මළ ගෙදර කොළේ සිනා සයුරක් කරලා

(මනොජ් හර්ෂිකා)
වයඹ පළාත් ප්‍රධාන නගරයකට ආසන්න ගමක ජීවත්වන ගැමි පවුලකි. මෙම පවුලෙහි තාත්තා, අමිමා පුතා සහ පුතාගේ බිරිය සමග එකම නිවෙසක සියල්ලෝම ජීවත්වෙති.
එකම නිවෙසක එකට ජීචත්වුවද මොවුහු පවුල් දෙකක් ලෙස තම ජීවන කටයුතු සිදු කරයි. දිනක් අසල්වැසි නිවෙසක වයෝවෘද්ධ පුද්ගලයෙක් මරණයට පත්වුයේය.
එහි සියලු වැඩියුතු කිරීමට සිදුවුයේ ගමේ මරණාධාර සමිතියටය.ගමේ මරණාධාර සමිතියේ සාමාජිකත්වය පවුල් දෙකක් ලෙස මොවුන් ද ලබා ගෙන තිබුණි. මළ ගෙදර සියලු වැඩ කටයුතු මරණාධාර සමිතියේ නිලධාරියකු විසින් කොළයක ලියා දේහය තැත්පත් කර තිබු නිවසේ කාටත් පෙනෙන සේ අලවා තිබුණි.
මද ගෙදර අවසන් කටයුතු කිරිමට පෙර දිනයේ රාත්‍රියේ මාමණ්ඩි සහ ලේලිය මළ ගෙදර සිට නිවෙස වෙත යන්නේ තමන්ට පවරා ඇති කාර්යයන් බලා පෙර සුදානම් වීමට ඇති නිසාවෙනි.
අවසන් කටයුතු කිරිමට පෙර දිනය වු බැවින් විශාල පිරිසක් අවමංගල්‍යයට අවසන් ගෞරව දැක්වීම සඳහා පැමිණ සිටින අතරම ඒ ගැන වැඩි තැකීමක් නොකරම මාමණ්ඩිය කොළය කියවීය.
එම කොළයෙහි වැරැදීමකින් ඕහුව ඉවීමේ කටයුතුත්. ලේලියට වල කැපීමේ කටයුතුත් පවරා තිබුණි. එය කියවූ ඔහු ඉතා උස් හඩින් මෙසේ කීය "මහත්තයෝ මගේ නම් කපලා වළට දාන්න දුවගේ නම කපලා උයන්න දාන්න" යැයි කීවේ මළ ගෙදර සිටි කාගෙත් මුවගට සිනහ ගන්වමිනි.

Read More

රාගම දී 4ක් දුම්රියේ හැපී දෙදෙනෙක් මරුට

(රාගම තලිඳු පන්සිළු)
රාගම හන්දිය දුම්රිය හරස්මගේ ආරක්ෂිත ගේට්ටුව වසා තිබියදි ඒ හරහා ගමන් කළ සිවු දෙනකු මහනුවර සිට මාතර බලා ඊයේ (27) උදේ 7.50 පමණ ධාවනය වූ ශීඝ්‍රගාමී දුම්රියේ ගැටීමෙන් දෙදෙනකු මියගොස් දෙදෙනකු තුවාල ලබා ඇතැයි රාගම පොලිසිය පවසයි.
මෙම අනතුරින් රාහම වැලිසර පදිංචි 38 හැවිරිදි ඇනී මාගරට් පිරිස් නමැති සිවුදරුණු මව මියගොස් ඇති අතර මියගිය අනෙක් තැනැත්තා මෙතෙක් හඳුනා ගෙන නැත.
මියගිය කාන්තාවගේ බාල දියණිය වන දෙදරු මවකද තුවාලකරුවන් අතර සිටි.
ඔවුන් රාගම රෝහලේ පවතින සායනයකට යමින් සිටියදී මෙම අනතුරට මුහුණ පා ඇත.
ඇගේ හිසේ වම්පසට හා වම් අතට තුවාල සිදුවී ඇතැයි රෝහල් ප්‍රකාශකයෙක් කීය. මියගිය අනෙක් පුද්ගලයා සම්බන්ධයෙන් ඊයේ (27) පරුව දක්වා කිසිදු තොරතුරක් නොලැබුණු බව ද පොලිසිය පවසයි. බරපතළ තුවාල ලබා සිටින අනෙක් තැනැත්තා රාජේන්ද්‍රන් නමැත්තෙකු බව හඳුනාගෙන ඇතැයි රෝහල් පොලිසිය පවසයි.

Read More

දුම්රිය කාර්මිකයන්ට බැරිවු දුම්රිය සරසවි සිසු විනාඩි 20 න් දුවවයි

(ඩයනා උදයංගනී)
යාපනයේ සිට කොළඹ කොටුව බලා ධාවනය වු අක 4021 දරන නගරාන්තර ශීඝගාමී දුමරිය ඉකුත් 19 වැනිඳා කාර්මික දෝෂයකට ලක් වී දුම්රිය කාර්මික ශිල්පීන්ටද යථා තත්වයට පත් කර
නොහැකිවීමෙන් මගීන් දැඩි අපහසුතාවට පත්වී ඇති අතර එහිදී එම දුම්රියේ ගමන් කළ සිසුවකු ඉදිරිපත් වී එම දෝෂය යථා තත්වයට පත්කිරීමෙන් පසු දුම්රිය යළිත් ධාවනය කිරීමට හැකි වී තිබේ.
මෙලෙස එම දුම්රිය දෝෂය නිවැරදි කර ඇත්තේ මොරටුව ජර්මානු කාර්මික ආයතනයේ අධ්‍යාපනය ලබා මේ වනවිට පෞද්ගලික විශ්වවිද්‍යාලයකින් වැඩිදුර අධ්‍යපනය හදාරන ජනිත් දිමන්ත විතානාරච්චි නමැති සිසුවෙකි.
මම දුමිරිය එදින පස්වරු 4.27ට අනුරාධපුරයෙන් පිටවීමෙන් පසු මහාගල්කඩවල කැළෑබද ප්‍රදේශයේදී කාර්මික දෝෂයකට ලක්වේ නැවතී ඇති අතර එහි පැමිණි දුම්රිය කාර්මික ශිල්පීන් ද විනාඩි 45ක් පමණ උත්සාහ කළ ද දෝෂය නිවැරදි කිරීමට නොහැකි වී ඇත. ඒ හේතුවෙන් මෙම දුම්රිය වෙනත් දුම්රිය එන්ජිමක් මගින් ගල්ගමුව දුම්රිය ස්ථානය දක්වා ගෙන ගොස් එතැන සිට කොළඹ කොටුව දක්වා ගමන් කිරිම සඳහා මගීන්ට ගමන් පහසුකම් සලසන බව දුම්රිය බලධාරීන් මගීන්ට දැනුම් දී ඇත. විශාල බෑග රැගත් විදේශිකයින් ඇතුළු මගින් රැසක් මෙම දුමිරියේ සිට ඇති අතර රාත්‍රියද උදාවෙමින් තිබූ බැවින් ඔවුන් මුහුණ පා ඇත් දැඩි අසීරුතාවකටය. ඒ අවස්ථාවේ මගින් අතර සිටි මෙම සිසුවා ඉදිරිපත් වී තමාට දුමිරියේ දෝෂය නිවැරදි කළ හැකි බව දුම්රිය තාක්ෂණ ශිල්පීන්ට පවසා තිබේ.
එම අවස්ථාවේ ඔහුට එම අවස්ථාව ලබා දී ඇති අතර ඔහු ඇතැම් මගීන්ගේද සහය ඇතිව විනාඩි 20ක පමණ කාලයකදී. දුමිරියේ කාර්මික දෝෂය නිවැරදි කර ඇති අතර ඉන්පසු යළිත් දුමිරිය කොළඹ කොටුව දක්වා ගමන් අරඹා ඇත.

Read More

කොළඹ නගර සභාවේ සේවිකාවන්ට ඉහළ නිළධාරීන්ගෙන් ලිංගික අඩන්තේට්ටම්

කොළඹ නගර සභාවේ සේවය කරන කාන්තාවන්ට එහි ඉහළ නිලධාරීන්ගෙන්  ලිංගික අතවර සිදු වන බවට නාගරික මන්ත්‍රිනී ෂර්මිලා ගෝනවල මහත්මිය නගරාධිපතිනී රෝසි සේනානායක මහත්මියට ඊයේ (27දා) පැමිණිලි කළාය.

රාජකාරී කටයුතුවල නිරත වන විවිධ අවස්ථාවලදී ලිංගික අඩන්තේට්ටම්වලට  මුහුණ දී තිබෙන මෙම කාත්තාවන් මෙතෙක් කලක් මෙම කරුණ රහසක් සේ සඟවාගන තිබෙන බවද ඇය පවසා තිබේ.

'ඇස් දෙක ලක්සනයි, ඉඟ ලස්සනයි, සාරීය ලස්සනයි” කියමින් සේකාවන්ට උසුලු විසුලු කරන ඉහළ නිලධාරින් තොරතුරු හෙළිදරව් කළහොත් එම කාන්තාවන් අපයෝජනය කර මරා දමන බවට තර්ජනය කර ඇතැයිද මන්ත්‍රීවරිය පැවසුවාය. මෙම සිද්ධිවලට මුහුණපෑ කාන්තාවන් ලබා දුන් ලිඛිත සාක්ෂි නගරාධීපතිනියට ලබා දුන් බවත්, බස්නාහිර පළාත් ආණ්ඩුකාර හේමකුමාර නානායක්කාර මහතාටද එහි පිටපත් ලබාදුන් බවත් ඇය පවසා සිටියාය.

කොළඹ නගර සභාව තුළ කාන්තාවන්ට රැකියාව කරගෙන යාමට අපහසුවක් නිර්මාණය වී තිබෙන බැවින් නගරාධිපතිනිය මැදිහත්ව කමිටුවක් පත්කර පරීක්ෂණයක් පැවැත්විය  යුතු බවත්, වැරදි කර ඇති නිලධාරීන් සම්බන්ධව දැඩි තීරණ ගෙන නීතිය ක්‍රියාත්මක කළ යුතු බවත් මන්ත්‍රීවරිය සඳහන් කළාය. මේ සම්බන්ධව අදහස් දැක්වූ රෝසි සේනානායක මහතා සඳහන් කල කරුණු සොයාබලා වැරදි කර ඇති නිලධාරීන්ට විරුද්ධව ක්‍රියාමාර්ග ගන්නා බවයි.

ඉහළ නිලධාරීන්ගෙන් කාන්තාවන් ආරක්ෂා කර ගන්නා ලෙස මන්ත්‍රීවරුන් දැනුවත් කරන බවත්, මෙය වැදගත් කරුණක්  සේ සලකා ඉදිරියේදී කටයුතු කරන බවත් නගරාධිපතිනිය පවසා සිටියාය.

Read More

ඉන්දියානුවා දින 90ක් රඳවාගන්න අධිකරණයෙන් අවසර

නියෝජ්‍ය පොලිස්පති නාලක ද සිල්වා මහතා කුමන්ත්‍රණය කළැයි කියන සිද්ධියට අදාළව සැකපිට අත්අඩංගුවට ගෙන ත්‍රස්තවාදය වැළැක්වීමේ පනත යටතේ රැදවුම් නියෝග මත රඳවා ප්‍රශ්න කරන ඉන්දියානු ජාතික 'මර්සිලි තෝමස්' නමැත්තා මාස 3ක කාලයක් රඳවා තබාගෙන ප්‍රශ්න කිරීමට කොළඹ කොටුව මහෙස්ත්‍රාත් සහ අතිරේක දිසා විනිසුරු ලංකා ජයරත්න මෙනෙවිය ඊයේ (27) අපරාධ පරීක්ෂණ දෙපාර්තමේන්තුවට අනුමැතිය ලබා දුන්නාය. මහෙස්ත්‍රාත්වරිය එලෙස අනුමැතිය ලබාදෙනු ලැබුවේ සිද්ධියට අදාළව සැකපිට අත්අඩංගුවට ගනු ලැබූ එම ඉන්දියානු ජාතිකයා අධිකරණයට ඉදිරිපත් කළ අවස්ථාවේදීය.

එලෙස අපරාධ පරීක්ෂණ දෙපාර්තමේන්තුවේ මාස 3ක කාලයක් රඳවා තබාගෙන ප්‍රශ්න කිරීමට අනුමැතිය ලබාදුන් ඉන්දියානු ජාතිකයා මහෙස්ත්‍රාත් නිරීක්ෂණය සඳහා ලබන මස 23 වැනිදා අධිකරණයට ඉදිරීපත් කරන ලෙසද මහෙස්ත්‍රාත්වරිය අපරාධ පරීක්ෂණ දෙපාර්තමේන්තුවට නියම කළාය.
ඉන්දියානු ජාතිකයාගේ ක්‍රියාකලාපය සැකසහිත බවද  සිද්ධියේ පැමිණිලිකරු වන දූෂණ විරෝධී බළකායේ මෙහෙයුම් අධ්‍යක්ෂ නාමල් කුමාරගේ නිවෙසට තමා ගියේ නාමල් කුමාර යන අයට ජීවිත තර්ජන ඇති බවට පුවත්පතක පළ වී තිබූ පුවතක් ගැන දැනුම් දීමට බැව් ප්‍රශ්න කිරීම්වලදී ඉන්දියානු ජාතිකයා ප්‍රකාශ කර ඇති බවද අපරාධ පරීක්ෂණ දෙපාර්තමේන්තු නිලධාරීන් කොටුව මහේස්ත්‍රාත් අධිකරණයට දැනුම් දුන්හ.

ඉන්දියාවේ ආර්.එස්.එස්. (RSS) නමැති සංවිධානයේ තර්ජන මත ශ්‍රී ලංකාව තුළ සරණාගත භාවය ඉල්ලා ඉන්දියානු ජාතිකයා මෙරටින් ඉල්ලීමක් කර ඇති බවද එම ඉල්ලීම ප්‍රතික්ෂේප වී ඇති බවද ඒ අනුව මසක කාලයක් සඳහා ලබාගත් සංචාරක වීසා මත ඔහු මෙරටට පැමිණ අවුරුදු 2ක පමණ කාලයක් වීසා බලපත්‍ර නොමැතිව මෙරට රැඳී සිට ඇති බවද අපරාධ පරීක්ෂණ දෙපාර්තමේන්තු නිලධාරීහු අධිකරණය හමුවේ ප්‍රකාශ කළහ. ඔහු එලෙස මෙරට රැඳී සිටි කාලය තුළ කිසිදු රැකියාවක් කර නොමැති බවද ඔහු ජීවත් වීම සඳහා මුදල් සොයා ගෙන ඇත්තේ මෙරට පල්ලිවලින් ලබාගත් ආධාර මුදල්වලින් බවද අපරාධ පරීක්ෂණ දෙපාර්තමේන්තුව නියෝජනය කරමින් අධිකරණයේ පෙනී සිටි සහකාර පොලිස් අධිකාරී අයි.යූ.කේ. ලොකුහෙට්ටි මහතා  අධිකරණය හමුවේ ප්‍රකාශ කර සිටියේ ඔහු ඉංග්‍රීසි භාෂාව සහ ගිණුම්කරණය විෂයයන් සඳහා මෙරට ශිෂ්‍යයන්ට පන්ති පවත්වා ඇති බවට කරුණු අනාවරණය කරගෙන ඇති බවද මාසයකට රුපියල් 4,000ක මුදලකට ඉන්දියානු ජාතිකයා විසින් අදාළ විෂයයන් පිළිබඳ පක්ති පැවැත්වූ අදාළ ශිෂ්‍යයාගේ පියාගෙන් ප්‍රකාශ සටහන් කරගෙන ඇති බවද අපරාධ පරීක්ෂණ දෙපාර්තමේන්තු නිලධාරීහු අධිකරණය හමුවේ ප්‍රකාශ කළහ.

ඉන්දියානු ජාතිකයාගේ මානසික රෝගී තත්වය පරික්ෂා කිරීම සඳහා අධිකරණ වෛද්‍යවරයා වෙත ඉදිරිපත් කළ බවද අපරාධ පරීක්ෂණ දෙපාර්තමේන්තු නිලධාරීන් අධිකරණයට දන්වා සිටි අතර එය සලකා බැලීමෙන් අනතුරුව ඉන්දියානු ජාතිකයා මානසික රෝගී සායනයකටත්, ඔහුට වැලදී ඇති අධික රුධිර පීඩන තවය සම්බන්ධයෙන් කායික රෝගී සායනයකට සහ ඉන්දියානු ජාතිකයාගේ අතට සිදු වී ඇති අනතුරක් මත ඔහුව විකලාංග සායනයකටත් ඉදිරිපත් කරන ලෙසද මහෙස්ත්‍රාත්වරිය අපරාධ පරීක්ෂණ දෙපාර්තමේන්තු නිලධාරින්ට නියෝග කෙරිණි.

ඉන්දියානු ජාතිකයා සතුව තිබී අත්අඩංගුවට ගනු ලැබූ ඔහු විසින් පාවිච්චි කරන ලද ජංගම දුරකථන 2ක්, මෙමරී පෙන් එකක් සහ ලියකියවිලි කිහිපයක් පරික්ෂා කිරීම් සඳහා රජයේ රස පරීක්ෂකවරයාට යැවීම සඳහා අපරාධ පරීක්ෂණ දෙපාර්තමේන්තුව අධිකරණයට ඉදිරීපත් කළ අතර එලෙස අධිකරණයට ඉදිරිපත් කළ භාණ්ඩ සහ ලියකියවිලි අපරාධ පරීක්ෂණ දෙපාර්තමේන්තුව වෙතින් රජයේ රස පරීක්ෂකවරයා වෙත යොමු කිරීමට නියමිතව ඇත.


-අමිල අබේරත්න-

Read More

ඩොලරයේ වැඩිවීමට මුහුණ දෙන්න විශේෂඥ කමිටුවක්

(අංජුල මහීක වීරරත්න)
ඇමරිකා එක්සත් ජනපද ආර්ථිකය ශක්තිමත් වීමත් සමඟම දිනෙන් දින ඉහළ යන ඩොලරයේ අගය වැඩිවීමට මුහුණ දෙමින් ශ්‍රී ලංකාවෙ අපනයන ආර්ථිකය කඩිනමින් නංවා ගැනීමේ වැඩපිළිවෙළක් මේ වනවිට සකස් කරමින් තිබෙන බව රජයේ ප්‍රකාශකයෙන් පැවසීය.
අග්‍රාමාත්‍ය රනිල් වික්‍රමසිංහ මහතාගේ උපදෙස් මත රටේ ඉහළම මටිටමේ ආර්ථික විශේෂඥයින් මේ කාර්යයේ නිරතව සිටින බව ද ඔහු කීය.
ඩොලරයේ අගය උපරිම වශයෙන් ඉහළ ගොස් නතරවන තීරණාත්මක අගයේදී රුපියල ආරක්ෂා කර ගැනීම සඳහා ගත යුතු පියවර රජයට නිර්දේශ කිරීම මෙම ආර්ථික විශේෂඥ කණ්ඩායමට පැවරී ඇති ප්‍රධාන කර්ය වෙයි.
ඩොලර් හැකි තරම් රට තුළට ගෙන ඒම සඳහා කෙටි කාලීන, මධ්‍ය කාලීන හා දීර්ඝ කාලීන අපනයන වැඩිකර ගැනීම් ක්‍රමවේදයන්ද ආර්ථික විශේෂඥ කණ්ඩායම විසින් රජයට යෝජනා කිරීමට ද නියමිතය.

