ආර්ජන්ටිනාවේ අපරාජිත ගමන බිඳදමා සෞදි අරාබිය ලෝක කුසලානයට අවතීර්ණ වෙයි

දෙවරක් ලෝක කුසලානය දිනූ ආර්ජන්ටිනා කණ්ඩායම පරාජය කර ලෝක කුසලානයේ දැවැන්ත පියවරක් ඉදිරියට තැබීමට සෞදි අරාබිය සමත්විය. ඒ ‘සී’ කාණ්ඩය යටතේ ඊයේ (22දා) පැවැති තරගයෙන් ගෝල 2-1ක ජයක් හිමිකර ගනිමිනි. මෙම තරගය ලුසෙලිහිදී පැවැත්විණි. තරගයේ 10වැනි මිනිත්තුවේදී ආර්ජන්ටිනාවට හිමිවූ දඬුවම් පහරක් ගෝලයක් බවට පරිවර්තනය කිර්මට සුපිරි ක්‍රීඩක ලයනල් මෙසී සමත්විය. ඉන් අනතුරුව ආර්ජන්ටිනාව ගෝල කිහිපයක් වාර්තා කළද, එය 'ඕෆ් සයිඩ්' ලෙස විනිසුරුවන් විසින් සටහන් කළේය. ඒ අනුව පළමු අර්ධය නිමා වූයේ ගෝල 1-0ක් ලෙසින් ආර්ජන්ටිනාව ඉදිරියෙන් පසුවෙමිනි. කෙසේ වෙතත් දෙවැනි අර්ධයේ 48වැනි මිනිත්තුවේදී ක්‍රියාත්මක වූ යායා අල් ෂාහිරි සෞදි අරාබියට ගෝලයක් වාර්තා කර දුන්නේය. ඉන් මිනිත්තු 05ක් ගතවද්දී ක්‍රියාත්මක වූ අල් දව්සාරි දෙවැනි ගෝලයද කණ්ඩායමට වාර්තා කරදුන්නේ ආර්ජන්ටිනාවට පරාජයේ මාවත විවර කර දෙමිනි.  ඉන් අනතුරුව සෞදි අරාබි දැල ආක්‍රමණය කිර්මට ආර්ජන්ටිනාව කිහිපවිටක්ම උත්සාහ ගත්තද, සෞදි ක්‍රීඩකයන්ගේ දක්‍ෂ ආරක්ෂක ක්‍රියා පිළිවෙත හේතුවෙන් එය ව්‍යර්ථ විය. මේ සමගින් අන්තර්ජාතික තරග 36ක් අපරාජිතව සිටිමින් ආර්ජන්ටිනාව පාපන්දු පිටියේ තබා තිබූ වාර්තාව බිඳී ගියේය. ආර්ජන්ටිනාව වත්මන් පුහුණුකරු ලා ඇලබිසෙලෙතේ යටතේ 2019 වර්ෂයේ පටන් අපරාජිතව සිටියේය. මෙම තරගය ජයගත්තේනම් ආර්ජන්ටිනාවට වැඩිම තරග ප්‍රමාණයක් (37) ජයගනිමින් ඉතාලිය  2021 වර්ෂයේදී පිහිටුවා තිබූ වාර්තාව සම කිරීමට හැකියාවක් තිබුණි.

ඩෙන්මාර්කය 0 - 0 ටියුනීසියාව

ඩෙන්මාර්කය හා ටියුනීසියාව අතර තරගය ඊයේ (22දා) සන්ධ්‍යාවේදී පැවැති අතර, එම තරගයේදී කිසිඳු කණ්ඩායමකට ගෝල වාර්තා කිරීමට නොහැකි විය. ‘ඩී’ කාණ්ඩය යටතේ පැවැති පළමු තරගය ලෙස මෙය එඩියුකේෂන් ක්‍රීඩාංගණයේදී පැවැත්විණි. 

මෙක්සිකෝව 0 - 0 පෝලන්තය

'සී' කාණ්ඩය යටතේ තරග වැදුණු මෙක්සිකෝව හා පෝලන්තයටද ගෝල වාර්තා කිර්මට නොහැකි වූ අතර, ඒ හේතුවෙන් එම තරගයද ජයපරාජයෙන් තොරව අවසන් විය. කෙසේ නමුත් මෙහිදී දඬුවම් පහර අවස්ථාවක් පෝලන්තයට හිමිවුවද, එය ගෝලයක් බවට පරිවර්ථනය කරගැනීමට ඔවුන්ට නොහැකි විය. 'ක්‍රීඩාංගණය 974'හි පැවැති මෙම තරගය මෙරට වේලාවෙන් ඊයේ (22දා) රාත්‍රී 11.30ට අවසන් විය. 

ඇමරිකාව 1 - 1 වේල්සය

අල් රයාන් ක්‍රීඩාංගණයේ පැවැති ඇමරිකාව හා වේල්සය අතර තරගයේදී කණ්ඩායම් දෙකම ගෝල 1-1 බැගින් වාර්තා කිරීම හේතුවෙන් එම තරගය ජයපරාජයෙන් තොරව අවසන් විය. මෙම තරගයේ පළමු අර්ධය අවන් වනවිට ගෝල 1-0ක් ලෙස ඇමරිකාව ඉදිරියෙන් සිටියදී, දෙවැනි අර්ධයේ 82වැනි මිනිත්තුවේදී දඬුවම් පහරක් සාර්ථක කරගැනීමට වේල්සය සමත් වූ හෙයින් ඇමරිකානු කණ්ඩායමට ජයග්‍රහණයකින් තරගය අවසන් කිරීමට තිබූ අවස්ථාව අහිමිව ගියේය. වේල්සය මෙවර පාපන්දු ලෝක කුසලානයකට ක්‍රීඩා කරන්නේ වසර 64කට පසුව වීමද සුවිශේෂී වෙයි

(ඕෂත වරකපිටිය.)

Read More

2024 යොවුන් ලෝක කුසලානය ශ්‍රී ලංකාවේදී

එළඹෙන 2024 සහ 2027 වර්ෂයන්හිදී පැවැත්වෙන වයස 19න් පහළ යොවුන් එක්දින ලෝක කුසලාන ක්‍රිකට් තරගාවලියේ සත්කාරක රටවල් අන්තර්ජාතික ක්‍රිකට් සභාව (අයි.සී.සී.) විසින් පෙරේදා (13දා) ප්‍රකාශයට පත් කළ අතර, ඒ අනුව එළඹෙන 2024 වසරේ පැවැත්වෙන අදියරේ සත්කාරක අයිතිය ශ්‍රී ලංකාවට ලබාදී ඇත.මේ දක්වා (1988 - 2022) යොවුන් ලෝක කුසලාන තරගාවලි 14ක් පවත්වා ඇති අතර, ඉන් අවස්ථා දෙකකදී (2000, 2006) ශ්‍රී ලංකාව සත්කාරකත්වය ලබාදී ඇත. අවසන් වරට මෙම තරගාවලිය මෙම වසරේ ජනවාරි හා පෙබරවාරි මාසයන්හිදී බ.ඉ. කොදෙව් දූපන්හිදී පැවැත්විණි. මේ අතර එළඹෙන 2026 අදියරේ සත්කාරකත්වය සිම්බාබ්වේ සහ නැමීබියාවට ලබාදීමට අයි.සී.සී.ය කටයුතු යොදා තිබේ. එමෙන්ම විස්සයි20 ආකෘතියෙන් පැවැත්වෙන වයස. 19න් පහළ කාන්තා T20 ලෝක කුසලානයේ ඉදිරී අදියර දෙකෙහි සත්කාරක රටවල්ද අයි.සී.සී.ය විසින් ප්‍රකාශයට පත් කළේය. ඒ අනුව 2025 වසරේ අදියර සඳහා මැලේසියාවේ සහ තායිලන්තයද, 2027 අදියර සඳහා බංග්ලාදේශය සහ නේපාලයද සත්කාරකත්වය දරනු ඇත. 

Read More

රග්බි කණ්ඩායමේ නායිකාව කොරියාවේදි අතුරුදන්

ආසියානු සත් සාමාජික රග්බි තරගාවලියේ දෙවැනි අදියරට සහභාගිවීම සඳහා දකුණු කොරියාවට පැමිණ සිටින ශ්‍රී ලංකා කාන්තා කණ්ඩායමේ නායිකා දුලානි පල්ලෙකොණ්ඩගේ තරගාවලිය නිමාවීමෙන් අනතුරුව අතුරුදන්ව ඇත.  දුලානින්ගේ අතුරුදන්වීම සම්බන්ධයෙන් කණ්ඩායමේ කළමනාකාරිණිය කොරියානු රග්බි සංගමයේ නිලධාරින් හරහා පොලිසියට දැනුම් දී ඇති අතර සිදුවීම සම්බන්ධයෙන් ඉන්චෝන් නුවර නම්දෙංගු  පොලිසිය මේ වන විට විමර්ශනයක් ආරම්භ කර ඇත. තරගාවලියට සහභාගි වූ ශ්‍රී ලංකා පිරිමි සහ කාන්තා කණ්ඩායම් අද (14 වැනිදා) රාත්‍රී 11.30ට පමණ ශ්‍රී ලංකාව බලා ඉන්චෝන් ගුවන් තොටුපලින් පිටත්වීමට නියමිත අතර කොරියානු පොලිස් නිලධාරියකු කියා සිටියේ කණ්ඩායම කොරියාවෙන් පිටවීමට පෙර දුලානි සොයාගැනීම සඳහා උපරිම උත්සහ දරන බවය. හොං කොං කණ්ඩායමට එරෙහිව ශ්‍රී ලංකා කාන්තා කණ්ඩායම සහභාගි වූ පළමු අවසන් මහ තරගය ශ්‍රී ලංකා වේලාවෙන් පස්වරු 1.00ට පමණ අවසන් වූ අතර ඊට සහභාගි වූ ශ්‍රී ලංකා ක්‍රීඩිකාවෝ, ඉන් අනතුරුව පැවැති පිරිමි තෙවැනි ස්ථානය තේරීමේ තරගය නැරඹීම සඳහා ක්‍රීඩාගාරයේ අසුන්ගෙන සිටියහ.  පිරිමි තරගය නිමාවීමෙන් අනතුරුව කණ්ඩායම් දෙකම ක්‍රීඩක විවේකාගාර බලා ගිය අතර ඉන් අනතුරුව නායිකාව මාධ්‍ය හමුවේ අදහස් දැක්වීම සඳහා ද එක්වූවාය. එහිදී ඇය කණ්ඩායම ලැබූ පරාජයන් පිළිබඳවත්, තරග පරාජය වීම සඳහා කණ්ඩායමෙන් සිදුවූ අතපසුවීම් පිළිබඳවත් කරුණු දැක්වූවාය. කෙසේ වුවත් තරගාවලියේ ත්‍යාග ප්‍රදානෝත්සවයෙන් අනතුරුව ශ්‍රී ලංකා කණ්ඩායමේ කළමනාකාරිණීය දෙවරක්ම සිංහල බසින් නිවේදන නිකුත් කරමින් කියා සිටියේ තමා ඇතුළු කණ්ඩායම දුලානි සොයන බැවින් ක්‍රීඩාංගණයෙන් පිටත්ව යෑම සදහා වහාම කණ්ඩායමේ බස් රථය අසලට පැමිණෙන ලෙසය. තරගාවලිය නිමා වී පැයකට පමණ පසුව පිරිමි සහ කාන්තා කණ්ඩායම් දෙක රැගත් බස් රථය ක්‍රීඩකයන් නවාතැන් ගෙන සිටින හෝටලය බලා ක්‍රීඩාංගණයෙන් පිටත්ව ගිය අතර පිරිමි කණ්ඩායමේ කළමනාකරු සහ කාන්තා කණ්ඩායමේ කළමනාකාරිණිය ක්‍රීඩාංගණයේ රැදෙමින් දුලානි සෙවීම සඳහා පොලිසියටත්, කොරියානු රග්බි නිලධාරින්ටත් සහාය දැක්වූහ.

(ශානුක අරවින්ද දකුණු කොරියාවේ ඉංචියොන් නුවර සිට)

Read More

විස්සයි 20 ලෝක කුසලාන ක්‍රිකට් තරගාවලිය

විස්සයි20 ලෝක කුසලාන තරගාවලියේ ශ්‍රී ලංකා කණ්ඩායමට තීරණාත්මක තවත් තරගයක් නවසීලන්ත කණ්ඩායමට එරෙහිව සිඩ්නිහිදී හෙට (29දා ) ආරම්භ වීමට නියමිතය. ශ්‍රී ලංකාව තරග වදින 'ඒ' කාණ්ඩයේ ප්‍රසාද ලකුණු සටහන අනුව (අද පැවැත්වෙන ඇෆ්ගනිස්තානු-අයර්ලන්ත තරගය සහ ඔස්ටේ‍්‍රලියානු-එංගලන්ත තරග පැවැත්වීමට පෙර) නවසීලන්තය ප්‍රසාද ලකුණු 03ක් ලබමින් (තරග 02ක් ක්‍රීඩා කර එක් තරගයක් ජය ගනිමින් පෙරමුණ හිමි කරගෙන තිබූ අතර, ශ්‍රී ලංකාව එහි දෙවැනි ස්ථානයට පත්ව ඇත්තේ ප්‍රසාද ලකුණු 02ක් (තරග 02ක් ක්‍රීඩා කර එක් තරගයක් ජය ගනිමින්) ලබමිනි. ඒ අනුව ඔස්ට්‍රේලියාව, එංගලන්තය, ඇෆ්ගනිස්තානය, අයර්ලන්තය, නවසීලන්තය සහ ශ්‍රී ලංකාව යන රටවල් අතර 'ඒ' කාණ්ඩයේ ප්‍රසාද ලකුණු සටහනේ පෙරමුණ හිමිකර ගැනීමට සටනක් නිර්මාණය වී ඇත.

