'කොවිඩ් 19' හෙවත් නව කොරෝනා වයිරසය ආරම්භක අවස්ථාවේදී ලෝක සෞඛ්‍ය සංධානය වහා ක්‍රියාත්මක වී, නිවැරදි තීන්දු තීරණ ගත්තා නම්, කොරෝනා වයිරසය ගෝලීය වසංගතයක් තෙක් දුරදිග නොයනු ඇති බව, ලෝක සෞඛ්‍ය සන්විධානය සම්බන්ධ, ''ඉන්ඩිපෙන්ඩන්ට් පැනල්" නමැති ස්වාධීන මණ්ඩලය පවසයි. ඒ ''ඉන්ඩිපෙන්ඩන්ට් පැනල්'' නමැති මෙම මණ්ඩලයේ කාර්යය වන්නේ, ලෝක සෞඛ්‍ය සංවිධානය ඔවුන්ගේ වගකීම නිසි ලෙස ඉටු කරනවා ද. යන්න විමර්ශනය සහ ඒ සම්බන්ධයෙන් වාර්තා සකස් කිරීමය. පසුගිය 2020 දී, කොරෝනා වයිරස වසංගතය ලොවට බලපෑම් කළ ආකාරයත්, ආර්ථිකමය වශයෙන් සහ සමාජයීය වශයෙන් එයින් සිදුවුණු බලපෑමත් සම්බන්ධයෙන්, මෙම ස්වාධීන මණ්ඩලය ඉතා පුළුල් අපක්ෂපාතී විමර්ශනයක් පවත්වා තිබේ.ඒ, 2020 සැප්තැම්බරයේ සිට 2021 මැයි මාසය තක් කාල සීමාව තුළදීය.වසංගතවලට මුහුණ දීම සහ ප්‍රතිචාර දැක්වීම පිළිබඳ සොයා බැලීම් සිදු කරන්නේ ද මෙම ස්වාධීන මණ්ඩලයයි. 2019 දෙසැම්බරයේ චීනයේ හුබෙයි පළාතේ වූහාන් නුවර කේන්ද්‍ර කොට ගනිමින් කොවිඩ් 19 වයිරසය ආරම්භ වී. එය ගෝලීය ව්‍යසනයක් තෙක් දුරදිග ගියේ, ලෝක සෞඛ්‍ය සංවිධානය නිවැරදි වේලාවේ නිවැරදි තීන්දු තීරණ නොගැනීම නිසා බව ස්වාධීන මණ්ඩලය නිකුත් කළ වාර්තාවේ සඳහන් වෙයි. මම මණ්ඩලයේ සම සභාපතිවරුන් ලෙස කටයුතු කරන්නේ නවසීලන්තයේ හිටපු අග්‍රාමාත්‍යවරියක වන හෙලන් ක්ලාක් සහ ලයිබීරියාවේ හිටපු ජනාධිපතිවරයකු වන එලන් ජොන්සන් සර්ලිෆ්ය.ලෝක සෞඛ්‍ය සංවිධානය හරි වෙලාවේ හරි තීරණ ගත්තා නම්, අප අද ගෝලීය වශයෙන් මුහුණ දෙන මේ ව්‍යසනය වළක්වා ගන්න තිබුණා. කොරෝනා වසංගතය ගෝලීය ව්‍යසනයක් වීමේ වරද ලෝක සෞඛ්‍ය සංවිධානය බාර ගන්න ඕනෑ සම සභාපතිනිය එලන් ජොන්සන් සර්ලිෆ් පවසනීය.වසංගත වලට මුහුණ දීම සහ ප්‍රතිචාර දැක්වීම පිළිබඳ මෙම ස්වාධීන මණ්ඩලයට විවිධ රටවල සෞඛ්‍ය, දේශපාලන සහ ආර්ථික ඇතුළු ක්ෂේත්‍ර ගණනාවක විද්වතන් ඇතුළත් වෙයි. අද වනවිට ගෝලීය වශයෙන් මිලියන 159 කට කොරෝනා වයිරසය ආසාදනය වී ඇති අතර මිලියන 3.3 කට මරු කැඳවා ඇත. ඇමෙරිකාව ඇතුළු යුරෝපා රටවල් එන්නත්කරණය මගින් වයිරස ව්‍යාප්තිය පාලනය කර ගැනීමට උත්සාහ ගනිද්දී, ඉන්දියාව නේපාලය වැනි ආසියානු රටවල් වයිරස ව්‍යාප්තිය හේතූවෙන් දරුණු ලෙස බැටකන බව මාධ්‍ය වාර්තා දිගින් දිගටම පෙන්වා දෙයි. චීනයේ හුබෙයි පළාත් වූහාන් නුවරින් පළමු ආසාදිතයන් හමුවෙද්දී සහ 2020 ජනවාරි