Read More

මානසික රෝගයක් හේතුවෙන් කලහාකාරීව හැසිරුණු ජනප්‍රිය ගායකයා 9තෙක් රිමාන්ඩ්

මානසික රෝගයක් හේතුවෙන් කලහාකාරී ලෙස හැසිරුණු මෙරට ප්‍රසංග වේදිකාවේ ජනප්‍රිය ගායකයකු වන දමිත් අසංක යන අය ඊයේ (27දා) කුඩාඔය පොලීසිය විසින් අත්අඩංගුවට ගන්නා ලදුව වැල්ලවාය මහෙස්ත්‍රාත් අධිකරණ හමුවට ඉදිරිපත් කිරීමෙන් පසුව ඔක්තෝම්බර් මස 09 වැනිදා තෙක් රිමාන්ඩ් බන්ධනාගාර ගත කිරීමට වැල්ලවාය මහෙස්ත්‍රාත් මහේෂ් වාකිෂ්ඨ මහතා නියෝග කර තිබේ.  මොහු මීට දින දෙකකට පෙර ප්‍රදේශයේ විහාරස්ථානයකට පැන එහි වැඩ සිටි ස්වාමීන් වහන්සේ නමකගේ සිවුරක් පොරවාගෙන ගම පුරා ඇවිද ඇති බවද කුඩාඔය පොලිසිය පවසයි.

සැකකාර ගායකයා නිවැසියන්ට බැන වදිමින් පහර දෙන බවට පොලිස් හදිසි ඇමැතුම් අංශයට ලද තොරතුරකට අනුව සැකකරු කුඩාඔය පොලිසිය ඊයේ (27) පස්වරුවේ අත්අඩංගුවට ගෙන තිබිණි.  මොහු කිසියම් මත්ද්‍රව්‍යකට තදින් ඇබ්බෑහ වීම හේතුවෙන් කිසියම් මානසික රෝගයකි පෙළෙන බවට පොලිසිය සැක කරයි.  මීට පෙරද මෙම ගයකයා බීමතින් මෙසේ කලහකාරීව හැසිරේද්දී පොලිස් අත්අඩංගුවට පත්ව තිබුණු බව ජ්‍යෙෂ්ඨ පොලිස් නිලධාරියක් අප කළ විමසීමකදී පැවැසීය. චූදිතයා මානසික වෛද්‍යවරයකුට යොමු  කර වාර්තාවක් ලබාගෙන අධිකරණයට ඉදිරිපත් කරන ලෙස මහෙස්ත්‍රාත්වරයා  බන්ධනාගාර නිලධාරීන්ට නියෝග කළේය

-සංජීව බණ්ඩාර- 

Read More

පෙම්වතුන් 8ක් රැවටු කුවෙට් පෙම්වතිය

පිරිමින්  අටදෙනකු සමඟ ප්‍රේම සබදතා පවත්වමින් ඔවුන් අටදෙනාවම බියගන්වා මුදල් සහ වෙනත් භාණ්ඩ ලබාගත් සුරූපී කාන්තාවක් අත්අඩංගුවට ගැනීමට මෙහෙයුමක් අරඹා  ඇතැයි කුවේට් පොලීසිය පවසයි.
පිරීමින් අටදෙනා සමඟම කාන්තාව යහපත් ඇසුරින් සබඳතා පවත්වා ඇති අතර ඔවුන් අටදෙනාටම දැඩි ලෙස ආදරයෙන් සිටින බව පෙන්වා ඇත. පිරිමින් අටදෙනාම සුරූපී කාන්තාවට දැඩි ලෙස ආදරය කිරීමට පෙලඹී ඇති බවද එය දැනගත් කාන්තාව අටදෙනාගෙන්ම වරින්වර මුදල්  ලබාගෙන ඇත.
පසුව එම පුද්ගලයන් අටදෙනාව මඟ හරිමින් සබඳතා පවත්වාගෙන යැමට  අවශ්‍යය නම් මුදල් ලබා දිය යුතු බව ප්‍රකාශ කර ඇත.

එසේ නොවන්නේ නම් සබදතා  පැවැත්වීමට නොහැකි බවද ප්‍රකාශ කර තිබේ.  තම සබදතාව අත්හැරීමට අකැමැති වූ පෙම්වතුන් කාන්තාව පසුපස හඹායෑමේදී ඇය පුරුෂයන් සමඟ සිදුකරන ප්‍රේම රංගනය දැක පොලීසියට පැමිණිලි කිරීමෙන් අනතුරුව ඇය සොයන මෙහයුම ආරම්භ කළ බව පොලීසිය පවසයි. ඇය ලබාදී ඇති තොරතුරු සාවද්‍ය වීම හේතුවෙන් ඇය සොයාගැනීම තවත් කල් ගතවනු ඇතැයිද පොලීසිය පෙන්වා දෙයි.

Read More

රන් මාලය කඩාගත් තරුණයින් දෙදෙනාව 12 හැවිරිදි සිසුවිය පෙරට්ටුවේදී හඳුනාගනී

තම 12 වැනි උපන් දිනය වෙනුවෙන් දෙමාපියන් විසින් තමාට තෑගි දුන් රන්මාලය කොල්ල කෑ කොල්ලකරුවන් සම්බන්ධයෙන් මීගමුව වැඩ බලන මහෙස්‌ත්‍රාත් ගොඩ්ප්‍රි කුරේ මහතා හමුවේ පැවැති හඳුනා ගැනීමේ පෙරට්‌ටුවේදී එම දැරිය විසින් එම කොල්ලකෑම සිදු කළ සැකකරුවන් දෙදෙනා හඳුනා ගැනීමට සමත් විය.

පෙරට්‌ටුවේදී හඳුනාගත් සැකකරුවන් වූයේ වයික්‌කාල දකුණු කම්මල්වැල්ල පදිංචි නිලූෂ ප්‍රියංකර ප්‍රනාන්දු සහ කොච්චිකඩේ වැලිහේන පදිංචි ඩබ්ලිව්. සංජීව ඉන්දික නමැත්තන්ය. මෙහි පැමිණිලිකාරිය වූයේ වැලිහේන කීනගහවත්තේ පදිංචි ඒ දෙනෙති ආර්යා පෙරේරා නමැති 12 හැවිරිදි පාසල් ශිෂ්‍යාවයි. ඇය නිවස අසල පිහිටි වෙළෙඳ සලකට බිස්‌කට්‌ මිලදී ගැනීමට ගිය අවස්‌ථාවේ යතුරු පැදියකින් පැමිණි මෙම සැකකරුවන් දෙදෙනා එම ශිෂ්‍යාවගේ ගෙලෙහි බිඳි රන්මාලය කොල්ලකා පලාගොස්‌ ඇත.

-විමල් කීර්ති-

Read More

බොරතෙල් උත්පාදනය පහත වැටෙයි-තෙල් බැරලයක මිල තවත් ඉහළ යන ලකුණු

ඇමෙරිකාව විසින් ඉරානයට සම්බාධක පැනවීම හේතුවෙන් ලෝක බොරතෙල් උත්පාදනය පහළ වැටී ඇතැයිද ඒ හේතුවෙන් ලෝක වෙළෙඳපොළ තුළ තවදුරටත් බොරතෙල් බැරලයක මිල ඉහළ යමින් පවතින බවද වාර්තා පෙන්වා දෙයි.  ඇමෙරිකාව විසින් ඉරානයට සම්බාධක පැනවීම සහ ඉරානය විසින් උත්පාදනය කරනු ලබන තෙල් ආනයනය නොකරන ලෙස ඇමෙරිකාව විසින් ලොව රාජ්‍යයන් කිහිපයකට අනතුරු අඟවා තිබීම හේතුවෙන් ඉරානය තෙල් උත්පාදනය පහත දැමීම හේතුවෙන් මෙම තත්ත්වය ඇති වී ඇතැයි වාර්තා පෙන්වා දෙයි.

දිනෙන් දින ඉරානය විසින් තෙල් උත්පාදනය පහළ හෙළීමට කටයුතු කර ඇතැයිද ඒ හේතුවෙන් ඉදිරියේදී තවදුරටත් ලෝකයට වෙළෙඳපොළ තුළ ඇති වන තෙල් හිඟය අඩු කිරීම සඳහා අනෙක් රටවල්වලට බොරතෙල් උත්පාදනය කිරීමට සිදුවීම සපුරා ගත නොහැකි වීම මත තවදුරටත් තෙල් මිල ඉහළ  යනු ඇතැයිද වාර්තා පෙන්වා දෙයි.  බොරතෙල් වෙළෙඳපොළ තුළ මිල ඉහළ යෑමට සාපේක්ෂව ලොව රාජ්‍ය කිහිපයක තෙල් මිල ඉහළ දැමීමට කටයුතු කර ඇති අතර ඒ  මත එම රාජ්‍යයන්හි අර්බුද මතු වී ඇතැයිද වාර්තා පවසයි.

Read More

මමත් මට වූ ලිංගික අතවර සඟවාගෙන සිටියා-ඒකට හේතුවක් තිබුනා-ඇමරිකා ගත් කතුවරියක් ඩොනල්ඩ් ට්‍රම්ප්ට පිළිතුරු දෙයි

16 හැවිරිදි වියේදී තමන් ලිංගික අතවරයකට ලක්‌වූ බව ලෝකයෙන් වසන් කළේ මන්ද යන්න, ඇමරිකානු ගත්කතුවරියක්‌ සහ රූපවාහිනී වැඩසටහන් ඉදිරිපත් කරන්නියක වන පද්මා ලක්‍ෂ්මී පැහැදිලි කර තිබේ. නිව්යෝර්ක්‌ ටයිම්ස්‌  පුවත්පතට අදහස්‌ දක්‌වමින්, මේ වනවිට 48 වන වියේ පසුවන ඇය සඳහන් කර ඇත්තේ, තමන් එවකට සිය පෙම්වතා අතින් ලිංගික අතවරයකට ලක්‌වූ බවය.

 එහෙත්, එය තමන්ගේ වරදින් සිදුවූ දෙයක්‌ ලෙස තමන් කල්පනා කළ බවත්, කාන්තාවන් ලිංගික අතවර සම්බන්ධයෙන් මුනිවත රකින්නේ මන්ද යන්න ඉන් වටහා ගත් බවත් ඇය පවසයි.

 ඇමරිකානු ශ්‍රේෂ්ඨාධිකරණයේ විනිසුරුවරයකු ලෙස යෝජිත බ්‍රෙට්‌ කැවනෝට එරෙහිව කාන්තාවන් දෙදෙනකු එල්ල කර ඇති චෝදනා සම්බන්ධයෙන් ජනපති ඩොනල්ඩ් ට්‍රම්ප් කර ඇති ප්‍රකාශයට දී ඇති පිළිතුරක්‌ ලෙස පද්මා ලක්‍ෂ්මීගේ ප්‍රකාශය දැඩි අවධානයට ලක්‌ව තිබේ.

 මීට පෙර ඩොනල්ඩ් ට්‍රම්ප් ට්‌විටර් පණිවුඩයක්‌ මගින් සඳහන් කර තිබුණේ ශ්‍රේෂ්ඨාධිකරණ යෝජිත විනිසුරුවරයාට එරෙහිව නගන චෝදනා සැක සහිත බව ය.

 බ්‍රෙට්‌ කැවනෝ තමන්ට 1980 වසරේදී ලිංගික අතවර කළ බවට ක්‍රිස්‌ටීන් බ්ලැසී  නමැති කාන්තාවක්‌ කළ චෝදනා ඔහු දිගින් දිගටම ප්‍රතික්‍ෂේප කළේය. මේ සම්බන්ධයෙන් මෙම සතියේ ඇමරිකානු සෙනෙට්‌ කණ්‌ඩායමක්‌ ඉදිරියට කැඳවා ඇයගෙන් ප්‍රශ්න කිරීමට ද නියමිතය.

 පද්මා ලක්‍ෂ්මී නිව්යෝර්ක්‌ ටයිම්ස්‌ පුවත්පතට පවසා ඇත්තේ, "ජනාධිපති ඩොනල්ඩ් ට්‍රම්ප් ව්ටිටර් පණිවුඩයෙන් පවසා තිබුණා, ක්‍රිස්‌ටීන්ගේ චෝදනා සත්‍ය නම් ඇයට ඒ සම්බන්ධයෙන් වසර ගණනකට කලින් පොලිසියට වාර්තා කරන්න තිබුණ බව. ඒත්, කාන්තාවන් එවැනි තොරතුරු පොලිසියට නොකියා සඟවාගෙන ඉන්නේ ඇයි කියල මට තේරුම් ගන්න පුළුවන්. මීට වසර ගණනකට පෙර මමත් කළේ ඒකමයි."

 එසේ තමන්ට සිදුවූ අතවරයට සඟවා තබා ගැනීමට හේතුව ද ඇය පැහැදිලි කළාය. "ඒ අතවරය ගැන කිසිම සාක්‍ෂියක්‌ මට තිබුණේ නැහැ. පෙම්වතාගේ නිවසට ගියේ ඇයිද? යන්න පිළිබඳව විමසා තමන්ට වැඩිහිටියන්ගෙන් ප්‍රශ්න එල්ල වෙන්නත් තිබුණා."

 "මට මේ දේවල් කතා කිරීමෙන් කිසි දෙයක්‌ ලැබෙන්නේ නැහැ" එහෙත්, අතවරයට ලක්‌වූ අවස්‌ථාවේ අදාළ කාන්තාවන් පොලිසියට පැමිණිලි නොකිරීම ඩොනල්ඩ් ට්‍රම්ප් කර ඇති ප්‍රකාශයට පිළිවදන් දෙමින් පද්මා ලක්‍ෂ්මී පෙන්වා දුන්නේ, "ලිංගික අතවර පිළිබඳව සත්‍ය තොරතුරු පමාවී හෙළි කිරීමෙන් කාන්තාවන්ට ගොඩක්‌ දේ අහිමි විය හැකි" බවය.

 පද්මා ලක්‍ෂ්මී කර ඇති ප්‍රකාශය සම්බන්ධයෙන් සමාජ මාධ්‍යවල දැඩි ප්‍රසාදයක්‌ පළ වී තිබුණි.

Read More

දෙක වසරේ දරුවකුගේ අම්මාට විදුහල්පතිනියගේන් හොඳ පාඩමක්

මාතර ප්‍රසිද්ධ පාසලක දෙවැනි වසරේ සිසුන්ට පුවත්පත්වල පළ වන ප්‍රවෘත්ති කිහිපයක් පසුදින එනවිට රැගෙන එන ලෙස පන්ති භාර ගුරුතුමිය පවසා ඇත. ඒ අනුව අනෙකුත් සිසුන් මෙන්ම මෙම දරුවාද තම මවුපියන්ට පවසා ඇත්තේ පත්තරවල තියෙන ප්‍රවෘත්ති හෙට ටීචර් ගේන්න කිවේ බවයි. ඒ අනුව තම මව පත්තරවල ඇති කෙටි ප්‍රවෘත්ති කිහිපයක් දරුවාට කපා දී ඇත. පසුදින එම විෂයට අනුව ළමයි පුවත් ගෙනාවදැයි ගුරුතුමිය විමසා සිටි විට සියලු ළමයි රැගෙන ආ පත්තර කැබැලි ගුරුතුමියටදී ඇත. මෙම දරුවාද රැගෙන ආ ප්‍රවෘත්ති පහක් ගුරුතුමියට දී  ඇත.                                       

ඒ පිළිබඳ සුපරීක්ෂණකාරීව බැලූ ගුරුතුමිය විස්මයට පත් වූවාය. ඇයට කතා කර ගැනීමට නොහැකි විය. ඇය ගොළුවකු මෙන් විදුහල්පති කාමරයට දිවගොස් මේ දරුව ගෙන ආ ප්‍රවෘර්ති පෙන්වා ඇත. එය දැකීමෙන් විදුහල්පතිනියද විමතියටත් කෝපයටත් පත්විය. මෙම පුවත්පත් පුවත් ලෙස එවා ඇත්තේ "හැට හතරේ ආච්චි දුෂණය කළ සැකකරු අල්ලයි, බිරියගේ පිහි පහරීනී සැමිණ මියගොස්, "අනියම් පෙම ගිනියම් වෙලා" වැනි කුඩා දරුවකුව නොහොබිනා ශීරිෂ සහිත පුවත්ය.

ඇතැම් සුදුසු පුවත් ඇති කඩදාසියේ අනෙක් පස දරුවාට නොගැලෙපන දේ තිබී ඇත. කෝපයට පත් විදුහල්පතිනිය වහා දරුවාගේ මව කැඳවා දොස් පවරා ඇත. විදුහල්පතිනිය මෙම අවස්ථාව අනෙකුත් මවුපියන්ට පාඩමක් ඉතිරී කරමින් දොස් නඟා ඇත. ඇය අවවාද දුන්නේ දරුවන්ගේ කටයුතු කිරීමේදී ඒ  ගැන වෙනත් සැම වැඩකටම වඩා  සැලකිලිමත් විය යුතු බවයි මව විදුහල්පතිනියගේ දෝස් මුර අසා සිටින්නට බැරී තැන නොකියාම මාරු වී තිබේ.


-උදය කුමාර රණවීර-

Read More

දුම්රිය ගාස්‌තු නගී; අවම ගාස්‌තු වෙනසක්‌ නැහැ

දුම්රිය ගාස්තු සඳුදා (01 වැනිදා) සිට ඉහළ දැමීමට රජය තීරණය කර ඇත. මහා භාණ්ඩාගාරයේ උපදෙස් මත මෙලෙස දුම්රිය ගාස්තු සංශෝධනය කරන බව දුම්රිය දෙපාර්තමේන්තුව සඳහන් කර සිටී.


දුම්රිය ගාස්‌තුව සංශෝධනය කරනු ලබන්නේ වසර දහයකට පසුව බව පවසන දුම්රිය දෙපාර්තමේන්තුව මෙම සංශෝධනයෙන් පසුව ද දුම්රිය ගාස්‌තුව තවදුරටත් බස්‌ ගාස්‌තුවට වඩා අඩුවෙන් පවතින බව පවසයි.

කලින් පැවති අවම ගාස්‌තුව තුන්වැනි පන්තිය රු. 10/-, දෙවැනි පන්තිය රු. 20/- හා පළමු පන්තිය රු. 40/- තවදුරටත් නොවෙනස්‌ව පවතින අතර අවම ගාස්‌තුවට යා හැකි උපරිම දුර කලින් පැවති දුරට වඩා අඩුකර ඇත. ඒ අනුව කලින් රු. 10/- ට ගමන් කළ හැකි අවම දුර කි. මී. 09 සිට කි. මී. 07 දක්‌වා අඩුකර ඇත. මෙම ප්‍රවේශපත්‍ර ගාස්‌තුව සංශෝධනය වීමත් සමඟ වාර ප්‍රවේශපත්‍ර ගාස්‌තුව ද සංශෝධනය වන අතර වාර ප්‍රවේශ පත්‍ර සඳහා මෙතෙක්‌ අය කළ ප්‍රතිශතයේ වෙනසක්‌ සිදු නොවේ.

 ඒ අනුව රජයේ සේවක වාර ප්‍රවේශ පත්‍රයකට අයකරනු ලබන ගාස්‌තුව වන්නේ තනි ගමන් වාරයක ප්‍රවේශ පත්‍ර වටිනාකම මෙන් නව ගුණයක්‌ වන අතර පෞද්ගලික අංශයේ වාර ප්‍රවේශ පත්‍ර සඳහා අයකරනු ලබන ගාස්‌තුව වන්නේ තනි ගමන් වාරයක ප්‍රවේශ පත්‍ර වටිනාකම මෙන් විසි හතර ගුණයකි. එනම් දින දොළහක්‌ සඳහා වන මුදලකි. එමෙන්ම පාසල් සිසුන්ගෙන් සහ විශ්වවිද්‍යාල, පිරිවෙන් අධ්‍යාපනය ලබන සිසුන්ගෙන් අයකරනු ලබන ගාස්‌තුව වන්නේ තනි ගමන් වාරයක ප්‍රවේශ පත්‍ර වටිනාකම මෙන් හය ගුණයක ගාස්‌තුවකි.

