උහන ප්‍රාදේශීය ලේකම් කොට්ඨාසයේ පිහිටි නවගිරියාව ජලාශයේ ඔරු පදිමින් සිටියදී පෙරේදා 13 වැනිදා සවස 4.30 ට පමණ ඔරුව පෙරළී යාමෙන් වයස අවුරුදු අටක පිරිමි ළමයකු දියේ ගිලී මියගොස් ඇතැයි උහන පොලිසිය පවසයි.
සිද්ධියෙන් මියගොස් ඇත්තේ නවගිරියාව ගොනාගොල්ලේ
පදිංචි පතිරාජ රණසිංහගේ මන්දාර චාරක නැමති දරුවෙකි.
ධීවර කටයුතු සඳහා යොදා ගන්නා ඔරුවක මෙම ළමයා සමග තවත් ළමයින් පස්දෙනකු සහ අයිතිකරු ඔරුව පැද යමින් ඒ සිටියදී ඔරුව පෙරළී ගොස් ඇතැයි පොලිසිය කළ පරික්ෂණවලදී අනාවරණය විය.
එහිදී අනෙක් ළමයින් පිහිනා ගොඩට පැමිණ ඇති අතර මෙම ළමයා ගිලී ඇතැයි හෙළිවිය. ප්‍රදේශවාසීන් එක්ව ඔහු ගොඩ ගන්නා විටත් මියගොස් සිටි බව පොලිසිය කියයි.
මේ සම්බන්ධව මහේස්ත්‍රාත් පරීක්ෂණයක් පැවැත්වීමට අම්පාර අධිකරණයට කරුණු වාර්තා කර ඇතැයි ද අනතුරුව පශ්චාත් මරණ පරීණය සිදු කිරීමට නියමිතව ඇතැයි ද උහන පොලිසියේ උහන නිලධාරියෙක් පැවැසීය.
උහන පොලිසියේ ස්ථානාධිපති ප්‍රධාන පොලිස් පරික්ෂක එල්.ඩී.එන්. කරුණාරත්න මහතාගේ උපදෙස් මත උප පොලිස් පරික නිමල් ජයලත් පොලිස් සැරයන්වරුන් වන (580004) වේරගොඩ සහ (62167) ප්‍රියන්ත යන නිලධාරීහු පරීක්ෂණ පවත්වති.
(හිඟුරාණේ - නවරත්න සමරතුංග, අම්පාර - වසන්ත චන්ද්‍රපාල සහ දිගාමඩුල්ල - කුමාර සී. ලියනාරච්චි)