත් සේවය කියයි.

Read More

තව්හිත් ජමාත් පල්ලි ඉවත් කරන්නැයි මවුලවිවරු ඉල්ලයි

තව්හීත් ජමාත් සංවිධානයට අයත් පොළොන්නරුවේ පිහිටි මුස්ලිම් පල්ලි තුන සහ ලංකාව තුළ පිහිටුවා ඇති එම සංවිධානයට අයත් සියලු පල්ලි වහාම තහනම් කරන ලෙස පොළොන්නරුවේ පිහිටි මුස්ලිම් පල්ලි විසි නවයේ  මවුලවිවරු ඇතුළු නිලධාරිහු ඒකමතිකව ඉල්ලා සිටිති. ඔවුහු ඊයේ මේ පිළිබද සංදේශයක් පොළොන්නරුව මූලස්ථාන පොලිසියට ගොස් බාරදුන්හ.

එහි දී අදහස් දැක්වූ පොළොන්නරුව දිස්ත්‍රික් මුස්ලිම් පල්ලි සමේලනයේ සභාපති එස්.ඒ.ඒ. සමන් මහතා පැවසුවේ ඔවුන් පොළොන්නරුව දිස්ත්‍රික්කය තුළ අවුරුදු 80ක් 100ක් පමණ කාලයක සිට පදිංචිව සිටින අතර කිසිදු ගැටුමකින් තොරව පොළොන්නරුවේ මුස්ලිම්, දෙමළ සහ සිංහල ජාතීන් ජීවත් වන බවයි. යම් ප්‍රශ්නයක් වුණා නම්, ඒ තව්හීත් ජමාත් සංවිධානය ආරම්භ වීමෙන් පසුව බව ඔවුහු පැවැසූහ.

තව්හීත් ජමාත් සංවිධානය ශ්‍රී ලංකාවේ ලියාපදිංචි වී නොමැති බව පැවසූ ඔවුන් වැඩිදුරටත් පැවසුවේ පසුගිය සිදුවීම් මාලාවත් සමග රටේ සියලුම මුස්ලිම් ජනතාව දැඩි අපහසුතාවට පත් වී සිටින බවයි. මිනිස් ජීවිත විශාල සංඛ්‍යාවක් අහිමි වීමෙන් තමන් දැඩි කම්පනයටත්, අනික් සියලු ජනතාව ඉදිරියේ දැඩි අපහසුතාවයටත් පත්වූ බවත් ඊට තව්හීත් ජමාත් සංවිධානය හේතු වූ බවත් ඔවුහු කියා සිටිති. එම නිසා පොළොන්නරුවේ සහ මුළු රටේම තිබෙන මෙම පල්ලි සහ සංවිධානය තහනම් කරන ලෙස ඔවුහු ඉල්ලා සිටිති.

-කසුන් ඉරුගල්බණ්ඩාර-

Read More

මැති ඇමතිලා අද පරිස්සමෙන්

 තමන්ගේ ආරක්ෂාව පිළිබඳ අද (26) දිනයේ වඩාත් සැලකිලිමත් වන්නැයි ඇමැති ආරක්ෂක අංශයේ ප්‍රධානීන් සියලුම මැති  ඇමැතිවරුන්ට ඊයේ (25) දැනුම්දී ඇත.  සිය ගමන්බිමන්ද අද දිනයේදී සීමා කරන්නැයි මැති ඇමැතිවරුන්ට දන්වා ඇත.

 ඇමැති ආරක්ෂක අංශ ප්‍රධානීන් මුස්ලිම් පල්ලිවල අද දිනයේ පැවැත්වෙන ආගමික කටයුතුවලට  සහභාගිවීමෙන් වළකින ලෙසත් මුස්ලිම් මැති ඇමැතිවරුන්ගෙන්ද ඉල්ලීමක් කර තිබේ.

මෙම බුද්ධි අංශ වාර්තා සැලකිල්ලට ගෙන ඇමැති ආරක්ෂක අංශය මෙම දැනුම්දීම කර තිබෙන බව පොලිස් ආරංචිමාර්ගවලින් පැවසේ.

මේ අතර ත්‍රස්තවාදී බෝම්බ ප්‍රහාරයෙන් පසුව සියලු මැති ඇමැතිවරුන්ගේ ආරක්ෂාව මේ වන විට වැඩිකර ඇත.

Read More

ෂැංග්‍රි-ලා බෝම්බකරුට බෝම්බ හදන්න බඩු දුන්නේ ආණ්ඩුවේ ප්‍රභල ඇමතිවරයෙක්ලු

කොළඹ ෂැංග්‍රිලා හෝටලයේදී මරාගෙන මැරෙන ප්‍රහාරයක් එල්ල කළ අහමඩ් නමැති බෝම්බකරු යුද හමුදාවෙන් ඉවතලන හිස් පතුරම් කොපු කාර්මික සංවර්ධන මණ්ඩලය හරහා ලබාගෙන ඇති බව  තොරතුරු දැනගැනීමේ පනත යටතේ ලබාගත් තොරතුරුවලින් හෙළිවී ඇත.

මෙම බෝම්බකරු කාර්මික සංවර්ධන මණ්ඩලයෙන් හිස් පතුරම් කොපු ලබාගෙන ඇත්තේ කුඩා ව්‍යවසායකයන්ට අබලි ද්‍රව්‍ය ලබාගැනීමට ඇති පහසුකම යටත් බවද හෙළිව ඇත.

මේ සඳහා ව්‍යවසායකයෙකු හැටියට කාර්මික සංවර්ධන මණ්ඩලයේ ලියාපදිංචි විය යුතු අතර කොලෝසස් ප්‍රයිවට් ලිමිටඩ්. අංක 111/6, අවිස්සාවේල්ල පාර, වැල්ලම්පිටිය යන ලිපිනයෙන් 1611216 ලියාපදිංචි අංකය යටතේ එම්.අයි.ඉන්ෆාස් අහමඩ් නමින් ඔහු මෙම මිලදී ගැනීම් කර ඇත.

වසර ගණනක් තිස්සේ රුපියල් කෝටි ගණනක් වටිනා හිස් පතුරම් ඔහු මෙසේ මිලදීගෙන ඇත්තේ වැල්ලම්පිටිය ප්‍රදේශයේ පිහිටි තමාට අයත් තඹ කර්මාන්ත ශාලාවේ නිෂ්පාදන කටයුතු සඳහා බව කියමිනි.

පාස්කු ඉරිදා ප්‍රහාරයට යොදාගත් බෝම්බ මෙම තඹ කම්හලේදී නිෂ්පාදනය කළ බවට ආරක්ෂක අංශ සැකකරයි.

ඉම්ෆාස් අහමඩ්ගේ පවුලේ සොයුරු සොයුරියන් නව දෙනකු සිටින අතර පාස්කු ඉරිදා ප්‍රහාරයේදී කොළඹ සිනමන් ග්‍රෑන්ඩ් හෝටලයට මරාගෙන මැරෙන බෝම්බ ප්‍රහාරයක් එල්ල කරනු ලැබූ ඉල්හාම් අහමඩ් ඉන්ෆාස් එක් සහෝදරයෙකි.

දෙමටගොඩ, මහවිල උද්‍යානයේ නිවසක් පරික්ෂා කිරීමේදී පුපුරාගිය බෝම්බලයෙන් ඉම්ෆාස් අහමඩ්ගේ බිරිඳ හා දරුවන් දෙදෙනා මියගියහ.

මෙම සිද්ධියෙන් පසුව පොලිසිය සිදුකළ පරීක්ෂණයෙන් අනතුරුව මෙම තඹ කර්මාන්ත ශාලාව පරීක්ෂාට ලක්කර එහි කම්කරුවන් ඇතුළු පුද්ගලයෝ නව දෙනෙක් අත්අඩංගුවට ගෙන රක්ෂිත බන්ධනාගාරගත කරනු ලැබූහ.

ඉන්ෆාස් අහමඩ් මෙසේ දිගු කලක් කාර්මික සංවර්ධන මණ්ඩලයෙන් හිස් පතුරම් කොපු තොග ගණනින් ලබාගෙන ඇති අතර එම ප්‍රදානයන් සිදුව ඇත්තේ කුඩා ව්‍යවසායකයන්ට අබලි ද්‍රව්‍ය ලබාදීමට නියමිත ක්‍රමවේදයෙන් බැහැරව බවට විශ්වාසී ආරංචි මාර්ග සඳහන් කරයි.

කුඩා ව්‍යවසායකයන් නගාසිටුවීම සඳහා මෙම පහසුකම කාර්මික සංවර්ධන මණ්ඩලය මගින් ලබාදී ඇති නමුත් සීමාව
ඉක්මවා මිලදී ගැනීමට කර්මාන්තකරුවන් කීප දෙනකුට අවස්ථාව සැලැසී ඇතැයි එහි ප්‍රකාශකයෙක් කීය.

ඉන්ෆාස් අහමඩ් නමැත්තා අවස්ථා ගණනාවකදි කාර්මික සංවර්ධන මණ්ඩලයට පැමිණ මිලදී ගැනීම් ක්‍රියාවලියට සම්බන්ධවී ඇති බවද ඔහු කිය. ඉන්ෆාස් අහමඩ්ට කාර්මික සංවර්ධන මණ්ඩලයන් මෙම පතුරම් මිලදී ගැනීමට ආණ්ඩුවේ ප්‍රබල ඇමැතිවරයකුගේ අනුග්‍රහය ද ලැබී ඇති බවද කියති.  කාර්මික සංවර්ධන මණ්ඩලය, වාණිජ හා කර්මාන්ත කටයුතු අමාත්‍යාංශය යටතේ පවතින රාජ්‍ය ආයතනයකි.

Read More

පූගොඩ පිපිරවීම ජනතාව රැවටීමක්

දොම්පෙ ප්‍රාදේශීය ලේකම් බල ප්‍රදේශයේ පූගොඩ නගරයේ උසාවිය ආසන්නයේ පිටුපස හිස් ඉඩමේ ඊයේ (25) පෙ.ව. 08.56 ට සිදු වූ පිපිරිම ජනතාව බිය වැද්දවීමට කරන ලද්දක් බව හෙළි වේ. සිදුවීම සැලවීමත් සමග එතැනට නියෝජ්‍ය පොලිස්පති දේශබන්දු තෙන්නකෝන් මහතා පැවසුවේ ජනතාව කුපිත කිරීම සඳහා ඇතැම් පුද්ගලයන් හා සංවිධාන විවිධ උපක්‍රමයන් යොදන අතර, මෙම පිපිරවීමද එවැනි ක්‍රියාවක් බවයි. මෙම ස්ථානයේ බෝම්බ පිපිරීමක් සිදු වී නැති බවත් උපායශීලීව රතිඤ්ඤා වැනි දෙයක් උපයෝගී කරන්ගෙන එම පිපිරීම සිදු කර ඇති බවත්, රජයේ රස පරික්ෂක කැදවා අවසාන තීරණයකට එළඹෙන බවත් හෙතෙම පැවසීය.