Read More

සීගිරියට එන දෙස් විදෙස් සංචාරකයින්ට ඓතිහාසික තොරතුරු ඇතුළත් ජංගම දුරකථන මෘදුකාංගයක්

සීගිරිය නැරැඹීම සඳහා පැමිණෙන දෙස් - විදෙස් සංචාරකයන් සඳහා තම ජංගම දුරකථනයට බාගත හැකි සීගිරියේ විශේෂ ස්ථානවල තොරතුරු ඇතුළත් ජංගම දුරකථන මෘදුකාංගයක් ලෝක සංචාරක දිනය යෙදුණු ඊයේ (27දා) උසස් අධ්‍යාපන හා සංස්කෘතික කටයුතු අමාත්‍ය ආචාර්ය විජයදාස රාජපක්‍ෂ මහතාගේ ප්‍රධානත්වයෙන් සීගිරියේදී හඳුන්වා දෙනු ලැබීය.  මධ්‍යම සංස්කෘතික අරමුදල සංචාරක මණ්ඩලය එක්ව මෙම ව්‍යාපෘතිය හඳුන්වාදී තිබේ. සීගිරි නැරැඹීමට පැමිණෙන ඕනම දෙස් - විදෙස් සංචාරකයකුට  මෙම ජංගම දුරකථන මෘදුකාංගය සීගිරියේදී ලබාගත හැකි බවත් එය සීගිරිය නැරැඹීමට ගමන් කරද්දී එහි ඇති විශේෂ ස්ථානවලට ගොස් මෘදුකාංගය ක්‍රියාත්මක කොට එහි ඓතිහාසික තොරතුරු දැන ගැනීමට මෙමගින් හැකියාව පවතින බවත් මධ්‍යම සංස්කෘතික අරමුදලේ අධ්‍යක්‍ෂ ජනරාල් මහාචාර්ය ප්‍රිශාන්ත ගුණවර්ධන මහතා සඳහන් කළේය.

ලෝක සංචාරක දිනය නිමිත්තෙන් මධ්‍යම සංස්කෘතික අරමුදල මඟින් සීගිරිය ප්‍රදේශයේ සංචාරකයන්ට ගිමන් හැරීම සඳහා සහ සීගිරිය පිළිබඳව තොරතුරු දැන ගැනීම සඳහා ඔසු උයනක් නිර්මාණය කොට එදා විජයදාස රාජපක්‍ෂ අමාත්‍යවරයා අතින් විවෘත කිරීමද මෙහිදී සිදු කෙරීණි.  මෙම උත්සව අවස්ථාවට එක්වූ විජයදාස රාජපක්‍ෂ මහතා කියා සිටීයේ තාක්‍ෂණයේ දියුණුවත් සමඟ මෙවැනි ක්‍රියාකාරකම් ඉතා වටිනා නමුත් මෙරට බුද්ධිමතුන්, උගතුන් කොපමණ ඇතත් මෙවැනි ස්ථාන පිළිබඳව නැවත නැවත ඉගැන්වීමට සිදුව තිබෙන බවය.

උසස් අධ්‍යාපනය ලබා සරසවිවලට යන සිසු සිසුවියන් එහි ඇති ත්‍රාස්තවාදයෙන් මුදා ගැනීමේ වැඩපිළිවෙළක්ද සිදු කළ යුතු බවත් හෙතෙම සඳහන් කළේය. ඒ සඳහාද මෘදුකාංගයක් හඳුන්වා දීමට අවශ්‍ය බව හෙතෙම මෙහිදී අවධාරණය කළේය. බුද්ධිමතුන් විශාල පිරිසක් හිටියට තවත් පිරිසක් රටම විනාශයට පත් කිරීමේ තත්ත්වයක් නිර්මාණය වී තිබෙන බවත් සංචාරක කර්මාන්තයේදී එය විශාල වශයෙන් දැක ගැනීමට හැකියාව පවතින බවත් හෙතෙම සඳහන් කළේය. සංචාරක මගපෙන්වන්නන් මෙන්ම ඇතැම් ව්‍යාපාරිකයන් මෙරටට පැමිණෙන සංචාරකයන්ව මුළාවට පත් කොට මුදල් හම්බ කිරීමේ ක්‍රියාවලිය සිදුචන බවත් ලෝකයේ සංචාරක කර්මාන්තය පවතින රටවල් හතෙන් එකක් ශ්‍රී ලංකාව වීම සතුටට කරුණක් බවත් අමාත්‍යවරයා මෙහිදී සඳහන් කළේය.

-කේ.කේ.ආරියදාස-

Read More

විවාහ දෙකක් කරගත් පුද්ගලයෙක් තෙවැනි විවාහයතුක් සිදු කරගද්දී දෙවැනි විවාහයේ බිරිඳගෙන් ප්‍රහාරයක්-මනාලයා රෝහලේ

වවුනියාවේ කර්මාන්කුලම ප්‍රදේශයේ විවාහ මංගල උත්සවයක්‌ ගුටිබැට හුවමාරුවකින් කෙලවර වී මනමාලයා සහ තවත් අයකු තුවාල ලබා වවුනියාව මහ රෝහලට ඇතුළත් කොට තිබේ.

 කලින් විවාහ දෙකක්‌ සිදුකරගත් ගුරුවරයෙක්‌ සිය තෙවැනි විවාහය වවුනියාව කන්දසාමි කෝවිලේ සිදුකරමින් සිටියදී දෙවැනි විවාහයේ බිරිඳ හා ඇයගේ ඥාතීන් මනමාලයා වෙත පහරදීම නිසා මේ තත්ත්වය උදාවුණි.

 පළමුව යාපනය ප්‍රදේශයේ කාන්තාවක්‌ සමඟ විවාහ වී දරුවන් දෙදෙනකු සිටියදී අදාළ පළමු විවාහයේ බිරිඳ අතහැර කිලිනොච්චිය ප්‍රදේශයේ කාන්තාවක්‌ සමඟ විවාහ වී ඇති අතර, අදාළ විවාහක කාන්තාවද අතහැර තෙවැනි වරට වවුනියාව කර්මාන්කුලම ප්‍රදේශයේ කාන්තාවක්‌ සමඟ විවාහ වීමට කෝවිලට පැමිණි අවස්‌ථාවේදී මේ පහරදීම සිදුවීමෙන් තෙවැනි විවාහය නැවැත්වීමට සිදුවී තිබේ.

 දෙවැනි විවාහයේ බිරිඳ, ඒහිදී මෙසේ පැවසීය.

 ''මේ ඉන්නේ මගේ මහත්තයා. මෙයා මීට පෙර යාපනය ප්‍රදේශයේ කාන්තාවක්‌ එක්‌ක විවාහ වෙලා හිටියා. ඒ විවාහයේ කාන්තාව එක්‌ක අවුරුදු හතරක්‌ ඉඳලා ළමයි දෙන්නෙක්‌ එක්‌ක ඒ කාන්තාව තනි කරලා ඇවිත් මාව කසාද බැඳ ගත්තා.
 මාව කසාද බැඳලා අවුරුදු දෙකක්‌ විතර ඉඳලා දැන් මාවත් අතහැරලා වවුනියාව ප්‍රදේශයේ කාන්තාවක්‌ එක්‌ක විවාහ වෙන්න සූදානම් වෙන්නේ...මම විවාහ වුණාට පස්‌සේ මගෙන් දෑවැද්දකුත් අරගත්තා. දැන් මාව අතහැරලා වෙන කාන්තාවකගෙන් දෑවැද්ද අරගෙන මඟුල් කන්නයි සූදානම.''

 දෙවැනි බිරිද අදාළ ස්‌ථානයට පැමිණීමත් සමග තෙවැනි විවාහය නවතා විවාහ ශාලාවෙන් එළියට පැමිණි මනමාලයාට දෙවැනි විවාහයේ බිරිද හා ඇයගේ ඥාතීන් දිගටම පහර දුන්හ. මේ සම්බන්ධයෙන් වවුනියාව පොලිසියට පැමිණිලි ලැබී ඇති අතර පරීක්‌ෂණ පවත්වා ගෙන යයි.

Read More

පෞද්ගලික බස්වලින් දුරගමන් යද්දී දුරකථන හෝ පරිඝනකය මඟින් දැන් ආසන වෙන් කරගන්න පුළුවන්

කොළඹ සිට දුර ගමන් සඳහා පෞද්ගලික බස් රට සේවා උපයෝගි කර ගන්නා මගීන්ගේ පහසුව සඳහා දුරකථන හෝ පරිගණක මඟින් ආසන වෙන් කරවා ගැනීමේ වැඩපිළිවෙළක් ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා මහතා ඊයේ (27දා) එම අමාත්‍යංශයේදී ආරම්භ කළේය. www.ntcbooking.lk ඔන්ලයින් වෙබ් අඩවිය ඔස්සේ මගීන්ට මෙම ආසන වෙන් කරවා ගත හැකි වන අතර පෞද්ගලික බස් රථවලින් ගමන් ගන්නා ඕනෑම මගියකුට රුපියල් 30ක් වැනි අවම පිරිවැයකින්  හා විශ්වසනීයත්වයෙන්  යුතුව තම ගමන සැලසුම් කර ගැනීමට හැකි වන බව අමාත්‍යවරයා එහිදී පෙන්වා දුන්නේය.

මෙතෙක් මාර්ග ගත ආසන වෙන් කර ගැනීම මඟින් විවිධ පෞද්ගලික ආයතනවලට හා පුද්ගලයන්ට අධික මුදල් ප්‍රමාණයක් ගෙවීමට හා තැරැව්කරුවන්ගේ බලපෑම්වලට මුහුණදීමට සිදුවීම මෙමගින් මඟහැරෙන බවද හෙතෙම පෙන්වා දුන්නේය. මෙහි මුල් අදියර යටතේ කොළඹ සිට කතරගම,  යාපනය, බදුල්ල, අම්පාර, දෙනියාය, පස්සර, ලුණුගල, අකුරැස්ස, තිරුක්කෝවිල්, මඩකළපුව, පේදුරුතුඩුව  හා මඩොල්සිම ඇතුළු ගමනාන්ත 35කට මාර්ග ගත ආසන වෙන් කිරීමේ පහසුකම් ලැබේ.


-උපතිස්ස පෙරේරා-

Read More

15 සිසුවාට මත්පැන් පෙවු සෙබළා

යුද හමුදාවේ සෙබළකු විසින් වයස අවුරුදු 15ක පාසල් ශිෂ්‍යයකුට බියර් සහ අරක්කු පෙවීමෙන් පසු මැදිරිගිරිය, කොහොඹදමන ප්‍රදේශයේ වැටී සිටියදී පෙරේදා (26දා) පස්වරුවේ මැදරිගිරිය පොලිස් මුර සංචාරක නිලධාරීන්ට හමු වී ඇති අතර පාසල් සිසුවා මැදිරිගීරීය රෝහලට ඇතුළත් කළ බව මැදිරිගිරිය පොලීසිය පවසයි. හමුදා සෙබළාද අත්අඩංගුවට ගෙන ඇත. අත්අඩංගුවට පත් යුද හමුදා සෙබළා මැදිරිගිරිය - කොහොඹදමන ප්‍රදේශයේ පදිංචි විවාහකයකු බවත් කොළඹ ආරක්ෂක අමාත්‍යාංශ මූලස්ථානයේ සේවය කරන අයකු බවත් අනාවරණය කරගෙන ඇත. පාසල් සිසුවාද කොහොඹදමන ප්‍රදේශයේම පදිංචි අයෙකි.

මෙම යුද සෙබළා පොලිසියට පවසා ඇත්තේ මෙකී සිසුවා තමන් දන්නා බවත් අරක්කු බොමු දැයි ඔහු  විමසු අවස්ථාවේ බොමු යැයි තමන් පැවැසු බවත් පසුව  දෙදෙනාම එක් වී බියර් සහ අරක්කු පානය කළ අතර ටික වේලාවකින් සිසුවා වෙරී වීම නිසා නිවෙසට රැගෙන යැමට උත්සාහ කළ අවස්ථාවේ මාර්ගයේ ගමන්ගත් පොලිස් නිලධාරීන් දැක දෙදෙනාම අත්අඩංගුවට ගත් බවයි. පසුව පොලිසියට රැගෙන ආ සිසුවා අධික ලෙස මත් වී සිහිමද ගතියෙන් සිටීම නිසා වහාම මැදිරිගිරිය රෝහලට ඇතුළත් කළ බව පොලිසිය පවසයි.

-හිඟුරක්ගොඩ ප්‍රියා-

Read More

රාගමදී දුම්රියේ ගැටී දෙනෙකුට මියගිහින්-2කට බරපතළයි

මහ හඬින් දුම්රිය නළා හඬ නාද වෙද්දී එය නොතකා දුම්රිය හරස් මඟ හරහා යෑමට ගිය සිවු දෙනකුගෙන් දෙදෙනකු බරපතළ තුවාල ලබා රාගම රෝහලට රැගෙන යන අතරතුර මියගොස් ඇති අතර දෙදෙනකු බරපතළ තුවාල ලබා රාගම රෝහලට ඇතුළත් කර ඇතැයි රාගම පොලිස් බල ප්‍රදේශයෙන් වාර්තා වේ.  නුවර සිට මාතර බලා ධාවනය වූ ශීඝ්‍රගාමි දුම්රිය රාගම දුම්රිය ස්ථානයේ හරහ පසුකර යන අවස්ථාවේදී ආරක්ෂිත ගේට්ටුව පවා වසා විදුලී සීනුව නාද වෙමින් තිබියදී දුම්රිය හරස්මඟ හරහා ගමන් කළ සිවුදෙනකු මෙලෙස අනතුරට පත් වී ඇත. එක දෙසට එකවර ගමන් කළ සිවුදෙනාම ශීඝ්‍රගාමී දුම්රියේ ගැටී විසිවී මෙසේ අනතුරට ලක්ව ඇත.

ඊයේ (27දා) උදෑසන 7.50ට පමණ සිදුවූ මෙම අනතුරින් රාගම වැලිසර පදිංචි 78 හැවිරිදි ඇනී මාගරට් පීරිස් නමැති සිවුදරු මවක් මියගොස් ඇති අතර මියගිය අනෙක් තැනැත්තා මෙතෙක් හඳුනා ගෙන නැත.මිය ගිය කාන්තාවගේ බාල දියණිය වන 43 හැවිරිදි දෙදරු මවක් වන නිල්මිණි චන්ද්‍රිකා මහත්මිය මේ අතුරින් මේ වනවිට රාගම රෝහලේ 20 වැනි වාට්ටුවේ ප්‍රතිකාර ලබමින් පසුවේ. ඇය සිහිමඳ ගතියෙන් හා කම්පනයෙන් පසුවන බැවින් අනතුර පිළිබඳව ඇගෙන්  යමක් දැනගැනීමට අපහසු බවත් දුම්රියේ නළා හඬ ඇසෙද්දීත් දුම්රිය හරස් මාර්ගය හරහා මාරුවීමට ගිය බව ඇය පවුලේ අයකුට පවසා ඇත.

 බරපතළ තුවාල ලබා සිටින අනෙක් රෝගියා වන රාජේන්ද්‍රන් නමැත්තා රාගම රෝහලේ 20 වැනි වාට්ටුවට ඇතුළත් කර ඇත. රාගම දුම්රිය හරස් මාර්ගය පසුකරමින් එම අවස්ථාවේදී දුම්රිය 3ක් ධාවනය වී ඇති අතර පළමු වැනි පීල්ලේ රාගම සිට කොළඹ කොටුව බලා යන මන්දගාමී දුම්රියත් දෙවැනි පීල්ලේ නුවර සිට මාතර බලා යන ශීඝ්‍රගාමී දුම්රියත් තුන් වැනි පීල්ලේ හලාවත බලා යන දුම්රියකුත් එම අවස්ථාවේදී ධාවනය වෙමින් තිබී ඇත. සිද්ධියෙන් ටික වේලාවකට පසු රාගම රෝහල වෙත පැමිණි මියගිය ඇනී මාගරට් නමැති අයගේ වැඩිමහල් දියණිය පැවැසුවේ අම්මා රාගම රෝහලේ සායනයෙන් ප්‍රතිකාර ගන්නා බැවින් නංගීද සමඟ සායනයට පැමිණි බවත් ඇය ඒ අවස්ථාවේ පවුලේ ඥාතියකුගේ මළ ගෙදරකට ගොස් සිටි බවත්ය.

-කුසුම්.එස්.හැන්නදි-

Read More

අගමැති රනිල් අනතුරකින් නූලෙන් බෙරෙයි

රාජගිරීය ප්‍රදේශයේ පැවැති සමීප ඥාතියකුගේ අවමංගල්‍යයකට සහභාගි වී නැවත එම ස්ථානයෙන් පිටතට යෑමට පැමිණි අග්‍රාමාත්‍ය රනිල් වික්‍රමසිංහ මහතා දෙසට අධික වේගයෙන් පැමිණි යතුරුපැදියක් සිදුකළ අනතුරකින් අග්‍රාමාත්‍යවරයා නූලෙන් බේරී ප්‍රභූ ආරක්ෂක නිලධාරීන් දෙදෙනකු තුවාල ලබා පෙරේදා (26දා) රාත්‍රියේ රෝහල් ගත කර ඇත. පාර්ලිමේන්තු මන්ත්‍රී කුමාර වෙල්ගම මහතාගේ සමීප ඥාතිවරියකගේ අවමංගල්‍යයකට සහභාගි වීම සඳහා අග්‍රාමාත්‍යවරයා රාජගිරිය පාර, රාජගිරිය ප්‍රදේශයට පැමිණ තිබේ.

මෘත දේහයට අවසන් ගෞරව දැක්වූ අග්‍රාමාත්‍යවරයා ටික වේලාවකට පසු නැවත එම නිවෙසින් පිටව යෑමට ඔහුගේ නිල රථයට නැගීමට පැමිණි මොහොතේදී මේ අනතුර සිදුව ඇතැයි වාර්තා වේ.  අග්‍රාමාත්‍යවරයාගේ පැමිණීම හේතුවෙන් මළගෙදර පැවැති ප්‍රදේශයට රථ වාහන රාජකාරී සඳහා පොලිස් නිලධාරීන්ද පැමිණ තිබේ. අග්‍රාමාත්‍යවරයා සිය නිල රථයට නැගීමට සුදානම් වෙද්දී රාජගිරිය දෙස සිට මොරගස්මුල්ල දෙසට අධික වේගයෙන් යතුරුපැදියක් පැමිණ ඇති බව පොලිසිය පවසයි. රථ වාහන රාජකාරීවල නිරත පොලිස් නිලධාරීන් එම යතුරුපැදිය නතර කිරීමට සංඥා කළද පොලිස් සංඥා නොතකමින් ඉදිරියට ඇදුණු යතුරුපැදිය අගමැතිවරයා ආසන්නයේ සිටි ප්‍රභූ ආරක්‍ෂක නිලධාරීන් දෙදෙනකුගේ ඇගේ හැපී බිම පෙරළී තිබේ.

ඒ අවස්ථාවේ අගමැතිවරයා හාස්කමකින් මෙන් අනතුරෙන් බේරී ඇත.  ඒ සමඟම වහාම ක්‍රියාත්මක වූ පොලිස් නිලධාරීන් යතුරුපැදිකරුව අත්අඩංගුවට ගෙන තිබේ.  අනතුරට පත් ප්‍රභූ ආරක්‍ෂක නිලධාරීන් දෙදෙනා රෝහල් ගත කර ඇති අතර අග්‍රාමාත්‍යවරයා විශේෂ ආරක්‍ෂාවක් මැද එම ස්ථානයෙන් පිටත්ව ගොස් ඇත. සැකකාර යතුරුපැදිකරු අනතුරුව වැලිකඩ පොලීස් ස්ථානය වෙත රැගෙන විත් පරීක්‍ෂණ කටයුතු ආරම්භ කර ඇති අතර එහිදී අනාවරණය වී ඇත්තේ ඔහුට වලංගු රියැදුරු බලපත්‍රයක් හෝ නොමැති බවයි.
සැකකාර යතුරුපැදිකරු 20 හැවිරිදි වියෙහි පසු වන බවත් ඔහු රාජගිරීය, යූ.ඊ. පෙරේරා මාවතේ පදිංචිකරුවකු බවත් පොලිසිය සඳහන් කරයි.