ශ්‍රී ලංකා කණ්ඩායම ඔස්ට්‍රේලියාව හමුවේ ලද අමිහිරි පරාජය අමතක කර, මෙම තරගය තවත් අලුත් තරගයක් සේ සිතා ක්‍රීඩා කළ යුතුය. ඔස්ටේලියානු තරගයේ සිදුවූ සුළු අත්වැරදීම් මෙම තරගයේදී සිදු නොවීමටත්, විශේෂයෙන් නායකයා වශයෙන් දසුන් ශානක පන්දු යවන්නන් මාරු කිරීමේදී සිදුකළ වැරදි පිළිබඳව තවදුරටත් අවබෝධ කරගත යුතුය. ඔස්ටේ‍්‍රලියානු තරගය ශ්‍රී ලංකාවෙන් ගිලිහී ගිය ප්‍රධානතම සාධකය වනුයේ ඔස්ටේ‍්‍රලියානු ඉනිමේ 14වැනි පන්දුවාරය යොමු කිරීමට දසුන් ශානක තීරණය කිරීමයි. එම අවස්ථාවේදී මහීෂ් හෝ ලහිරු පන්දු යැවීමට යොදා ගත්තේ නම් තත්ත්වය වෙනස් වීමට ඉඩ තිබුණි. ඔස්ටේ‍්‍රලියාව ශ්‍රී ලංකා කණ්ඩායමේ හොඳ රිමයක සිටි පන්දු යවන්නන් දෙදෙනා වූ වනිඳු හසරංගට දැඩි ප්‍රහාරයක් එල්ල කරමින් මහේෂ් තීක්ෂණ හමුවේ ආරක්ෂාකාරී පියවරක් අනුගමනය කළේය. කෙසේ වෙතත් මෙම තරගයේදී වනිඳු තමාගෙන් ගිලිහුණු රිය නැවත ලබාගත යුතුය. ඊට හේතුව වනුයේ නවසීලන්ත පිතිකරුවන් දඟපන්දු හමුවේ එතරම් ද සාර්ථකව ක්‍රීඩාකරන කණ්ඩායමක් නොවන හෙයිනි. එනිසා තෙවැනි විශේෂඥ දඟපන්දු යවනා වශයෙන් ධනංජයට පන්දුවාර  04ක් යැවීමට අවස්ථාව ලබාදිය යුතු අතර, අසලංකටද පන්දුවාර කිහිපයක් යොමු ද කිරීමේ අවස්ථාව ලබාදිය යුතුය.සිඩ්නි ක්‍රීඩාංගණය ශ්‍රී ලංකාවට වාසිදායක ක්‍රීඩාංගණයක් වන අතර ද සත්කාරක ඔස්ට්‍රේලියාව පවා සමහර අවස්ථාවලදී මෙම ක්‍රීඩාංගණයේදී ශ්‍රී ද ලංකාව හමුවේ පරාජයට පත්ව ඇත. ද එහෙයින් වැඩි ශ්‍රී ලංකා ප්‍රේක්ෂක සහභාගිත්වයක් සමගින් ශ්‍රී ලංකාවට ද මෙම ක්‍රීඩාංගණයේ ක්‍රීඩා කිරීමට අවස්ථාව ද හිමිවීම මවුබිමේදී ක්‍රීඩා කරනවා සේ  දැනෙනු ඇත. එම වාසිය ශ්‍රී ලංකාව මෙම තරගයේ ජයග්‍රහණයට උපරිමයෙන් භාවිත ද කළ යුතුය.අප පසුගිය ඔස්ට්‍රේලියානු තරගයට  පෙර පවසා සිටියේ, ශ්‍රී ලංකා ප්‍රමුඛ ද වේගපන්දු යවන්නන් කිහිපදෙනෙකුම මෙම තරගාවලියේදී ආබාධවලට ලක්ව ද සිටින නිසා ලහිරු කුමාර ඔහුගේ වගකීම ද හරිහැටි තේරුම් ගනිමින්, තරග දිනවන  පන්දු යැවීමකට යොමු විය යුතු බවයි. ළහිරු ඒ ආකාරයෙන්ම පරිණත පන්දු  යවන්නෙකු සේ ඔහුගේ කාර්යභාරය අකුරට ඉටුකිරීම නවසීලන්තයට හිතකර නොවනු ඇත. විශේෂයෙන් ළහිරුගේ පන්දුවල ද ඇති වේගය සහ ඉපිලීම නිසා නවසීලන්ත  පිතිකරුවන් මෙල්ල කර ගැනීම එතරම්ම  ඔහුට අපහසුනොවනු ඇත.  නවසීලන්ත පිතිකරුවන් අතරින් නායක කේන් විලියම්සන්ගෙන් ශ්‍රී ලංකාව ප්‍රවේසම් විය යුතුය. ඔහු මේ වන විට ලකුණු අතර නොමැති නිසා මෙම තරගය ලකුණු අතරට පිවිසීමට උපයෝගී කර ගනු ඇත. කුසල් මෙන්ඩිස් සහ පැතුම් නිස්සංක මේ වන විට ලකුණු අතර සිටින නිසා ශ්‍රී ලංකාව අවධානය යොමු කළ යුතු කරුණ වනුයේ මැදපෙළින් ඉක්මනින් ලකුණු නොලැබීමේ ගැටලුව පිළිබඳවයි. විශේෂයෙන් ධනංජය ද සිල්වා, චර්ත අසලංක සහ භානුක රාජපක්ෂ මෙය තරයේ අවබෝධ කරගෙන ක්‍රීඩා කළ යුතුය. භානුක රාජපක්ෂ සහ නායක දසුන් ශානක ඉතා ඉක්මනින් ලකුණු ඉඩෝරයට තිත තැබිය යුතු අතර, මෙම තරගය ශ්‍රී ලංකාව ජයගත යුතුම තරගයක් නිසා එය සිහියේ තබා ගනිමින් ඔවුන් දෙදෙනා ක්‍රීඩා කළ යුතුය. ශ්‍රී ලංකාවට මෙම තරගාවලියේ ලොකුම හිසරදය බවට පත්ව ඇත්තේ ක්‍රීඩකයන් ආබාධවලට ලක්වීමයි. මේ වන විට ශ්‍රී ලංකා කණ්ඩායමේ ආබාධ ලැයිස්තුව 05ක් දක්වා ඉහළ ගොස් තිබේ. මීට එක්වූ නවතම ක්‍රීඩකයා වනුයේ බිනුර ප්‍රනාන්දුය. බිනුර වෙනුවට අසිත ප්‍රනාන්දු නම් කර ඇති අතර, ඊට අයිසීසී අනුමැතියද හිමිව තිබුණි. මේ වන විට ශ්‍රී ලංකාව සහ නවසීලන්තය අතර විස්සයි20 තරග 19ක් පවත්වා ඇති අතර, ඉන් තරග 07ක් ශ්‍රී ලංකාවද තරග 10ක් නවසීලන්තයද ජයගෙන එක් තරගයක් ලකුණු සමව සහ  තවත් තරගයක් තීරණයක් නොමැතිව නිමාවට පත්ව ඇත. 

(පැතුම් ශ්‍රී විජේරත්න )

Read More

වේගපන්දුවට එරෙහිව දඟපන්දුව ජය සොයයි

විස්සයි20 ලෝක කුසලාන තරගාවලියේ ශ්‍රී ලංකා කණ්ඩායමට තීරණාත්මක තවත් තරගයක් සත්කාරක ඔස්ට්‍රේලියානු කණ්ඩායමට එරෙහිව පර්ත්හිදී අද (25දා) පැවැත්වීමට වීමට නියමිතය. මේ වනවිට ශ්‍රී ලංකාව තරගවදින කාණ්ඩය වන 'ඒ' කාණ්ඩයේ ප්‍රසාද ලකුණු 02ක් ලබමින් (එක් තරගයක් ක්‍රීඩා කර එය ජය ගනිමින්) ශ්‍රී ලංකාව දෙවැනි ස්ථානයට පත්ව ඇති අතර, ඔස්ට්‍රේලියාවට එහි හිමිව ඇත්තේ 06වැනි ස්ථානය හෙවත් අවසන් ස්ථානයයි. ඔවුන් නවසීලන්තයට එරෙහි තරගය පරාජයට පත්ව ඇති අතර, ඒ හෙයින් සත්කාරක බිමෙහි වාසියත් සමගින් නව උපක්‍රම සමගින් ඔවුන් අද පිටියට පිවිසෙනු ඇත. පර්ත් තණතීරුව කවදත් වේගපන්දු යවන්නන්ට වාසිදායක තණතීරුවක් වුවද ශ්‍රී ලංකා කණ්ඩායම ඒ සම්බන්ධයෙන් අනියත බියක් ඇතිකරගත යුතු නොවෙයි. ඊට හේතුව වනුයේ අයි.සී.සී.ය (ජාත්‍යන්තර ක්‍රිකට් කවුන්සිලය) සංවිධානය කරන තරගවලදී තණතීරු සැකසෙන්නේ සියයට පනහ පනහා සම්භාවිතාවක් කණ්ඩායම්වලට ලබාදෙමිනි. කෙසේ වෙතත් ශ්‍රී ලංකා කණ්ඩායම ඔස්ටේලියානු වේගපන්දු බලඇණිය අවතක්සේරු නොකළ යුතුය. මිචෙල් ස්ටාක්, පැට් කමින්ස් සහ ජෝෂ් හෙසල්වුඩ් ලොව මේ වනවිට ක්‍රීඩා කරන ප්‍රබලතම වේගපන්දු බලඇණියකි. ඊට මිෂෙල් මාෂ් සහ මාකස් ස්ටොයිනිස් එක්වූ කළ තර්ජනය දෙගුණ තෙගුණ කළ හැකිය. එහෙයින් ශ්‍රී ලංකාව මිෂෙල් මාෂ් වැනි වේගපන්දු යවන්නෙකුගෙන් ප්‍රවේසම් විය යුතුය.ඔස්ට්‍රේලියානු කණ්ඩායම මේ වනවිට හොඳ රිද්මයක සිටින ශ්‍රී ලංකා පන්දු යවන්නන් දෙදෙනා වන වනිඳු හසරංග සහ මහේෂ් තීක්ෂණ සම්බන්ධයෙන් දැඩි අවධානයකින් පසුවනවා නොඅනුමානයි. ඊයේ (24)දා ඔවුන්ගේ මාධ්‍ය හමුවට පැමිණි මිචෙල් මාෂ්ගේ අදහස් දැක්වීමෙන් ඒ බව සනාථ වේ. එහෙයින් ධනංජය ද සිල්වා වැනි පාර්ට් ටයිම්"පන්දු යවන්නෙකු භාවිත කරමින් ඔස්ට්රේලියාවේ අවධානය වෙනස් කිරීමේ සැලසුමකට යා යුතුය. ශ්‍රී ලංකාව ප්‍රමුඛ වේගපන්දු යවන්නන් කිහිපදෙනෙකුම මෙම තරගාවලියේදී ආබාධවලට ලක්ව සිටින නිසා ලහිරු කුමාර ඔහුගේ වගකීම හරිහැටි තේරුම් ගනිමින් තරග දිනවන පන්දු යැවීමකට යොමු විය යුතුය. එසේ වුවහොත් සත්කාරකයින් මෙන්ම  වත්මන් විස්සයි20 ලෝක ශුරයන් වන ඔස්ට්‍රේලියාවේ ලෝක කුසලාන ගමන දැඩි පසුබෑමකට ලක් කිරීමට හැකිවනු නියතය. ඔස්ට්‍රේලියා පිතිකරුවන් මේ වනවිට ලකුණු අතර නොමැති නිසා වෝනර්, නායක ෆින්චි, ස්ටෝයිනිස් සහ මැක්ස්වෙල් යන පිතිකරුවන්ව පිටියේ ස්ථාවර වීමට පෙර දවාගැනීමේ සැලසුමකට ගියහොත් මෙවර ලෝක කුසලානයේ බැරෑරුම කඩුල්ලක් පැන ගැනීමේ අවස්ථාවක් ශ්‍රී ලංකාවට නිර්මාණය වනු ඇත.ඊට අමතරව මේ වනවිට ලකුණු අතර සිටින කුසල් මෙන්ඩිස් එම රිද්මය මෙවැනි අත්‍යවශ්‍යම තරගවලදී ද පෙන්නුම් කළ යුතු අතර, ධනංජයට ආරම්භක පිතිකරු භූමිකාවේ තවදුරටත් ක්‍රීඩා කිරීමේ අවස්ථාව හිමි කරදිය යුතුය. එමෙන්ම වඩාත් කතාබහට ලක්වන චරිතය වන භානුක රාජපක්ෂ ඉතා ඉක්මනින් ලකුණු ඉඩෝරයට තිත තැබිය යුතු අතර, තරගාවලියේ වඩාත් ප්‍රබලතම කණ්ඩායමක් වන ඔට්‍රේලියාව හමුවේ එය සිදු කිරීමට හැකිනම් ඉදිරී තරගවලදී ක්‍රීඩා කිරීමට ඔහුගේ ආත්ම විශ්වාසය තහවුරු කරගත හැකිවේ. මේ වනවිට ශ්‍රී ලංකාව සහ ඔස්ට්‍රේලියාව අතර විස්සයි20 තරග 25ක් පවත්වා ඇති අතර, ඉන් තරග 10ක් ශ්‍රී ලංකාවද තරග 14ක් ඔස්ට්‍රේලියාවද ජයගෙන එක් තරගයක් පමණක් ලකුණු සමව නිමාවී තිබේ. " එහෙයින් මෙම තරගය හැදින්විය හැකි  වනුයේ වේගපන්දුවට එරෙහිව දඟපන්දුව ජය සොයන තරගයක් ලෙසයි.