සිද්ධිය සැලවීමත් සමග පූගොඩ පොලිසිය වහා ක්‍රියාත්මක වී අවශ්‍ය සෑම ස්ථානයකටම ආරක්ෂාව සැපයීමට කටයුතු කරන ලදී. අනතුරුව මේ ප්‍රදේශයේ තිබෙන පූගොඩ තරාල සිරි කුරුස කතෝලික දේවස්ථානයටද, කුමාරිමුල්ල මුස්ලිම් දේවස්ථානයටද ගොස් ජනතාව දැනුවත් කරන ලදි.


-ජී.එස්.තැලිගම-

Read More

පුපුරන ද්‍රව්‍ය හොයන්න නිල සුනඛයින් 85ක්

රට පුරා සෑම ප්‍රදේශයකම පුපුරන ද්‍රව්‍ය පරික්ෂාව සඳහා විශේෂඥ පුහුණුව ලැබූ පොලිස් නිල සුනඛයන් 85 දෙනෙකු රාජකාරි සදහා පොලිස් නීල සුනඛ කොට්ඨාසය මගින් යොදවා ඇති බව වාර්තා වේ. කොළඹ, මහනුවර ප්‍රධාන නගර සදහා මින් සුනඛයන් 25 දෙනෙකු යොදවා තිබේ. මෙයට අමතරව පොලිස් කොට්ඨාස මට්ටමින් මෙන්ම පොලිස් විශේෂ කාර්ය බළකා බෝම්බ නිෂ්ක්‍රීය අංශය සදහා නිල සුනඛයන් යොදවනු ලැබ ඇති බව එම කොට්ඨාසයේ අධ්‍යක්ෂ පොලිස් අධිකාරී ලාල් සෙනවිරත්න මහතා පැවසීය.

යුරෝපීය රටවලින් ගෙන එන ලද ඉතා ඉහළ මට්ටමේ සුනඛයන්ට මෙරටදී මෙන්ම විදෙස් රටවලදී පුපුරන ද්‍රව්‍ය පිළිබඳ විශේෂ පුහුණුව ලබා දෙමින් මෙලෙස පොලිස් නිල සුනඛ රාජකාරි සදහා යොදවා ඇත. ඕනෑම සැක සගීත පුද්ගලයෙකු, පාසලයක්, ගොඩනැගිල්ලක් ඉතා සාර්ථකව පරික්ෂා කිරීමේ හැකියාව මෙම සුනඛයන් සතුය. මීට අමතරව පුපුරන ද්‍රව්‍ය පරික්ෂාව පිළිබද තවත් සුනඛයන් 15 දෙනෙකු සදහා විශේෂ පුහුණු ලබා දීම මේ වන විට ආරම්භ කර ඇති බවද වැඩිදුරටත් අදහස් දැක්වූ පොලිස් නිල සුනඛ කොට්ඨාසයේ අධ්‍යක්ෂ පොලිස් අධිකාරි ලාල් සෙනවිරත්න මහතා පැවසීය.

-ඉන්දික පොල්කොටුව

Read More

දුම්රියට ගල් ගහලා-රියදුරු රෝහලේ

ගාල්ල සිට බෙලිඅත්ත බලා ධාවනය කෙරෙමින් තිබූ දුම්රියකට  පෙරේදා (23)දා රාත්‍රියේ එල්ල වූ ගල් ප්‍රහාරයක් හේතුවෙන් එහි රියදුරා තුවාල ලබා ඇතැයි බෙලිඅත්ත පොලීසිය පවසයි.

ගාල්ල සිට බෙලිඅත්ත බලා එදින රාත්‍රී 8.35ට ගමන් ආරම්භ කළ දුමිරියට බෙලිඅත්ත උණන ප්‍රදේශයේදී මෙලෙස ගල් ප්‍රහාරයක් එල්ල වී ඇත.

මෙම ප්‍රහාරයෙන් තුවාල ලැබූ දුම්රියේ රියදුරා රියදුරු සහායකගේ උදව්වෙන් බෙලිඅත්ත දුම්රිය ස්ථානය දක්වා දුම්රිය ධාවනය කිරීමෙන් අනතුරුව එහි කාර්යමණ්ඩලය විසින් ඔහු තංගල්ල මූලික රෝහලට ඇතුළත් කිරීමට පියවර ගෙන ඇත.

 මෙම ප්‍රහාරය හේතුවෙන් දුම්රිය එන්ජිමෙහි ඉදිරිපස වීදුරුවකට හානි සිදුව ඇත. බෙලිඅත්ත පොලීසියේ නිලධාරීහු පිරිසක් සිද්ධිය පිළිබඳ වැඩිදුර පරික්ෂණ සිදු කරති.

Read More

ISIS ප්‍රහාරයට එරෙහිව පදියතලාව මුස්ලිම් වැසියන් නිහඬ විරෝධතාවක

පාස්කු ඉරිදා ස්ථාන කිහිපයක සිදුකළ පිපිරවීම්වලට විරෝධය පළකරමින් පදියතලාව මුස්ලිම් ව්‍යාපාරිකයින් සියලු දෙනාම ඊයේ (24දා) උදෑසන තම වෙළඳසැල් වසා දමා රහුමානියා ජුම්මා පල්ලිය ඉදිරිපිට විරෝධතා පුවරු අතැතිව නිහඬ විරෝධතාවක නිරත වූහ.

''පාස්කු ඉරිදා මිලේච්ඡ ප්‍රහාරය හෙළා දකිමු!.
අයි. එස්. ත්‍රස්තවාදීන් ක්‍රිස්තියානි බැතිමතුන් ඝාතනය හෙළා දකිමු! අහිංසක නිරායුධ ජනතාව කුරිරු ලෙස ඝාතනය කින්ම සමස්ත මුස්ලිම් ජනතාව පිළිකුලෙන් යුතුව හෙලා දකිමු
ජාතික සමගිය බිඳ දමන අයි.එස්. මිල්විජ ත්‍රස්තවාදය අපට එපා!''

යනුවෙන් සඳහන් පුවරු රැගෙන ඔවුන් නිහඩ විරෝධතාවයේ යෙදී සිටියහ.

ඊට අමතරව වසා දැමූ වෙළඳ සැල් ඉදිරිපිටද මෙවැනි ආකාරයේ විරෝධතා  පුවරු ප්‍රදර්ශනය කර තිබිණි.

මේ පිළිබඳව අදහස් දැක්වූ රහුමානියා ජුම්මා පල්ලියේ ලේකම් එන්.ආර්.ඒ. හලීම් මහතා,

"අපි අවුරුදු ගානක් පදියතලාවේ ව්‍යාපාරික කටයුතු කරනවා. අපේ ගම කාත්තන්කුඩි. දැන් අපිට ඒ ගමේ නමවත් කියන්න ලැජ්ජයි. ත්‍රස්තවාදී අයි. එස්. සංවිධානයේ අයත් කාතාන්කුඩියේ. ඒ නිසා අපි ප්‍රහාරයට දැඩි සේ විරුද්ධයි. අපිට ඕන හැමදාම සිංහල, දෙමළ, බර්ගර් අයත් එක්ක හොඳින් ඉන්න."
යැයි පවසා සිටියේය.

පදියතලාව මුස්ලිම් පල්ලිය අසල පොලිස් රැකවල් යොදා තිබූ අතර නගරය පුරාම ජංගම පොලිස් කණ්ඩායම්ද රාජකාරියේ යදී සිටියේය.

Read More

රටින් පිටවීම නවතමින් වීසා කාර්යාල වසා දමයි

රටවල් කිහිපයකට වීසා ලබාදීමේ සේවා සපයන මෙරට බලයලත් වීසා මධ්‍යස්ථාන කීපයක් යළි දැනුම් දෙනතුරු වසා දමා  ඇතැයි සංචාරක නියෝජිත ආයතන කියා සිටී.

වීසා මධ්‍යස්ථාන කිහිපයක් මෙසේ වසා දමා ඇති බව එම ආයතන සිය සේවා දායකයන්ට දැනුම් දී ඇත.

ඉන්දියාවට වීසා සේවා සපයන අයි.වී.එස් ආයතනය සහ මැලේසියා, තායි හා චීන තානාපති කාර්යාල අනුබද්ධිත වීසා සේවා මධ්‍යස්ථානද යළි දැනුම් දෙන තුරු වසා දමා ඇති බව එම ආරංචි මාර්ගවලින් වාර්තා වේ. මීට අමතරව යුරෝපා සංගමයේ රටවලට වීසා සේවා සපයන වී.එෆ්.එස් ග්ලෝබල් වීසා අයැදුම් මධ්‍යස්ථානයද මේ වන විට තාවකාලිකව වසා දමා ඇතැයි වාර්තා වේ.

Read More

ගෙයින් ගෙට හමුදා මෙහෙයුමක්

පවතින හදීසි තත්ත්වය සැලකිල්ලට ගනිමින් යුද හමුදාව විසින් රටපුරා පරික්ෂණ මෙහෙයුමක් ආරම්භ කර ඇති බව ඊයේ (24)  කළ විමසීමකදී යුද හමුදා මාධ්‍ය ප්‍රකාශක බ්‍රිගෙඩියර් සුමිත් අතපත්තු මහතා පැවසීය. ප්‍රහාරයට සම්බන්ධව තොරතුරු ලැබෙන සියලු ස්ථාන සහ පාර්ශ්වයන් පරික්ෂා කිරීමට, සැක සහිත භාණ්ඩ හෝ ද්‍රව්‍ය පවරා ගැනීමට සහ පුද්ගලයන් අන්තඅඩංගුවට ගැනීමට මේ අනුව යුද හමුදාවට බලය පැවරි තිබේ.

