අප්‍රිකානු මහාද්වීපයේ පිහිටි සියෙරා ලියොන්හිදී මිනිස් ජාවාරම්කරුවන්ට හසුව සිටි ශ්‍රී ලාංකික පිරිමි පුද්ගලයන් 15 දෙනෙකු පොලිස් විශේෂ මෙහෙයුමකදී බේරා ගැනීමට හැකි වූ බව අන්තර්ජාතික පොලීසිය (INTERPOL) සඳහන් කරයි.
INTERPOL සහ අප්‍රිකාවේ AFRIPOL එක්ව සිදුකළ මිනිස් ජාරමට එරෙහි මෙහෙයුමක ප්‍රතිඵල ලෙස මෙම පිරිස ගළවා ගැනීමේ හැකියාව ලැබී තිබේ. මොවුන් මිනිස් ජාවාරම්වලට ගොදුරු වූ බවට සැක කෙරෙන බව පොලීසිය සඳහන් කරයි.
FLASH-WEKA ලෙසින් හැඳින්වුණු මෙම මෙහෙයුම අදියර දෙකක් යටතේ මැයි සිට ජුනි දක්වා සිදු කර තිබේ. අප්‍රිකාව තුළ සිදුවන මිනිස් ජාවාරම් වැළැක්වීම මෙහි අරමුණ වී ඇත. ඒ අනුව සියෙරා ලියෝන්හිදී හමුවූ සියලු දෙනාම ශ්‍රී ලාංකිකයන් බව සඳහන් වෙයි. මෙම මෙහෙයුමේදී හඳුනාගත් බොහෝ සිදුවීම් හා සම්බන්ධ වින්දිතයන් ආසියාවේ පිරිස් බවත්, ඒ අතර බංග්ලාදේශ, ඉන්දියානු, පාකිස්තාන සහ ශ්‍රී ලාංකිකයන් සිටින බවත් ඉන්ටර්පෝල් ආයතනය වැඩිදුරටත් පවසයි.