(පැතුම් ශ්‍රී විජේරත්න)

Read More

ශ්‍රී ලංකාව සුපිරි 12ට යනවද , නැද්ද

ලෝක කුසලාන විස්සයි20 ක්‍රිකට් තරගාවලියේ සුපිරී 12ට සුදුසුකම් ලබා ගැනීමට පැවැත්වෙන තරගාවලියේ, ශ්‍රී ලංකාව සහභාගී වන තීරණාත්මක තරගය අද (20) පැවැත්වේ . මෙය 'ඒ' කාණ්ඩයේ තරගයක් ලෙසින් නෙදර්ලන්තය සමගින් පැවැත්වේ . මෙම තරගය ශ්‍රී ලංකාව ජය ගතහොත් ඔවුන්ට ලෝක කුසලාන ප්‍රධාන වටයට (සුපිරි 12) සුදුසුකම් ලබාගැනීමට වැඩි අවස්ථාවක් හිමි වෙයි.  ශ්‍රී ලංකාව මේ වන විට එක් තරගයක් පරාජය වී හා එක් තරගයක් ජයගෙන +0.600ක දළ ලකුණු ලබාගැනීමේ වේගය සහිතව, 'ඒ' කාණ්ඩයේ ප්‍රසාද ලකුණු සටහනේ තෙවැනි ස්ථානයට පත්ව සිටියි. නෙදර්ලන්තය මෙම සටහනේ ඉදිරියෙන්ම පසුවන්නේ සහභාගී වූ තරග දෙකම ජයගෙන ප්‍රසාද ලකුණු 04ක් හා +0.149ක දළ ලකුණු ලබා ගැනීමේ වේගයක් සහිතවය.කෙසේ වෙතත් ප්‍රසාද ලකුණු සම වුවහොත් දළ ලකුණු ලබා ගැනීමේ වේගය මත නෙදර්ලන්තය යම් හෙයකින් අද තරගය පරාජය වුවහොත් ඔවුන් තරගාවලියෙන් ඉවත්වීමේ අවදානමක් මතුවේ. ඒ මෙම සටහනේ දෙවැනි ස්ථානයේ පසුවන නැමීබීයාව, මෙම කාණ්ඩයේ ඉහළම දළ ලකුණු ලබාගැනීමේ වේගය (+1.277) හිමිකරගෙන සිටින බැවිනි. තරගාවලීයේ නැමීබියාව හා එ.අ.එමීර් රාජ්‍යය අතර තරගය අද සවස පැවැත්වීමට නියමිතව ඇත. යම් හෙයකින් ශ්‍රී ලංකා - නෙදර්ලන්ත තරගයෙන් ශ්‍රී ලංකාව ජයගෙන, නැමීබියා - ඒ.අ.එමීර් තරගයෙන් නැමීබියාව ජයගතහොත්, දළ ලකුණු ලබාගැනීමේ . වේගය අනුව අනිවාර්යයෙන්ම නැමීබියාවට මෙම කාණ්ඩයේ පෙරමුණ හිමිවේ. ඒ අනුව නෙදර්ලන්තය තෙවැනි ස්ථානය දක්වා ඇදවැටෙන අතර, ශ්‍රී ලංකාවට දෙවැනි ස්ථානයේ රැඳී සිටීමට හැකි වෙයි. යම් හෙයකින් අද තරගය ශ්‍රී ලංකාව පරාජය වුවහොත්, ඔවුන්ට ලෝක කුසලානයට සුදුසුකම් ලබාගැනීමට නැමීබියා - එ.අ.එමීර් රාජ්‍යය අතර තරගයෙන් නැමීබියාව දරුණු පරාජයක් ලැබිය යුතුය. කෙසේ නමුත් තරගාවලියේ මේ දක්වා සහභාගී වූ තරග දෙකම පරාජය වී ප්‍රසාද ලකුණු සටහනේ සිව්වැනි ස්ථානයේ රැඳී සිටින එ.අ.එමීර් රාජ්‍යයට එවැනි පෙරළියක් සිදුකිරීමේ හැකියාව සීමා සහිතය. ශ්‍රී ලංකාව හා නෙදර්ලන්තය අතර විස්සයි20 තරග ඉතිහාසයේ මේ දක්වා පවත්වා ඇත්තේ තරග දෙකක් පමණක් වන අතර, එම තරග දෙකම ඉතා පහසුවෙන් ශ්‍රී ලංකාව ජයගෙන ඇත. එම අවස්ථා දෙකේදීම පළමුවෙන් පන්දුවට පහරදුන් නෙදර්ලන්තය ශ්‍රී ලංකා පන්දු යවන්නන් ඉදිරියේ ලකුණු 50 සීමාවටවත් නොපැමිණීම විශේෂත්වයකි. ඒ අනුව අද තරගයේදී නෙදර්ලන්ත පිතිකරුවන් පාලනය කිරීමේ වැඩි වාසියක් ශ්‍රී ලංකා කණ්ඩායමට හිමිවනු ඇත. 

(ඕෂින වරකපිටිය)

Read More

දූෂණ චෝදනාවකට නේපාල ක්‍රිකට් නායක අත්අඩංගුවට

17 හැවිරිදි දැරියක් දූෂණය කළ බවට චෝදනා ලබා සිටි නේපාලයේ ක්‍රිකට් කණ්ඩායමේ නායක 22 හැවිරිදි සන්දීප් ලමිච්චානේ නේපාල පොලීසිය විසින් ඊයේ (O6) දා දිනයේදී අත්අඩංගුවට ගනු ලැබීය. ලමිචාන්නේ මෙම චෝදනාවට ලක්වන විට සී.පී.එල්. ක්‍රිකට් තරගාවලියට ක්‍රීඩා කිරීම සඳහා කැරීබියානු දූපත් බලා පිටත්ව ගොස් සිටියේය. ඒ අනුව ඊයේ දිනයේදී ඔහු කත්මණ්ඩු නුවරට පැමිණි පසු ගුවන්  තොටුපළේදී පොලිස් භාරයට ගනු ලැබීය. පසුගිය මාසයේදී කත්මණ්ඩු නුවර හෝටලයකදී 17 හැවිරිදි දැරියක දූෂණය කළ බවට ලම්චානේට චෝදනා එල්ල විය. කෙසේ නමුත් මෙම චෝදනාවට ලක්වීමෙන් පසු ඔහු පසුගිය සතියේ සිය ෆේස්බුක් ගිණුමේ සටහනක් තබා දන්වා සිටියේ, මෙය පදනම් විරහිත චෝදනාවක් බවයි. කෙසේ නමුත් ඔක්තෝබර් 06වැනිදා නේපාලයට පැමිණ තමන්ට එරෙහිව ගෙන ඇති නීතිමය ක්‍රියාමාර්ගයට මුහුණ දෙන බවයි. නේපාලය වෙනුවෙන් වැඩිම එක්දින තරග සංඛ්‍යාවක් ක්‍රීඩා කර ඇති හා එරට වෙනුවෙන් එක්දින හා විස්සයි20 තරග බීමේ වැඩිම ජයග්‍රහණ ප්‍රතිශතයකට හිමිකම් කියා ඇති නායකයාද වන ලමිචානේ, මේ වන විට ජාත්‍යන්තර කඩුලු 154ක් බිඳහෙළා සිටියි. වයස අවුරුදු 18දී නේපාලය නියෝජනය කරමින් ජාත්‍යන්තර ක්‍රිකට් පිටියට අවතීර්ණ වූ ලම්චානේ, ලොව පුරා ඇති ප්‍රමුඛතම විස්සයි20 ලීගයන් රැසක් නියෝජනය කර කඩුලු 200කට ආසන්න සංඛ්‍යාවකට හිමිකම් කියයි.

(විශ්ව මුදියන්සේ )

Read More

සුසාල් ද සිල්වා ශ්‍රී ලාංකේය චෙස් ඉතිහාසය වෙනස් කරයි

ජාත්‍යන්තර ශ්‍රේණිගත ලකුණු 2,500 සීමාව පසුකළ පළමු හා එකම ශ්‍රී ලාංකේය චෙස් ක්‍රීඩකයා ලෙස කොළඹ නාලන්දා විද්‍යාලයේ සුසාල් ද සිල්වා මෙරට ක්‍රීඩා ඉතිහාසයට එක්විය. ඒ අන්තර්ජාතික චෙස් සම්මේලනය විසින් පසුගියදා සිදුකරන ලද නවතම ශ්‍රේණිගත කිරීම්වලට අනුව චෙස් ශ්‍රේණිගත ලකුණු 2,516ක් ලබා ගනිමිනි. අඩ සියවසක පමණ චෙස් ක්‍රීඩා ඉතිහාසයක් ඇති මෙරටට එවැනි දස්කමක් දැක්වීමට සුසාල් හැර වෙනත් කිසිදු චෙස් ක්‍රීඩකයෙකුට මෙතෙක් හැකියාවක් ලැබී නොමැත. තවමත් 15 හැවිරිදි වියේ පසුවන ක්‍රීඩකයෙකු වන සුසාල්, මේ වන විට අන්තර්ජාතික චෙස් 'මාස්ටර්'ශ්‍රේණියේ ක්‍රීඩකයෙකු වේ. දකුණු ආසියානු කලාපයේ රටවල් අතරින් ශ්‍රී ලංකාව හා ඉන්දියාව හැර ශ්‍රේණිගත ලකුණු 2,500 සීමාව ඉක්මවූ ක්‍රීඩකයන් බිහිවූ රටවල් නොමැතිවීම විශේෂත්වයකි. චෙස් ලෝක ශුරයන් පවා බිහිකළ ඉන්දියාවේද ශ්‍රේණිගත ලකුණු 2,500 සීමාව ඉක්මවා ක්‍රීඩකයන් බිහිවී ඇත්තේ 39දෙනෙකු පමණි. විදෙස් තරග සංචාරවලදී ජාත්‍යන්තර ශ්‍රේණිගත ලකුණු වැඩි චෙස් ක්‍රීඩකයන් පරාජය කර හා ඔවුන්ට එරෙහි තරග ජය පරාජයෙන් තොරව නිමාවට පත්කර සුසාද සිල්වා මෙම ඉලක්කයට ළඟා වී තිබේ. ඔහු මේ වනවිට ලෝක ක්‍රීඩක ශ්‍රේණිගත කිරීම්හි 754වැනි ස්ථානය හිමිකරගෙන ඇත. එමෙන්ම වත්මන් ක්‍රීඩා කරන ක්‍රීඩකයන් අතර ඔහුට 595වැනි ස්ථානය හිමිවී ඇත. එමෙන්ම ආසියානු කලාපයේ ක්‍රීඩාවේ රැඳී සිටින ක්‍රීඩකයන් අතරින් ඔහුට 84වැනි ස්ථානය හිමිවී තිබේ. වත්මන් ජාතික චෙස් ශුරයා වන සුසාල් ද සිල්වා  මේ වනවිට ජාතික ශුරතාව දෙවරක්ම හිමිකර ගෙන ඇත. ශ්‍රී ලංකා ජාතික චෙස් කණ්ඩායමේ නිත්‍ය සාමාජිකයෙකුද වන ඔහු, මෙම වසරේ මාලදිවයින්නේ පැවැති බටහිර ආසියානු චෙස් තරගාවලියේදී වයස 18න් පහළ විවෘත ශුරතාව දිනා ගන්නා ලදී.