එසේම යුද හමුදාව විසින් මුර සංචාර සහ සෝදිසි මෙහෙයුම් තවදුරටත් වැඩි කර ඇති අතර රට පුරා ආරක්ෂාව තහවුරු වනතුරු අවශ්‍ය වුවහොත් ගෙයින් ගෙට ගොස් පවා පරික්ෂා කිරීමට සුදානම් බව වැඩිදුරටත් අදහස් දක්වමින් යුද හමුදා මාධ්‍ය ප්‍රකාශකවරයා පැවසීය.

Read More

අනුරාධපුර පාසලක් ඉදිරිපිට තිබී හමු වූ බෝමබය නිෂ්ක්‍රීය කරලා

අනුරාධපුර, රඹෑව, ගෝනෑව සිරි දේවමිත්ත ප්‍රාථමික විද්‍යාලයේ ප්‍රධාන පිවිසුම ඉදිරිපිට මාර්ගය අසල තිබී ඊයේ (24) උදෑසන 7.00ට පමණ අත්බෝම්බයක් හමුවූ බව පරසන්ගස්වැව පොලිසිය පවසයි. 

එම මාර්ගයේ ගමන් කළ ප්‍රදේශයේ  තරුණයකු මුලින්ම මේ අත්බෝම්බය දැක ඒ බව ඒ අවට නිවෙස්වල පදිංචිකරුවන්ට දැනුමදී අනතුරුව පොලිසියට දැනුම්දී තිබිණි. එම දැනුම්දීම අනුව පැමිණි පොලිසියේ නිලධාරීන් ආරක්ෂක ක්‍රියා මාර්ගයක් වශයෙන් වැලිකොට්ට යොදා අත්බෝම්බය ආවරණය කර පොලිස් විශේෂ කාර්ය බළකායේ අනුරාධපුර කඳවුරේ බෝම්බ නිශ්ක්‍රීය අංශය වෙත දැනුම්දී තිබිණි.

කවරකු විසින් කුමන චේතනාවකින් මෙම අත්බෝම්බය පාසල් ප්‍රධාන පිවිසුම ඉදිරිපිටට ගෙනැවිත් දැමුවේද යන්න පැහැදිලි නැතත් පළමු ශ්‍රේණියේ සිට පස්වන ශ්‍රේණිය දක්වා පන්ති පැවැත්වෙන මෙම විද්‍යාලය දෙවැනි පාසල් වාරය සඳහා ඊයේ (24) උදේ ආරම්භ කළේ නම් විශාල විනාශයක් සිදුවීමට ඉඩ තිබූ බව පාසලේ ඉගෙනුම ලබන සිසු සිසුවියන්ගේ මව්පියෝ පවසති.

පරසන්ගස්වැව පොලිසිය මේ පිළිබඳව සිදුකරන පරීක්ෂණවල දී අනාවරණය වී ඇත්තේ පාසල් ආරක්ෂාවට යොදවා සිටින උතුරු මැද අධ්‍යාපන දෙපාර්තමේන්තුවින් වැටුප් ලබන මුරකරුවන් දෙදෙනාම පෙරේදා (23) රාත්‍රියේ සේවය සඳහා පැමිණ නැති බවය.  සිරි දේවමිත්ත ප්‍රාථමික විද්‍යාලයේ විදුහල්පතිනි ගීතා ප්‍රියදර්ශනී කරවිට මහත්මිය ප්‍රකාශ කළේ පළමු ශ්‍රේණියේ සිට පස්වන ශ්‍රේණිය දක්වා පන්ති පැවැත්වෙන සිය පාසලේ කුඩා සිසු සිසුවියන් 400ක් පමණ ඉගෙනුම ලබන බවයි.

පාසලේ සිටින මුරකරුවන් දෙදෙනාගෙන් පෙරේදා රාත්‍රියේ රාජකාරිය පැවරි තිබූ මුරකරු සේවයට වාර්තාකර නොතිබූ බවත් ඔහු සේවයට නොපැමිණෙන බව තමන්ට දැනුම් නොදුන් බවත් විදුහල්පතිනිය වැඩිදුරත් පැවසුවාය.

පොලිස් විශේෂ කාර්ය බලකායේ අනුරාධපුර කඳවුරේ බෝම්බ නිශ්ක්‍රීය අංශයේ නිලධාරීන් දහවල් පැමිණ ආරක්ෂාකාරීව බෝම්බය නිශ්ක්‍රීය කර තිබිණි.

Read More

එස්.එම්.එස් යවලා බෝම්බ ලොරියක බිය මතුකල මොරටුව නාගරික ලේකම් පොලිසියට

බෝම්බ සවිකළ ලොරියක් හොරණට පැමිණ ඇති බවට ජංගම දුරකථනයක කෙටි පණිවුඩයක් ඔස්සේ අසත්‍ය ප්‍රචාරයක් කළ බව කියන මොරටුව නගර සභාවේ ලේකම්වරයා පෙරේදා(23දා) පොලිසියට කැඳවා ප්‍රකාශ ලබා ගෙන මුදාහැරී බව හොරණ පොලිසිය කියයි. එලෙස කෙටි පණිවුඩ යවන ලද ලේකම්වරයාගේ ජංගම දුරකථනය පොලිසිය භාරයට ගත් බව පොලිස් නිලධාරියකු පැවැසීය. බෝම්බ සවිකළ ලොරියක් හොරණට පැමිණ ඇති බවට කෙටි පණිවුඩයක් තම ජංගම දුරකථනයට ලැබුණු බව කාන්තාවක් පොලිස් හදිසි ඇමතුම් අංශය (119) හරහා හොරණ පොලිසියට කරන ලද දැනුම් දීමක් අනුව කළ විමර්ශනවලදී එලෙස කෙටි පණිවුඩයක් යොමු වී ඇත්තේ පොල්ගස්ඕවිට දකුණ පදිංචි පුද්ගලයකුට අයත් දුරකථනයකින් බවට මූලික විමර්ශනවලදී අනාවරණය වූ බව පොලීසිය කියයි.

ඒ අනුව පෙරේදා (23දා) සවස පොලිසියට එම පුද්ගලයා කැඳවා සිදුකළ පරීක්ෂණයේදී මොරටුව නගර සභාවේ ලේකම්වරයා බවට හෙළිවූ බවත් ඔහු සතුව තිබූ ජංගම දුරකථනය පරික්ෂා කිරීමේදී එම කෙටි පණිවුඩය දැක ගැනීමට හැකිවූ බවත් පොලිසිය කියයි. සීදූව ප්‍රදේශයේ පොලිස් විශේෂ කාර්ය බළකායේ කොස්තාපල් මිතුරකුගෙන් ලද එම කෙටි පණිඩුවය හොරණ හා ඒ අවට ප්‍රදේශයන්හි දන්නා හඳුනන අයගේ දුරකථනවලට  යොමු කළ බව ලේකම්වරයාගෙන් ප්‍රශ්න කිරීම්වලදී වැඩිදුරටත් හෙළි වූ බව පොලිස් නිලධාරියකු වැඩිදුරටත් පැවැසීය.

-එම්.සී.පෙරේරා-

Read More

මුහුණ වසාගෙන සැකකටයුතු ලෙස හැසිරුණු කත මාට්ටු

දිගු කලිසමකින් සැරසී මුහුණ රෙද්දකින් වසාගෙන දුරකථන ඇමතුම් ලබාගනිමින් සැකකටයුතු ලෙස සිටි කාත්තාවක් පොලිසිය භාරයට ගෙන කළ ප්‍රශ්න කිරීමේදී සැමියාගේ අනියම් සබඳතාවක් අතටම හසුකර ගැනීමට එසේ කළ බව හෙළිවීමේ පුවතක් ඊයේ (24දා) බණ්ඩාරගම පොලිසියෙන් වාර්තා විය.

බණ්ඩාරගම මැදගම අඳුන්වත්ත සුසාන භූමිය අසල තිබෙන ඇඟලුම් කර්මාන්තශාලාවක් ඉදිරිපිට දිගු කලිසමක් ඇඳ මුහුණ වැසෙන සේ රෙද්දකින් ආවරණය වී කළුපාටට හුරු බෑගයක් අතදරාගත් කාන්තාවක් දුරකථන ඇමතුම් ලබාගනිමින් විනාඩි තිහකට ආසන්න කාලයක සිට සැකකයුතු ලෙස රැදී සිටින බවට බණ්ඩාරගම පොලීසිය වැඩබලන  පොලිස් ස්ථානාධිපති ධම්මික නවරත්න මහතාට ප්‍රදේශවාසියකුගෙන් ලද දුරකථන ඇමතුමට වහා ක්‍රියාත්මක වූ ඒ මහතා ජංගම මුර සංචාරයේ නිරතව සිටි පොලිස් පරීක්ෂක ජේ.එන්.ද. සිල්වා මහතාට කළ දැනුම්දීමක් අනුව එම ස්ථානයට ගිය පොලිස් පරික්ෂකවරයාට දැකගත හැකි වී ඇත්තේ හිසෙහි සිට ඉණ පෙදෙස තෙක්  රෙද්දකින් වසාගත් කාන්තාවක් බණ්ඩාරගම දෙස සිට කැස්බෑව දෙසට පැමිණෙන  වහන දෙස බලා සිටිනු අයුරුයි.

ඊට මිටර් දෙසීයක් පමණ දුරින් පිහිටි ත්‍රිරෝද  රථගාලක රියැදුරන් ඇතුළු ප්‍රදේශවාසීන් පිරිසක් තාප්පයකට හා බස් නැවතුමට මුවා වී ඇයගේ ක්‍රියාව විමසිල්ලෙන් බලා සිටින අයුරුද තවදුරටත් දැකගත හැකි විය. එම කාන්තාව අසලටම ගොස් පොලිස් ජීප් රථය නැවත්වුවද ඇය එකඑල්ලේ බලා සිටින ඉරියව්ව වෙනස් නොවූ නිසා පොලිස් පරීක්ෂකවරයා ඇතුළු පිරිස ජීප් රථයෙන් බැස ඇයගෙන් ප්‍රශ්න කර තිබේ. එම කාන්තාවන්ගේ හැඳුනුම්පත පළමුව ඉල්ලා ගත් පොලීසීනිලධාරීන් එය පරීක්ෂා කර අනතුරුව ඇය සතුව තිබූ කළුවට හුරු බෑගය පරික්ෂා කිරීමේදී එහි දිගු සායක් තිබෙනු දැක ඇත.