මොහුට රියදුරු බලපත්‍රයක් නොමැති වීම හේතුවෙන් පොලිසියට බිය වී එම ස්ථානයෙන් පලා යාමට උත්සාහ දැරීමේදී මෙම අනතුර සිදුවූයේද නැතිනම් මෙය කඩාකප්පල්කාරී ක්‍රියාවක්දැයි සෙවීමට වැලිකඩ පොලීසිය විසින් විමර්ශන සිදුකරන බව පොලීසිය පවසයි.  මෙම සැකකාර යතුරුපැදිකරු ඊයේ (27දා) අලුකඩේ අංක 07, මහෙස්ත්‍රාත් අධිකරණය හමුවට ඉදිරිපත් කිරීමෙන් අනතුරුව රුපියල් ලක්ෂ 05ක ශරීර ඇප මත මුදා හැර තිබේ.  එසේම තුවාලකරුවන් හට වන්දි මුදල් ලබා දීමටද  එහිදී යතුරුපැදිකරු එකඟ වී ඇත.

-චාමර අමරසුරිය-

Read More

බොන්න වතුර ටිකක් ඉල්ලන් ඇවිත් අඹ යාළුවාගේ බිරියට අතවර කරලා

බීමට සීතල වතුර වීදුරුවක් ඉල්ලා 38 හැවිරිදි කාන්තාවකට ලිංගික අතවර කළ බව කියන 45 හැවිරිදි පුද්ගලයකු අත්අඩංගුවට ගත් බව වැලිපැන්න පොලිසිය කියයි. වැලිපැන්න,මීගම දේවගොඩ ප්‍රදේශයේ  පදිංචිකරුවකු මෙසේ අත්අඩංගුවට ගෙන ඇත. අතවරයට පත් කන්තාවගේ සැමියාගේ අඹ යහළුවා මෙසේ අත්අඩංගුචට ගෙන ඇති බවද හෙළිව තිබේ. සැකකරු මෙම කාන්තාවගේ සැමියා සමඟ එකට කුලී වැඩ කරන අයකු බවද අනාවරණය වී ඇත.

පසුගිය 23 වැනිදා සැකකරු කාන්තාවගේ නිවසට පැමිණ සැමියා පිළිබඳ තොරතුරු විමසා තිබේ. සැමියා නිවසේ නැති බව ප්‍රකාශ කළ පසු දැඩි රස්නය නිසා වතුර වීදුරුවක් දෙන්නැයි ඉල්ලා ඇත. කාන්තාව වතුර රැගෙන ඒමට කුස්සියට ගියපසු ඒ සමඟ පසුපසින් ගොස් ඇති සැකකරු මෙම අතවරය කර ඇතැයිද පොලිසියට පැමිණිලි කර තිබේ. පසුගිය 26 වැනිදා අත්අඩංගුවට ගත් සැකකරු මතුගම මහෙස්ත්‍රාත් අධිකරණයට ඉදිරිපත් කිරීමට කටයුතු යොදා ඇත. සිද්ධිය පිළිබඳ වැලිපැන්න පොලිසිය වැඩිදුර පරීක්ෂණ කරයි.

-වස්න්ත කුමාර-

Read More

වර්ජන සමයේ ගුවන්තොටේ ලියුම් ඉවත් නොකළාට තැපෑලට ලක්ෂ 18ක් දඩ

(ජයන්න සමරකෝන්)
තැපැල් සේවක වැඩ වර්ජනය පැවති කාලය තුළ කටුනායක ගුවන් තැපැල් අංශයේ ගොඩගැසී තිබූ පාර්සල් හා ලිපි ලක්ෂ ගණනක් වෙනුවෙන් වැඩි කාලයක් ගබඩා පිහසුකම් සැපයීමට සිදුවූ නිසා.
රුපියල් ලක්ෂ 18 ක ප්‍රමාද ගාස්තුවක් ගෙවන්නැයි ශ්‍රීලංකන් ගුවන් සමාගම තැපැල් දෙපාර්තමේන්තුවට දැනුම් දී තිබේ.
තැපැල් සේවක වැඩ වර්ජනය පැවැති ඉකුත් ජුනි මාසයේ දීන 18ක් තිස්සේ කටුනායක ගුවන්තොටුපොළේ ගුවන් , තැපැල් භාණ්ඩ කන්ටේනර් 10කට ආසන්න සංඛ්‍යාවක් ගොඩගැසී තිබූ බව ද පැවසේ.
මෙම භාණ්ඩ ගුවන්තොටුපොළ ගබඩාවක ගොඩගසා තිබීමට සිදුවූ අතර වැඩ වර්ජනය නිමවනතෙක්ම ඒවා ඉවත් කරගෙ ගොස් නොතිබූ බව ද ඒ හේතුවෙන් ප්‍රමාද ගාස්තු වශයෙන් රුපියල් ලක්ෂ 18ක මුදල වහාම ගෙවන ලෙස ද ශ්‍රීලංකන් ගුවන් සමාගම තැපැල් දෙපාර්තමේන්තු ගණකාධිකාරවරයාට දැනුම් දී තිබේ.

Read More

කතක් කිලෝ මීටර 3ක් තැපැල් කෝච්චියේ පාපුවරුවේ මාරක ගමනක්

(අතුල බණ්ඩාර සහ වන්නි රොමේෂ් මධුෂංක)
යාපනයේ සිට කොළඹ බලා පසුගිය 24 වැනිදා රාත්‍රී ධාවනය වූ රාත්‍රී තැපැල් දුම්රිය කොඩිකාමම් දුම්රිය ස්ථානයේ නවතා යළි ධාවනය ආරම්භ කිරීමත් සමඟ දුම්රිය මැදිරියකට නැඟ ඇතළු විමට නොහැකිවූ කාන්තාවකට කිලෝමිටර් තුනක පමණ දුරක් පාපුවරුවේ ගමන් කිරීමට සිදුවූ බව දුම්රිය මගීහු පැවසුහ.
යාපනයේ සිට කොළඹ දක්වා ධාවනය වූ රාත්‍රී තැපැල් දුමිරිය අතරමැද දුම්රිය ස්ථානයන්හි ඉතා අඩු කාලයක් නැවැත්වීම හේතුවෙන් මෙම සිද්ධියවී ඇති බව පවසන මගීහු එවැනි අවස්ථාවක දුම්රිය මැදිරියේ ක්‍රියාත්මක කළ හදිසි දම්වැල පවා ක්‍රියාත්මක නොවූ බව ද මගීහු පැවසූහ.
යාපනයේ සිට කොළඹ බලා ධාවනය වූ රාත්‍රී තැපැල් දුම්රිය කොඩිකාමම් දුමිරිය ස්ථානයේ නවතා තපර 30 ක් වැනි කාලයක් අතරතුර නැවත ධාවනය කිරීමට අණදී ඇති අතර එම අවස්ථාවේදී කාන්තාවක් දුවවිත් දුම්රියේ මැදිරියක දොරක එල්ලී ඇතැයි සිද්ධිය දුටු මගීහු කීහ. එම දොර පිහිටි දුම්රිය මැදිරිය නිදන මැදිරියක් හෙයින් එහි දොර අගුළු දමා තිබූ හෙයින් කාන්තාවන් මැදිරිය තුළට ඇතුළුවීමට නොහැකි වීමෙන් කෑගැසුව ද කිසිවෙකුටත් ඇසී නොමැති අතර දුමිරිය පැයට කිලෝමීටර් 80 ක් වැනි වේගයකින් කිලෝමීටර් 3 ක් පමණ ගමන් කරන තරුණ කාන්තාව දොරේ එලි කෑගසා ඇති අතර එම අවස්ථාවේදී වෙනත් මැදිරියක මගියෙකු කාන්තාව දොරේ එල්ලී කෑගසනු දැක එම අවස්ථාවේදීම දුම්රිය මැදිරියේ හදිසි තිරිංග ඇද ඇත.
මැදිරි කිහිපයකම හදිසි තිරිංග ඇද ක්‍රියාත්මක නොවීම හේතුවෙන් නිදන මැදිරියේ ආරක්ෂක නිලධාරියා දැනුවතාවී දැඩි පරිශ්‍රමයකින් පසුව කාන්තාව දුම්රිය මැදිරියට ගෙන ඇති අතර තවත් සුළු වේලාවක් සිටියේ නම් කාන්තාව වැටෙන්නට ඉඩ තිබූ බව ද මගීහු කියා සිටියහ.
මැදිරි කිහිපයකම හදිසි තිරිංග ඇද්දද ක්‍රියාත්මක නොවීම හේතුවෙන් නිදන මැදිරියේ ආරක්ෂක නිලධාරියා දැනුවත්කොට දැඩි පරිශ්‍රමයකින් පසුව කාන්තාව දුම්රිය මැදිරියට ගෙන ඇති අතර තවත් සුළු වේලාවක් සිටියේ නම් කාන්තාව වැටෙන්නට ඉඩ තිබූ බව ද මගීහු කියා සිටියහ.
මේ සම්බන්ධව අනුරාධපුර දුම්රිය පාලක මැදිරියත් කළ විමසීමකදී එදින මෙවැනි සිද්ධියක් සිදු වූ බවට තොරතුරු වාර්තා වී නැතැයි එහි ප්‍රකාශකයක් කිය.

Read More

බිරියගෙන් කොසු පහර කෑ දොස්තරට අනියම් බිරියො 5ක් දරුවෝ 13 ක්

(ශ්‍රීනාත් ප්‍රසන්න ජයසූරිය)
තම බිරිඳ කොස්සක් කැඩෙන තුරු තමාට පහරදුන් බවට පොලිසියට පැමිණිල්ලක් කළ වෛද්‍යවරයකුට එම නීත්‍යනුකූල බිරියට අමතරව අනියම බිරියන් පස්දෙනකු සමග දරුවන් 13 දෙනකු සිටින බව පැමිණිලි විභාගයේදී අනාවරණය වී යැයි කොල්ලුපිටිය පොලිසිය කීය.
නීත්‍යනුකුල බිරියටද ඔහුට දාව දරුවන් තිදෙනකු සිටින අතර මේ තිදෙනාගෙත් අවුරුදු 2 1/2ක් වයසැති දරුවා රැගෙන යාමට ඔහු පැමිණි අවස්ථාවේදි බිරිය කොස්සක් කැඩෙන තුරු ඔහුට පහරදී ඇති බව හෙළිවීයැයිද පොලිසිය පවසයි.
බිරියගේ කොසු ප්‍රහාරය නොතකා දරුවා රැගෙන ගිය වෛද්‍යවරයා එම දරුවා සිය දෙවැනි අනියම් බිරිය බාරයට පත්කර සිටියදී කොල්ලුපිටිය පොලිසිය මැදිහත් වී දරුවා මුදාගෙන නිත්‍යානුකුල බිරියට බාරදී ඇත.
තමාගේ බිරිය තමාට කොස්සක් කැඩෙන තුරු පහරදුන් බවට වෛද්‍යවරයා කර තිබු පැමිණිල්ල කොළඹ දකුණ සහකාර පොලිස් අධිකාරි පි.එස්. දයාරත්න මහතාගේ විශේෂ උපදෙස් මත කොල්ලුපිටිය පොලිසියේ වැඩබලන ස්ථානාධිපති පොලිස් පරිකෂක ප්‍රදීප් වික්‍රමරත්න මහතා සහ ළමා හා කාන්තා කාර්යාංශය ස්ථානාධිපති කාන්තා පොලිස් පරීක්ෂිකා ඉනෝකා කුමාරි මහත්මිය හමුවී විභාගයට ගෙන ඇති අතර පැමිණිලි විභාගය සදහා පැමිණිලිකාර වෛද්‍යවරයාද, ඔහුගේ නිත්‍යනුකූල බිරිද දන් කොල්ලුපිටිය පොලිස් ස්ථානයට ගෙන්වා තිබිණ.
එම්.බි.බි.එස්. උපාධිධාරියකු වූ වෛද්‍යවරයා කොළඹින් පිට පළාතක ශික්ෂණ රෝහලක සේවය කරමින් සිටියදී සේවය අතහැර ගොස් ඇති බව පැමිණිලි විභාගයේදී අනාවරණය වී තිබේ.
වෛද්‍යවරයාගේ නිත්‍යනුකුල බිරිය වෛද්‍යවරයාට අයත් කොල්ලුපිටිය ප්‍රදේශයේ සුපිරි නිවසක සිය දරු තිදෙනා ද සමග පදිංචිව සිටින බවද අනාවරණය වි ඇත.
වෛද්‍යවරයාට අනියම් බිරියන් පස් දෙනෙකු ඔවුන්ගෙන් දරුවන් 10 දෙනකු ද සිටින බව මෙම පරීක්ෂණයේදී හෙළි වී යැයි ජ්‍යෙෂ්ඨ පොලිස් නිලධාරියෙක් කීය.
නිත්‍යනුකුල බිරිඳ තම වෛද්‍ය සැමියාට අනියම් බිරියන් පස් දෙනකු සිටින බව දැනගෙන ඇතැයි කියන්නේ ඔහු විවාහ කරගෙන ටික කාලයක් ගතවිමන් පසුව යැයි කියති. නිත්‍යනුකූල බිරිය වෛද්‍යවරයාට කොස්සකින් පහරදුන් බව කියන පැමිණිල්ල සමථ මණ්ඩලයට යොමු කළ බවද කොල්ලුපිටිය පොලිසිය කියයි.

Read More

රජ්‍ය ඇමතිවරයකුගේ දින 4කට රට සවාරියට ලක්ෂ 20ක්

කොළඹ දිස්ත්‍රික්කය නියෝජනය කරන රාජ්‍ය ඇමැතිවරයකුට ඔක්තෝබර් මස මුල් සතියේ යෙදී ඇති දින හතරක විදෙස් සංචාරයක් සදහා රුපියල් මිලියන 2ක් වැය කිරීමට එකී අමාත්‍යාංශය මේ වන විට කටයුතු යොදා ඇතැයි අගමැති කාර්යාල ආරංචි මාර්ග හෙළි කළේය.

මෙම මිලියන දෙකෙන් අදාළ රාජ්‍ය අමාත්‍යවරයාගේ ගුවන් ටිකට් පතට පමණක් රුපියල් මිලියනයක් වැය කිරීමට සිදුව ඇති බවද වාර්තා වේ. ඔක්තෝබර් මස මුල් සතියේ එම රාජ්‍ය අමාත්‍යවරයා මෙලෙස විදේශ ගත වන්නේ බ්‍රිතාන්‍යයට සහ බංග්ලාදේශයටය. ඔහු බ්‍රිතාන්‍යයේ ලන්ඩන් අගනුවර රැඳෙන්නේ එක් දිනක් පමණක් වන අතර ගුවන් ටිකට් පත 'බිස්නස් ක්ලාස්' එකක් වන බවද ඉහත ආරංචි මාර්ග සනාථ කළේය. කෙසේ වෙතත් අදාළ සංචාරය එම රටවලින් සිදුකළ  ආරාධනාවකට අනුව සිදුවන්නක් නොවන අතර සිදු කරන ලද ඉල්ලීමකට අනුව ලැබී ඇති සංචාරයක් බවද  එම ආරංචි මාර්ග වැඩිදුරටත් කියා සිටී.


-රුචිර දිලාන් මධුසංඛ-

Read More

බලවයස්කාර දැරියකට උපන් දරුවාගේ පියා එම දැරියගේ පියා බව DNA මඟින් හෙළි වෙයි

අම්බලන්ගොඩ, කන්දෙගොඩ ප්‍රදේශයේ බාලවයස්කාර දැරියක බිහි කළ දරුවාගේ පියා එම බාලවයස්කාර දැරියගේ පියා බවට ඩී.එන්.ඒ. පරීක්ෂණයක් මගින් තහවුරු වී තිබෙන හෙයින් නඩුව ඉදිරියට ගෙන යාම සඳහා උපදෙස් ලබා ගැනීමට ගොනුව නීතිපතිවරයා වෙත යවන ලෙස බළපිටිය මහෙස්ත්‍රාත් සම්පත් ගමගේ මහතා අම්බලන්ගොඩ පොලිසියට නියෝග කළේය.  සිද්ධිය සම්බන්ධයෙන් වැඩිදුර පරීක්ෂණ වාර්තාවක් ඉදිරිපත් කරන ලෙස දැනුම් දුන් මහෙස්ත්‍රාත්ත්වයා නඩුව 2019 ජනවාරි 7 දින නැවත කැඳවන බව දැනුම්දුන්නේය. දැරිය තවදුරටත් පරිවාස භාරයේම තබන ලෙසද මහෙස්ත්‍රාත්වරයා වැඩිදුරටත් දැනුම්                                                                                                              දුන්නේය.

අම්බලන්ගොඩ, කන්දෙගොඩ ප්‍රදේශයේ 15 හැවිරිදි බාල වයස්කාර දැරියක් සිය පියා විසින් දූෂණය කර ඇය ගැබිනියක් බවට පත්කර තිබෙන්නේ යැයි 2015 සැප්තැම්බර් මාසයේ නාමික දුරකථන ඇමතුමක් ඔස්සේ අම්බලන්ගොඩ පොලිසියට දැනුම් දී තිබේ. දැරියට දරුවා ලැබීමෙන් එම දරුවා සහ දැරියගේ පිය අම්බලන්ගොඩ පොලිසිය මඟින් ඩී.එන්.ඒ. පරීක්ෂණයක් සඳහා රජයේ රස පරීක්ෂක වෙත යොමු කර තිබේ. දෙදෙනාගේ ඩී.එන්.ඒ. සැසඳෙන බවට වූ ඩී.එන්.ඒ. වාර්තාව ලැබීමෙන් පසු අම්බලන්ගොඩ පොලිසිය බළපිටිය මහෙස්ත්‍රාත්වරයා වෙත කරුණු වාර්තා කර සැකකරුට එරෙහිව නඩු පවරා ඇත.

දැරිය දූෂණයට ලක් කිරීම සහ කරුණු වසන්කිරීම යටතේ දැරියගේ පියාටත් (45) කරුණු වසන් කිරීම සම්බන්ධයෙන් දැරියගේ මවටත් (42) දැරිය සඟවා ගෙන සිටීම සම්බන්ධයෙන් වස්කඩුවේ පදිංචිකරුවකු (47) සහ ඔහුගේ බිරියටත් එරහිවඅම්බලන්ගොඩ පොලිසිය නීතිපතිවරයා වෙත යොමුකරන ලද ගොනුවේ කරුණු දක්වා ඇත.


-දම්සරි ලියනගේ-

Read More

යාපනයේ සිට කොළඹ දක්වා ධාවනය වන රාත්‍රී දුම්රියට මගීන්ගේන් දැඩි චෝදනා

යාපනයේ සිට කොළඹ දක්වා ධාවනය වන රාත්‍රී තැපැල් දුම්රිය අතරමැද දුමිරිය ස්ථානයන්හි ඉතා අඩු කාලයක් නැවැත්වීම හේතුවෙන් මගීන්ට දැඩි අපහසුතා සිදුවන අතරම  හදිසි අවස්ථාවකදී ක්‍රියාත්මක කළ යුතු උපකරණද ක්‍රියාකාරී නොවන තත්ත්වයක් ඇති බවට උතුරේ මගීහු  චෝදනා කරති.  පසුගියදා රාත්‍රියේ යාපනයේ සිට කොළඹ බලා ධාවනය වූ රාත්‍රී තැපැල් දුම්රිය කොඩිකාමමි දුම්රිය ස්ථානයේ නවතා තත්පර 30ක් වැනි සුළු කාලයක් අතරතුර නැවත ධාවනය කිරීමට අණ දී ඇති අතර එම අවස්ථාවේදී කාන්තාවක් දිවවිත් දුම්රියේ අවසන්                                                                                      මැදිරියක දොරක එල්ලී ඇත.