(කරන්දෙණිය - එම්. සුසිල් ප්‍රියන්ත )

Read More

අයිසීසි විස්සයි20 ලෝක කුසලානයේ ප්‍රවේශපත්‍ර ලක්ෂ 05කට වැඩි ප්‍රමාණයක් විකිණෙයි

ජාත්‍යන්තර ක්‍රිකට් කවුන්සිලය (අයිසීසී) ලබන මස ඔස්ටේ‍්‍රලියාවේදී සංවිධානය කරන විස්සයි20 ලෝක කුසලානයේ ප්‍රවේශපත්‍ර මේ වන විට ලක්ෂ 05කට වැඩි ප්‍රමාණයක් විකිණී අවසන් බව අයිසීසීය නිවේදනයක් නිකුත් කරමින් පවසයි. 2020 වසරේ පැවැති කාන්තා විස්සයි20 ලෝක කුසලානයෙන් පසු පළමුවරට අයිසීසීය ඉසව්වක් සංවිධානය කරන ප්‍රථම අවස්ථාව මෙය වන අතර, මේ වන විට ලොව විවිධ රටවල් 82ක ප්‍රේක්ෂකයන්, තරග සඳහා ප්‍රවේශපත් ලක්ෂ 05කට වැඩි ප්‍රමාණයක් මිලදී ගෙන තිබේ. ජාත්‍යන්තර කණ්ඩායම් 16ක් තරග වදින මෙවර විස්සයි20 ලෝක කුසලානයේ අවසන් මහා තරගය නැරඹීම සඳහා ක්‍රීඩාලෝලීන් 86,174ක් මේ වන විටත් ප්‍රවේශපත්‍ර වෙන් කරගෙන තිබේ. එමෙන්ම පවුල් සඳහා ප්‍රවේශ විය හැකි මිල ගණන් යටතේ ළමා ප්‍රවේශපත්‍ර 85,000කට වඩා අලෙවි වී ඇති බව එම නිවේදනයේ දැක්වේ. මෙහිදී සියලුම පළමු වටයේ සහ සුපීරී 12 තරගවලට අදාළව ළමුන් සඳහා ප්‍රවේශපත්‍රයක් ඇමෙරිකානු ඩොලර් 05කටද. වැඩිහිටියන් සඳහා ඇමෙරිකානු ඩොලර්20 සිට මිලදී ගැනීමේ අවස්ථාව අයිසීසීය උදාකර දී තිබේ. මේ අතර ඔක්තෝම්බර් මස 23වැනිදා මෙල්බර් ක්‍රීඩාංගණයේ පැවැත්වෙන ඉන්දියාව සහ පාකිස්තානය අතර තරගයේ ප්‍රවේශපත්‍ර සියල්ල විකිණී අවසන් අතර, අලෙවිය ආරම්භ වී මිනිත්තු කිහිපයක් ඇතුළත අමතර ප්‍රවේශපත්‍ර නිකුත් කිරීමටද සිදුව තිබුණි. කෙසේ වෙතත් අයිසීසීය සඳහන් කරනුයේ තරගාවලිය ආරම්භ කිරීමට දින කිහිපයක් තිබියදී නැවතත් අමතර ප්‍රවේශපත්‍ර නිකුත් කිරීමට සුදානම් බවයි. සමහර තරග සඳහා පමණක් සීමිත ප්‍රවේශපත්‍ර ප්‍රමාණයක් මේ වන විට පවතින බවත්, යම් හෙයකින් අමතර ප්‍රවේශපත්‍ර ලබාගත හැකි අවස්ථාවක පොරොත්තු ලේඛනයට සම්බන්ධ වීමට ප්‍රේක්ෂකයන්ට සිදුවනු ඇති බවත් අයිසීසීය යොමු කළ නිවේදනයේ වැඩිදුරටත් සඳහන් වේ.

( පැතුම් ශ්‍රී විජේරත්න )

Read More

යුද්ධයකට නතර කළ නොහැකි වු රන් පදක්කම

රුසියාව විසින් අසල්වැසි යුක්රේනය ආක්‍රමණය කිරීමත් සමග අදටත් එරටට පෙනෙන මානයක හෝ සුගතියක් නොමැත. එරට වැසියන්ට පෙර සිටි තත්වයට පැමිණීමට තවත් බොහෝ කාලයකට හැකියාව නොලැබෙනු ඇත. බොහෝ යුක්රේන වැසියන් සිය රටින් පලාගිය අතර, ඇතැමුන් පෝලන්තයේ, ජර්මනියේ හා ස්පාඤ්ඤයේ වැනි අසල්වැසි රටවල සරළාගතයන් ලෙස දිවි ගෙවමින් සිටියි. කෙසේ නමුත් කුමන අභියෝග තිබුණත්, කොහේ සිටියත් යුක්රේන වැසියන් සිය රට නියෝජනය කිරීම අමතක නොකරයි. ක්‍රීඩාව එහි ප්‍රධාන තැනක් ගන්නා අතර, පසුගියදා ඇමෙරිකාවේ පැවැති ලෝක මලල ක්‍රීඩා ශූරතාවලියේදී යුරේර්නය පදක්කමක් දිනාගැනීම ඊට එක් පිළිතුරකි.ලෝකයක් ඉදිරීයේ යුක්රේනය ඉහළින්ම වැජඹ වූ තවත් සිදුවීමක් ඉන්දියාවෙන් වාර්තා විය. 44වැනි චෙස් ඔලිම්පියාඩ් තරගාවලිය චෙන්නායිහිදී පැවති අතර, එහි පසුගියදා (09දා) පැවැති කාත්තා ඉසව්වකදී රන් පදක්කමක් දිනාගැනීමට යුක්රේනය සමත් විය. කෙසේ නමුත් යුද්ධයෙන් බැටකන යුක්රේනුවන් සිටියදී, ඔවුන්ට මෙම ජයග්‍රහණයේ සතුට සැමරීමට වාසනාවක් හෝ වුවමනාවක් නොතිබුණි. මෙම ජයග්‍රහණයේ එක් කොටස්කාරියක් වන ඇනා උෂෙනිනා ඇගේ තරග ඉසව් ජයගැනීමෙන් පසු සතුටෙන් ඉපිදිය යුතු වුවත්, ඇය නිහඬව තරග බීමෙන් පැත්තට ගොස් ඇගේ සහායිකාවක වූ නටාලියා බුක්සාගේ තුරුලට වැටුණාය. සතුටක් නොතිබුණු උෂෙනියාට තිබුණේ කඳුළු සහ වැලඳ ගැනීමක් පමණි කෙසේ නමුත් මිලේච්ඡ රුසියානු ආක්‍රමණයකට මුහුණදුන් මිලියන සංඛ්‍යාත ජනතාවක්, ආහාර සහ නවාතැන් සඳහා අරගල කරන මොහොතක යුරේනයට මෙම රන් පදක්කම සැනසිල්ලට හේතුවක් වූ බව නම් නොරහසකි. පදක්කම් ප්‍රධානයෙන් අනතුරුව උෂෙනියා සිය රන් පදක්කම පෙන්වමින් වෙව්ලන කටහඩකින් කියා සිටියේ, යුද්ධයකට පදක්කමක් නැවැත්විය නොහැකි බවයි..

"කියාගන්න බැරි විශිෂ්ට හැඟීමක් දැනෙනවා. යුද්ධයකට පදක්කමක් නැවැත්විය නොහැකියි"ඇය පැවසුවාය. මෙම හඬ ශාලාව පුරා දෝංකාර දුන් අතර, බොහෝ වේලාවක් ශාලාවේ පැවතියේ නිහැඩියාවකි. 36 හැවිරිදි උෂෙනිනා, යුක්රේනයෙන් බිහිවූ පළමු කාන්තා චෙස් ලෝක ශුරියයි. ඇය රුසියානු දේශසීමාවේ සිට සැතපුම් 30ක් දුරින් පිහිටා තිබෙන රුසියානු ආක්‍රමණයේ දැඩි බලපෑමකට ලක් වූ කියෙව් නගරයේ ජීවත් වූ තැනැත්තියකි.

"අපි ජීවත් වුණේ රුසියානු දේශසීමාවට ඉතා ආසන්නව. ඒක භයානක කාලයක්. රුසියානු යුද ටැංකි එන බව ආරංචි වූ සැණින් කිසිම සුදානමක් නැතුව අපේ පවුලේ අය සමග පලායාම හැර වෙනත් විකල්පයක් අපට තිබුණේ නැහැ" යනුවෙන් ඇය පවසයි. රුසියානු ආක්‍රමණයෙන් යුක්රේනයේ සිටි පළපුරුදුම චෙස් ක්‍රීඩකයෙකු තවමත් යුක්රේනයට ගොස් නොමැති පසුබිමක, මෙම තරගාවලියට සහභාගි වූ උෂෙනිනා ඇතුළු පස්දෙනෙකුගෙන් යුත් කණ්ඩායමේ සෑම කෙනෙකුටම කියන්නට දුක් කතාවක් ඇත. ඒ අතරින් සහෝදරියන් වන ඇනා මුසිචුක් සහ මාරියා මුසිචුක්, යුක්රේනයේ ලිව් නගරයෙන් පලාගොස් මෙම තරගාවලියට පැමිණියේ ජර්මනියේ සහ ස්පාඤ්ඤයේ සිටය.

"යුද්ධයක් පිළිබඳ ආරංචියක් පැතිර ගියත්, රුසියාව අපිව ආක්‍රමණය කරන පළමු දවසෙත් සාකච්ඡාවක් තිබුණා" යැයි පසුගිය පෙබරවාරි 24වැනිදා සිදු වූ කනගාටුදායක සිදුවීමක් සිහිපත් කරමින් වැඩිමහල් පුසිචුක් පවසයි."උදේ හතට විතර මම ඇහැරුන්නේ සයිරන් සද්දයක් ඇහෙන නිසා. ඒක ටිකක් කම්පනයට පකළා. මොකද වෙන්නේ කියලා දන්නේ නැති නිසා මම මගේ දුරකථනය අතටගෙන ප්‍රවෘත්ති පරීක්ෂා කළා. මම දැක්කා ව්‍යසනයක්” යනුවෙන් ඇය පවසයි. "ඒ වෙනකොට බෙලාරූස් ඉදලා කියෙව්ව බෝම්බ ගැහුවා. ඔවුන් අපේ ගොඩනැගිලි විනාශ කළා. බටහිර සිට උතුර හරහා දකුණට ආක්‍රමණය කළා. අන්නේ දෙවියන්නේ, මේක යුද්ධයක්, අපි කුමක් කළ යුතුද? මායා, අවදි වන්න, සයිරත්වලට සවන් දෙන්න, යුද්ධය පටන්ගෙන, මම මගේ සහෝදර්යට කීවා” යැයි ඇය තවදුරටත් පැවසුවාය. "එදින රාත්‍රියේ ගුවන් ගමන් නවතා තිබූ අතර, දු න්ට පින් තිබුණා. මගේ සහෝදරියයි මමයි මල්ලක් සහ ලැප්ටොප් එකත් එක්ක තදබදයෙන් පිරුණු බස් රථයකින් පෝලන්ත දේශ සීමාවට ළඟා වුණා. අපි ගොඩක් දුකෙන් හිටියේ. මොකද අපට අපේ රට දාලා යන්න ඕන නැති නිසා. මම මගේ නගරයට සහ මගේ මහල් නිවාසයට ආදරෙයි. නමුත් අපිට හැමෝම දාලා යන්න වුණා. අපේ දෙමාපියන්, අපේ ආච්චිලා සීයලා, අපේ නෑදෑයෝ වැඩි දෙනෙක් තවමත් සිටින්නේ යුක්රේනයේ” යනුවෙන් ඇය වැඩිදුරටත් පැවසුවාය. ඒ අනුව මෙම තරගාවලියට පැමිණියේ යුරේය හොඳම සුදානමකින් නොවූ නමුත්, ඔවුන් වඩාත්ම  අධිෂ්ඨානශීලී විය. ඔවුන් යුද්ධයේ බිහිසුණු බව දැක ඇති නිසා, ඔවුන්ට පීඩනය දැනුණේ නැත. දැන් ඔවුන්ට අවශ්‍ය වන්නේ උෂෙනිනා තරගයෙන් පසුව පැවසූ පරිදි සාමයයි.