 ඒ පිළිඳව සැක ඇතිවීමෙන් ඇය ජීප් රථයේ නංවා ගත් පොලිස් නිලධාරීහු ඇය පොලිසියට කැඳවාගෙන ගියහ. වැඩබලන ස්ථානාධිපතිවරයාගේ  උපදෙස් මත ළමා හා කාන්තා කාර්යාංශයේ ස්ථානාධිපති උප පොලිස් පරීක්ෂක අනුෂා හේමමාලි මහත්මිය එම කාන්තාවන්ගෙන් සිදුකළ ප්‍රශ්න කිරීමේදී ඇය පවසා ඇත්තේ රියැදුරකු වන සැමියා බණ්ඩාරගම මැදගම ප්‍රදේශයේ ඇඟලුම් සේවිකාවක් සමඟ අනියම් සබඳතාවක් පවතින බවට එම ඇඟලුම් ශාලාවේම සේවය කරන තරුණියකගෙන් තමන්ට දැනගන්නට ලැබුණු බවත් එය අතටම අල්ලා ගැනීමට තමා මෙසේ ක්‍රියා කළ බවත්ය. එම කාත්තාව සිදුකරන ප්‍රකාශවල  සත්‍ය අසත්‍යතාව සොයාබලා ඇයගේ සමීප ඥාතිවරයකු ගෙන්වා ඇය භාර දීමට කටයුතු කරන බව පොලිස් නිලධාරිනිය වැඩිඳුරටත් පැවැසුවාය.

-එම්.සී.පෙරේරා-

Read More

බෝම්බ ගැන කියමින් කාන්තාවක් බියවැද්දූ කොලු රැළ රිමාන්ඩ්

මැදිරිගිරියේ කාන්තාවකට ඉකුත් 21 වන දින සවස 6.40ට දුරකථන ඇමතුමක්දී මහජන සාමය කඩවන ලෙස සාපරාධී බිය ගැන්වීමක් සිදුකළ කුරුණෑගල කොබෙයිගනේ පදිංචි තරුණයන් තිදෙනකු  මැදිරිගිරිය පොලිසිය විසින් අත්අඩංගුවට ගෙන ඇත.

නාදුනන පුද්ගලයකු දුරකථන ඇමතුමක් මගින් මැදිරිගිරිය විහාරගම ප්‍රදේශයේ කාන්තාවකට අමතා මහජන සාමය කඩවන ලෙස බිය ගැන්වීමක් සිදුකළ බවට ඇය මැදිරිසිරි පොලිසියට පැමිණිලි කර ඇත.

''වැඩේ හරිද? බස් දෙකකට අපි තිබ්බා. අටට වැඩේ වෙනවා. ඔයා අර පොට් එකට හයි කළාද?"

යනුවෙන් විමසා ඇති අතර දුරකථන ඇමතුම් ලැබුණු කාන්තාවගේ ජංගම දුරකථනයේ සැකකරුවන් විසින් සිදුකළ මෙම ප්‍රකාශයේ සියල්ල පටිගත වි තිබී ඇතැයි ද ඇය පොලිසියට කළේ පැමිණිල්ලේ සඳහන්වේ. පසුව මැදිරිගිරිය පොලිස් ස්ථානාධිපති පොලිස් පරික්ෂක පී.ඒ.යූ. වසන්ත පිටිගල මහතාගේ මෙහෙයවීමෙන් අදාළ දුරකථන දත්ත ඔස්සේ මෙම සැකකරුවන් පදිංචිව සිටි ප්‍රදේශයට ගොස් සැකකරුවන් තිදෙනා අත්අඩංගුවට ගෙන ඇත.

අත්අඩංගුවට ගත් සැකකරුවන්ගෙන් පොලිසිය කළ ප්‍රශ්න කිරීම් වලදී ඔවුන් පවසා ඇත්තේ විහිළුවට තම යාහළුවන් මේ දේ සිදුකළ බවයි.  සැකපිට අත්අඩංගුවට ගත් කුරුණෑගල කොබෙයිගනේ  පදිංචි නිෂාන් මොහම්දු හලීම් (2l),සෙනාන් ඉසුරු දිලංග (20)  ග්‍රේෂන් විජේතුංග (19) යන කරුණයින් තිදෙනා මැයි 7 වැනිදා තෙක් රිමාන්ඩ් ගත කරන්නැයි හිඟුරක්ගොඩ මහේස්ත්‍රාත් නියෝග කළේය.

Read More

මරාගෙන මැරුණ බෝම්බකරුවා ලෙස පෙන්වන මුහුණ අප දන්නා සහරාන්ට සමානකමක් නැහැ

තව්හිද් ජමාත් සංවිධාන බොහෝ ප්‍රමාණයක් රට තුළ තිබෙන බවත් මේ ප්‍රහාරයේ සැලැසුම්කරුවකු සේ සලකන සහරාන් නම් පුද්ගලයාගේ යැයි පෙන්වන රුව මරාගෙන මැරෙන බෝම්බකරුවකු ලෙස පෙන්වුවත් තමන් හඳුනන පුද්ගලයාගේ රුව හා ඒ රුව අතර අසමානකමක් පවතින බවත් ඔහු මිය නොගියේ යැයි සිතා ඉදිරි කටයුතු සිදු කළ යුතුව ඇති බවත් සිලෝන් තව්හිද් ජමාත් සංවිධානයේ මහලේකම් අබ්දුල් රාසික් මාධ්‍ය වෙත අදහස් දක්වමින් පවසයි. තවදුරටත් අදහස් දක්වමින් හෙතෙම මෙසේද කියයි.

අපේ සංවිධානය සිලෝන් තව්හිද් ජමාත් සංවිධානය. සිලෝන් කියන්නේ ශ්‍රී ලංකාව අර්ථ නිරූපණය වන විදියට. තව්හිද් ජමාත් කියන නමින් විවිධ සංවිධාන තිබෙනවා. 2005 ඉඳන් 2018 දක්වා ශ්‍රී ලංකා හිතව්ද් ජමාත් කියලා SLTJ නමින් තමයි අපි කටයුතු කළේ. ඒ සංවිධානේ ඇතුළේ තිබුණු පරිපාලන ගැටලු නිසා වෙනම ඇවිත් 'සිලෝන් තව්හිද් ජමාත් කියන නමින් දැන් මාස හයක පමණ සිට කටයුතු කරනවා. 'SLTJ'කියන සංවිධානය 2005 වසරේදි නිර්මාණය කළේ අපි. අපි තමයි ප්‍රාරම්භකයෝ. ඒ සංවිධානය පටන් අරන් 2018 වනතුරු අපි කටයුතු කළා. මුස්ලිම් ජනතාවට ඉස්ලාම් දහම ගැන දැනුවත් කිරිම තමයි අපේ ප්‍රධාන අරමුණ වුණේ. ජාති, ආගම් භේදයෙන් තොරව සියලු ජාතීන්ට එක හා සමානව විදේශීය අරමුදල්වලින් තොරව දේශියව අපේ සාමාජිකයන්ගේ අරමුදල්වලින් සමාජ සත්කාර සිදු කළා. පරිපාලන ගැටලු නිසා අපි වෙන් වෙලා ආවත් ඒ පිළිවෙත දිගටම සිලෝන් තව්හිද් ජමාත් සංවිධානය හරහා සිදුකරගෙන යනවා.

ශ්‍රී ලංකාව තුළ තව්හිද් ජමාත් සංවිධාන දහයකට වඩා ක්‍රියාත්මක වෙනවා. ACTJ, SLTJ, UTJ ආදි එක එක පළාත්වල එක එක ප්‍රදේශවල නම් භාවිත කරනවා. ගම්පොළ තව්හිත් ජමාත්, උලපනේ තව්හිද් ජමාත් ආදී වශයෙනුත් ක්‍රියාත්මක වෙනවා. සංවිධානයක් වශයෙන් අපි කටයුතු කරන්නේ අපේ නෛතික අවශ්‍යතා උදෙසා. මේ ප්‍රහාරයට චෝදනා එල්ල වුණු ජාතික තව්හිද් ජමාත් සංවිධානය සමඟ අපගේ කිසිදු සම්බන්ධතාවක් නැහැ. කලින් ලංකාවේ තවිහිද් ජමාත් නමින් විවිධ සංවිධාන කටයුතු කරනවා. ඒ සංවිධානවලටත් ජාතික තව්හිද් සංවිධානයටත් කිසිදු සම්බන්ධතාවක් තිබ්බේ නැහැ.වෙන වෙනම සංවිධාන ලෙස හිටිය නිසා තමයි ඔවුන් වෙන වෙනම ක්‍රියාත්මක වුණේ. ජාතික තව්හිද් ජමාත් සංවිධානය මඩකළපුව කාන්තන්කුඩි ප්‍රදේශයේ ක්‍රියාත්මක වුණු සංවිධානයක්. ප්‍රදේශයට ආවේණික වුණු සංවිධානයක්. සිලෝන් තව්හිද් ජමාත් සංවිධානය මුළු දිවයිනටම අදාළ සංවිධානයක්.

එක එක සංවිධාන වෙන වෙන නම්වලින් ක්‍රියාත්මක විම තුළ ඔවුන් ස්වාධීනයි කියන එක පැහැදිලි වෙනවා. ජාතික තව්හිද් ජමාත් සංවිධානයත් ඒ කාලේ පැහැදිලි ප්‍රජාතන්ත්‍රවාදී රාමුවක් තුළ කටයුතු කරපු සංවිධානයක්. නමුත් ඒ සංවිධානයේ "සහරාන්" කියන පුද්ගලයෙක් තමයි කතාබහට ලක්වෙන්නේ. මේ ප්‍රහාරය පිටුපස සැලැසුම්කරු ඔහු කියලා කතා වෙනවා. ඒ ප්‍රහාරය පිටුපස සැලැසුම්කරු ඔහු නම් ඒ පුද්ගලයාගේ මතවාදයත් වෙනස්වීමක් සිදු වුණා. ඒ බව අපිත් වටහා ගත්තා. ඒ බව ඒ සංවිධානයේ ඉන්න අනෙකුත් අයත් වටහා ගත්තා. ඒ බව දැනගෙන 2017 සහරාන් කියන පුද්ගලයටයි ජාතික තව්හිද් ජමාත් සංවිධානයටයි සම්බන්ධයක් නැහැ කියලා ඔවුන් නෙරපා හැරියා. සහරාන් කියන පුද්ගලයන්ගේ හැසිරීම මතවාද දරුණු විමක් සිද්ධ වෙලා. මේ ආකාරයෙන් ඒ සහරාන් කියන පුද්ගලයා ප්‍රහාරය එල්ල කරලා තියෙනවා නම් එය දරුණුම ප්‍රහාරයක්.