නමුත් එම දොර පිහිටි දුම්රිය මැදිරීය නිදන මැදිරියක් හෙයින් එහි දොර අගුල් දමා තිබූ හෙයින් කාන්තාවට මැදිරිය තුළට ඇතුළුවීමට නොහැකි වීමෙන් කෑගැසුවද කිසිවකටත් ඇසී නොමැති අතර දුම්රිය පැයට කිලෝමීටර් 80ක් වැනි වේගයකින් කිලෝමීටර් 3ක් පමණ ධාවනය කරන තුරු කාන්තාව දොරේ එල්ලී කෑගසා ඇති අතර එම අවස්ථාවේදී වෙනත් මැදීරියක මගියකු කාන්තාව දොරේ එල්ලී කෑගසනු දැක එම අවස්ථාවේදීම දුම්රිය මැදිරියේ හදිසි තිරිංග ඇද ඇත. නමුත් මැදිරි කිහිපයකම හදිසි තිරිංග ඇද්දද ක්‍රියාත්මක නොවීම හේතුවෙන් නිදන මැදිරියේ ආරක්ෂක නිලධාරියා දැනුවත් කොට දැඩි පරිශ්‍රමයකින් පසුව කාන්තාව දුම්රිය මැදිරිගයට ගෙන ඇත.

තවත් සුළු වේලවක් සිටියේ නම් කාන්තාව වැටෙන්නට තිබූ බවටද මගීහු කියා සිටියහ. එමෙන්ම පසුව තිබූ දුම්රිය ස්ථානයන්හිද දුම්රිය ඉතාම සුළු  වේලාවක් නවත්වා ධාවනය කිරීමට කටයුතු කළ බවටත් දුම්රිය සංඥා ලබාදෙන අයගේ අවධානය නොතිබීම හේතුවෙන් මගීහු දැඩි අසරණ තත්වයකට පත්වන අතරම රාත්‍රි දුම්රියේ නිසි පහසුකම් වැඩිදියුණු කොට පිරිසුදු මැදිරිවල මගී ජනතාවට ගමන් කිරීමට ඉඩ සලසන ලෙසට උතුරේ මගීහු දුම්රිය බලධාරින්ගෙන් ඉල්ලති.


-මුලතිව් ශෂිකුමාර්-

Read More

අංශක 180ක් අත කැරකැවීමට හැකි ඉන්දියාවේ කතක්

අවුරුදු 37ක් වයසැති  ඉන්දියානු කාන්තාවක් තම වම් උරහිසේ ඇතිවූ වේදනාවක් සදහා ප්‍රතිකාර ගැනීමට වෛද්‍යවරයකු හමුවට ගිය අවස්ථාවේදී, වෛද්‍යවරුන්ද පුදුමයට පත්කරමින් ඇගේ උරහිසේ අසාමාන්‍ය පිහිටීමක් හඳුනාගෙන ඇත.

 එය හුදෙක් වේදනාවක් පමණක් නොව වෛද්‍ය ඉතිහාසයේ ඉතා කලාතුරකින් දැකිය හැකි "අස්ථි අතුරුදන් වීම් රෝගය'' හෙවත් ''ගෝහමි ස්ටෞටි'' නම් දුලභ රෝගය බව පසුව නිගමනය කර තිබුණි.

මෙම ඉන්දියානු කාත්තාවගේ වම් අත සහ වම් උරහිස සම්බන්ධ කෙරෙන ගෝලාකාර බාහු අස්ථිය අතුරුදන් වී ඇති අතර, එම නිසා ඇයට සිය අත අංශක 180ක් කිසිදු අපහසුතාවකින් තොරව කරකැවීමට හැකියාව පවතින බව වෛද්‍යවරු පවසති.

මෙම රෝගය බොහෝවිට ශයේ ඉළ ඇට්, කශේරුකාව, උකුල් ඇට, හිස් කබල, අකු ඇටය සහ යටි හකු ඇටය ආශ්‍රිතව දැකිය හැකි අතර දැනට ලෝකයේ මෙවැනි රෝගී තත්ව සොයාගැනීම් වාර්තා වී ඇත්තේ 70කටත් වඩා අඩු සංඛ්‍යාවකි.

රෝග ලක්ෂණ ලෙස ශරීරයේ ඒ අදාළ ප්‍රදේශවල පවතින වේදනාව, වෙව්ලීම සහ ඉදිමීම පෙන්නුම් කරනු ලබයි.
කෙසේ වෙතත්, මෙහි රෝග නිධානයට තවමත් ස්ථිර හේතුවක් සොයා ගෙන ගිනුමැති අතර, රෝගයට බඳුන් වූ පුද්ගලයන්ගේ රෝගය පාලනය කිරීමක් සිදුකළ හැකි බව සඳහන් වේ. ඒහිදී ඇතැම් අවස්ථාවලදී අස්ථි බද්ධ කිරීම් මෙන්ම අස්ථි කොටස් සැත්කම් මාර්ගයෙන් ඉවත් කිරීම සිදුකරනු ලැබේ.

කෙසේ වෙතත්, මේ දුලභ රෝගය වැලඳුණු අයෙකු එය නොසලකා හැරීයොත්, ඔහුට හෝ ඇයට වැඩිකල් නොගොස් ආබාධිත තත්වයක් උරුම විය හැකි බව වෛද්‍යවරු පවසති.

මේ අතර, මුලින් සඳහන් වු සිද්ධියට අදාළ රෝගී ඉන්දියානු කාත්තාව මේ සඳහා වූ ප්‍රතිකාර ප්‍රතික්ෂේප කිරීම නිසා ඇගේ උරහිස් ශක්තිමත් කරගැනීමේ ව්‍යායාම වෙනුවෙන් පමණක් වෙද උපදෙස් ලැබී ඇත. එසේම වෛද්‍යවරුන් විසින් මේ සියලු තොරතුරු බ්‍රිතාන්‍ය වෛද්‍ය වාර්තාකරණ සංග්‍රහයේ ප්‍රසිද්ධ කර තිබේ.

Read More

බන්ධනාගාර ජේලර්වරුන් 56 කට ස්ථාන මාරු

බන්ධනාගාර දෙපාර්තමේන්තුවේ ප්‍රධාන පෙළේ ජේලර්වරුන් පනස් හය දෙනකු ස්ථාන මාරු කිරීමට එම දෙපාර්තමේන්තු මූලස්ථානය පියවර ගෙන තිබේ.

බන්ධනාගාර දෙපාර්තමේන්තුවේ ඉදිරී වැඩපිළිවෙළ ක්‍රමවත්ව පවත්වාගෙන යැමේ අරමුණ ඇතිව බන්ධනාගාර අමාත්‍යාංශය මඟින් දී ඇති උපදෙස් අනුව  මෙම ස්ථාන මාරු කිරීම් සිදුකර තිබේ. ප්‍රධාන පෙළේ ජේලර්වරුන් මෙතරම් පිරිසක් එකවර ස්ථාන මාරු කර යැවීමට පියවර ගත් ප්‍රථම අවස්ථාව  මෙය බවද අනාවරණය වෙයි. එම ස්ථාන මාරු කිරීමට අදාළ අනුමැතිය සහිත ලිපිය  බන්ධනාගාර අමාත්‍යාංශය මඟින් පසුගිය 20 දින  බන්ධනාගාර දෙපාර්තමේන්තුව වෙත යොමු කර තිබේ.

-කුමුදු උපුල් ශාන්ත-

Read More

ගෑස් මිල 195කින් නඟී

කිලෝග්‍රෑම් 12.5ක ගෘහස්ථ ගෑස් සිලින්ඩරයක මිල ඊයේ (26දා) මධ්‍යම රාත්‍රියේ සිට රුපියල් 195කින් ඉහළ දැමීමට තීරණය කර තිබේ.

ඒ අනුව රුපියල් 1538ක්ව පැවැති කිලෝග්‍රෑම් 12.5ක ගෑස් සිලින්ඩරයක මිල රුපියල් 1733 දක්වා ඉහළ ගොස් ඇත. පසුගිය සතියේ කැබිනට් මණ්ඩලය ගත් තීරණයකට අනුව එලෙස මිල ඉහළ දමා ඇති බවද දැන ගැනීමට තිබේ.



-කුමුදු උපුල් ශාන්ත-

Read More

ලක්ෂ 2ක කූඩු හා පෙති සමඟ රත්මලානේදී දෙදෙනෙක් මාට්ටු

රුපියල් ලක්ෂ දෙකක් පමණ වටිනා මත් පෙති හා හෙරොයින් මත්කුඩු සමඟ පුද්ගලයන් දෙදෙනකු පෙරේදා 25දා රත්මලාන ආර්ථික මධ්‍යස්ථානය අසල පිහිටි මහල් නිවාස සංකීර්ණය අසලදී ගල්කිස්ස කොට්ඨාසයේ විශේෂ යතුරුපැදි ඒකකයෙන් අත්අඩංගුවට ගෙන ඇත. එහිදී සැකකරුවන් සතුව තිබී මත්පෙති 400ක් හා හෙරොයින් පැකට් 25ක්ද පොලිසිය භාරයට ගෙන තිබේ. මත්පෙති හා මත්කුඩු රැගෙන පුද්ගලයකු රත්මලාන ආර්ථික මධ්‍යස්ථානය අසලට පැමිණ සිටින බවට විශේෂ යතුරුපැදි ඒකකයේ උප පොලිස් පරීක්ෂක ඉමේෂ් මධුෂාන් මහතාට ලද තොරතුරක් අනුව ඒ මහතා සිය නිලධාරින් සමඟ ගොස් කළ වැටලීමේදී මෙම සැකකරුවන් දෙදෙනා අත්අඩංගුවට ගෙන ඇත.

 මෙහිදී අත්අඩංගුවට ගත් එක් සැකකරුවකු රත්මලාන දුම්රියපොළ අසල පදිංචිකරුවකු වන අතර අනෙකා රත්මලාන ආර්ථික මධ්‍යස්ථානය අසල මහල් නිවසෙහි පදිංචිකරුවකු බව පොලිසිය කියයි.  මෙයින් මත්පෙති හා මත්කුඩු බෙදාහැරීමේ නිරත වන්නේ රත්මලාන දුම්රියපොළ අසල පදිංචි සැකකරු බව  පොලිසිය පවසයි. හෙරොයින් සඳහා ඇබ්බැහි වූවන් ඒ සඳහා ආදේශකයක් ලෙස මත්පෙති ලබාගන්නා බව පොලීසිය කියයි. මින් අනෙක් සැකකරු මත්ද්‍රව්‍ය චෝදනා ගණනාවකට මීට පෙර අවස්ථා කිහිපයකදී අත්අඩංගුවට පත් වුකු බව පොලිසිය පවසයි.


-එම්.සී.පෙරේරා-

Read More

මෛත්‍රී-මහින්ද ඝාතන කුමන්ත්‍රණ ගැන කී ඉන්දියානුවා මානසික රෝගියෙක්-ඉන්දීය මහකොමසාරිස් කාර්යාලය ප්‍රකාශ කරයි

ජනාධිපති මෛත්‍රීපාල සිරිසේන මහතා හා හිටපු ජනාධිපති මහින්ද රාජපක්ෂ මහතා ඇතුළු පවුලේ පිරිස් ඝාතනය කිරිමේ කුමන්ත්‍රණයක් ඇති බව පැවසුවේ යැයි මාධ්‍ය හරහා වාර්තා වූ ඉන්දීය ජාතිකයා මානසික රෝගයකින් පෙළෙන බව ශ්‍රී ලංකාවේ ඉන්දීය මහකොමසාරිස් කාර්යාලයේ ප්‍රකාශකයෙකු සඳහන් කරයි.

අපරාධ පරීක්‍ෂණ දෙපාර්තමේන්තුවට ඉන්දියානු ජාතික  සැකකරු පවසා ඇත් නාමල් කුමාර විසින් පැවැත්වූ මාධ්‍ය සාකච්ඡා අනුව, අදාළ දුරකථන සංවාදවලට අනුව හා  මාධ්‍යවල පළවූ වාර්තාවලට අනුව වීවිධ පුද්ගලයන් කිහිපදෙනෙකුට තර්ජන තිබූ  බවට තමන්ට දැනුණු බව යැයි මාධ්‍ය ප්‍රකාශකවරයා සඳහන් කරයි.

අදාළ ඉන්දියානු ජාතිකයා නාමල් කුමාර නමැත්තාගේ නිවසට ගොස් ඇත්තේ මෙම සිද්ධිය පිළිබඳ විමසීමට බවත්, ඉන්දියානු ජාතිකයා නාමල් කුමාර මහතාගේ නිවසට නිතර ගිය බවට ඔහු විසින් අපරාධ පරීක්ෂණ දෙපාර්තුමේන්තුවට දැනුම් දීමෙන් පසු සැකකාර ඉන්දියානු ජාතිකයා අත්අඩංගුවට ගත් බවද හෙතෙම පවසා සිටියේ.

අපරාධ පරීක්‍ෂණ සිදපාර්තමේන්තුව විසින් පෙරේදා (25දා) 'බී' වාර්තාවක් මගින් මේ පිළිබඳ හා විමර්ශන පිළිබඳ කොටුව මහේස්ත්‍රාත් අධිකරණයට කරුණු වාර්තා කර තිබු බවත්, ඝාතන සැලැස්මක් පිළිබඳ 'බී' වාර්තාවේ සඳහන් නොවන බවත් පොලිස් මාධ්‍ය ප්‍රකාශකවරයා සඳහන් කළේය.

අදාළ පුද්ගලයා රදවා තබාගන ප්‍රශ්න කරන බවද හෙතෙම පවසා සිටියේය.

Read More

ස්වීඩනයේ වෛද්‍යවරු කණ්ඩායමක් පැමිණ දුම්රිය අනතුරින් තුවාල ලද දැරිය බැංකොක් රෝහලට අරන් ගිහින්

සිව්දෙනකුට මරු කැඳවමින් වව්නියාව, ඕමන්ත පණ්ඩ්‍රිකෙයියඳුකුලම් සිදු වූ දුම්රිය අනතුරින් බරපතළ තුවාල ලබා වව්නියාව රෝහලේ නේවාසිකව ප්‍රතිකාර ලබමින් සිටි දැරියක වැඩිදුර ප්‍රතිකාර සඳහා පළමුදා (24) ගුවන් මගින් බැකොක් බලා ගෙන යනු ලැබීය.  ස්වීඩනයේ වෛද්‍ය කණ්ඩායමක් හෙලිකොප්ටරයකින් වව්නියාව නගර සභා ක්‍රීඩාංගණය වෙත පැමිණි අතර වව්නියාව මහ රෝහලට එම වෛද්‍ය කණ්ඩායම ගොස් දැරියගේ සෞඛ්‍ය තත්ත්වය පරීක්ෂා කොට ඇය හෙලිකොප්ටරයෙන් කටුනායක ගුවන්තොටුපොළ දක්වා රැගෙන යන ලදී.

ප්‍රතිකාර ලබමින් සිටි කේ. ජසින්තා දැරියගේ හිසට අනතුරින් බරපතළ තුවාල සිදුව තිබූ අතර පැමිණි වෛද්‍යවරු නිර්දේශ කොට ඇත්තේ මොළය සම්බන්ධයෙන් පරික්ෂාවක් සිදුකර ඇති බැවින් එයට සුදුසුම රෝහල ලෙස ඇය හැකි ඉක්මනින් තායිලන්තයේ බැංකොක් නුවර රෝහල වෙත රැගෙන යා යුතු බවයි. ඒ අනුව දැරිය වව්නියාව මහජන ක්‍රීඩාංගණයට පැමිණි පෞද්ගලික ගුවන් යානයකින් දැරිය කටුනායක බලා රැගෙන යනු ලැබිණි. ස්වීඩනයේ පදිංචිව සිටින මේ පවුලේ උදවියගේ උපන් ගම යාපනයේ ඩෙල්ෆ්ට් දූපත වන අතර මෙවර නිවාඩුවක් සඳහා යාපනයට පැමිණි  ඔවුගේ ඥාතීන් පිරිසක් හමුවීමට කුලියට ගත් මෝටර් රථයකින් වව්නියාවේ පණ්ඩිරිකෙයියකුලම් ගම්මානයට පැමිණෙමින් සිටියදී පසුගිය 16 දා උදැසන මෝටර් රථය දුම්රියක ගැටීමෙන් අනතුරට පත් විය.

එහිදී මෝටර් රථයේ සිටි අට දෙනාගෙන් කාන්තාවන් හතර දෙනකු එම ස්ථානයේම මියගිය අතර බරපතළ ලෙස තුවාල ලැබූ දෙදෙනකු වව්නියාව මහ රෝහලට ඇතුළත් කොට තිබූ අතර වැඩිදුර ප්‍රතිකාර සඳහා ස්වීඩනයට රැගෙන යන ලද්දේ ඉන් එක් දැරියකි.



-සනත් ප්‍රියන්ත-

Read More

කිසිම ආදායමක්‌ නැතිව ඉන්දීය ජාතිකයා මෙරට ජීවත්වීම අභිරහසක්‌ - ඇමැති මද්දුම බණ්‌ඩාර කියයි

ජනාධිපති මෛත්‍රිපාල සිරිසේන මහතා සහ හිටපු ජනාධිපති මහින්ද රාජපක්‍ෂ මහතා ඇතුළු ඔහුගේ පවුලම ඝාතනය කිරීමේ කුමන්ත්‍රණයක්‌ හෙළි කරන එම්. තෝමස්‌ නමැති ඉන්දීය ජාතිකයා වසර 1 1/2 ක්‌ පමණ කිසිදු ආදායම් මාර්ගයක්‌ නොමැතිව ශ්‍රී ලංකාවේ ජීවත්වීම විශාල අභිරහසක්‌ බව නීතිය හා සාමය පිළිබඳ ඇමැති රංජිත් මද්දුම බණ්‌ඩාර මහතා පැවසීය.

මෙම ඉන්දීය ජාතිකයාගේ සුලමුල සොයාගැනීම සඳහා රහස්‌ පොලිසිය දැඩි විමර්ශනයක යෙදෙන බවද කී ඇමැතිවරයා මොහු මීට කලින් ඇසුරු කළ පුද්ගලයන් පිළිබඳව ද තොරතුරු සොයා බලා යන බවද කීය.

කෙසේ වෙතත් මෙම ඉන්දීය ජාතිකයාගේ සියලුම තොරතුරු සොයාබැලීම සඳහා රහස්‌ පොලිසිය ඉන්දීය පොලිසියේ සහාය ලබාගන්නා අතර ඔහුගේ සැබෑ තත්ත්වය ඉදිරියේදී හෙළිවෙනු ඇතැයි රහස්‌ පොලිස්‌ ප්‍රකාශකයෙක්‌ පැවසීය.

මෙම ඉන්දීය ජාතිකයා වසර 1 1/2 ඇතුළත කළ දුරකථන කතා බහ පිළිබඳව අදාළ දුරකථන අංක සොයා ගැනීම සඳහා විමර්ශන කරගෙන යන බවද හෙතෙම පැවසීය.

නෝමන් පලිහවඩන

Read More

සිසුන් කිසිප්පු වලට ඇබ්බැහි කරන ජාවාරම්කරු තවම නිදැල්ලේ

හුලන්දාවේ කඳුරුමාන ප්‍රදේශයේ දීර්ග කාලයක සිට ගෝලයන් හත් අට  දෙනකු යොදවා කසිප්පු ජාවාරම මහා පරිමාණයෙන් කරගෙන යන ජාවාරම්කරු අත්අඩංගුවට ගැනීමට තමවත් නොහැකි වි ඇතැයි හුලන්දාව, කඳුරුවාන, දීගල යන ප්‍රදේශවල දෙමව්පියෝ පවසති. මෙම ජාවාරමකරු ළග සේවකයන් හත් අට දෙනකුම වැඩ කරන බවත් ඔවුන් හුලන්දාව වතුකරයේ කම්කරුවන්ට හා අවට ගම්මානවල තරුණියන්ට මත්වතුර අලෙවි කරන බවත් මෙම මාපියෝ පෙන්වා දෙති.