(විශ්ව මුදියන්සේ)

Read More

තරගයට පැය කිහිපයක් තිබියදී ගුවන් යානයෙන් බැස්ස තරුෂි දෙවැනි වටයට

කොලොම්බියාවේ කැලි නුවරදී පැවැත්වෙන ලෝක ශුරතා කනිෂ්ඨ මලල ක්‍රීඩා තරගාවලියේ පෙරේදා (02දා) රාත්‍රියේ පැවැති මීටර 400 කාන්තා ඉසව්වේ තෙවැනි මූලික තරගයට සහභාගි වූ ශ්‍රී ලංකාවේ තරුෂි කරුණාරත්න තත්. 54.13ක දක්‍ෂතාවක් දක්වමින් එහි සිවුවැනියා ලෙස තරගය අවසන් කිරීමට සමත් විය. එමෙන්‍ම ඇය වාර්තා කළ මෙම කාලය හේතුවෙන් අවසන් පූර්ව වටයට සුදුසුකම් ලබාගැනීමට අවස්ථාව උදා විය මීටර 400 තරග ඉසවට ක්‍රීඩකාවන් 33 දෙනෙකු තරග වැදුණු අතර, එහිදී තරුෂි වාර්තා කළ කාලය අනුව ඇයට 16 වැනි ස්ථානය හිමි විය. මෙහි අවසන් පූර්ව වටයේ තරග ඊයේ (03දා) පැවැත්වීමට නියමිතව තිබුණද, එම තරග මෙරට වේලාවෙන් පැවැත්වෙන්නේ අද (04දා) අලුයම 3.30ට පමණය. මෙම තරගයේ අවසන් පූර්ව තරග තුනක් පැවැත්වෙන අතර, එහි පළමු තරගයට තරුෂි සහභාගි වීමට නියමිතව තිබිණි. මෙරට ක්‍රීඩා බලධාරින්ගේ නොසැලකිල්ල හේතුවෙන් තරුෂි කරුණාරත්න ඇතුළු ශ්‍රී ලංකා ක්‍රීඩක ක්‍රීඩිකාවන්ට නියමිත දිනට දිවයිනෙන් පිටත්ව යාමට නොහැකි විය. එහි ප්‍රතිඵලයක් ලෙස තරුෂිට මීටර 800 තරග ඉසව්වට සහභාගි වීමට නොහැකි විය. එමෙන්ම ඇය මෙම මීටර 400 තරගයට සහභාගි වූයේද පැය25කට අධික වෙහෙසකර ගුවන් ගමනකින් පසුවය. විශේෂයෙන් ඇය කොලොම්බියා වේලාවෙන් උදෑසන 9.35 එම තරගයේ මූලික තරගයට සහභාගි වන විට, ඇය ගුවන් යානයෙන් බැස ගතව තිබුණේ පැය. කිහිපයක් පමණි. මේ අතර තරුෂි මෙන්ම වෙහෙසකර ගුවන් ගමනකින් අනතුරුව පෙරේදා (02දා) පැවැති මීටර 400 කාන්තා කඩුලු පැනීමේ තරගයට අමීෂා හෙට්ටිආරච්චි සහභාගි වූවාය. කෙසේ නමුත් 05 වැනි මූලික තරගයට සහභාගි වූ ඇයට 07 වැනි ස්ථානය හිමි වූ අතර, ඒ හේතුවෙන් අවසන් පූර්ව වටයට සුදුසුකම් ලබාගැනීමට නොහැකි විය. තරගය අවසන් කිරීම සඳහා අමීෂා විනාඩි 1.02.11ක කාලයක් වාර්තා කළාය.එමෙන්ම අද (04දා) දිනයේදී ක්‍රීඩකයන් දෙදෙනෙකු තරග වදින අතර, එහිදී පසිඳු මෂාන් තුන්පිම ඉසව්වට හා රුමේෂ් තරංග හෙල්ල විසි කිම ඉසව්වට සහභාගි වීමට නියමිතව ඇත. මේ අතර කේ.ඩී.එම්. දර්ශන මීටර 400 කඩුලු මතින් දිවීමේ තරගයට ඊයේ (03)දා සහභාගි වීමට නියමිතව තිබිණි. තරගාවලියේ මෙතෙක් පැවති තරග අනුව ඇමරිකාව රන් පදක්කම් 02ක් දිනා පදක්කම් සටහනේ පෙරමුණේ රැදී සිටින අතර, 02 වැනි ස්ථානයේ සිට 05 වැනි ස්ථානය දක්වා එක් රන් පදක්කම බැගින් දිනා ඉතියෝපියාව, කෙන්යාව, දකුණු අප්‍රිකාව, බොට්ස්වානා, ප්‍රංශය, නෙදර්ලන්තය හා සර්බියාව රැදී සිටියි. මීට අමතරව තවත් රටවල් 11ක් අවම වීදී පදක්කමක් හෝ ලෝකඩ පදක්කමක් දිනා සිටියි. කෙසේ නමුත් තරගාවලියට සහභාගි වූ රටවල් 145කින් පදක්කම් දිනා ඇත්තේ රටවල් 16ක් පමණි. අසල්වැසි ඉන්දියාවද එක් රිදී පදක්කමක් දිනා පදක්කම් සටහනේ 12 වැනි ස්ථානයේ රැදී සිටියි.

(සංජීව ධර්මසේන)

Read More

තම පාවහන් යුගලය පිරිනමු මැලේසියානු පුහුණුකරුවා

පොදුරාජ්‍ය මණ්ඩලීය ක්‍රීඩා උළෙල බොහෝ විට "මිත්‍රශීලී ක්‍රීඩා උළෙලක්'' ලෙස හඳුන්වනු ලබන අතර, ඊට උදාහරණ ඕනෑතරම් තිබේ. මෙයද ඊට තවත් එක් උදාහරණයක් වන අතර, මෙය සිදුවුයේ පෙරේදා (30දා) පැවැති මැලේසියාව හා ජැමෙයිකාව අතර බැඩ්මින්ටන් කේවල තරගයක් අතරතුරදීය. ජැමෙයිකානු බැඩ්මින්ටන් ශූර රිකට්ස්, මැලේසියාවේ න්ග් ට්සි යන් අතර තරගය  පැවැත්වෙමින් තිබියදී, ජැමෙයිකානු ක්‍රීඩකයාගේ එක් සපත්තුවකට හානි සිදුවිය. කෙසේ නමුත් ඔහුට (රිකටිස්) අමතර සපත්තු යුගලයක් නොතිබූ බැවින්, ඔහු සිය හානි වූ සපත්තුව පැලඳගෙනම ක්‍රීඩා කිරීමට පිටියට ගියේය. හදිසියේම මැලේසියානු පුහුණුකරු හෙන්ඩ්‍රාවන්, ජැමෙයිකානු ක්‍රීඩකයා අසලට ගොස් ඔහුගේ පාද ප්‍රමාණය විමසීය. එහිදී හෙන්ඩ්‍රාවන්ට ජැමෙයිකානු ක්‍රීඩකයාගේ පාද ප්‍රමාණයද තමන්ගේ පාද ප්‍රමාණයට සමාන බව දැන ගැනීමට හැකි විය. එවෙලෙහි ක්ෂණිකව ක්‍රියාත්මක වූ හෙන්ඩ්‍රාවන්, සිය සපත්තු යුගලය ගලවා ජැමෙයිකානු ක්‍රීඩකයාට පිරිනැමුව. හෙන්ඩ්‍රාවන්ට සිය කෘතවේදීත්වය පළ කළ රික්ට්ස්, එම සපත්තු යුගලය පැලඳ තරග කළේය. කෙසේ නමුත් ඔහු තරග 2-0(21-12,21-16)ක් ලෙස මැලේසියානු ක්‍රීඩකයා හමුවේ පරාජය විය.

Read More

ඉන්දියානු ධනපතියෝ දකුණු අප්‍රිකාවේත් අධිපත්‍යය පතුරවති

දකුණු අප්‍රිකාවේදි පැවැත්වීමට නියමිත නවතම විස්සයි 20 ලිග් තරගාවලියේ කණ්ඩායම් සියල්ලම මිලදී ගැනීමට ඉන්දියානු ව්‍යාපාරිකයෝ සමත් වී ඇත.මෙම සියලු දෙනාම අයි.පී.එල් ක්‍රිකට් තරගාවලියේ කණ්ඩායම් හිමිකරුවන් වීම විශේෂත්වයකි.කණ්ඩායම් 06 සහභාගිත්වයෙන් යුත් මෙම තරගාවලියේ කණ්ඩායමක් වෙනුවෙන් වැඩිම ලංසුව ලබාදී ඇත්තේ චෙන්නායි සුපර් කිංග්ස් කණ්ඩායමයි.ඔවුන් තරගාවලියේ ජොහැන්නස්බර්ග් කණ්ඩායම වෙත මෙම ලංසුව ලබාදී ඇත.කෙසේ වෙතත් මෙම ලංසු පිළිබඳව මාධ්‍ය වෙත හෙළිකර නොමැත.මීට අමතරව මුම්බායි ඉන්දියන්ස් කණ්ඩායමේ හිමිකරුවන් වන රිලයන්ස් සමුහය ( මුකේෂ් අම්බානිට අයත් ) විසින් කේප්වුන් කණ්ඩායම මිලදී ගෙන ඇත.එමෙන්ම සන්රයිසස් හයිද්‍රාබාද් හිමිකරුවන් වන සන් ටී.වී සමුහය පෝට් එලිසබෙත් කණ්ඩායමත් ලක්නව් සුපර් ජයන්ට් හිමිකරුවන් වන සංජීව් ගොන්කා සමුහය විසින් ඩර්බන් කණ්ඩායමත් ,රාජස්ථාන් රෝයල්ස් හිමිකරුවන් විසින් පාල් කණ්ඩායමත්,දිල්ලි කැපිටල් සම හිමිකරු වන පාරක් ජින්දාල්ට අයත් ජිලදාල් සවුත් ටෙස්ට් ස්පෝට්ස් සමාගම විසින් ප්‍රිටෝරිය කණ්ඩායමත් මිලදී ගෙන ඇත .දකුණු අප්‍රිකානු ක්‍රිකට් ආයතනය විසින් සංවිධානය කරන මෙම තරගාවලිය එළඹෙන වර්ෂයේ ජනවාරි මසදී පැවැත්වීමට නියමිතවයි.

 

(ඕෂිත වරකපිටිය)

Read More

වික්ටෝරියා ලක්ෂ්මි දැල්පන්දුවේ බලය අල්ලයි

 ශ්‍රී ලංකා දැල්පන්දු සංගමයේ නව සභාපතිනිය ලෙස ආසියානු දැල්පන්දු සංගමයේඋපසභාපතිනියක වන වික්ටෝරියා ලක්ෂ්මි මහත්මිය තේරී පත්විය. ඇයට පක්ෂව ජන්ද21ක් හිමිවූ අතර, ඇයගේ ප්‍රතිවාදීනිය වූ හිටපු රූ රැජිනක් වන ක්ලැරිල් ටෝසර් මහත්මියට හිමිව තිබුණේ ඡන්ද 11ක් පමණි. ශ්‍රී ලංකා දැල්පන්දු සංගමයේ සභාපති ධුරය අවස්ථා කිහිපයකදීම හොබවා ඇති විටෝරියා ලක්ෂ්මි මහත්මිය මෙවර එම තනතුරට පත්ව තිබුණේ 2015 වසරෙන් පසුව වීමද සුවිශේෂීය. ශ්‍රී ලංකා දැල්පන්දු සංගමයේ නිලවරණය ක්‍රීඩා අමාත්‍යාංශ ඩන්කන් වයිට් ශ්‍රවණාගාරයේදී ඊයේ (30දා) ත්‍රිපුද්ගල නිලවරණ කමිටුවේ (විශ්‍රාමික විනිසුරු උපාලි අබේරන්න-සභාපති,පද්මජීනා සිරිවර්ධන -සාමාජීක සහ  කේ.ආර්.ඩී.සී. රත්නමුදලි-සාමාජික) අධීක්ෂණය යටතේ පැවැත්විණි. මෙවර නිලවරණයේදී සභාපති තනතුරට සිවුකොන් සටනක් නිර්මාණය වී තිබුණද, කොළඹ දිස්ත්‍රික් සංගමයෙන් පද්මා බැන්දේන්වෙල සහ ගම්පහ දිස්ත්‍රික් සංගමයෙන් වජිරා පුෂ්පකුමාර මහත්මීහු සිය නාමයෝජනා ඉල්ලා අස්කර ගන්න. වික්ටෝරියා ලක්ෂ්මි පාර්ශ්වය නියෝජනය කරමින් ලේකම් ධුරය සඳහා ඉදිරිපත් වූ වින්දනා දයාරත්න නව ලේකම්වරිය ලෙස පත්වුයේ ඡන්ද 20ක් හිමිකර ගනිමිනි. ඇයගේ ප්‍රතිවාදිනිය වූ බී.ඩී.එස්. සුමිත්‍රා මහත්මියට හිමිකර ගැනීමට හැකි වූයේ ඡන්ද 12ක් පමණි. මේ අතර විටෝරියා පාර්ශ්වයෙන් භාණ්ඩාගාරික තනතුර සඳහා ඉදිරිපත් වූ පමිණී හොරණගේ මහත්මිය නව  භාණ්ඩාගාරික ලෙස පත්වූයේද 17ක් ලබමිනි. භාණ්ඩාගාරික ධුරය සඳහා දැඩි තරගයක් නිර්මාණය වී තිබුණු අතර, ඇයගේ ප්‍රතිවාදිනිය වූ එම්.කේ.ජේ.එස්. ජයසූරිය මහත්මිය ඡන්ද 15ක් ලබාගැනීමට සමත් විය. වික්ටෝරියා ලක්ෂ්මි පාර්ශ්වය නියෝජනය කරමින් සිවුවරක් දැල්පන්දු ලේකම් ධුරය හෙබවූ ච ගුණවර්ධන උපලේකම් ධුරයට තරග කිරීමට නියමිතව තිබුණද, ඇය සිය නාමයෝජනාව ඉල්ලා අස්කර ගැනීමත් සමග ප්‍රතිවාදී පාර්ශ්වය නියෝජනය කළ නිදර්ශනා කුලේදිරන් එම ධුරයට නිතරගයෙන් තේරී පත්විය.වික්ටෝර්යා පාර්ශ්වයෙන් උපභාණ්ඩාගාරික තනතුර සඳහා ලයානි රේණුකා කුරුප්පු නාමයෝජස්නා ඉදිරිපත් කර තිබුණු අතර, ඇයගේ නාමයෝජනාවට එරෙහිව ප්‍රතිවාදී පාර්ශ්වයෙන් කිසිවෙකුත් නාමයෝජනා ඉදිරිපත් කර නොතිබීම හේතුවෙන් ඇය නිලවරණයට පෙර සිටම එම තනතුරට නිතරගයෙන් පත්ව තිබුණි. මෙවර නිලවරණය සඳහා මෙතෙක් සභාපති ධුරය දැරූ රංජනී ජයකොඩි, ලේකම් ධුරය දැරූ කුමුදුනී ගෝමස් සහ භාණ්ඩාගාරික ධුරය දැරූ සංජීවනී වනසිංහ යන අයගෙන් කිසිවෙකුත් ඉදිරිපත් නොවීමද කැපී පෙනෙන සිදුවීමකි. මේ අතර මෙවර නිලවරණයට දැල්පන්දු ක්‍රීඩා සමාජ සහ සංගම් 35ක් අතුරින් 32ක් පමණක් ඡන්දය භාවිත කිර්මට සුදුසුකම් ලබා තිබුණි.