ජාතික තව්හිද් ජමාත් සංවිධානය මේ ප්‍රහාරයට ඔවුන් සම්බන්ධ නැහැ කියලා නිවේදනයක් නිකුත් කරලා නැති නිසා දැනට සැකයක් මතුවෙලා තිබෙනවා. කිසිදු තව්හිද් ජමාත් සංවිධානයකට ජාතික තව්හිද් ජමාත් සංවිධානය සමග කිසිදු සම්බන්ධතාවක් නැහැ. ප්‍රජාතන්ත්‍රවාදී රාමුවක් තුළ ජාතික තව්හිද් ජමාත් සංවිධානය තුළ සහරාන්  කටයුතු කරද්දි අපි හිටියේ ශ්‍රී ලංකා තව්හිද් ජමාත් සංවිධානය තුළ. ඒ වෙද්දීත් අපිට  සහරාන් එක්ක ආගමික මතගැටුම් තිබුණා. ආගමික ප්‍රතිපත්ති ගැන සහරාන් දරන මතයත් අපි දරන මතයත් අතර ගැටලු තිබුණා.  2016 වසරේදි සහරාන්ගේ මතවාදවල වෙනස්කමක් සිද්ධ වෙනවා. IS සංකල්පවලට පක්ෂව කතා කරන තත්වයට පත්වුණා.  ජිහාඩ්වාදී සංකල්ප ඔහු තුළ ඉස්මතු වුණා. අන්තවාදීව දරුණු ලෙස ත්‍රස්තවාදයට සාපේක්ෂව කතා කරන ස්ථාවරයකට ඔහු පත්වෙනවා. ඒ අවස්ථාවල ඔහු ප්‍රසිද්ධියේම ඔහුගේ මුහුණු පොත හරහා විඩියෝ පට නිකුත් කරද්දී එහි භයානක බව වටහා ගත්ත අපි ඒ කාලයේදිම ත්‍රස්තවාදී විමර්ශන ඒකකයට ශ්‍රී ලංකා බුද්ධි අංශ ප්‍රධාන නිලධාරින්ට මොහුගේ මතවාදී වෙනස්වීම් ගැන දැනුවත් කළා.

මෑතකදී බුද්ධ ප්‍රතිමාවලට ප්‍රහාරයක් එල්ල වුණා. අපි ඒ සඳහා අපේ බලවත් කනගාටුව ප්‍රකාශ කළා. ඒ අවස්ථාවේදිත් අපි බුද්ධි අංශවලට මේ ප්‍රහාරවලට මුස්ලිම් තරුණයන් සම්බන්ධ වෙලා හිටිය නම් අනිවාර්යයෙන්ම සහරාත් එක්ක සම්බන්ධයක් ඇති කියලා අපි කරුණු වාර්තා කළා. අපි ශ්‍රී ලංකාවේ දශක තුනක් පැවැති එල්ටිටිඊ සංවිධානය අතුගා දමපු ශ්‍රී ලංකා ආරක්ෂක අංශ බුද්ධි අංශවලට මේ තරම් දුරට මේ පුද්ගලයා ගැන විවිධ පාර්ශව අනතුරු ඇඟවීම් කරලා තියෙද්දිත් සාමාන්‍ය ගණයේ පුද්ගලයෙක් මේ තරම් දරුණු වෙනස්කම් ඇයි බලන් හිටියේ කියන ප්‍රශ්නය අපි තුළ තියෙනවා. 2016දි තමයි සහරාන් කියන පුද්ගලයා ඔහුගේ මතයන් ප්‍රසිද්ධියේ ප්‍රකාශයට පත් කරන්නේ. IS සංවිධානයේ බලපෑම් ඒ කාලවලදී තමයි ලංකාවට තදින්ම බලපෑම් කරන්න පටන් ගත්තේ . ඊට කලින් IS සංවිධානයේ යම් යම් මතවාදයන් ගැන පදනම් විරහිත චෝදනා තමයි ඉදිරිපත් වුණේ.

2016 ඒ කාල සිමාවල සිරියාවත් සමහ ඇතැම් පුද්ගලයන් සම්බන්ධ වෙලා හිටියා. ඒ කාලවල තමයි අපිත් අවබෝධ කර ගත්තේ. IS සංවිධානයේ යම්කිසි බලපෑමක් ලංකාවට තියෙනවා කියලා. මේ තරම් දුරට සංවිධානාත්මකව ඔවුන් හැසිරුණේ කොහොමද කියන එක අපිටත් ප්‍රහේළිකාවක්. මේ ප්‍රහාරය සිද්ධ වෙනකම්ම අපි කවුරුත් හිතන් හිටියේ නැහැ මේ තරම් දුරට දරුණු ගණයේ පුද්ගලයන් කණ්ඩායමක් විදියට මේ අය වර්ධනය වෙලා තියෙනවාද කියලා. ජාතික තව්හිද් ජමාත් සංවිධානයට බරපතළ ලෙස ජාතික මට්ටමින් චෝදනාවක් එද්දී එයට විරෝධය පළ කරලා හෝ නෛතිකව හෝ කිසිදු ක්‍රියාමාර්ගයක් අරගෙන නෑ. දවස් දෙක තුනක් කියන්නේ විරෝධය පළ කරන්න හොඳටම ප්‍රමාණවත් කාලයක්.

ඒ තුළින් අපිට සැකයක් මතුවෙනවා මේ සංවිධානය මතුපිටින් සහරාන්ට සම්බන්ධතාවක් නැහැ කියලා ප්‍රකාශ කරලා කිඹුල් කඳුළු හෙළලා ඇතුළාන්තයෙන් ඔවුන් යම්කිසි විදියකට සහයෝගයෙන් කටයුතු කරනවාද කියන සාධාරණ සැකයක් අපිට මතුවෙනවා. පුවත්පත්වල වාර්තාවන ආකාරයට සහරාන් කියන පුද්ගලයා මරාගෙන මැරෙන බෝම්බයක් සමඟ ඔහු සම්බන්ධ වෙලා සිටියා කියලා මුහුණක් පෙන්වනවා. අපි ඒ මුහුණ දිහා බලද්දි සහරාන් කියන පුද්ගලයාගේ මුහුණ සමහ අසමානකමක් දකිනවා. සහරාන් කියන පුද්ගලයාත් දැන් මරණයට පත්වෙලා කියන කාරණය අපිට පිළිගන්න බැරි තත්වයක් තියෙන්නේ. සහරාන් මියගියා කියන මතයෙන් පොඩ්ඩක් එළියට ඇවිල්ලා ඔහු ජීවතුන් අතර ඉන්න පුළුවන් කියන මතයෙන් විමසිලිමත්ව ඉදිරි පරික්ෂණ කටයුතු සිදුකරන එක අපේ ජාතික ආරක්ෂාවට වැදගත් වෙනවා. නිශ්චිත වශයෙන් කියන්න බැරි වුණත් මෙය දිගින් දිගටම ක්‍රියාත්මක වෙයි කියන සාධාරණ සැකය අපි තුළ තිබෙනවා.

Read More

පාකිස්තාන සරණාගතයින් හත්සියයක් පස්යාලට ගෙනත්

මීගමුව ප්‍රදේශයේ ජීවත්වූ සරණාගත විදේශිකයන් හත්සියයක පමණ පීරිසක් මීගමුව පොලීසියේ මැදිහත්වීම මත එක්සත් ජාතීන්ගේ සංවිධානයේ සම්බන්ධීකරණයෙන් පස්යාලේ පිහිටි අහමදියා ප්‍රජා මධ්‍යස්ථානයට නතර කිරීමට කටයුතු කර තිබේ.

මෙලෙස එම මධ්‍යස්ථානයේ නවතාන් ගැස්වූයේ, සරණාගතයන් ලෙස මීගමුව ප්‍රදේශයේ ජීවත් වූ පාකිස්තානු වැසියන් පිරිසකි.

තමන්ගේ ජීවිතවල තර්ජනයක් ඇති බවට එම පිරිස විසින් මීගමුව පොලීසියට කළ පැමිණිල්ලක් මත මෙම ක්‍රියාමාර්ගය ගත් බව මීගමුව පොලීසිය සඳහන් කරයි.

වසර කිහිපයක් තිස්සේ වෙනත් රටකට යන අදහසින් මෙම සරණිගතයන් එක්සත් ජාතීන්ගේ සංවිධානයේ දැනුවත්වීම මත මීගමුව ප්‍රදේශයේ ජීවත්වී ඇත. පසුගිය දිනවල ඇතිවූ බෝම්බ පිපිරීම්වලින් අනතුරුව ඔවුන්ගේ ජීවිත ආරක්ෂාව පිළිබඳ තර්ජනයක් ඇතිවී තිබෙන බවට පැමිණිලි කර තිබිණි.

නිට්ටඹුව පොලීසියේ නිලධාරී පිරිසක් හා යුද හමුදා නිලධාරීන්ද මෙම ස්ථානයේ ආරක්ෂක කටයුතුවල යෙදී සිටි අතර, පස්යාල අහමදියා මුස්ලිම් ප්‍රජා මධ්‍යස්ථානයේ සභාපති අජීස් අහමඩ් මහතා පැවසුවේ, කොළඹ තම ප්‍රධාන කාර්යාලයේ උපදෙස් මත තම සංවිධානයට අයත් මෙම පිරිස ආරක්ෂා කර ගැනීම සඳහා අවශ්‍ය මූලික පහසුකම් සැලසු බවයි.

Read More

ආගමික පාසල් සිසුවියන් නොකඩා අපයෝජනයට

බංග්ලාදේශයේ මද්රාසා නමැති විශේෂිත ඉස්ලාම් ආගමික පාසල්වල ඉගෙනුම ලබන දැරියන් මෑත කෙටි කාලයක් තුළ, එම පාසල්වල බලධරයන් අතින්ම ලිංගික අතවරයන්ට හා ඝාතනයට බඳුන්වීම එරට තුළ විශාල ගැටලුවක් උද්ගතකර ඇත. මෙම අර්බුදය විසඳීම සඳහා රජය හා අධයපන ක්‍රමය විසින් දැඩි ක්‍රියාමාර්ග ගත යුතුව ඇති බව විශේෂඥයන්ගේ අදහසයි. අප්‍රේල් මාසය තුළ පමණක් අවම වශයෙන් මද්රාසා සිසු දැරියන් 7 දෙනකුට ඔවුගේ ගුරුවරුන් බරපතළ ලිංගික අපයෝජන සිදු කර ඇති අතර ඉති තිදෙනකු ඉක්බිති ඝාතනය කරනු ලැබූහ.
           

