ශ්‍රී ලංකා නිදහස් පක්ෂයේ උප සභාපතිවරයකු ලෙස ද කටයුතු කළ හිටපු අමාත්‍ය මහින්ද සමරසිංහ මහතා එම පක්ෂයෙන් නෙරපා ඇති බව පක්‍ෂ ආරංචි මාර්ග පවසයි. ඒ අනුව ඔහු ශ්‍රී ලංකා නිදහස් පක්‍ෂ කළුතර දිස්ත්‍රික් නායක ධූරයෙන් සහ පානදුර ආසන සංවිධායක ධූරයෙන් ද ඉවත් කරනු ලැබ ඇතැයි එම පක්ෂයේ ප්‍රකාශකයෙක් පැවසීය. මහින්ද සමරසිංහ මහතා ඉවත් කිරීමෙන් හිස් වූ එම තනතුරු සඳහා බස්නාහිර පළාත් සභාවේ හිටපු අමාත්‍ය සුමිත්ලාල් මෙන්ඩිස් මහතා පත්කිරීමට නියමිත බවද එම ප්‍රකාශකයා කීවේය.
සමරසිංහ මහතා ශ්‍රී ලංකා පොදුජන පෙරමුණ හා එක්ව මැතිවරණයට තරග කිරීම හේතුවෙන් ඔහුට එරෙහිව පක්‍ෂ විනය කමිටුව විසින් ඉදිරිපත් කරන ලද වාර්තාවක් අනුව ශ්‍රී.ල.නි.ප සභාපති, හිටපු ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් රැස් වූ පක්‍ෂ මධ්‍යම කාරක සභාව මෙම තීරණය ගෙන ඇතැයි ද වාර්තා වේ.
පක්‍ෂය විසින් ගනු ලැබූ මෙම තීන්දුව අද (20) දිනයේදී මහින්ද සමරසිංහ මහතාට ලිඛිතව දැනුම්දීමට නියමිත බවද පක්ෂයේ එම ප්‍රකාශකයා පැවසීය.පක්ෂයේ හිටපු තවත් පාර්ලිමේන්තු මන්ත්‍රීවරයකු ඇතුළු තිදෙනකු සම්බන්ධයෙන් ද ඉදිරියේදී විනය ක්‍රියාමාර්ග ගැනීමට නියමිත බව ඔහු කීවේය.
සමරසිංහ මහතා ශ්‍රී ලංකා පොදුජන පෙරමුණ හා එක්ව මැතිවරණයට තරග කිරීම හේතුවෙන් ඔහුට එරෙහිව පක්‍ෂ විනය කමිටුව විසින් ඉදිරිපත් කරන ලද වාර්තාවක් අනුව ශ්‍රී.ල.නි.ප සභාපති, හිටපු ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් රැස් වූ පක්‍ෂ මධ්‍යම කාරක සභාව මෙම තීරණය ගෙන ඇතැයි ද වාර්තා වේ.
පක්‍ෂය විසින් ගනු ලැබූ මෙම තීන්දුව අද (20) දිනයේදී මහින්ද සමරසිංහ මහතාට ලිඛිතව දැනුම්දීමට නියමිත බවද පක්ෂයේ එම ප්‍රකාශකයා පැවසීය.පක්ෂයේ හිටපු තවත් පාර්ලිමේන්තු මන්ත්‍රීවරයකු ඇතුළු තිදෙනකු සම්බන්ධයෙන් ද ඉදිරියේදී විනය ක්‍රියාමාර්ග ගැනීමට නියමිත බව ඔහු කීවේය.
(ඩයනා උදයංගනී)