(පැතුම් ශ්‍රී විජේරත්න)

Read More

ඉන්දිය සංචාරය කලින් තිබුණානම් දසුන්ටත් අයි.පී. එල් වරම්

විස්සයි20 තරග තුනකින් සමන්විත ඉන්දීය තරග සංචාරයට සහභාගි වූ ශ්‍රී ලංකා කණ්ඩායමට සිය තරගාවලිය නිමා කිරීමට සිදු වූයේ තරග 3-0ක පූර්ණ තරගාවලි පරාජයක් වැලඳ ගනිමිනි.පිත්තෙන් හෝ පන්දුවෙන් නැති නම් අඩුම තරමේ පන්දු රැකීමෙන්වත් ශ්‍රී ලංකාවට සතුටුවිය නොහැකි වූ මෙම තරගාවලියේ යම් තරමකින් හෝ අස්වැසිල්ලක් වූයේ නායක දසුන් ශානක හා පැතුම් නිස්සංක ලකුණු අතරට පැමිණීමයි. කෙසේ නමුත් මෙහිදී ප්‍රහාරත්මක පිතිහරඹයක නියැළුණු දසුන් ශානක මේ වනවිට ඉන්දීය ක්‍රීඩාලෝලීන් අතර යම් කතා බහක් ඇතිකර හමාරය. ශ්‍රී ලංකාව ක්‍රීඩා කළ අවසන් විස්සයි20 තරගයේදී දසුන් පන්දු 38කින් ලකුණු 74ක් රැස් කළ අතර, ඒ හේතුවෙන් ශ්‍රී ලංකා ගෙරවය ලකුණු 146ක් දක්වා රැගෙන ඒමට ඔහුට හැකි විය. මෙහි විශේෂත්වය වන්නේ දසුන් එම ඉනිම ගොඩනැගුවේ පන්දුවාර 09ක් අවසන් වන මොහොතක ලකුණු 29කට ඉනිමේ කඩුලු 04ක් බිඳ වැටී තිබියදීය. දෙරට අතර දෙවැනි විස්සයි20 තරගයේද දසුන් විශිෂ්ට පිතිහරඹයක් දියත් කළ අතර, එහිදී ඔහු ඉන්දීය ක්‍රීඩාලෝලීන් මෙම පන්දු යවන්නන් පවා මවිතයට පත් කරමින් දැවැන්ත හයේ පහර 05ක් සමගින් පන්දු 19කින් ප්‍රවේගකාරි ලකුණු 47ක් රැස් කිරීමට සමත් විය.ඒ අනුව දසුන්ගේ ඇදහිය නොහැකි වූ එම උත්සාහවන්ත ඉනිම් ගොඩනැගීමෙන් පසු ඉන්දීය ක්‍රීඩාලෝලීන් දසුන්ගේ පිතිහරඹය සමාජ මාධ්‍ය තුළින් ප්‍රශංසාවට ලක් කළේය.එහිදී ඇතමුන් පවසා සිටියේදසුන්ට ඉන්දීය ප්‍රිමියර් ලීග් කොන්ත්‍රාත්තුව අහිමි වූයේ ඇයි දැයි යනුවෙනි. එමෙන්ම තවත් සමහරු පවසා සිටියේ අයි.පී.එල්. ලංසු තැබීමේ ක්‍රීඩක වෙන්දේසිය ක්‍රියාවලිය මෙම තරගාවලියෙන් පසුව සිදු වූයේ නම් ඔහුගේ ඉරණම මීට වඩා වෙනස්විය හැකි බවයි. "දසුන් ශානකගේ පිතිහරඹය දැක්කම පුදුමයි. ඔහුට අයි.පී.එල්. කොන්ත්‍රාත්තුව මඟහැරුනේ කෙසේද?, විස්සයි20 ෆැන්වයිස් තරගවලට අවශ්‍ය සියලුම දක්‍ෂතා ඔහු සතුයි” යනුවෙන් එක් අයෙක් පවසා තිබුණි. එමෙන්ම තවත් අයෙකු පවසා සිටියේ, "අයි.පී.එල්. වෙන්දේසියට කලින්  මේ තරගාවලිය තිබුණා නම් ඔහුට ලේසියෙන්ම කෝටි 02ක් ගන්න තිබුණා” යනුවෙනි. මෙවර අයි.පී.එල්. ක්‍රීඩක වෙන්දේසියේදී දසුන් ශානකට ඉන්දීය රුපියල් ලක්‍ෂ 50ක මූලික වටිනාකමක් හිමිව තිබුණත් ඔහුව කිසිඳු කණ්ඩායමක් විසින් මිලදී ගනු නොලැබිණි. ඔහුට මෙම වසරේදී අයි.පී.එල්. වරම් හිමිවන්නේ නම්, ඒ ක්‍රීඩක වෙන්දේසියේ අලෙවි වූ ක්‍රීඩකයෙකු ආබාධයකට ලක්වුවහොත් හෝ වෙනත් විශේෂ හේතුවක් මත ක්‍රීඩා නාකරන්නේ නම් පමණි. ඒ අනුව දසුන්ට මෙම වසරේදී අයි.පී.එල්. වරම් හිමිවීම සීමා සහිත වනු ඇත.

(විශ්ව මුදියන්සේ)

Read More

ශ්‍රී ලංකා ක්‍රිකට් නඩුව හතුරුසිංහ ඉවත්කර ගනියි

තම කොන්ත්‍රාත් ගිවිසුම අවසන් වීමට පෙර ශ්‍රී ලංකා ජාතික ක්‍රිකට් කණ්ඩායමේ ප්‍රධාන පුහුණුකාර ධුරයෙන් ඉවත් කිරීමට එරෙහිව ස්විස්ර්ලන්තයේ ලුසෑන්හි ක්‍රීඩා බේරුම්කාරක උසාවියේ ගොනු කර තිබූ නඩුව ඉවත් කර ගැනීමට චන්දික හතුරුසිංහ පියවර ගෙන ඇතැයි වාර්තතා වේ. ඒ අදාළ නඩුව පවත්වාගෙන යාමට නිසි බලයක් නොමැති බව පෙන්වාදීම හේතුවෙනි. එනම් ශ්‍රී ලංකා ක්‍රිකට් ආයතනය වෙනුවෙන් ඊට සහභාගී වූ ජනාධිපති නීතිඥ රොමේෂ් ද සිල්වා ඇතුළු කණ්ඩායම පෙන්වාදී ඇත්තේ ශ්‍රී ලංකා ක්‍රිකට් ආයතනය සංස්ථාගත ආයතනයක් (INCORPORATED) නොවන බවත් එහෙයින් මෙම නඩුව පවත්වාගෙන යා නොහැකි බවයි. මෙහිදී හතුරුසිංහ ශ්‍රී ලංකා ක්‍රිකට් ආයතනයට නඩු පැවරීමෙන් ශ්‍රී ලංකා ක්‍රිකට් ආයතනයට වියදම් වූ සියලු නීති ගාස්තු අය කරගැනීමට වෙනම නඩුවක් පැවරට ශ්‍රී ලංකා ක්‍රිකට් තීරණය කර තිබේ. ශ්‍රී ලංකා ක්‍රිකට් ආයතනය හතුරුසිංහගේ නඩුව වෙනුවෙන් නඩු ගාස්තු ලෙස රු. මිලියන 20ක් වියදම් කර ඇති බව කෝප් කට්ටුවේදී අනාවරණය විය. කෙසේ වෙතත් හතුරුසිංහ ඔහුට සිදුවූ අසාධාරණයට තවත් නඩුවක් දැමීමට කටයුතු කරමින් සිටින බව ඔහුට සමීප ආරංචි මාර්ග පවසයි. එනම් ඔහුව ශ්‍රී ලංකා ක්‍රිකට් කණ්ඩායමේ ප්‍රධාන පුහුණුකරු ධුරයෙන් ඉවත් කිරීමේදී එවකට. පරිපාලනයේ සිටි සියලුම විධායක කමිටු සාමාජිකයන්ට අලුතින් නඩුවක් පැවරීමට ඔහු තීරණය කර ඇති බව පැවසේ.

(පැතුම් ශ්‍රී විජේරත්න)

Read More

අභිමානය රැකගන්නට එංගලන්තයට සටනක් දෙමු

විශාල වෙනස්කම් කිරීමට වඩා එක් එක් ක්‍රීඩකයන් තමන්ට පැවරී ඇති මූලික රාජකාරීන් නිසි ලෙස ඉටුකිම කෙරෙහි වැඩි අවධානයක් යොමු කරන්නේ නම් එංගලන්තයට එරෙහිව පැවැත්වෙන තරගය ජයගැනීම ශ්‍රී ලංකා කණ්ඩායමට එතරම් අපහසු කාර්යක් නොවන බව මහීෂ් තීක්ෂණ පවසයි. ශ්‍රී ලංකාව සහ එංගලන්තය අතර පැවැත්වෙන තරගය වෙනුවෙන් ඊයේ (30දා) පැවති මාධ්‍ය හමුවේදී , ඔහු ඒ බව පවසා සිටියේය. "පසුගිය මාස කිහිපයේදීම අපේ පන්දු යවන්නෝ හොඳටම පන්දු යවලා තියෙනවා. ඒ නිසා අපිට පන්දු යැවීමේ ලොකු වෙනසක් කරන්න ඕන වෙයි කියලා මං හිතන්නෙ නෑ. වැදගත්ම දේ තමයි අපි අපේ මූලික රාජකාරී හරියට කරන එක. එංගලන්ත කණ්ඩායම ක්‍රීඩා කරපු එක තරගයකදිවත් ප්‍රතිවාදී පන්දු යවන්නේ මුල් පන්දුවාර 06 (අධිවේගී) තුළදී කඩුලු දෙක තුනක් දවාගෙන එයාලට පීඩනයක් දීලා නෑ. ඉතින් මං හිතනවා අපිට ඒ දේ කරන්න පුළුවන් නම් ඒකෙන් තරගයට ලොකු බලපෑමක් එල්ල වෙයි කියලා” යැයි තීක්ෂණ පැවසීය. විස්සයි20 ලෝක කුසලාන ක්‍රිකට් තරගාවලියේ සුපිරි 12 දෙනාගේ වටයේ පළමු කාණ්ඩය යටතේ ශ්‍රී ලංකාව සහ එංගලන්තය අතර පැවැත්වෙන තරගය ශ්‍රී ලංකා වේලාවෙන් අද (01) ප.ව. 07.30ට ආරම්භ වීමට නියමිතය. ශ්‍රී ලංකා කණ්ඩායමට තරගාවලියේ අවසන් පූර්ව වටය පිළිබඳ තවදුරටත් බලාපොරොත්තු රඳවාගැනීම සඳහා අනිවාර්යයෙන්ම අද තරගය ජයගත යුතුය. අද තරගය පරාජයට පත්වුවහොත් මෙවර ලෝක කුසලාන තරගාවලියෙන් ඉවතට විසිවන දෙවැනි කණ්ඩායම බවට ශ්‍රී ලංකාව පත්වනු ඇත. සහභාගි වූ මුල් තරග තුනේදීම පරාජයට පත්වූ බංග්ලාදේශය කල්වේලා ඇතිවම අවසන් පූර්ව වටයට පිවිසීමේ වරම් අහිමි කරගත්තේය.