මෙම අපරාධ සම්බන්ධයෙන් ගුරුවරුන් හා විදුහල්පතිවරුන් 14 දෙනකු පොලිස් අත්අඩංගුවට පත්වී තිබේ. මෙම ගැටලුව කෙරෙහි බොහෝ දෙනකු දැඩි අවධානය යොමු කරන්නට වූයේ, අප්‍රේල් 6 වනදා නුස්රත් රාෆි නමැති සිසුවිය ඇය ඉගෙනුම ලැබූ මද්රාසා පාසල් පරිශ්‍රය  තුළදීම භූමිතෙලින් නහවා පණපිටින් ගිනි තබා මරණයට පත් කරනු ලැබීමත් සමඟයි.  විදුහල්පතිවරයාගෙන් සිදුවූ ලිංගික අතවර පිළබඳව පොලිසියට පැමිණිලි කිරීම මෙසේ ඇය ඝාතනය කරනු ලැබීමට හේතු විය.

Read More

බුර්කාවක් හැඳ පෙම්වතිය බලන්න ගිය ඉන්ජිනේරු පෙම්වතාට හොඳටම ගුටි බැට

පොලිසියේ ඉහළම තනතුරක් දරන නිලධාරියකුගේ ඥාති පුත්‍රයෙකු වන තරුණයෙකු මුස්ලිම් කාන්තාවන් අඳින බුර්කාවකින් සැරසී පෙරේදා (23) රාත්‍රියේ වත්තල, හැඳල ප්‍රදේශයේ හෝටලයකට
ගොස් සිටියදී එහි සේවකයන් විසින් අල්ලා පහරදී වත්තල පොලිසියට භාරදී ඇතැයි ඉහළ පෙලේ පොලිස් ආරංචි මාර්ග සඳහන් කරයි.

මහනුවර ප්‍රදේශයේ පදිංචිකරුවකු වන මෙම තරුණයා ඉංජීනේරුවරයෙකු බවත් මුස්ලිම් තරුණියක ලෙස මෙසේ වෙස්වලාගෙන ගොස් ඇත් සිය පෙම්වතිය බව කියන තරුණිය බැහැදැකීමට යැයි ජ්‍යෙෂ්ඨ පොලිස් නිලධාරියෙක් පැවැසීය.

තරුණියගේ මවුපියන් තමාගේ මෙම සම්බන්ධතාවයට අකමැති නිසා පෙම්වතිය හමු වී කතා බහ කිරීමට කාලයකින් අවස්ථාවක් නොලැබුණ නිසා පෙම්වතියගේ මුස්ලිම් ජාතික යෙහෙළියක් ලෙස පෙනි සිටිමින් ඇය බැහැදැකීමට යාමට මෙවැනි උපක්‍රමයක් යොදාගත් බව එම තරුණයා පොලිස් ප්‍රශ්න කිරීම්වලදී පවසා ඇත.

මෙම ඉංජිනේරු තරුණයා පොලිසියේ ඉහළම තනතුරක් දරන නිලධාරියකුගේ බිරියගේ සහෝදරියකගේ පුතෙකු බව පොලිසිය කියයි.

ජෝපෂ්ඨ පොලිස් නිලධාරියෙකු හෙළිකළ ආකාරයට සිද්ධිය මෙසේය.

බුර්කාවකින් සැරසී පැමිණි මුස්ලිම් තරුණියක වත්තල හැඳල ප‍්‍රදේශයේ පිහිටි හෝටලයකට පැමිණ බීම බෝතලයක් මිලදී ගෙන ඇත.

බීම බෝතලය පානය කිරිමට මුහුණු ආවරණය තරමක් ඉවත්කළ අවස්ථාවේ මුහුණේ රැවුල තිබෙන අයුරු සේවකයකු දැක බලවත් සැකයක් ඇතිවී මේ බව හෝටලයේ සිටි අනෙක් අයටද දැනුම්දී බුර්කාවකින් සැරසී සිටි තැනැත්තා අල්ලා පරික්ෂාකර බලා තිබේ.

බුර්කා එකකින් සැරැසී සිටීම නිසා හෝටල් සේවකයා ඒ ගැන දැඩි විමසිල්ලකින් පසුවී ඇති බව කියයි. බුර්කාවකින් සැරසී සිටින්නේ පිරිමි අයෙකු බවට හෙළිවීමෙන් පසු ඔහුට හොද හැටි පහරදී මේ බව වත්තල පොලිසියට දැනුම්දීමෙන් පසු පොලිස් කණ්ඩායමක් පැමිණ සැකකරු පොලිස් ස්ථානයට රැගෙන ගොස් ඇත. මෙම පොලිස් ස්ථානයට කැඳවාගෙන ඇවිත් ප්‍රශ්න කිරීමේදී මුස්ලිම් තරුණියක ලෙස වෙස්වළාගෙන සිටීමට හේතු හෙළිවුණු බවපොලිස් ආරංචි මාර්ග සඳහන් කරයි.

මේ සිද්ධිය දැනගත් පොලිසියේ ඉහළම තනතුරක් දරන නිලධාරියාගේ බිරිය පොලිසියට දුරකථනයෙන් කතා කර ඇතැයි පැවසේ. මෙම මුස්ලිම් තරුණියක ලෙස වෙස්වළාගෙන සිටියදී අල්ලාගත් තරුණයාගේ පියා පොලිස් ස්ථානයට පැමිණීමෙන් පසු පොලිස් ලොක්කාගේ බිරියගේ ඉල්ලීම මත ඔහුව භාරදී ඇති බවද පොලිස් ආරංචි මාර්ග සඳහන් කළේය.

Read More

තව්හිත් ජමාත් 11 දෙනකු බේරුවලින් - අලුත්ගමින් අල්ලයි

තව්හිත් ජමාත් සංවිධානයේ සාමාජිකයන් බවට සැකකරන පුද්ගලයන් එකොළොස් දෙනකු පෙරේදා (23දා) රාත්‍රි බේරුවල කංකානම්ගොඩදී හා අලුත්ගම දර්ගා නගරයේදි අත්අඩංගුවට ගත් බව පොලිසිය කියයි. එම සැකකාර සාමාජිකයන් සමඟ අත් පත්‍රිකා මුද්‍රිත ටී ෂර්ට්, ප්‍රචාරක ලිපි හා බඳවා ගැනීමේ අයැදුම්පත් ද සොයාගැනීමට හැකි වූ බව පොලිසිය කියයි. සිලෝන් තවුහිත් ජමාත් සංවිධානයේ සාමාජිකයන් පිරිසක් බේරුවල ප්‍රදේශයේ රැඳී සිටින බවට ලැබුණු තොරතුරකට අනුව නිවෙසක රැඳී සිටි පුද්ගලයන් පස්දෙනෙක් පෙරේදා (23දා) රාත්‍රි බේරුවල පොලිසිය විසින් සැකපිට අත්අඩංගුවට ගෙන තිබේ.
                                 

බේරුවල කංකානම්ගොඩ ප්‍රදේශයේ දෙමහල් නිවෙසක නිවෙස් හිමියා පහළ මාලයේත් තවත් සිවුදෙනෙක් ඉහළ මාලයේ සිටියදී අත් අඩංගුවට ගත් බවයි පොලිසිය පවසන්නේ. සංවිධානයට බඳවාගැනීමේ අයැදුම්පත් කිහිපයක්ද පොලිස් භාරයට ගත් බවත් පොලිසිය කියයි. ඔවුන් ත්‍රස්ත සංවිධානයක සාමාජිකයන්ද යන්න පිළිබඳ අනාවරණය කරගැනීමට මේ වන විට රඳවාගෙන ප්‍රශ්න කරමින් සිටින බව පොලිස් නිලධාරියෙක් පැවැසීය. අත්අඩංගුවට පත්වූවන් අවුරුදු 30ත් 50ත් අතර වයසේ පසුවන බවත් ඔවුන් දෙදෙනෙක් බේරුවල ප්‍රදේශයේත්, දෙදෙනෙක් වත්තල ප්‍රදේශයේත්, එක් අයෙක් කළුතර දකුණ ප්‍රදේශයේ පදිංචිකරුවන් බව පොලිසිය පවසයි.

බේරුවල පොලිස් ස්ථානාධිපති පොලිස් පරික්ෂක ජනක විතානගේ ගේ උපදෙස් පරිදි පරික්ෂණ සිදු කෙරේ.
මේ අතර, සිලෝන් තව්හිත් ජමාත් සංවිධානයේ සාමාජිකයන් පිරිසක්, අලුත්ගම ශාලාවක රැඳී සිටින බවට ලැබුණු තොරතුරකට අනුව පුද්ගලයන් හයදෙනකු 23දා සවස අලුත්ගම පොලිසිය විසින් සැකපිට අත්අඩංගුවට ගෙන තිබේ. අලුත්ගම දර්ගා නගරයේ ශාලාවක රැඳී සිටියදි ඔවුන් අත්අඩංගුවට ගත් බවයි පොලිසිය පවසන්නේ.

ඔවුන් ත්‍රස්ත සංවිධානයක සාමාජිකයන්ද යන්න පිළිබඳ අනාවරණය කරගැනීමට මේ වන විට ප්‍රශ්න කරමින් සිටින බව පොලිස් නිලධාරියෙක් පැවැසීය. අත්අඩංගුවට පත්වූවන් වයස අවුරුදු 40ට අඩු අයවලුන් බවත් ඔවුන් මන්නාරම, නාවලපිටිය, බේරුවල සහ අලුත්ගම ප්‍රදේශවල පදිංචිකරුවන් බවත් පොලිසිය පවසයි. අලුත්ගම පොලිස් ස්ථානාධිපති ප්‍රධාන පොලිස් පරික්ෂක උපුල් ප්‍රියලාගේ උපදෙස් පරිදි පරික්ෂණ සිදුකෙරේ.