පාසල් දරුවන් පවා මත් වතුරට ඇබ්බැහි වීම නිසා තමන්ගේ සියලු පැතුම් බිඳ වැටී ඇතැයි දෙමව්පියෝ කඳුළින් යුතුව පැවැසූහ. මේ මහා ව්‍යසනයෙන් දරු පරපුර බේරා ගැනීමට පියවර ගන්නැයි ඔවුහු පොලිසියෙන් ඉල්ලා සිටිති.


-ජේ.ඩබ්ලිව්.පියදාස-

Read More

පෙම්වතිය හැර ගිය දුකට වහ බිව්ව පෙම්වතා රෝහලට ගෙනයන්න අලුත් පෙම්වතා ඇවිල්ලා

වසර 4ක් පෙම් කළ පෙම්වතිය වෙනත් අයෙක්  සමඟ සම්බන්ධව තමා අතහැරීම පිළිබඳව කලකිරුණු තරුණයෙක් පෙම්වතියගේ නිවස අසල වැව් වේල්ල මත වස පානය කර සිටියදී අලුත් පෙම්වතා විසින් කටුපොත රෝහලට ඇතුළත් කොට ඇත. පෙම්වතාගේ තත්ත්වය බරපතළ නිසා කුරුණෑගල ශික්ෂණ රෝහලට මාරු කර යවා ඇති අතර එහිදී ඔහු මියගොස් ඇතැයි කටුපොත පොලිසිය පැවසීය.

දංගොල්ල ප්‍රදේශයේ පදිංචි විසිපස් වැනි වියේ පසුවන තරුණයකු පසුගිය දා මෙසේ මියගොස් ඇත. අලුත්ගම ප්‍රදේශයේ පදිංචි 20 වියැති තරුණියක සමඟ මෙම තරුණයා වසර හතරක් පෙමින් බැඳී සිට ඇත. "මගේ පුතයි ඔය දුවයි දෙන්නා දැන් අවුරුදු හතරක විතර ඉස්සෙල්ලා යාළු වෙලා හිටියා. කවදාකවත් තරහ වුණේ නැහැ. වැඩිහිටියන් වන අපිත් ගෙවල් දෙකට ආවා ගියා. බොහොම සුහදව හිටියා. දැන් මාස හයක විතර ඉඳන් ඔය දුව කොස්දෙණිය පැත්තේ තරුණියක් සමඟ යාළුවෙලා. අපේ ළමය මට ඇවිත් කිව්වා. ඊට පස්සේ අපේ ළමයා නාරමිමල පොලිසියේ ඔය ළමයට විරුද්ධව පැමිණිල්ලක් දාලා තිබුණා.

ඒකේ විභාගයට දුව ආවේ නැහැ. ටික දවසකට පස්සේ දුව ගිහිල්ලා නාරම්මල පොලීසියේ පැමිණක් දාලා තිබුණා ඒකේ විභාගය පසුගිය 23දා තිබ්බා. ඒ වෙලාවේ පොලිසියෙන් මගේ පුතාට කියලා තිබුන ඇය හමුවෙන්න එන්න එපා, කෝල් දෙන්න එපා කියලා. පුතා ගෙදර ඇවිත් කල්පනා කර කර ඉදලා බට්ටා ලොරියේ රෝදවලට හුළං ගහන්න යනවා කියලා ගියා. සවස මට ආරංචි වුණා පුතා වස බීලා කුරුණෑගල රෝහලේ මැරිලා කියලා " යැයි මියගිය තරුණියන්ගේ මව (අවු.65) සාක්කි දෙමින් පැවසුවාය.

මරණය සැක සහිත බව ඔහුගේ මව සහ සොහොයුරක් පවසා ඇත. ඒ අනුව කටුපොත පොලිසිය කුලියාටිය වැඩ බලන මහෙස්ත්‍රාත් චම්පික මහතාගෙන් ලබාගත් නියෝගයක් අනුව කුරුණෑගල ශික්ෂණ රෝහලේදී පෙරේදා(25) මෘත ශරිරය පිළිඳව පශ්චාත් මරණ පරීක්ෂණය පැවැත්විය.  කුරුණෑගල නාගරික හදිසි මරණ පරික්ෂක ආර්. යූ.ඩී.කේ. අමරසිංහ මහතා හදිසි මරණ පරීක්ෂණය සිදු කළේය. කුලියාපිටිය ශික්ෂණ රෝහලේ අධිකරණ වෛද්‍ය නිලධාරි වෛද්‍ය ඩබ්ලිව්.ඇම්.ජී ඉලංගරත්න බණ්ඩාර මහතා මෘත ශරීරය පිළිබඳ පශ්චාත් වෛද්‍ය පරීක්ෂණය සිදු කළේය.

එහිදී මියගොස් සිටින පුද්ගලයාගේ ශරිරයේ කිසිදු තුවාලයක් නොමැති බවත් මොහු සුදු පාට දියරයක් මිලිලීටර් 150ක් පමණ බී ඇති බවත් මෙම වස පානය කර පැය 2ක කාලයකදී මියගොස් ඇති බව වෛද්‍ය වර්තාව කියයි.

-කේ.ඒ.ජයසුරිය-

Read More

කුඩු වික්ක හිටපු SI මාකොළදී මාට්ටු-ලාබාල තරුණයින්ටක් කුඩු පොවලා

හෙරොයින් අලෙවි කිරීමේ හා බෙදාහැරීමේ ජාවාරමක යෙදී සිටි හිටපු උප පොලිස්‌ පරීක්‍ෂකවරයකු සපුගස්‌කන්ද පොලිසිය මගින් මාකොළ, සඟබෝ මාවතේදී අත්අඩංගුවට ගන්නා ලදි.

තවද මේ තැනැත්තා ළඟ තිබී හෙරොයින් ග්‍රෑම් එකයි මිලිග්‍රෑම් එකසිය හැටක්‌ පොලිස්‌ භාරයට ද ගෙන තිබේ.

එහි අපරාධ විමර්ශන අංශයේ ස්‌ථානාධිපති ප්‍රධාන පොලිස්‌ පරීක්‍ෂක තුසිත ජයකොඩි මහතාට එම හිටපු උප පොලිස්‌ පරීක්‍ෂකවරයා විසින් බාලවයස්‌කාර තරුණයන් මත් කුඩු පානය කිරීමට පොළඹවා ඔවුන්ගේ මාර්ගයෙන් මත් කුඩු අලෙවි කරන බවට ලද තොරතුරක්‌ මත එම වැටලීම සිදු කර තිබිණි.

පොලිසිය විසින් සඟබෝ මාවතේදී අත්අඩංගුවට ගනු ලැබූ විට මොහු ළඟ හෙරොයින් පැකට්‌ පහක්‌ තිබූ අතර ඔහුගේ නිවෙස පරීක්‍ෂා කිරීමේදී ඇඳේ මෙට්‌ටය තුළ සඟවා තිබී හෙරොයින් තවත් පැකට්‌ටුවක්‌ ද සොයාගෙන ඇත.

පසුගිය 1990 වසරේදී සේවයෙන් පහකරන ලද එම හිටපු උප පොලිස්‌ පරීක්‍ෂකවරයා මාකොළ සඟබෝ මාවතේ පදිංචිකරුවකු වන අතර ඔහු මහර මහෙස්‌ත්‍රාත් අධිකරණයට ඉදිරිපත් කිරීමට දැන් කටයුතු කරගෙන යයි.

 - ඩබ්ලිව්. ඩී. විතාන-

Read More

ලසන්ත වික්‍රමතුංග ඝාතනයේ තොරතුරු රැසක් හෙළි කල උප පොලිස් පරීක්ෂකට තර්ජන

සන්ඬේ ලීඩර් පුවත්පතේ හිටපු කර්තෘ ලසන්ත වික‍්‍රමතුංග මහතාගේ ඝාතනය සම්බන්ධයෙන් අපරාධ පරීක්‍ෂණ දෙපාර්තමේන්තුවට තොරතුරු රැසක් හෙළි කළ තමාට ජීවිත තර්ජන එල්ල වී ඇතැයි හිටපු උප පොලිස් පරීක්‍ෂක තිස්ස සුගතපාල මහතා අපරාධ පරීක්‍ෂණ දෙපාර්තමේන්තුවට සහ කළුතර දකුණ පොලිසියට පැමිණිලි කර ඇත.

ලසන්ත වික්‍රමතුංග මහතා ඝාතනයට ලක්‌වන වකවානුවේ තිස්‌ස සුගතපාල මහතා ගල්කිස්‌ස පොලිස්‌ ස්‌ථානයේ අපරාධ අංශයේ ස්‌ථානාධිපතිවරයා ලෙස කටයුතු කළේය.

එවකට සිටි උසස්‌ පොලිස්‌ නිලධාරීන් ලසන්ත ඝාතනය වසං කිරීමට උත්සාහ කළ බවට චෝදනා එල්ල වීම නිසා අපරාධ පරීක්‍ෂණ දෙපාර්තමේන්තුව විමර්ශන ආරම්භ කර සුගතපාල මහතා අත්අඩංගුවට ගෙන ගල්කිස්‌ස අධිකරණයට ඉදිරිපත් කිරීමෙන් පසු මාස 06 ක්‌ පමණ රිමාන්ඩ් බන්ධනාගාරගතව සිටි අතර හෙතෙම මේ වනවිට ඇප ලබා සිටියි.

මේ වනවිට සුගතපාල මහතා කළුතර දකුණ පොලිස්‌ කොට්‌ඨාසයේ නිවසක බිරිඳ සහ දරුවා සමඟ රැඳී සිටී. ඒ මහතා පදිංචි නිවසට පසුගිය 21 වැනිදා අලුයම 1.00 ට පමණ යතුරුපැදියකින් පැමිණ ඇති පුද්ගලයන් දෙදෙනකුගෙන් එක්‌ අයෙක්‌ හෙල්මටයක්‌ පැළඳ ගේට්‌ටුව විවෘත කරගෙන නිවසට පැමිණ නිවසේ දොරට සහ ජනේලයට අවස්‌ථා කිහිපයකදී තට්‌ටු කර දොර ඇරවා ගැනීමට උත්සාහ කළ බව ඒ මහතා පොලිසියට ප්‍රකාශ කර ඇත.

හෙල්මටයක්‌ පැළඳ නිවසට පැමිණි පුද්ගලයා පිළිබඳ තොරතුරු සොයාගැනීමට අවට නිවසක සී. සී. ටී. වී. කැමරා පද්ධතියක්‌ පරීක්‍ෂා කර බැලුවත් එම අවස්‌ථාවේ එය අක්‍රියව තිබී ඇත. මේ සම්බන්ධයෙන් අපරාධ පරීක්‍ෂණ දෙපාර්තමේන්තුව සහ පානදුර දකුණ පොලිසිය වැඩිදුර විමර්ශන සිදුකරයි.

චමින්ද සිල්වා

Read More

ලොකු පුතා මරා හිරේ ගිය නරුම පියා විදුලිසර වද්දවා පොඩි පුතාවත් මරලා

මාතර පොලිස් කොට්ඨාසයේ මාතර වල්ගම කනත්තගොඩ ප‍්‍රදේශයේ 25 වන දින රාත‍්‍රියේ දී විදුලි සර වැදී පුද්ගලයෙක් වැටී සිටි බව පොලිස් හදිසි ඇමතුම් අංකයට තොරතුරු ලැබිණි ඒ අනුව, වහා ක‍්‍රියාත්මක වූ මාතර පොලිස් ජංගම සේවා නිලධාරි අදාළ ස්ථානයට ගොස් ඇත. මෙය මනුෂ්‍ය ඝාතනයක් බව පොලිසිය පවසයි.

මරණකරු වල්ගම කනත්තගොඩ 30 හැවිරිදි උදාර මධුසංඛ නමැති අයෙකි. සැකකරු මධුසංඛගේ පියා (තාත්තා) බවට කරුණු හෙළි වී ඇත.

හෙතෙම මිනී මැරීමේ චෝදනව යටතේ මෙයට වසර 8 කට පෙර බන්ධනාගරගතව සිටි අයෙකි. ඒ මිය ගොස් ඇති පුද්ගලයාගේ වැඩිමහල් සහෝදරයාට පිහියෙන් ඇන මරා දැමීම නිසා බව පොලිසිය පවසයි.

මේ නිසා වසර 07 ක කාලයක් බන්ධනාගාරයේ සිට නිදහස්ව ආ මේ නරුම තාත්තා මේ ආකාරයට තම දෙවන පුතා ද සැලසුම් සහගතව විදුලි උගුලකට හසුකර ඝාතනය කරන්නට ඇතැයි පොලිසිය සැකකරයි.

සිය පුතා සමඟ කලක සිට ආරවුලක් ඇති කරගෙන සිටි පියා සිය නිවසේ විදුලි රැහැන් යොදා විදුලිය කම්බි යොදවා මර උගුලක් සකස්කර තිබී ඇති බව පොලිස් විමර්ශන වලින් අනාවරණය වී ඇත. සැකකරු වන මරණකරුගේ තාත්තා මාතර පොලිසිය මගින් අත්අඩංගුවට ගෙන ඇත.

මාතර පොලිසිය පරික්ෂණ පවත්වයි.
 - ඒ.ඩබ්ලිව්. ඒ. නිමල්-

Read More

ඩොලරය නැගීමෙන් වාහන මිලත් ඉහලට

(නිමල කොඩිතුවක්කු)
රුපියලට සාපේක්ෂව ඇමරිකානු ඩොලරය ඇතුළු අනිකුන් විදේශීය  මුදල්වල අගය ඉහළයාම හේතුවෙන් වෙළඳ වාහන මිල ගණන් සතියකදී සියයට පහක අගයකින් ඉහළ ගොස් ඇතැයි ශ්‍රී ලංකා වාහන ආනයනකරුවන්ගේ සංගමයේ සභාපති රන්ජන් පීරිස් මහතා ලංකාදීපයට ඊයේ (25) පැවැසිය.
ඇමෙරිකානු ඩොලරයට අමතරව ජපන් යෙන්, ස්ටර්ලින් පවුම් ආදී මුදල් ඒකකවල අගයද ඉහළයාමන් වාහන මිල පාලනය කර ගැනීමට නොහැකි තත්ත්වයක් උද්ගතව ඇති බවද ඔහු කියා සිටියේය.
ඒ අනුව රුපියල් ලක්ෂ 34කට පැවති සුසුකි වැගන් ආර් රථයක් රුපියල් ලක්ෂ 36 දක්වාත්, රුපියල් ලක්ෂ 60ක්ව පැවති ටොයෝටා ඇක්සියෝ මෝටර් රථයක් රුපියල් හැත්තෑ දෙලක්ෂ පනස් දහසක් දක්වාත්, රුපියල් ලක්ෂ 80 ක්ව පැවැති ප්‍රිමියෝ මෝටර් රථයක් රුපියල් ලක්ෂ 84 දක්වාත් මිල ඉහළ ගොස් ඇතැයි ඔහු කීවේය. ජපන්, බ්‍රිතාන්‍ය ඇතුළු සෙසු වාහනවල මිල ගණන්ද මෙයට සාපේක්ෂව ඉහළගොස් ඇතැයිද ඔහු සඳහන් කළේය.
විනිමය අනුපාතය ඉහළයාම හේතුවෙන් ඉදිරියේදී වාහන මිල තවත් වැඩිවිය හැකි බවද රන්ජන් පීරිස් මහතා සඳහන් කළේය.

Read More

සෙස් බද්දෙන් කුකුළු කර්මාන්තය අනතුරේ

(රංජන් කස්තුරි)
ලෝක වෙළෙඳ පොළේ බඩඉරිගු මිල ඉහළ යාම රුපියල අව ප්‍රමාණය වීම සහ සෙස් බදු පැනවීම හේතුවෙන් සත්ව ආහාර නිෂ්පාදනයන් හා සත්ව ගොවිපළ හිමිකරුවන් දැඩි අසීරුතාවකට පත්ව ඇතැයි
සමස්ත ලංකා කුකුළු වියාපාරිකයන්ගේ සංගමයේ සභාපති අජිත් ගුණසේකර මහතා පවසයි. කුකුළු කර්මාන්තය රැක ගැනීමට නම් ඔබ ඉරිගු ආනයනය කිරීමේදී කිලෝවට රුපියල් 10 බැගින් වන සේ අය කරන සෙස් බද්ද රුපියල් 5 දක්වා අඩු කරන්නැයි රජයෙන් ඉල්ලා සිටින බවද ගුණසේකර මහතා කීය.
බඩ ඉරිංගු ආනයනික පිරිවැය ඉහළ යාම නිසා කුකුළු කර්මාන්තය වැටෙමින් තිබෙන අතර කුකුළු මස් කීලෝව රුපියල් 440 ක ස්ථාවර මිලකට ලබා දීමේ හැකියාවක් නැති බවද සභාපති වරයා සදහන් කළේය.
මිට ඉහතදී බඩ ඉරීගු ආනයනයේදී සියයට 10 ක සෙස් බද්දක් අය කළ නමුත්, එය අහෝසි කර කිලෝවට රුපියල් 10ක. නව බද්දක් පැනවීමෙන් මෙම ගැටලුව උත්සන්න වු බවද ඔහු කීය.

Read More

ඇමරිකාවෙන් ඩොලර් මිලියන 480ක පරිත්‍යාගයක්

(රන්ජිත් ආනන්ද ජයසිංහ)
ඇමරිකා එක්සත් ජනපදය ඩොලර් මිලියන 480 ක් පරිත්‍යගයක් ලෙස ශ්‍රී ලංකාවට ලබාදීමට තීන්දු කර ඇත.
ඇමෙරිකානු රජයේ සහශ්‍රක අභියෝගතා අරමුදලින් මෙම පරිත්‍යාගය ලබාදෙන බව එම අරමුදලේ ප්‍රධාන විධායක ජූඩ් බියමන් මහතා ජනාධිපති මෛත්‍රීපාල සිරිසේන මහතාට දන්වා සිටියේය.
පසුගිය 24 වැනිදා නිව්යෝක් නුවර ලොව්ස් රිජන්සි හෝටලයේ පැවැති විශේෂ හමුවකදී ප්‍රධාන විධායකවරයා මේ බව ජනාධිපතිවරයාට දැනුම් දී ඇත. ඊට අඳාළ ගිවිසුම මේ වසරේ දෙසැම්බරයේ කොලඹදී අත්සන් කරන බවද ප්‍රධාන විධායකවරයා වැඩිදුරටත් සඳහන් කර ඇත.
මිලේනියම් සහශ්‍රක අරමුදලින් ලැබෙන මුදල් පරිත්‍යාග ශ්‍රී ලංකාවේ යටිතල පහසුකම් සංවර්ධනය හා ප්‍රවාහන ක්ෂේත්‍රයේ නවිකරණ කටයුතු සඳහා යෙදවිම රජයේ අරමුණයි.
මිලේනියම් සහශ්‍රක අරමුදලේ ප්‍රධානියා සමග පැවැති හමුවට විදේශ අමාත්‍ය තිලක් මාරපන හා බස්නාහිර මහ නගර සංවර්ධන අමාත්‍ය චම්පික රණවක යන මහත්වරුද එක්වූහ.

Read More

කොළඹ නගරය අත්තර්ජාතික තෙත්බිම් නගරයක් ලෙස නම් වෙලා

කොළඹ නගරය  අත්තර්ජාතික තෙත්බිම් නගරයක් ලෙසට ජාත්‍යන්තර රුම්සා මහලේකම් කාර්යාලය විසින් නම් කරනු ලැබ තිබේ.

කොළඹ නගරය සඳහා අදාළ ජාත්‍යන්තර තෙත්බිම් නගර සහතිකය ලබාගැනීම සඳහා ජාත්‍යන්තර රුම්සා මහලේකම් කාර්යාලය වෙත ශ්‍රී ලංකාව වෙනුවෙන් අදාළ සියලු පාර්ශවයන්ගේ සහයෝගයෙන් වනජීවි සංරක්ෂණ දෙපාර්තුමේන්තුව විසින් අයදුම් කර තිබිණි.