අද තරගයට සහභාගි වන ශ්‍රී ලංකා කණ්ඩායමේ විශාල වෙනසක් බලාපොරොත්තු විය නොහැකි නමුත්, අතිරේක දඟ පන්දු යවන්නෙකු කණ්ඩායම එක් කිරීම පිළිබඳ කණ්ඩායමේ කළමනාකාරීත්වයේ අදහසක් ඇති බව අභ්‍යන්තර ආරංචි මාර්ග පවසයි. එසේ වුවහොත් ධනංජය ද සිල්වාට හෝ අකිල ධනංජයට අද තරගයේදී කණ්ඩායමේ දොරටු විවර විය හැකි අතර,ඔස්ට්‍රේලියාව සහ දකුණු අප්‍රිකාව හමුවේ තරමක පසුබෑමක් පෙන්නුම් කළ ළහිරු කුමාරට කණ්ඩායමේ ස්ථානයක් අහිමි විය හැකිය. ශ්‍රී ලංකාව සහභාගි වූ මුල් තරග 04දී කඩුලු 08ක් දවාගැනීමට ළහිරු කුමාර සමත් වුවද, පස්වැනි තරගයේදී ළහිරු යැවූ පන්දුවාර 03දී ලකුණු 48ක් රැස්කිරීමට ඔස්ටේලියානු පිතිකරුවෝ සමත් වූයේ ඔහුට එක් කඩුල්ලක් හෝ ලබා නොදෙනි. දකුණු අප්‍රිකාවට එරෙහිව පැවති තරගයේදී සිය මුල් පන්දුවාර 03 ලකුණු 17කට සීමා කිරීමට ළහිරු සමත් වුවද, අවසන් පන්දුවාරයේදී ලකුණු 15ක් ආරක්ෂා කරගැනීමට ඔහු අපොහොසත් විය.එංගලන්ත පිතිකරුවන්ද වේග පන්දු යවන්නන් හමුවේ දක්ෂ ලෙස පන්දුවට පහරදෙන බැවින් අද තරගයේදී ළහිරුට විවේකයක් ලබාදීමට කණ්ඩායමේ කළමනාකාරිත්වය පියවර ගතහොත් එය පුදුම වන්නට කරුණක් නොවනු ඇත. පසුගිය තරග කිහිපයේදී චාමික කරුණාරත්න යවා ඇත්තේ පන්දුවාර 02 හෝ 03ක් පමණක් වීමත්, නායක දසුන් ශානකටද තවත් පන්දුවාරයක් හෝ දෙකක් යැවිය හැකි වීමත් ළහිරුට විවේකයක් දෙමින් අතිරේක දඟ පන්දු යවන්නෙකු කණ්ඩායමට කැඳවීම සඳහා මනා පිටිවහලක් වනු ඇත. අංක 04 ස්ථානයේ පන්දුවට පහරදෙන අවිෂ්ක ප්‍රනාන්දු පිතිකරුවකු ලෙස දිගින් දිගටම අසාර්ථක වීම ශ්‍රී ලංකා කණ්ඩායමේ මැද පෙළ කඩා වැටීමට බෙහෙවින්ම බලපා තිබේ. මූලික වටයේදී නැමීබියාවට එරෙහිව නොදැවී ලකුණු 30ක් රැස්කිරීමෙන් අනතුරුව යළිත් ලකුණු අතරට පැමිණීමට අවිෂ්ක අපොහොසත් වී ඇත. ඉන් අනතුරුව පැවති තරගවලදී ඔහුගේ ලකුණු ලබාගැනීම සටහන් වන්නේ පිළිවෙළින් 0, නොදැවී 2,0, 4 සහ 3ක් ලෙසිනි. එබැවින් අද තරගයේදී සිය සුපුරුදමයට අවතීර්ණ වීමට ඔහු සමත් වුවහොත් එය ශ්‍රී ලංකා කණ්ඩායමට වැඩි වාසි ගෙන දෙනු ඇත. නායක දසුන් ශානකද පසුගිය තරගවලදී පිතිකරුවෙකු ලෙස එතරම් සාර්ථකත්වයක් නොපෙන්  වීය. ඔස්ටේලීයා තරගයේදී පන්දු 19කදී ලකුණු 12ක් රැස්කළ ඔහුට හතරේ පහරක් ගැසීම සඳහා පන්දු 18ක් බලා සිටීමට සිදුවිය. දකුණු අප්‍රිකානු තරගයේදී ද ඔහුට පන්දු 12කින් හතරේ පහර 02ක් සමග රැස්කරගත හැකි වූයේ ලකුණු 11ක් පමණි. එබැවින් තරග දිනවන්නා නැතහොත් තරග අවසන් කරන්නා ලෙස කණ්ඩායම තමාගෙන් ඊට වඩා යමක් බලාපොරොත්තුවන බව දසුන් වටහාගත යුතුය. ඔස්ට්‍රේලියානු තරගයේදී ඇඩම් සම්පූ 12/2) හමුවේද, දකුණු අප්‍රිකානු තරගයේදී ත‍්‍රීස් ශබ්ධි (17/3) හමුවේද පන්දුවට පහරදීමේදී පසුගාමී බවක් පෙන්නුම් කළ ශ්‍රී ලංකා පිතිකරුවන්ට, ඔවුන් දෙදෙනාට නොදෙවෙනි පා දඟ පන්දු යවන්නෙකු වන ආදිල් රෂීඩ්ට මුහුණදීම කෙරෙහි අද තරගයේදී විශේෂ අවධානයක් යොමු කිරීමට සිදුව තිබේ. මේ දක්වා ක්‍රීඩා කළ තරග 03දී කඩුලු 05ක් දවාගෙන සිටින රෂීඩ්ගෙන් මෙන්ම තරග 03කදී කඩුලු 07ක් දවාගෙන සිටින ටයිමාල් මිල්ස්ගෙන්ද අද තරගයේදී ශ්‍රී ලංකා පිතිකරුවන්ට එල්ල වන අභියෝගය සුළුපටු එකක් නොවනු ඇත.

(ශානුක අරවින්ද -සාජා නුවර සිට)

 

Read More

ව්‍යාඝ්‍රයන් මෙල්ල කළ සිංහයෝ කැංගරු දඩයමට සැරසෙති

ඩුබායි ජාත්‍යන්තර ක්‍රිකට් ක්‍රීඩාංගණයේ සිට ඔස්ට්‍රේලියානු කණ්ඩායමේ ප්‍රබලම ශක්තිය වේගපන්දු යවන්නන් බවත්, ඔවුන්ට මුහුණදීම සඳහා ශ්‍රී ලංකා පිතිකරුවන් වෙනම සැලැස්මක් යටතේ දින දෙකක කාලයක් පුහුණුවීම් කළ බවත් චරිත් අසලංක  පවසයි. බංග්ලාදේශයට එරෙහිව පැවති තරගයේදී ද පිතිහරඹයක නිරත වෙමින් ශ්‍රී ලංකාව ජයග්‍රහණය කරා ගෙන ගිය අසලංක, ඔස්ටේලියාවට එරෙහිව පැවැත්වෙන තරගයට පෙර ඊයේ (27දා) පැවැති මාධ්‍ය හමුවේදී ඒ බව පැවසීය. "ඔට්‍රේලියාව ඉතාමත් හොඳ කණ්ඩායමක්. ඒක හැමෝම දන්නවා. ඒ ගොල්ලෝ වෙනුවෙන් අපිට වෙන සැලැස්මක් තියෙනවා. ඔස්ට්‍රේලියානු කණ්ඩායමත් එකක් සෙල්ලම් කරන්න ඕන කොහොමද කියලා දවසක් අරගෙන අපි සැලසුම් සකස් කළා. මොකද බංග්ලාදේශ කණ්ඩායම ගත්තාම හාත්පසින්ම වෙනස්. ඔස්ට්‍රේලියා කණ්ඩායමේ ශක්තිය තියෙන්නෙ වේගපන්දු යවන්නන් අතේ. පිතිකරුවන් විදියටම අපි ඒකට ලෑස්ති වෙලා දවස් දෙකක් පුහුණුවීම් කළා. ඒ නිසා හෙට තරගයට හොඳින් ක්‍රීඩා කරන්න බලාපොරොත්තු වෙනවා." යැයි අසලංක කියා සිටියේය. උපනායක පැට් කමින්ස්, මිචෙල් ස්ටාක්, ජෝෂ් හෙස්ලවුඩ්, කේන් රිචඩ්සන්, මිචෙල් මාෂ් සහ මාකස් ස්ටොයිනිස් වැනි නම් දැරූ වේගපන්දු යවන්නන් රැසකගෙන් සමන්විත ඔස්ට්‍රේලියානු කණ්ඩායම, මෙවර ලෝක කුසලාන තරගාවලියට සහභාගී වී සිටින කණ්ඩායම් අතර දක්ෂතම වේගපන්දු බළ ඇණියක් සතු කණ්ඩායමක් ලෙස හැඳින්විය හැකිය. විස්සයි20 ලෝක කුසලාන ක්‍රිකට් තරගාවලියේ සුපිරි  12දෙනාගේ වටයේදී ශ්‍රී ලංකාව සහ ඔස්ට්‍රේලියාව අතර පැවැත්වෙන තරගය ශ්‍රී ලංකා වේලාවෙන් අද (28දා) පස්වරු 7.30ට ඩුබායි ජාත්‍යන්තර ක්‍රිකට් ක්‍රීඩාංගණයේදී ආරම්භ වීමට නියමිතය. මින් පෙර පැවති තරගවලදී බංග්ලාදේශයට එරෙහිව කඩුලු 5ක ජයක් ලැබූ ශ්‍රී ලංකා කණ්ඩායම 'ඒ' කාණ්ඩයේ දෙවැනි ස්ථානයේ පසුවන අතර, දකුණු අප්‍රිකාවට එරෙහිව කඩුලු 5ක ජයක් ලැබූ ඔස්ටේ‍්‍රලියාව '' කාණ්ඩයේ තෙවැනි ස්ථානයේ රැදී සිටියි.

ප්‍රසාද ලකුණු සටහනේ මුල් ස්ථාන දෙක තුළ රැදී සිටීම සඳහා කණ්ඩායම් දෙකටම මෙම තරගයේ ජයග්‍රහණය ඉතා වැදගත් වී තිබේ. විශේෂයෙන්ම සැප්තැම්බර් මස මුල් භාගයේදී 3-0ක් ලෙස දකුණු අප්‍රිකාව හමුවේ විස්සයි20 තරගාවලියක් පරාජයට පත්වූ ශ්‍රී ලංකාවටයළිත් වරක් ඔවුන්ට එරෙහිව තරග බිමට පිවිසීම සඳහා අවශ්‍ය මානසික ඒකාග්‍රතාව ගොඩනගා ගැනීමට ඔස්ටේලියානුවන්ට එරෙහිව අද පැවැත්වෙන තරගයේ ජයග්‍රහණය මනා පිටුවහලක් වනු ඇත. ඇලපතේ ආබාධයක් හේතුවෙන් බංග්ලාදේශයට එරෙහිව පැවති තරගයේදී විවේක ගැන්වූ පිටදඟ පන්දු යවන ක්‍රීඩක මහීෂ් තීක්ෂණ අද තරගයේදී යළිත් කණ්ඩායමට එක්වනු ඇතැයි පුහුණුකරු මිකී ආතර් මහතා ඊයේ (27) වැනිදා පැවති මාධ්‍ය හමුවේදී තහවුරු කළේය. මේ දක්වා ක්‍රීඩා කළ තරග 3දී කඩුලු 8ක් දවාගෙන සිටින තීක්ෂණ අද තරගයේදී ඔස්ට්‍රේලියානුවන්ට එරෙහිව ශ්‍රී ලංකාවට භාවිත කළ හැකි ප්‍රබලම තුරුම්පුවක් ලෙස හැදින්විය හැකිය. ශ්‍රී ලංකා දඟපන්දු යවන්නන්ගෙන් ඔස්ට්‍රේලියාවට ප්‍රබල තර්ජනයක් එල්ල වනු ඇතැයි තමා බලාපොරොත්තු වන බව තරගයට පෙර පැවැති මාධ්‍ය හමුවේදී ඔස්ටේලියානු කඩුලු රකින ක්‍රීඩක මැතිව් වේඩ් ප්‍රකාශ කළේය. එබැවින් ශ්‍රී ලංකා දගපන්දු යවන්නන්ට මුහුණදීම කෙරෙහි සිය කණ්ඩායම විශේෂ අවධානයක් යොමු කරමින් සිටින බවද එහිදී ඔහු වැඩිදුරටත් කියා සිටියේය. ජොෂ් හෙසල්වුඩ්ගේ යළි පැමිණීම සිය කණ්ඩායම තවත් ශක්තිමත් කරනු ඇති බවත්, දකුණු අප්‍රිකානු කණ්ඩායමට එරෙහිව ලකුණු අතරට පැමිණීමට අපොහොසත් වූ ඔස්ට්‍රේලියානු ආරම්භක පිතිකරුවන් (ඩේවිඩ් වෝනර් සහ නායක ඒරන් ෆින්ච්) අද තරගයේදී සුපුරුදු දස්කම් අතරට පැමිණෙනු ඇති බවත් එහිදී වේඩ් පැවසීය. ඔහුගේ එම කියමන නොසලකා හැරිය නොහැක්කේ අවසන් වරට ශ්‍රී ලංකාවට එරෙහිව ක්‍රීඩා කළ විස්සයි20 තරග තුනේදී ඩේවිඩ් වෝනර් ශතකයක් (100) සහ අර්ධ ශතක දෙකක් (60 සහ 57) ලබාගෙන තිබීම හේතුවෙනි. එබැවින් අද තරගයේදී කල් වේලා ඇතිවම වෝනර් පිටියෙන් ඉවත් කිර්මට ශ්‍රී ලංකා පන්දු යවන්නන් අසමත් වුවහොත්, එය ශ්‍රී ලංකා කණ්ඩායමට පසුතැවීමට හේතුවක් වනු නොඅනුමානය. වෝනර් හැරුණුකොට කල් වේලා ඇතිවම ක්‍රීඩාගාරය වෙත හරවා යැවිය යුතු පිතිකරුවකු වේ නම් ඒ ග්ලේන් මැක්සිවෙල්ය . එදා පටන් ශ්‍රී ලංකා පන්දු යවන්නන්ට එළව එළවා පහර දෙන මැක්සිවෙල්  ඉන්දීය ප්‍රිමියර් ලීග් තරගාවලියේදී හොඳ හැටි සිය පිත්ත පදම් කර ගත්තේ තරග 15කදී අර්ධ ශතක 6ක් සමග ලකුණු 53ක් රැස්කරමිනි.පසුගිය සති කිහිපය තුළ දිගින් දිගටම එක්සත් ආරබි එමීර් රාජ්‍යයේ ක්‍රීඩාංගණවල ක්‍රීඩා කළ මැන්වෙල්, එම ක්‍රීඩාංගණවල තණතීරු හැසිරෙන ආකාරය පිළිබඳව මනා වැටහීමකින් සිටීමද ශ්‍රී ලංකා පන්දු යවන්නන්ට මහත් හිසරදයක් වනු ඇත. තරගයට පෙර දිනයේදී ශ්‍රී ලංකා කණ්ඩායම පුහුණුවීම්වල නිරත නොවුණ නමුත්, ඔස්ටේලියානු නායකයා සහ පුහුණුකරුවන් කිහිපදෙනකු ක්‍රීඩාංගණයට පැමිණ තරගය සඳහා වෙන්කර තිබූ තණතීරුව පරික්ෂා කරන අයුරු දැකගත හැකි විය.