මාසය වනවිට චීනයේ හුබෙයි පළාතෙන් හෝ එරට සෙසු පළාත්වලින් ආසාදිතයන් වාර්තා වෙද්දී, ලෝක සෞඛ්‍ය සංවිධානය ඒ ගැන වැඩි අවධානයක් යොමු කළේ. නැත. ලෝක සෞඛ්‍ය සංවිධානය එසේ කළේ චීනයට හිතවත්කමක් පෙන්වමින් යැයි ඒ වනවිට ඇමෙරිකාවේ ජනපති ධුරය හෙබවූ ඩොනල්ඩ් ට්‍රම්ප් පවා දෝෂාරෝපණය කර තිබුණි. ලෝක සෞඛ්‍ය සංවිධානය කොවිඩ් 19ලෙස වයිරසය නම් කළේ 2020 ජනවාරියේය. චීනයෙන් පිට පළමු කොවිඩ් 19 රෝගියා හමු වූයේ තායිලන්තයෙනි. ලෝක සෞඛ්‍ය සංවිධානය එම අවස්ථාවේදී හෝ රට රට වල රාජ්‍ය නායකයන් සමඟ එක් වී, එකගතාවක් ඇති කර ගනිමින් සංචරණ සීමා පනවමින් ආරක්ෂිත ක්‍රමවේද අනුගමනය කළා නම්, වයිරස ව්‍යාප්තිය පාලනය කර ගැනීමට ඉඩ තිබුණු බව ස්වාධීන මණ්ඩල පැහැදිලි කර තිබේ. මේ අතර, චීන හමුදාවේ උපදෙස් මත, චීන විද්‍යාඥයන් 2015 සිට කොරෝනා වයිරස යොදා ගනිමින්, ජීව අවි නිපදවීමට උත්සහ කළ බවත්, වර්තමානයේ ලොවට වසංගතයක් වූ කොවි 19 කොරෝනා වයිරසය එසේ වීන විද්‍යාඥයන් විසින් නිපදවන ලැබුවක් බවත් ඕට්‍රේලියානු ජාතික පුවත්පතක් අනාවරණය කර තිබේ. මෙම අනාවරණය කර ඇත්තේ ඕස්ට්‍රෙලියන් පුවත්පතය. අනාගත ලෝක සංග්‍රාමවලදී, සතුරු පාර්ශ්ව අඩපණ කිරීමට ජීව රසායනික අවි යොදා ගැනීම ම කෙරෙහි ලොව ප්‍රබල රටවල අවධානය යොමු වී තිබෙන අතර, ලොවෙන් තුරන් වූ වසූරිය වයිරස විෂබීජ පවා ජීව අවි ආකාරයට නිපදවීමට ඇමෙරිකාව, රුසියාව ආදී රටවල් ගබඩා කර තබා ගෙන ඇතැයි ද ඕස්ටේලියන් පුවත්පත පෙන්වා දී ඇත. චීන විද්‍යාඥයන් ජීව අවියක් ලෙස, අද කොවිච් 19 ලෙස අප හඳුන්වන කොරෝනා වයිරසය නිපදවන්න ඇත්තේ වූහාන් නුවර වයිරස රසායනාගාරය තුළ බවත්, එය හිතාමතා නොව අත්වැරදීමකින් කාන්දුවී පසුව එය ලොව පුරා ව්‍යාප්ත වෙන්න ඇති බවත් ඕස්ට්‍රෙලියන් පුවත්පත පැහැදිලි කරයි. පසුගිය දා චීන රජයට සහ හමුදාවට අයත් රහස් වාර්තා රැසක් පරිගණක හැකර්වරුන් විසින් අන්තර් ජාලයේ ප්‍රසිද්ධියට පත් කර තිබුණි. ඕස්ටේලියන්පුවත්පත මෙම කරුණු අනාවරණය කළේ. එම රහස් වාර්තා උපුටා දක්වමිනි. චීනයේ පමණක් නොව ආසියානු කලාපයේ ද විශාලතම වයිරස පර්යේෂණාගාරය පිහිටා ඇත්තේ ද වයිරසයේ ආරම්භය සිදුවුණු වූහාන් නගරයේය. මෙම වයිරසය පර්යේෂණාගාරය වයිරස බැංකුවකි. කොරෝනා වයිරස විශේෂ මෙහි ගබඩා කර ඇත.ඇමෙරිකන් සහ ඕස්ට්‍රේලියන් බුද්ධි අංශ තරයේ පවසා ඇත්තේ වයිරසයේ ආරම්භය මෙම පර්යේෂණාගාරය බවය.
ජිනීවා නුවරදීය (රොයිටර්)