නාගරීකරණයත් සමග නාගරිකයන් විසින් නාගරීක තෙත් බිම් ප්‍රයෝජනයට ගැනීමේ වැදගත්කම හා ඒවායේ ජෛව විවිධත්වය සුරැකීම කෙරෙහි අවධානය යොමු කරමින් ජාත්‍යන්තර නාගරික තෙත්බිම් නගර නම් කිරීමට 2015දී පැවැති පාර්ශ්වකරුවන්ගේ සම්මේලනයේදී ජාත්‍යන්තර රුම්සා මහලේකම් කාර්යාලය විසින් තීරණය කෙරුණූ අතර, ඒ අනුව චීනය, දකුණු කොරියාව, ප්‍රංශය, මැඩගස්කරය හා ශ්‍රී ලංකාව ඇතුළු රටවල් කිහිපයක නගර 18ක් තෙත්බිම් නගර ලෙස තෝරා ගන්න නම් කිරීමට ජාත්‍යන්තර රුම්සා මහලේකම් කාර්යාලය කටයුතු කර තිබේ.

-නිදර්ශනී වික්‍රමසිංහ-

Read More

ලසන්ත ඝාතනය-කීත් නොයාර් පැහැරගැනීම-ෆොන්සේකාගෙන් සී අයිඩිය පැය 4ක් ප්‍රශ්න කරයි

සන්ඬේ ලීඩර් කර්තෘ ලසන්ත වික‍්‍රමතුංග මහතා ඝාතනය කිරීම සහ මාධ්‍යවේදී කීත් නොයාර් මහතා පැහැරගෙන ගොස් අමානුෂික ලෙස පහරදීමේ සිද්ධිය සම්බන්ධයෙන් ඇමැති ෆීල්ඞ් මාර්ෂල් සරත් ෆොන්සේකා මහතාගෙන් අපරාධ පරීක්‍ෂණ දෙපාර්තමේන්තුව ඊයේ (25 වැනිදා) පැය හතරකට ආසන්න කාලයක් තිස්සේ ප‍්‍රශ්න කර ප‍්‍රකාශ ලබා ගත්තේය.

 ලසන්ත ඝාතනය සහ කීත් නොයාර් පැහැර ගැනීමේ සිද්ධීන් සම්බන්ධයෙන් හිටපු ආරක්‍ෂක ලේකම් ගෝඨාභය රාජපක්‍ෂ මහතා මාධ්‍ය ඔස්‌සේ සිදුකළ විවිධ චෝදනා සම්බන්ධයෙන් සහ මාධ්‍ය ඔස්‌සේ සරත් ෆොන්සේකා මහතා කළ හෙළිදරව් කිරීම් පිළිබඳව මෙහිදී දීර්ඝ ලෙස ප්‍රශ්න කෙරිණි.

ලසන්ත ඝාතනය සහ කීත් නොයාර් පැහැර ගැනීම සම්බන්ධයෙන් ෆීල්ඩ් මාර්ෂල් සරත් ෆොන්සේකා මහතාගෙන් අපරාධ පරීක්‍ෂණ දෙපාර්තමේන්තුව ප්‍රශ්න කරනු ලැබුවේ දෙවැනි වරටය.

 ඊයේ දහවල් 12.00 ට සරත් ෆොන්සේකා මහතා අපරාධ පරීක්‍ෂණ දෙපාර්තමේන්තුව හමුවේ පෙනී සිටි අතර සවස 4.00 පමණ වන තුරු ප්‍රශ්න කිරීම් සිදුකෙරිණි.

 මෙම සිද්ධීන් සම්බන්ධයෙන් හිටපු ජනාධිපති මහින්ද රාජපක්‍ෂ, කථානායක කරු ජයසූරිය, හිටපු ආරක්‍ෂක ලේකම් ගෝඨාභය රාජපක්‍ෂ යන මහත්වරුන්ගෙන් මීට පෙර අපරාධ පරීක්‍ෂණ දෙපාර්තමේන්තුව මගින් ප්‍රශ්න කර ප්‍රකාශ ලබා ගන්නා ලදී.

 ඉකුත් 2009 වර්ෂයේ ජනවාරි 08 වැනිදා ලසන්ත වික්‍රමතුංග මහතා ඝාතනයට ලක්‌වූ අතර කීත් නොයාර් මහතා පැහැරගනු ලැබුවේ 2008 වර්ෂයේ මැයි මස 22 වැනිදාය.

-හේමන්ත රන්දුණු-

Read More

පෞ.රෝහලින් හෘද රෝගී කතට වැරැදි ඖෂධයක් දීලා

හෘද රෝගී කාන්තාවකට හෘද රෝගී විශේෂඥ වෛද්‍යවරයකු නිර්දේශ කළ ඖෂධවලට පටහැනිව වෙනත් ඖෂධයක් ලබාදීමෙන්  එම කාන්තාව විවිධ සංකූලතාවකට පත්වූයේ  යැයි කියන සිද්ධියක් සම්බන්ධයෙන් විභාග වන නඩුවකට සාක්ෂි දීම සඳහා එම ඔෂධ නිර්දේශ කළ හෘද රෝග විශේෂඥ වෛද්‍යවරයාට එම නඩුවට සාක්ෂි දීම සඳහා ලබන 27 දින  අධිකරණයේ පෙනී සිටින ලෙස මීගමුව අතිරේක  මහෙස්ත්‍රාත්වරයා සිතාසි නිකුත් කර ඇත. 

අධිකරණයට වාර්තා වී ඇති අන්දමට සිද්ධිය මෙසේය. රාගම ප්‍රදේශයේ පෞද්ගලික රෝහලක නේවාසිකව ප්‍රතිකාර ලබන හෘද රෝග කාත්තාවකට හෘද රෝග විශේෂඥ  වෛද්‍යවරයා විසින් ඖෂධයක් නිර්දේශ කර ඇත. එම නිර්දේශිත සටහන පෙන්වා එම රෝහලේ බෙහෙත් ශාලාවෙන් එම ඖෂධය මිලදී ගැනීමේදී වෙනත් ඖෂධයක් ලබාදී තිබේ. රෝගී කාත්තාව එම ඖෂධය ගත් පසු ඇයට දින දෙකක් පමණ හොඳ හැටි නිද ගොස් ඇතැයි පැවැසේ.  රෝගී කත මෙම සිද්ධිය ජාතික ඖෂධ  නියාමන අධිකාරියට පැමිණිලි කර තිබේ. ජාතික ඖෂධ නියාමන අධිකාරිය මඟින් එම රෝහලේ  බෙහෙත් ශාලාවේ ප්‍රධානියාට සහ ඔහෂධ මුදලට අලෙවි කළ සේවකයාට එරෙහිව පැමිණිල්ලක් ගොනු කර ඇති අතර දැනට ඖෂධ ශාලා ප්‍රධානියා සහ සේවකයා ඇප මත මුදා හැර සිටිති.  නිර්දේශිත ඖෂධය සහ ඒ වෙනුවට ලබාදී  ඇති ඖෂධය යන දෙකම උච්වාරණයේදී සමානකමක් දැක්වෙන බැවින් මෙවැනි වරදක් වී ඇතැයි කියැවේ.


-නිමන්ති ප්‍රනාන්දු-

Read More

පිදුරංගල පර්වතයේ නිරුවතින් සිටි අය ගැන පරීක්ෂණ

පිදුරංගල රජමහ විහාරස්ථ පර්වතය මත සිට අඩ නිරුවත් ඡායාරූප ගෙන ඒවා සමාජ මාධ්‍ය ජාලවලට  මුදාහැරීම සම්බන්ධයෙන් විමර්ශනයක් අරඹා ඇති බව පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා කියයි.

අසභ්‍ය ප්‍රකාශන වැළැක්වීමේ 1983 අංක 2 දරන සංශෝධන පනත හා පොලිස් ආඥා පනත ප්‍රකාරව මෙම ඡායාරූපවල පෙනී සිටින පුද්ගලයන්ට එරෙහිව නීතිමය පියවර ගන්නා බව මාධ්‍ය ප්‍රකාශකවරයා කීය.

-එම්.සී.පෙරේරා-

Read More

යතුරුපැදියේ පිටුපස ගිය 65 හැවිරිදි පුද්ගලයා අලි පහරින් මරුට

අරලගංවිල ගල්එළිය ප්‍රදේශයේදී යතුරුපැදියක ගමන් ගත් අයකුට වන අලියකු පහරදී මරා දමා ඇත.

22 වැනිදා රාත්‍රි 7.30 පමණ ගල්එළිය ගම්මානයට යන අතුරු පාරක යතුරුපැදියකින් ගමන්ගත් පුද්ගලයන් දෙදෙනකුගෙන් පිටුපස සිටි පුද්ගලයා මාර්ගයේ රැක සිටි වන අලියා විසින් ඩැහැගෙන පොළොවේ ගසා හිස පාගා මරණයට පත්කොට ඇත.

 මෙම මරණය ගැන කුපිත වූ ගල්එළිය ගම්වාසීහු වනජීවී නිලධාරීන් මේ වන තෙක්‌ පැමිණියේ නැතැයි ද හරියට තම රාජකාරිය ඉටුකරන්නේ නැතැයි ද කියමින් වනජීවී නිලධාරීන්ට විරෝධය පළ කරමින් කෑකෝ ගසන්නට වූහ. එම ස්‌ථානයට ගිය අරලගංවිල පොලිසියට ද විරෝධය පළ කළ ගම්මු මෘත ශරීරය එම ස්‌ථානයෙන් ඉවත් කරගැනීමට පවා ඉඩ නොදුන්හ.

 සිද්ධිය සැලවීමෙන් එම ස්‌ථානයට ගිය අරලගංවිල පොලිසියේ ස්‌ථානාධිපති කේ. පී. ඩබ්. පේමලාල් මහතාගේ මැදිහත්වීමෙන් පිරිස සන්සුන් කොට මෘත ශරීරය එම ස්‌ථානයෙන් ඉවත් කොට අරලගංවිල රෝහල වෙත යවා තිබේ.

 පසුව ගල්එළිය ගම්වාසීන් විසින් වෙහෙරගල වනජීවී කාර්යාලයට ද පහරදී අලාභහානි කොට ඇති බව පවසමින් වනජීවී නිලධාරීන් විසින් අරලගංවිල පොලිසියට පැමිණිලි කොට ඇත.

 අලි පහරින් මියගොස්‌ ඇත්තේ ගල්එළිය රුහුණුගම පදිංචි මොරගහමුල ගෙදර රත්නපාල නමැති 65 හැවිරිදි පුද්ගලයෙකි. බරපතළ තුවාල ලැබූ අනෙක්‌ පුද්ගලයා දෙහිඅත්තකණ්‌ඩිය රෝහලේ ප්‍රතිකාර ලබයි.

 අරලගංවිල පොලිසියේ ස්‌ථානාධිපති පොලිස්‌ පරීක්‍ෂක කේ. පී. ඩබ්. ප්‍රේමලාල් මහතාගේ මෙහෙයවීමෙන් වැඩිදුර පරීක්‍ෂණ සිදුකෙරේ.

Read More

මධුෂ් සමග සබඳතා සොයන්න ඩීඅයිජී නාලකගේ දුරකථන පරීක්‌ෂා කරයි

ජනාධිපති මෛත‍්‍රිපාල සිරිසේන සහ හිටපු ආරක්‍ෂක ලේකම් ගෝඨාභය රාජපක්‍ෂ යන මහත්වරුන් ඝාතනය කිරීමට කුමන්ත‍්‍රණ කළ බව කියන ත‍්‍රස්ත විමර්ශන ඒකකයේ හිටපු නියෝජ්‍ය පොලිස්පති නාලක ද සිල්වා මහතා ඩුබායිහි සැඟවී සිටින පාතාල කල්ලි නායක මාකඳුරේ මධුෂ් සමග සබඳතා පැවැත්වූවේද යන්න සෙවීම සඳහා අපරාධ පරීක්‍ෂණ දෙපාර්තමේන්තුව පුළුල් විමර්ශනයක් ආරම්භ කර ඇත.

 මධුෂ් සමග සබඳතා පැවැත්වූයේද යන්න සෙවීම සඳහා නියෝජ්‍ය පොලිස්‌පති නාලක ද සිල්වා මහතා පාවිච්චි කළ ජංගම දුරකථන සියල්ල අපරාධ පරීක්‍ෂණ දෙපාර්තමේන්තුව භාරයට ගෙන එහි ඇති දුරකථන අංක වාර්තා පරීක්‍ෂා කිරීමට නියමිතය.

 නියෝජ්‍ය පොලිස්‌පති නාලක ද සිල්වා සහ දූෂණ විරෝධී ජාතික ව්‍යාපාරයේ අධ්‍යක්‍ෂ නාමල් කුමාරගේ අතර පැවැති බව කියන රහසිගත දුරකථන සංවාදයේ දී පාතාල නායක මාකඳුරේ මධුෂ්ගේ නම සඳහන් විය.

 ජනාධිපති මෛත්‍රිපාල සිරිසේන මහතාට සහ හිටපු ආරක්‍ෂක ලේකම්වරයාට අනතුරක්‌ කිරීමට පාතාල නායක මාකඳුරේ මධුෂ්ගේ සහාය ලබා ගන්නා ලෙස නියෝජ්‍ය පොලිස්‌පතිවරයා නාමල් කුමාරට උපදෙස්‌ දුන් අයුරු එම හඬපටයේ සටහන් වී තිබිණි.

Read More

ඇඟලුම් සේවකයන් රැගත් බසය පෙරළි 25ක් රෝහලේ

මීගස්වැව සිට මැදිරිගිරියේ ඇගලුම් හලක සේවය කරන සේවක සේවිකාවන් රැගෙන එමින් තිබූ පෞද්ගලික බස් රථයක් ඊයේ (25දා) දින පෙරවරුවේ දියසෙන්පුර පැරකුම් හන්දියේදී කාර්මික දෝෂයක් හේතුවෙන් මාර්ගයෙන් ඉවතට පැන පෙරළී යැමෙන් තුවාල ලැබූ එහි ගමන් ගත් 25 දෙනකු මැදිරීගිරිය රෝහලට ඇතුළත් කළ බව මැදිරිගිරිය පොලිසිය කියයි.  බස් රථයේ ගමන් ගත් 23 දෙනකු සහ ඒ අවස්ථාවේ මාර්ගයේ ගමන් කරමින් සිටි දෙදෙනකුද මෙහිදී තුවාල ලබා මැදිරිගිරිය රෝහලට ඇතුළත් කිරීමෙන් පසු දෙදෙනකු පොළොන්නරුව මහ රෝහල වෙත මාරු කර යවා ඇත.

මේ වනවිට රියැදුරා ඇතුළු අනෙක් සියලු දෙනා සුළු තුවාල ලබා මැදිරිගිරිය රෝහලේ නේවාසිකව ප්‍රතිකාර ලබමින් සිටින අතර බස් රථය සහ රියැදුරා අත්අඩංගුවට ගෙන අද (26දා) හිඟුරන්ගොඩ දිසා අධිකරණයට ඉදිරිපත් කිරීමට නියමිත බව මැදිරීගිරිය පොලිසිය කියයි.


                                                                                 -හිඟුරක්ගොඩ ප්‍රියා-

Read More

ඌරාට ඇටවූ උගුලේ පැටලුනු බල්ලා නිදහස් කළ අයෙන්ට උගුල ඇටවූ පුද්ගලයා තර්ජනය කරලා-ගැටුම පොලිසිය දක්වාම දුර දිග ගිහින්

ඌරෙකුට ඇටවූ උගුලකට සුනඛයකු හසු වී ඉන් ඌ මුදාහැරීම නිසා උදහසට පත්වූ අයකු සිය අසල්වැසියකුට බැණ තර්ජනය කොට පහරදීමට තැත් කළැයි කියන සිද්ධියක්‌ අම්බලකන්ද ජම්බුගස්‌මඩ ප්‍රදේශයෙන් වාර්තා වෙයි.

ඌරන් ඇතුළු වල් සතුන් දඩයම් කර මස්‌ කොට විකිණීම පුරුද්දක්‌ කොට ගෙන සිටිබව කියන සිද්ධියට සම්බන්ධ සැකකරු විසින් පසුගිය දිනෙක අටවා තිබුණු උගුලකට සුනඛයකු අසුවී කෑ මොර දෙද්දී එහි පැමිණි අසල්වැසියා එම සතා උගුලෙන් නිදහස්‌ කර ඇති අතර මේ සම්බන්ධයෙන් කෝපයට පත් සැකකරු එම පුද්ගලයාට බැණ තර්ජනය කොට පහරදීමට තැත් කොට ඇති බවට ඔහු විසින් අරණායක පොලිසියට පැමිණිල්ලක්‌ ඉදිරිපත් කර තිබිණි.

 මේ අනුව අදාළ පාර්ශ්වකරුවන් දෙදෙනා 22 දා කැඳවා අරණායක වැඩබලන පොලිස්‌ ස්‌ථානාධිපති පොලිස්‌ පරීක්‌ෂක ඩී. එම්. ජී. බී. දහම්පත් මහතාගේ උපදෙස්‌ පරිදි පැමිණිල්ල විභාග කළ විවිධ පැමිණිලි අංශයේ නියෝජ්‍ය ස්‌ථානාධිපති උප පොලිස්‌ පරීක්‌ෂක එස්‌. එච්. ජයරත්න මහතා ඔවුන් දෙදෙනාට අවවාද කර සිද්ධිය සමථයකට පත්කිරීමට පියවර ගත්තේය.

-ගරුමුණි තිලකරත්න-

Read More

බුලත් විටෙනුත් රු.10කට තට්ටු වෙයි

නිෂ්පාදන වියදම වැඩි බව පවසමින් රුපියල් 30ක්ව පැවැති බුලත් විටක මිල රුපියල් 10කින් ඉහළ දැමීමට බුලත් විකුණන වෙළෙඳුන් තීරණය කොට තිබේ.

ඒ අනුව දිවයින පුරා රුපියල් තිහකට අලෙවි වූ බුලත්විටක් රුපියල් 40කට අලෙවි කරන බව පවසති. පුවක් ගෙඩියක් රුපියල් හතරක තොග මිලකට අලෙවි වන බවත් බුලත් කොළයක තොග මිල රුපියල් තුනක් වන බවත් නිෂ්පාදකයෝ පවසති.  නිෂ්පාදන වියදම අධික වීම හේතුවෙන් බුලත්විට අලෙවි කිරීම තුළින් පාඩු සිදුවන බැවින් රුපියල් 10කින් ඉහළ  දැමීමට සිදුවූ බව බුලත්විට වෙළෙන්දෝ සඳහන් කරති.

-කේ.කේ.ආරියදාස-

Read More

අයිස් වැසි සමඟ ආ ටොනාඩොවෙන් කහටගස්දිගිලියේ නිවාස 120කට හානි

අයිස් වර්ෂාවත් සමග කහටගස්දිගිලිය ප්‍රාදේශීය ලේකම් කොට්ඨාසයට පසුගියදා ඇතිවූ ටොනාඩෝ තත්ත්වය හේතුවෙන් පුද්ගලයන් 626ක් පීඩාවට පත්වී නිවාස හා දේපළවලට රුපියල් ලක්ෂ පනහ ඉක්ම වූ අලාභයක් සිදුව ඇතැයි කහටගස්දිගිලිය ප්‍රාදේශීය ලේකම් කාර්යාලයේ ආපදා සහන ඒකකය සඳහන් කරයි. කහටගස්දිගිලිය ප්‍රාදේශීය ලේකම් කොට්ඨාසයට අයත් ග්‍රාම නිලධාරි වසම් හතකට පසුගිය 23දා සවස අයිස් වර්ෂාවක් සමග ඇති වූ දරුණු ටොනාඩෝ තත්වය හේතුවෙන් නිවාස 120ක පදිංචි පුද්ගලයන් 626 දෙනකු පීඩාවට පත් වී තිබෙන අතර නිවාස හයකට පූර්ණ හානි සිදුව තිබෙන බවත් එම ඒකකය සඳහන් කළේය.