(ශානුක අරවින්ද)

Read More

2011 ලෝක කුසලාන තරඟ පාවාදීමේ චෝදනාවට අදාළ විමර්ෂන නතර කරයි

හිටපු ක්‍රීඩා අමාත්‍ය හා වත්මන් කෘෂිකර්ම අමාත්‍ය මහින්දානන්ද අලුත්ගමගේ මහතා විසින් 2011 වර්ෂයේ ශ්‍රී ලංකාව හා ඉන්දියාව අතර පැවති ලෝක කුසලාන අවසන් මහා තරගයට අදාළව සිදු කරන ලද තරග පාවාදීම් පිළිබඳ විමර්ශන නතර කිරීමට පියවර ගෙන ඇති බව වාර්තා කරයි. ඔවුන් වැඩිදුරටත් පවසන්නේ, අදාළ නඩුව සිදුකරගෙන යාමට කිසිදු සාක්ෂියක් නොමැති වීම නිසා මෙම නඩුව ඉවත් කර ගැනීමට පොලීසියට උපදෙස් ලබා දුන් බව නීතිපති දෙපාර්තමේන්තුවේ ආරංචි මාර්ග විසින් සනාථ කළ බවයි.හිටපු ක්‍රීඩා අමාත්‍යවරයා විසින් පසුගිය (202O) වර්ෂයේ ජූලි මාසයේදී මේ සම්බන්ධව ප්‍රකාශයක් සිදු කරමින් පවසා සිටියේ, අදාළ තරගයේදී තරග පාවාදීමක් සිදුවූ බවයි.මෙම ප්‍රකාශයෙන් අනතුරුව කණ්ඩායමේ තේරීම් කමිටු සාමාජිකයෙකු වූ අරවින්ද ද සිල්වා, එවකට කණ්ඩායම් ක්‍රීඩකයන් වූ උපුල් තරංග හා කුමාර් සංගක්කාර යන ක්‍රීඩකයන්ගෙන් විශේෂ විමර්ශන ඒකකය දීර්ඝ ලෙසින් ප්‍රශ්න කරන ලදී.තවද එම චෝදනා එල්ල කළ අමාත්‍ය මහින්දානන්ද අලුත්ගමගේ මහතා සම්බන්ධයෙන්ද කිසිදු ක්‍රියාමාර්ගයක් ගැනීමට තීරණය කර නොමැති බවද  වැඩිදුරටත් වාර්තා කරයි.

Read More

පිතිකරුවන්ගේ දුර්වලතාව පුහුණුවීම්වල අඩුපාඩුවක් නෙවෙයි

ශ්‍රී ලංකා පිතිකරුවන්ට තම තමන්ගේ වගකීම් නිසි ලෙසින් අවබෝධ කරදී තිබෙන බවත්, ඒ නිසා අද තරගයේදී ඔවුන් වඩා හොඳින්ත රගයට මුහුණදෙනු ඇති බවත් ශ්‍රී ලංකා පිතිකරණ පුහුණුකරු ග්‍රාන්ට් ෆ්ලවර් මහතා පැවසීය. ඔහු මේ බව පවසා සිටියේ ශ්‍රී ලංකාව හා දකුණු අප්‍රිකාව අතර පෙරේදා (12)දා පැවැති දෙවැනි විස්සයි20 තරගයෙන් පසුව පැවැති  මාධ්‍ය සාකච්ඡාවට එක්වෙමිනි. මෙහිදී ඔහු වැඩිදුරටත් පවසා සිටියේ ශ්‍රී ලංකා පිතිකරුවන් දඟපන්දු යවන්නන්ට මුහුණදීමේදී යම් දුර්වලතාවක් දැක්වුවද, එය පුහුණුවේ අඩුපාඩුවක් නිසා සිදු නොවන බවයි. මෙහිදී තවදුරටත් අදහස් දැක්වූ ග්‍රාන්ට් ෆ්ලවර්, "අපේ පිතිකරුවන් දඟ පන්දු යවන්නන් ඉදිරියේ යම් දුර්වලතාවක් දැක්වුවා. නමුත් එය පුහුණුවීම්වල අඩුපාඩුවක් නිසා කියලා මම හිතන්නේ නැහැ. මොකද අප දැඩි කැපවීමකින් පුහුණුවීම් කටයුතු සිදුකරනවා. ඒ වගේම ශාරීරික අභ්‍යාස සහ සෙසු පුහුණු කටයුතුවලදීත් අපි උනන්දුවෙන් කටයුතු කරන අතර, දීර්ඝ සාකච්ඡා කිරීම් පවා සිදුකරනවා. නමුත් දෙවැනි තරගයේ පිතිකරණය උපරීම තත්ත්වයක තිබුණේ නැහැ. එමෙන්ම නිසි අවස්ථාවේදී නිවැරදි තීරණ ගනු ලැබුවේ නැති බවයි මගේ හැඟීම. කෙසේ නමුත් දකුණු අප්‍රිකානුවන් හොඳින් පන්දු යැවීමත් සමගින් ඇති වූ දැඩි පීඩනය ශ්‍රී ලංකා පිතිකරණයේ පසුබෑමට හේතුවක් වුණා. විශේෂයෙන් දකුණු අප්‍රිකානුවන් නිසි ස්ථානවල පන්දු රකින්නන් යොදවමින් හොඳින් පන්දු රැකීම සිදුකළ අතර, ඉන් ඔවුන්ගේ දඟපන්දු යවනන් සාර්ථක ප්‍රතිඵල නෙළා ගත්තා.කෙසේ වෙතත් එළැඹෙන විස්සයි20 ලෝක කුසලාන ක්‍රිකට් තරගාවලියේදී මෙන්ම සුදුසුකම් ලබාගැනීමේ තරගාවලියේදී සාර්ථක ප්‍රතිඵල නෙළා ගැනීමට නම් ශ්‍රී ලංකා පිතිකරුවන් දැඩි කැපවීමකින් මෙම දුර්වලතා මගහරවා ගැනීම සිදුකළ යුතුයි” යනුවෙන් පැවසීය.මේ අතර ශ්‍රී ලංකා පිතිකරුවන් ඉදිරියට පැමිණ අනවශ්‍ය පහරවල් එල්ල කර දැවීයාම සම්බන්ධයෙන් අදහස් දක්වන පිතිකරණ පුහුණුකරු,"දැඩි ලෙසින් දඟ කැවෙන තණතීරුවක අපට ඉදිරියට පැමිණ පන්දුවට පහරදීමට සිදුවෙනවා. එහිදී අවදානමක් තිබුණත්, ලකුණු ලබාගැනීම සඳහා එවැනි පහරවල් කරා යොමුවීම සිදුකළ යුතුව තිබුණා. පුහුණුවේදීත් ඔවුන් එවන් පහරවල් පුහුණු වුණත්, තවදුරටත් එය වැඩිදියුණු කරගත යුතු බව පෙනී යනවා. විශේෂයෙන් ඒ සඳහා ආත්ම විශ්වාසය වැඩිදියුණු කරගත යුතු බවයි මම සිතන්නේ. කෙසේ නමුත් පිටියෙන් පිටතදී මෙම කරුණු සම්බන්ධයෙන් නිරන්තරයෙන් සාකච්ඡාවට ලක් කළත්, පිටිය තුළ විශේෂයෙන් පීඩනයක් පවතින අවස්ථාවක නිවැරදි තීරණය ගෙන පිතිකරණයේ යෙදීම පිතිකරුවන්ගේ වගකීමයි. ඒ නිසා මේ සම්බන්ධයෙන් තවදුරටත් අවධානය යොමුකර වැඩි වශයෙන් ලකුණු ලබාගැනීමේ පහරවල් කරා යෑමට ශ්‍රී ලංකා පිතිකරුවන් උනන්දු විය යුතුයි" යැයි පැවසීය. මේ අතර භානුක රාජපක්‍ෂ පිළිබඳ අදහස් දක්වමින් ග්‍රාන්ට් ෆ්ලවර් පවසා සිටියේ, භානුක ශ්‍රී ලංකා කණ්ඩායම සතු දක්‍ෂතම පිතිකරුවෙකු බවයි. තරගයට පෙර ඔහුට ලබාදුන් උපදෙස් නිසි පරිදි ඉටුකරමින් ලකුණු අතරට පැමිණීම ආරම්භ කළද, අවාසනාවන්ත දැවී යාමකට. භානුක ගොදුරු වූ බවද ඔහු පවසා සිටියේය.කණ්ඩායම සමගින් නැවත එක් වූ කුසල් ජනිත් පිළිබඳ අදහස් දක්වමින් ෆ්ලවර් පවසා සිටියේ, කුසල් ක්‍රමක්‍රමයෙන් සුපුරුදු ශාරීරික යෝග්‍යතාව වෙත ළඟවෙමින් සිටින බවයි. "උරහිසේ ආබාධ තත්ත්වය හේත්තුවෙන්  කුසල් ජනිත් යම්කිසි අපහසුතාවකට පත්ව තිබෙනවා. නමුත් ඔහු කඩුලු අතර දිවයන ආකාරය සහ පන්දුවට පහරදුන් අයුරු අනුව සුපුරුදු ශාරීරි යෝග්‍යතාව වෙත ළඟා වෙමින් සිටින බවක් පෙනෙනවා. ඔහු පූර්ණ සුවය නොලැබුවත් නැවතත් කණ්ඩායමට එක්වීමට හොඳම අවස්ථාව මෙය බව අප සිතුවා. කුසල් දෙවැනි තරගයේදී තමන් කෙතරම් දක්‍ෂ පිතිකරුවෙකුද යන්න අපට පෙන්වා දුන්නා” මේ අතර දසුන් ශානකගේ පසුබැසීමට ඔහුගේ නායකත්වයේ වගකීම හේතුවක් වී ඇත්දැයි මෙහිදී ග්‍රාන්ට් ෆ්ලවර්ගෙන් විමසා සිටි. අතර, ඊට පිළිතුරු දුන් ඔහු,"මෙම තරගාවලියට පෙර ඔහු විශිෂ්ට ලෙස දේශීය තරග බිමේ දස්කම් දැක්වූවා. ඒ නිසා ඔහුට නායකත්වයේ පීඩනය බලපෑමක් වූවාදැයි අවිනිශ්චිතයි. දසුන් ඉතා කැපවීමෙන් හොඳින් පුහුණුවීම් සිදුකරනවා. ඒ නිසා නුදුරේදීම ඔහු සුපුරුදු රිද්මයට ළඟා වී පවතින ගැටලුවලට පිළිතුරු ලබාදෙනු ඇති බව මගේ විශ්වාසයයි" යනුවෙන් පැවසීය. විස්සයි20 ලෝක කුසලාන ක්‍රිකට් තරගාවලියට ශ්‍රී ලංකා කණ්ඩායමේ සුදානම සම්බන්ධයෙන් ෆ්ලවර් දක්වන්නේ මෙවන් අදහසක්, "ලෝක කුසලානයට පෙර අපට තරග ඉතා අඩු සංඛ්‍යාවක් තිබෙන්නේ. පුහුණු තරග කිහිපයකුත් ලැබී තිබෙනවා. පිතිකරුවන්ට ඔවුනොවුන්ගේ වගකීම් නිසි ලෙසින් අවබෝධ කරදී තිබෙනවා. එමෙන්ම නිලකුණු පන්දු අඩු කරගැනීම සම්බන්ධයෙන් වැඩි අවධානයක් යොමු කරමින් පුහුණුවීම් කටයුතු කරනු ලබනවා. නමුත් අවසන් තරග කිහිපයේදී එම සැලසුම් ක්‍රියාත්මක වීමේ විශාල අඩුපාඩුවක් තිබෙනවා. ඒ නිසා සාර්ථක කණ්ඩායමක් බවට පත්වීමට නම් මෙම වැරැදි නුදුරේදීම නිවැරැදි කරගත යුතුයි. ඒ අනුව තෙවැනි තරගයේදී වඩා හොඳින් තරගයට මුහුණදෙනු ඇති බව මට විශ්වාසයි. එමෙන්ම ලෝක කුසලානයට පෙර ඔවුන් තමන්ගේ ආත්ම විශ්වාසය වර්ධනය කරගනිමින් ඊට යහපත් ලෙසින් පිවිසෙනු ඇති බව මම සිතනවා”.

(සංජීව ධර්මසේන) 

Read More