-එම්.සී.පෙරේරා-

Read More

මෝටර් රථයක් ගැරඬිඇල්ල ඔයට පෙරළී තුන්දෙනෙක් මියයයි

ගම්පොළ සිට කොත්මලේ නව නගරය වෙත ගිය තිදෙනකු රැගත් මෝටර් රථය ගැරඩිඇල්ල ඔයට පෙරළීමෙන් එම තිදෙනා ජීවිතක්ෂයට පත්ව ඇත. පල්ලම සහිත මාර්ගයේ වේගයෙන් ඇදී ගිය මෝටර් රථය හසුරුවා ගැනීමට නොහැකි වීමෙන් අනතුර වී ඇතැයි සැක කරන බව පරීක්ෂණ පවත්වන කොත්මලේ පොලිසිය පවසයි. කොත්මලේ නව නගරයේ ආයුර්වේද රෝහලට පිටු පසින් ඇති ඔයට පෙරේදා (22) සවස මෙම මෝටර් රථය වැටී තිබුණි. මියගොස් තිබුණේ ගම්පොළ ගලත කැකුලන්ද ප්‍රදේශයේ පදිංචි රාජපක්ෂ ගෙදර අසේල රාජපක්ෂ (60) (බෑනා) කැකුලන්දේ පහළ ගෙදර අබේපාල (80) (මාමා ඇස්සැද්දුවේ ගෙදර සුමනාවතී                                                                                                    (නැන්දම්මා) යන තිදෙනායි.

මියගිය අසේල නමැත්තාගේ බිරිය රෝගී තත්වයක් නිසා කොත්මලේ ආයුර්වේද රෝහලේ නැවැත්වීම සඳහා ඔවුන් මෙසේ ගොස් තිබිණි.  ආයුර්වේද රෝහලට ගොස් නැවැත්වීමෙන් පසු නැවත ගම්පොළට පැමිණීම සඳහා මෝටර් රථයෙන් නව නගරය දෙසට ආ යුතු වුවත් ඔවුන් එසේ නොකොට මාර්ගයේ පහළට මෝටර් රථයෙන් ගොස් තිබේ.  මෙම මාර්ගය බැවුම් සහිත වන අතර එහි වේගයෙන් මෝටර් රථය ඇදී ගොස් තිබේ.

ඉදිරියෙන් ඇති වී හන්දියෙන් කුමන දිශාවකට හෝ හැරවිය යුතු වුවත් එම කාර්ය කිරීමට පෙර මෝටර් රථය මාර්ගයෙන් ඉවතට පැන අඩි 72ක් පහළින් වූ ගැරඩිඇල්ල ඔයට වැටී තිබේ. වියළි කාලගුණය සහිත මෙහි එතරම් ජලය නොතිබුණද එහි තිබූ විශාල ගල් තුළට මෝටර් රථය වැටී ඇත. මෝටර් රථය මිය ගිය අසේලගේ ඥාති පුතකුගේය. විශ්වවිද්‍යාලයේ සිටින ඉන්දික නමැති ඔහු මෙම රෝගියා රෝහලට රැගෙන යැමට තම මාමා වන අසේල යන අයට මෝටර් රථය ලබාදී තිබිණි.

අනතුරෙන් මෙම මෝටර් රථය සම්පුර්ණයෙන් විනාශ වී තිබිණී. මියගිය අයගේ සිරුර පශ්චාත් මරණ පරීක්ෂණ කටයුතු සඳහා නාවලපිටිය රෝහල වෙත රැගෙන යමෙට කටයුතු යොදා තිබූ අතර එම පරීක්ෂණ කටයුතු ඊයේ (23දා) කිරීමට නියමිතව තිබිණි. 

-මාධව බණ්ඩාර-

Read More

ඔස්ට්‍රේලියානු පොලිස් කණ්ඩායමකුත් ලංකාවට

ශ්‍රී ලංකාවේ සිදුවූ මරාගෙන මැරෙන බෝම්බ ප්‍රහාර ඇතුළු බෝම්බ පිපිරීමේ සිදුවීම් පිළිබඳ පරීක්ෂණ සදහා ඔස්ට්‍රේලියානු ෆෙඩරල් පොලීසියේ විශේෂඥ කණ්ඩායමක් පැමිණීමට නියමිතයෙ. ඔස්ට්‍රේලියාවේ අග්‍රාමාත්‍ය ස්කොට් මොරිසන් සී,එන්,එන්. පුවත්  සේවයට අදහස් දක්වමින් මේ බව අනාවරණය කර තිබේ.

Read More

ජාත්‍යන්තර බුද්ධි අංශ මඟින් පෙරදාත් පිපිරීමට විනාඩි 10කට කලිනුත් ලොක්කන්ව දැනුවත් කරලා තිබුණා

ජාත්‍යන්තර බුද්ධි අංශ විසින් කතෝලික ක්‍රිස්තියානි දේවස්ථානවලට හා සංචාරක මධ්‍යස්ථානවලට පහර දෙන බවට ඉකුත් ඉරිදා (21දා) දිනට පෙර දිනත් පහර දිමට විනාඩි 10 කට පෙරත් පිපිරීම් සිදු වන බවට ආරක්ෂක ප්‍රධානීන්ට දැනුම් දී ඇති බවත් ඊට කිසිදු නිලධාරියකු අවශ්‍ය පියවර නොගැනීම විශාල ගැටලුවක් බවත් සෞඛ්‍ය, පෝෂණ හා දේශීය වෛද්‍ය අමාත්‍ය රාජිත සේනාරත්න පවසයි. ඇමැතිවරයා මේ බව සඳහන් කළේ පෙරේදා (22දා) අරලියගහ මන්දිරයේ පැවැති අමාත්‍ය මණ්ඩල ඒකාබද්ධ ප්‍රවෘත්ති සාකච්ඡාවේදීය.

එසේම අග්‍රාමාත්‍ය ආරක්ෂක කොට්ඨාසය හා ජනපති ආරක්ෂක කොට්ඨාසය හැරුණු කොට අනෙක් සියලුම ආරක්ෂක කොට්ඨාසවලට මේ පිළිබඳ තොරතුරු ලැබී ඇති බව සඳහන් කළ ඇමැතිවරයා පෙන්වා දෙන්නේ මේ පිළිබඳව වාර්තා වූ පසු අගමැතිවරයා ආරක්ෂක මණ්ඩලය කැඳවුවද කිසිවකු එම රැස්වීමට සහභාගි නොවූ බවයි. එහිදී ඇමැතිවරයා මෙසේද කීය.

“අපේ ආරක්ෂක අංශවල දුර්වලතා තිබුණාදැයි අපි හොයනවා. සමහරුන් කියනවා ඒ කාලේ මෙහෙම නැහැ කියලා. නමුත් අපි කියන්නේ ඒ කාලෙත් මෙහෙම වුණා. දැන් අපි දින 365දිම සෙවිල්ලෙන් සිටිය යුතුයි. ජාත්‍යන්තර ඔත්තු සේවා මගින් රජයට මේ ගැන දන්වලා තිබිලා. ඒ අප්‍රේල් 04දා. ඊට පසු අප්‍රේල් 09 වැනිදා ඒ ලිපිය ආරක්‍ෂක අමාත්‍යාංශයේ ආරක්‍ෂක ලේකම් වෙනුවට දිලා තියෙනවා සිසිර මෙන්ඩිස්ට. එහි ත්‍රස්තවාදි සාමාජිකයන්ගේ නම් පවා සඳහන් කර තියෙනවා. ෂාරාන්, තස්මි, ජල්ලාල්, බිනාල්, රිල්ටාන්, සජින් මෞලවි කියලා. ඒ වගේම අප්‍රේල් 11 වැනිදා නියෝජ්‍ය පොලිස්පති ප්‍රියලාල් දසනායක මහතා මේ අනතුර දැනුම් දිලා තියෙනවා සියලුම ආරක්‍ෂක කොට්ඨාසවලට. නමුත් අග්‍රාමාත්‍ය ආරක්‍ෂක කොට්ඨාසයට කියලා නැහැ. ජනාධිපති ආරක්‍ෂක කොට්ඨාසයට කියලත් නැහැ.

ඔවුන් ජනපති ආරක්‍ෂක ඇමැති නිසා කිව්වේ නැහැ කියලා හිතුවත් අගමැතිට කියන්න තිබුණා. ඒක විශාල අඩුපාඩුවක්. ඒ ලිපිය පොලිස්පතිට යොමු කළා කියලත් තියෙනවා. එහි ජාතික තව්හීත් ජමාත් සංවිධානයේ නායක මොහොමඩ් සහිරාන් විසින් මෙරටට මරාගෙන මැරෙන ප්‍රහාර දියත් කරන බවටත් එහි තොරතුරු තිබෙනවා. ඒ රාජ්‍ය බුද්ධි අංශය විසින්. එහි තවදුරටත් සඳහන් වෙනවා ඒ පිළිබඳව විශේෂ අවධානය යොමු කරන්න කියලා. එහිදී අපි ගැන ආරක්ෂාව සපයන්න කියලා විශේෂයෙන් කියනවා. ඒ කියන්නේ ප්‍රභූ ආරක්‍ෂාව පිළිබඳවයි. වැදගත් ඒ කාරණය නෙවෙයි. රටේ ආරක්ෂාව පිළිබඳව ගත් පියවර ගැන ප්‍රශ්නයක් තියෙනවා.

ඔක්තෝබර් කුමන්ත්‍රණයෙන් පසු දෙසැම්බර් 20 වැනිදා රජය පිහිටු වූ පසු ආරක්ෂක මණ්ඩලය කැඳවුවත් අගමැතිතුමාට ඒ සඳහා කතා කළේ නැහැ අගමැතිතුමා ආරක්ෂක මණ්ඩලයේ හිටියා. ඒ 1978 සිට. නමුත් එදා ඒවා වුණේ නැහැ. ඒත් ඔක්තෝබර් 26දා බොරු අගමැතිතුමාත් ආරක්ෂක මණ්ඩලයේ වාඩි වුණා. මේ මම කියන තත්වය ආරම්භ වුණේ දෙසැම්බර් 20දා ඉඳලා. එදා ඉඳලා අගමැති ආරක්ෂක මණ්ඩලයේ සිදුවූ දේ පිළිබඳව දැන්නේ නැහැ. ඒ වගේම ආරක්ෂක රාජ්‍ය ඇමැතිවරයාට කිසිම කැඳවීමක් නැහැ. අනෙක මේ සිද්ධිය වෙනකොට ජනපතිත් රටේ නැහැ. ඔහු තමයි අරක්ෂාව භාර ඇමැති. ඔහු නැති වුණාට ඒ පිළිබඳව බලන්න ඇමැති කෙනෙක් පත් කරලත් නැහැ. පොලිසිය භාර ඇමැතිවරයකුත් නැහැ. ඒවා ගැටලු.