හදිසියේ ඇතිවූ මෙම ටොනාඩෝ තත්වයන් පුංචිහල්මිල්ලෑව ප්‍රදේශයට බරපතළ හානි සිදුව තිබෙන අතර එම ප්‍රදේශයේ නිවාස 42කට හානී සිදුවී පුද්ගලයන් 237 දෙනෙක් පීඩාවට පත්වි සිටිති. ඊට අමතරව ටික්කම්පොතාන ප්‍රදේශයේ නිවාස හයකට හානි සිදුවී පුද්ගලයන් 28 දෙනකුත් දිවුල්වැව නිවාස හතරකට හානි සිදුවී පුද්ගලයන් 10ක් වැළිගොල්ලෑවේ නිවාස නවයකට හානි සිදුවී පුද්ගලයන්  48ක් කොහොඹගස්කඩ නිවාස 18ක් හානි සිදුවී පුද්ගලයන් 76ක්  මහවැව ප‍්‍රදේශයේ නිවාස 35කට හානි සිදුවී පුද්ගලයන් 112ක් හා කහටගස්දිගිලිය බටහිර ප්‍රදේශයේ නිවාස හයකට හානි සිදුවී පුද්ගලයන් 25 දෙනකු පීඩාවට පත්වී ඇති බව කහටගස්දිගිලිය ප්‍රාදේශීය ලේකම් ඩී.එම්. සුදර්ශන දිසානායක මහතාද  පැවැසුවේය.

පීඩාවට පත්වී සිටින පිරිස්  සම්බන්ධයෙන් සොයා බැලීමට අපදා පකළමනාකරණ අමාත්‍ය දුමින්ද දිසානායක මහතා ඇතුළු නිලධාරීන් පිරිසක් එහි පැමිණි බවත් ලැබී තිබෙන වාර්තතාවලට අනුව ඊයේ (25) දින සවස් වනවිට රුපියල් දසදහස බැගින් මූලික වන්දි පිරිනැමීම සිදුවන බවත් ප්‍රාදේශීය ලේකම්වරයා සඳහන් කළේය. අදාළ වන්දි ලබාදීම සඳහා චෙක්පත් සැකසීම කඩිනමින් ඊයේ (25) උදෑසන සිටම සිදුකළ බව ඒ මහතා පැවැසුවේය. ඇතිවූ ටොනාඩෝ තත්ත්වය නිසා ප්‍රදේශයේ පිහිටි විදුලි රැහැන් මතට විශාල ගස් කඩා වැටීමෙන් ලංකා විදුලි බලමණ්ඩලයේ දේපළ රැසකට රුපියල් ලක්ෂ හතර පමණ ඉක්ම වූ අලාභයක් සිදුව ඇතැයි උසස් නිලධාරියකු සඳහන් කළේය.

විදුලි රැහැන් කැඩි විදුලි කණු 10ක් විනාශ වී ඇති බවත් යම් හේතුවෙන්  විදුලි පාරිභෝගිකයන් හයදහසකට අධික පිරිසකට පීඩා සිදුවුණු බවත් ඊයේ (25) දිනය වනවිට බිඳවැටුම් සේවා පිළිසකර කර නැවත විදුලි සම්බන්ධතාවය ලබාදීමට පියවර ගත් බවත් එම නිලධාරියා වැඩිදුරටත් පැවැසීය. බආපදා තත්වය ඇතිවීමත් සමග කහටගස්දිගිලිය ප්‍රාදේශීය ලේකම් සුඳර්ශන දිසානායක මහතාගේ උපදෙස් මත කාර්යාල ග්‍රාම නිලධාරි වසම් හතෙහිම සංචාරයකර ජනතාවට අවශ්‍ය පහසුකම් ලබාදිමට හා බිඳවැටුණු සේවා නැවත යථා තත්වයට පත්කිරීමට අවශ්‍ය කටයුතු සිදුකළ බව කහටගස්දිගිලිය ආපදා සහන සේවා නිලධාරි දුලාන්ගික අනුරාධා  නිලගරත්න මහතා ප්‍රකාශ කළේය.


-බුද්ධික මහේෂ් විජේසුරිය-

Read More

අනේ බුදු සර් නෝනට නම් කියන්න එපා-ගංජා සමග කොටුවූ අයෙක් පොලිසියෙන් අයදී

විවාහයෙන් දින දෙකකට පසු ගංජා ළඟ තබා ගෙන පොලිසියට කොටු වූ පුද්ගලයකු පිළිබඳව කැලණිය පොලිසියෙන් වාර්ථාවේ.

 සිය විවාහක බිරිඳ නිවසට කැන්දාගෙන විත් දෙවැනි දිනයේ මෙලෙස පොලිසියට කොටු වූ ඔහු ගංජා පානයට තදින්ම ඇබ්බැහිව සිට ඇත.

 විවාහයට පෙර ගංජාලෝලියෙකු ලෙස නිදහසේ ගංජා පානය කර ඇති ඔහු බිරිඳ නිවසට කැන්දා ගෙන ඒමෙන් පසුව ද පුරුද්ද අත්හැර ගැනීමට නොහැකි වීම නිසා බිරිඳට හොර රහසේ ගංජා ඉරීමට ගොස් මෙලෙස පොලිසියට කොටුවී ඇත.

 තමන් ගංජා ළඟ තබා ගැනීමේ වරදට පොලිස් අත්අඩංගුවට ගත් බව සිය බිරිඳට නොකියන ලෙස ඔහු පොලිසියෙන් ඉල්ලීමක් ද කර ඇත. අත්අඩංගුවට ගත් සැකකරු මහර අධිකරණයට ඉදිරිපත් කිරීමෙන් පසු ශරීර ඇප මත නිදහස් කර ඇති අතර 27 වනදා යළි අධිකරණය ඉදිරියේ පෙනී සිටින ලෙස නියෝග කර ඇත.

 -මංගලා මදුරප්පෙරුම-

Read More

ඥානසාර හිමි යළිත් ජපුර රෝහලට

සිරදඬුවම් ලබා බන්ධනාගාරගත කර සිටින බොදු බල සේනා සංවිධානයේ මහලේකම් ගලගොඩඅත්තේ ඥනසාර හිමියෝ රෝගාතුර වීම නිසා ඊයේ (25 වැනිදා) ශ්‍රී ජයවර්ධනපුර රෝහලට ඇතුළත් කර ඇත.

 මුත්‍රාශයේ ඇතිවූ ආබාධයක්‌ හේතුවෙන් උන්වහන්සේව මෙසේ රෝහල්ගත කර ඇති බව රෝහල් ආරංචිමාර්ග සඳහන් කරයි.

 අධිකරණයට අපහාස කිරීමේ චෝදනාවට වරදකරු වූ උන්වහන්සේට වසර හයක සිර දඬුවම් නියමව බන්ධනාගාර ගත කර තිබේ.

Read More

අලියා දැක බිය වී ත්‍රීරෝද රථයෙන් පැන දිවූ එකම පවුලේ සිවුදෙනා වේගයෙන් ආ මෝටර් රථයේ ගැටෙයි-දෙදෙනෙක් මිය ගිහින්

පොතුවිල් කුංඤ්ඤං ඕඩය ප්‍රදේශයේ 24 වැනිදා සිදුවූ රිය අනතුරකින් තිදෙනකු මියගොස්‌ එක්‌ අයකු අසාධ්‍ය තත්ත්වයෙන් රෝහල් ගතකර ඇතැයි පොතුවිල් පොලිසිය පවසයි.

අක්‌කරපත්තුව දෙස සිට පොතුවිල් දක්‌වා ධාවනය වෙමින් තිබුණු ත්‍රිරෝද රථයක ඉන්ධන අවසන් වීම හේතුවෙන් මෙම අනතුර සිදුවූ ස්‌ථානයේ ත්‍රිරෝද රථය නතර වී ඇත. ඉන් අනතුරුව එය මගීන් සමඟ එම ස්‌ථානයේ දමා ත්‍රිරෝද රථයේ රියදුරු ඉන්ධන රැගෙන ඒම සඳහා ගොස්‌ තිබේ. එම අවස්‌ථාවේ වන අලියකු පැමිණීම හේතුවෙන් කලබල වූ ත්‍රිරෝද රථයේ සිටි පිරිස බියවී පාර පැන යෑමට උත්සාහ කළ අවස්‌ථාවේ පැමිණි මෝටර් රථයක මොවුන් ගැටී ඇති බව ආරංචි මාර්ග පවසයි.

මෙම අනතුර 24 වැනිදා සවස 6.30 ට පමණ සිදුවී ඇත. මෙම අනතුරින් මියගොස්‌ තිබෙන්නේ මුහුදු මහ විහාර මාවත පොතුවිල් 3 ප්‍රදේශයේ පදිංචි එකම පවුලේ තිදෙනකු වන වයස අවුරුදු 34 ක අම්මා, මාස 6 ක්‌ වයසැති දුව සහ වයස අවුරුදු 11 ක පුතා බව පොලිසිය පවසයි. වයස අවුරුදු 12 ක දුව අසාධ්‍ය තත්වයෙන් මඩකලපුව රෝහලට ඇතුළත් කර ඇති බව ද පොලිසිය සඳහන් කරයි.

මියගිය අයගේ මෘතදේහ දෙකක්‌ පොතුවිල් රෝහලේ ද එකක්‌ අක්‌කරපත්තු රෝහලේ ද තැන්පත් කර ඇත. මෙම පිරිස අනතුරට ලක්‌ කරන ලදැයි සැක කරන මෝටර් රථය සහ එහි රියදුරු අත්අඩංගුවට ගෙන ඇත. සැකකාර මෝටර් රථ රියදුරු බන්ධනාගාර ගත කර ඇතැයිද පොලිසිය වැඩිදුරටත් පවසයි. පොතුවිල් පොලිසිය වැඩිදුර පරීක්‍ෂණ සිදු කරයි.

 - දිනේෂ් චන්ද්‍රපාල-

Read More

රෝසිගේ වැසිකිළියට ලක්ෂ 80යි, සබීතාගේ බිල්ඩිමට මිලියන 27යි -ගුරුවරුන්ගේ වැටුප් වැඩි කරන්න අණ්ඩුවට සල්ලි නැලූ

රෝසි නෝනාගේ වැසිකිළියට රුපියල් ලක්ෂ 80යි. සබීතා නෝනගේ බිල්ඩිමට රුපියල් මිලියන 27 1/2යි. නමුත් මේ රටේ ගුරුවරුන්ගේ වැටුප් වැඩි කරන්න ආණ්ඩුව මුදල් නැහැ කියනවා. මේක තමයි අද රටේ සැබෑ තත්ත්වය යැයි ඒකාබද්ධ විපක්ෂ මන්ත්‍රි සිරිල් සමන් කුමාර පවසයි. ඔහුගේ එම ප්‍රකාශයක් ගැන එජාප මන්ත්‍රිවරුන් පිරිසක් විරෝධය පළ කිරීම නිසා 25දා පැවැති දකුණු පළාත් සභා රැස්වීම නොසන්සුන්කාරී තත්ත්වයකට පත් විය. ටී.වී.කේ ගාමිණි, රංජිත් මුණසිංහ, ජයසිරී නානායක්කාර යන මන්ත්‍රිවරුන් පිරිස (එජාප) නැගී සිටිමින් සිදුකළ  වාග් ප්‍රහාරයක් හේතුවෙන් මේ තත්ත්වය උද්ගත විය.

මෙහිදී වැඩිදුරටත් අදහස් දැක්වූ මන්ත්‍රී සිරිල් ගුරුවරුන්ගේ පඩි වැඩි කිරීම් හා දීමනා වැඩි කිරීම්වලට ආණ්ඩුවට මුදල් නැහැ කියනවා. රෝසි නෝනාගේ වැසිකිළියට රුපියල් ලක්ෂ 80යි. සබීතා නෝනාගේ බිල්සමට රුපියල් මිලියන 27 1/2ක් ගෙවා විනාශයක් කරනවා. මෙහෙම විනාශයක් සිදු කරන ආණ්ඩුව ගුරුවරුන්ගේ ප්‍රශ්නවලට පිළිතුරුක් දේවිද? මීට ප්‍රායෝගිකව පිළිතුරක් ලබා දෙන්න පුළුවන්ද?


-තරිඳු භාග්‍ය විජේහේවා-

Read More

තෙල් බැරල්-ගෑස් ටැංකි-රුපියල අරන් දකුණේ විපක්ෂ මන්ත්‍රීවරු පළාත් සභාවට ඇවිත්

ගෑස් මිල ඉහළ යැම, ඉන්ධන මිල ඉහළ යෑම හා රුපියල බාල්දු වීම යන කාරණාවලට විරුද්ධත්වය පළ කරමින් 25 දින දකුණු පළාත් සභාව ඉදිරිපිටදී විරෝධතාවක් පැවැත්විණි. දකුණු පළාත් සභාව නියෝජනය කරන ඒකාබද්ධ විපක්ෂ (එජනිස) මන්ත්‍රිවරුන් මෙම විරෝධතාව පැවැත්විය. 25 දින දකුණු පළාත් සභා රැස්වීම ආරම්භ වීමට  ප්‍රථමයෙන් මෙම විරෝධතාව පැවැත්විණි.

බද්දේගම සමිත හිමි, ආරියවංශ ෂම්මු, ඒ.පී.සී. පියසිරි, චන්න සාලිය යන  මන්ත්‍රිවරුන් මෙම විරෝධතාවට එක්විය. ඉන්ධන බැරලයක්, ගෑස්  ටැංකියක් සමඟින් මන්ත්‍රීවරුන්  විරෝධතාවට එක් විය. චන්න සාලිය මන්ත්‍රිවරයා රුපියලේ ආකෘතියක් තනා එය බාල්දියක් ඇතුළට දමා රුපියල බාල්දු වීම සම්බන්ධයෙන් විරෝධතා පාඨ කියමින් පළාත් සභා රැස්වීම් ශාලාවට පැමිණියහ.

-ටී.විතානවසම්-

Read More

මධුසමයේ දෙවැනි දවසේ ගංජා බොන්න ගහින් මාට්ටු වෙලා

විවාහයෙන් දින දෙකකට පසු ගංජා ළඟ තබා ගෙන පොලිසියට කොටු වූ පුද්ගලයකු පිළිබඳ කැලණි පොලිසියෙන් වාර්තා වේ. සිය විවාහක බිරිය නිවසට කැන්දාගෙන විත් දෙවැනි දිනයේ මෙලෙස පොලිසියට කොටුවූ ඔහු ගංජා පානයට තදින්ම ඇබ්බැහිව සිට ඇත. විවාහයට පෙර ගංජා ලෝලියකු ලෙස නිදහසේ ගංජා පානය කර ඇති ඔහු බිරිය නිවෙසට කැන්දාගෙන ඒමෙන් පසුවද පුරුද්ද අත්හැර ගැනීමට නොහැකි වීම නිසා බිරියට හොර රහසේ ගංජා ඉරීමට ගොස් මෙලෙස පොලිසියට කොටුවී තිබේ.

ගංජා ළඟ තබා ගැනීමේ වරදට තමන් පොලිස් අත්අඩංගුවට ගත් බව සිය බිරියට නොකියන ලෙස ඔහු පොලිසියෙන් ඉල්ලීමක්ද කර ඇත. අත්අඩංගුවට ගත් සැකකරු මහර අධිකරණයට ඉදිරිපත් කිරීමෙන් පසු ශරීර ඇප මත නිදහස් කර 27 වැනිදා යළි අධිකරණය ඉදිරියේ පෙනී සිටින ලෙස නියෝග කර ඇත.


-කුසුම්.එස්.හැන්නදි-

Read More

මෛත්‍රී හා රාජපක්‌ෂ පවුලම ඝාතන කුමන්ත්‍රණයක්‌ තිබුණා -නාමල් කුමාරගේ මිතුරු ඉන්දීය ජාතිකයා සී.අයි.ඩී.යට හෙළි කරයි.

ජනාධිපති මෛත‍්‍රිපාල සිරිසේන, හිටපු ආරක්ෂක ලේකම් ගෝඨාභය රාජපක්‍ෂ යන මහත්වරුන් පමණක් නොව හිටපු ජනාධිපති මහින්ද රාජපක්‍ෂ මහතාත්, ඒ මහතාගේ පවුලේ සෙසු සාමාජිකයනුත් ඝාතනය කිරීමේ කුමන්ත‍්‍රණයක් තිබූ බවට සැකකාර ඉන්දියානු ජාතිකයා ප‍්‍රකාශයක් ලබාදී ඇතැයි අපරාධ පරීක්‍ෂණ දෙපාර්තමේන්තුව ඊයේ (25 දා) පස්වරුවේ කොටුව මහෙස්ත‍්‍රාත් අතිරේක දිසා විනිසුරු ලංකා ජයරත්න මෙනවියට දැනුම් දුන්නේය.

දූෂණ විරෝධී බළකායේ අධ්‍යක්‍ෂ නාමල් කුමාර නමැත්තා සමඟ සබඳතා පවත්වා ඇති එම්. තෝමස්‌ නමැති ඉන්දීය ජාතිකයා ලබාදුන් ප්‍රකාශවලදී ඒ බව අනාවරණය කර ඇති බැවින් කවුරුන් කා සමඟ එලෙස කුමන්ත්‍රණය කළේ ද යන කරුණු අනාවරණය කර ගැනීම සඳහා දීර්ඝ ලෙස විමර්ශන සිදුකරනා බවද අපරාධ පරීක්‍ෂණ දෙපාර්තමේන්තුවේ ප්‍රධාන පොලිස්‌ පරීක්‍ෂක රංජිත් මුණසිංහ මහතා ඇතුළු නිලධාරීහු වැඩිදුරටත් අධිකරණයට දැනුම් දුන්හ.

සැකකාර ඉන්දියානු ජාතිකයාගෙන් වැඩිදුර ප්‍රශ්න කර විමර්ශන පවත්වා ඒ සම්බන්ධයෙන් අධිකරණයට කරුණු වාර්තා කරනා ලෙසට එහිදී අපරාධ පරීක්‍ෂණ දෙපාර්තමේන්තුවට විනිසුරුවරිය නියෝග කළාය.

ජනාධිපතිවරයා හා හිටපු ආරක්‍ෂක ලේකම් ගෝඨාභය රාජපක්‍ෂ මහතා ඝාතනය කිරීමේ කුමන්ත්‍රණයක්‌ ඇති බවට අනාවරණය කළ දූෂණ විරෝධී බළකායේ නාමල් කුමාර නමැත්තාගේ කටහඬ සාම්පල් ලබා ගැනීම සඳහා ඔහු අද (26 දා) පෙරවරු 10.00 ට රජයේ රස පරීක්‍ෂක දෙපාර්තමේන්තුව වෙත ඉදිරිපත් කරනා ලෙසටද මහෙස්‌ත්‍රාත්වරිය එහිදී අපරාධ පරීක්‍ෂණ දෙපාර්තමේන්තුවට නියෝග කළාය.

නාමල් කුමාර නමැත්තා අපරාධ පරීක්‍ෂණ දෙපාර්තමේන්තුව භාරයේ රජයේ රස පරීක්‍ෂක දෙපාර්තමේන්තුව හමුවට ඉදිරිපත් කරනා ලෙසටද මහෙස්‌ත්‍රාත්වරිය එහිදී නියෝග කළාය. සංචාරක වීසා මත ශ්‍රී ලංකාවට පැමිණ ඇති එම්. තෝමස්‌ නමැති එම ඉන්දියානු ජාතිකයා වීසා කාලය අවසන් වීමෙන් පසුවත් රාගම ප්‍රදේශයේ පිහිටි කාමරයක්‌ කුලී පදනම මත ලබාගෙන ජීවත්වී ඇති බවත් ඔහු කිසිදු රැකියාවක්‌ කර නැති බවත් හෙළිවී ඇතැයි අපරාධ පරීක්‍ෂණ දෙපාර්තමේන්තුව එහිදී අධිකරණයට වැඩිදුරටත් දැනුම් දුන්නේය.

Read More