අගමැතිවරයාට බුද්ධි අංශ වාර්තා කර නැහැ. නමුත් මේ සිද්ධිය වුණ ගමන් ආරක්ෂක කවුන්සිලය අගමැතිවරයා කැඳවා. නමුත් අරලියගහ මන්දිරයට ආරක්ෂක කවුන්සිලය ආවේ නැහැ.
එහෙත් අගමැතිතුමා ආරක්ෂක අමාත්‍යාංශයට ගියා. එතැන ආරක්ෂක මණ්ඩලය පවත්වන්න කැමැති බව කිව්වා. ඊට අගමැතිවරයා කැමැති වෙලා කමිටුව රැස් කළා. පස්සේ එතැනත් ගොඩක් වේලා බලං ඉඳලා තීරණ ගත්තා. රටේ අගමැතිතුමා කැඳවලත් ආරක්‍ෂක මණ්ඩලය ආපු නැති රටක් මේක. නමුත් අගමැතිතුමා ඉවසලා අවශ්‍ය රාජකාරි කළා. පස්සේ ජනාධිපති ඇවිත් රාජ්‍ය ආරක්‍ෂක ඇමැති කැඳවලා තීරණ අරන් තිබ්බා.
නමුත් තොරතුරු සියල්ල තිබිලා අපට බැරි වුණා මේ තීරණ අරගත්තා. මුලින්ම අපි ඒ ගැන හොයනවා. ජනපති කමිටුවක් පත් කළා.  ඒ මහින් සියල්ල සෙවිය යුතුයි.

අපි මේ වගකීමෙන් ඉවත් වෙන්නේ නැහැ. අනතුරු ඇඟවීම් වාර්තා තිබියදී පියවර නොගන්න එක විශාල වරදක්. මේක ලංකාවේ එක කල්ලියක් විසින් සිදු කළ දෙයක් කියලා හිතන්නේ නැහැ. මේක බැරෑරුම් ලෙස ක්‍රියාත්මක වූ වැඩපිළිවෙළක්. ජාත්‍යන්තර බුද්ධි අංශ දිගින් දිගටම මේ පිළිබඳව දැනුවත් කරලා තිබුණා. අප්‍රේල් 11 වැනිදායින් පසු පැය 48කට අහවල් දවසේ පිපිරීම් වෙනවා කියලත් කියලා තිබෙනවා. කතෝලික ක්‍රිස්තියානි දේවස්ථාන සහ ප්‍රධාන සංචාරක මධ්‍යස්ථානවලට පහරදීම් සිදුවන බවට ඔවුන් පවසා තිබුණා. ඒ මේ සිද්ධිය සිදුවීමට පෙර දිනයේ. ඒ වගේම සිද්ධිය සිදුවීමට විනාඩි 10කට පෙරත්, තව විනාඩි 10කින් පිපිරීම් වෙනවා කියලා දැනුම් දී තිබෙනවා.

ඒ නිසා මේක ලොකු අවුලක්. දැන් අපි මේ මියගිය එක් අයකුට රුපියල් ලක්ෂය බැගින් දෙන්න තීරණය කරලා තියෙනවා. සියලු අලාභ හානිවලට මුදල් ලබා දෙනවා. දේවස්ථාන හදනවා. එහිදී මාධ්‍යවේදින් නැගූ ප්‍රශ්නවලට පිළිතුරු දුන් රාජිත සේනස්නාරත්න ඇමැතිවරයා මෙසේද කීය. ජනාධිපතිවරයා සංචාරයකට ගිය බව දන්නවා. ජනපතිතුමා වැඩබලන්න ආරක්ෂක ඇමැතිවරයෙක් පත් කරලා ගියේ නැහැ. නමුත් මේ සියල්ල පොලිස්පති දන්නවා. ඔහු ඉල්ලා අස්විය යුතුයි. නැතිනම් අපි අස්කිරිම සඳහා කැබිනට් පත්‍රිකාවක් නිකුත් කරනවා. ආරක්ෂක කමිටුවට, අනික කාගේ නියෝග නිසා ආරක්ෂක මණ්ඩලයට ආවේ නැද්ද කියන එක දන්නේ නැහැ. ඉහළ නියෝග නිසා ආවේ නැහැ  කියලයි ආරංචි.

-නුවන් හෙට්ටිආරච්චි-

Read More

''ටෙලිනිස'' 25 වැනි සංවත්සරයත් කල් යයි

පාස්කු ඉරිදා අන්තවාදීන් විසින් සිදුකළ මිලේඡ්ච බෝම්බ ප්‍රහාරය හේතුවෙන් අප්‍රේල් මස 26 වෙනි දින  බණ්ඩාරනායක සම්මන්ත්‍රණ ශාලාවේ පැවැත්වීමට නියමිතව තිබුණු ටෙලි නිර්මාණවේදින්ගේ සංසදයේ 25 වෙනි සවත්සරය දින නියමයකින් තොරව කල් දැමූ බව ටෙලි නිර්මාණවේදීන්ගේ සංසදයේ සභාපති නීතීඥ ඩග්ලස් සිරිවර්ධන මහතා දන්වා සිටියි. 

එම ප්‍රහාරය පිළිකුළෙන් යුතුව හෙළා දකින ටෙලි නිර්මාණවේදීන්ගේ සංසදය පවසන්නේ එම ඛේදවාචකය නිසා මිය ගිය සියලු දෙනා වත ''ටෙලිනිස'' සංසදයේ බලවත් ශෝකය පළකර සිටින බවයි.

Read More

හදිසි අවශ්‍යතාවකදී ක්ෂණිකව රෝහල් වෙත යොමුකළ හැකි වෛද්‍යවරුන් දහසකගේ බලකායක්

හදිසි අවශ්‍යතාවකදී ක්ෂණිකව රෝහල් වෙත යොමුකළ හැකි වෛද්‍යවරුන් දහසකගේ බළකායක් තම සංගමය යටතේ සිටින බව රජයේ වෛද්‍ය නිලධාරීන්ගේ සංගමය සඳහන් කරයි.

රජයේ නිවාඩු දිනයක් වුවද, පාස්කු ඉරිදා සිදු වූ ඛේදවාචකයේදී මෙම බළකායේ වෛද්‍යවරුන් අදාළ රෝහල් වෙත කඩිනමින් යොමු කිරීමට හැකි වූ බවද එම සංගමයේ ලේකම් වෛද්‍ය හරිත අලුත්ගේ මහතා සඳහන් කළේය.

2009 වසරේ රට තුළ පැවැති ත්‍රස්තවාදය අවසන් කිරීමෙන් පසු මෙවැනි අවාසනාවන්ත අත්දැකීමකට රටක් ලෙස මුහුණ දුන් ප්‍රථම අවස්ථාව මෙය බවද හෙතෙම පවසා සිටියේය.

උද්ගත වූ තත්වය මනා ලෙස කළමනාකරණය කිරීම සඳහා අතීත අත්දැකීම් පාදක වූ බවත්, මේ හරහා පෙර සූදානම හා හදිසි ප්‍රතිචාර දැක්වීම නිවැරදි ලෙස සිදු වූ බවත් ලේකම්වරයා සඳහන් කළේය.
මෙම නිවැරදි වැඩපිළිවෙළ හේතුවෙන් අවශ්‍ය ප්‍රමාණයටත් වඩා වෛද්‍යවරුන් අදාළ රෝහල් වෙත පිටත්කර හැරීමට හැකි වූ බවද වෛද්‍ය හරිත අලුත්ගේ මහතා පවසා සිටියේය.

Read More

අන්තවාදී සංවිධානය තහනම් කළ යුතුයි

එල්ලීටීඊ සංවිධානය තහනම් සංවිධානයක් බවට පත් කළ ආකාරයටම, තවුහීත් ජමාත් සංවිධානය සහ ඒ හා සමාන අන්තවාදී සංවිධාන තහනම් කිරීමට මැදිහත් වන ලෙස ජනාධිපතිවරයා ප්‍රමුඛ රජයෙන් ඉල්ලා සිටින බව ශ්‍රී ලංකා නිදහස් පක්ෂ මහලේකම් පාර්ලිමේන්තු මන්ත්‍රි දයාසිරි ජයසේකර පැවැසුවේය. කලකට ඉහත මේ රටේ පැවැති බෙදුම්වාදයට එහා ගිය ආගමික ත්‍රස්තවාදයකට දැන් රට පත් වී ඇති බවත් මේ ත්‍රස්ත සංවිධාන මුලිනුපුටා දැමීම සඳහා අවශ්‍ය ශත්තිය ජනාධිපතිවරයා වෙත ලබාදීමට ශ්‍රී ලංකා නිදහස් පක්ෂයේ සියලු දෙනාම සුදානම් බවත්                                                                                      ඔහු අවධාරණය කළේය.

මේ ප්‍රහාරය සියලු ජාතීන්ට හා ඔවුන්ගේ ජීවිතවල වටිනාකම්වලට එරෙහිව එල්ල කළ මිලේච්ඡ බියගුලු ප්‍රහාරයක් බවත් මේ ව්‍යසනකාරී තත්ත්වය තුළ කළ යුතුව ඇත්තේ එකිනෙකාට ඇඟිල්ල දිගු කර ගැනීම වෙනුවට නැවත මෙවැනි ඛේදවාචක රට තුළ ඇති නොවිමට ගතයුතු ක්‍රියාමාර්ග මොනවා දැයි සොයා බැලීම බවත් හෙතෙම පෙන්වා දුන්නේය.

ජාත්‍යන්තර සබඳතා ඇතිව ක්‍රියා කරන මේ තවුහිත් ජමාත් කල්ලිය පිළිබඳව තොරතුරු 2015 වසරේ සිට රාජ්‍ය බුද්ධි සේවාවන් වාර්තා කොට ඇති බවත් මේ ක්‍රියාවලියට මේ රටේ සිටින අහිංසක මුස්ලිම් ජනතාව වගකිව යුතු නැති බවත් පැවැසූ දයාසිරි ජයසේකර මහතා තවදුරටත් කියා සිටියේ පසුකාලීනව මේ රටේ ඇති වුණු ආගමික අන්තවාදය විසින් මේ රටේ මුස්ලිම් ජනතාවගෙන් යම් කොටසක් මේ ක්‍රියාවලට සම්බන්ධ කරගෙන තිබෙන බවයි. ශ්‍රි ලංකා නිදහස් පක්ෂය මූලස්ථාන කාර්යාලයේදි ඊයේ (23දා) කැඳවා තිබූ මාධ්‍ය හමුවකට එක්වෙමින් ඔහු මේ බව සඳහන් කළේය.

Read More