නේපාලයේ කත්මණ්ඩු නුවර හෙට (30දා) සහ අනිද්දා (31දා) පැවැත්වෙන බහු ආංශික තාක්ෂණික සහ ආර්ථික සහයෝගිතාව සදහා වූ බෙංගාල බොක්ක ආශ්‍රිත රටවල් මුල පිරීම හෙවත් බිම්ස්ටෙක් සංවිධානයේ සිවුවැනි සමුළුවට සහභාගි වන ශ්‍රී ලංකා දූත පිරිසේ නායකත්වය ජනාධිපති මන්ත්‍රීපාල සිරිසේන මහතා විසින් දරනු ලබයි.
මීට අමතරව, සමුළුව අතරතුර බිම්ස්ටෙක් විදුලි ජාලක අන්තර් සම්බන්ධතාව වෙනුවෙන් එළඹෙන අවබෝධතා ගිවිසුමකටද රාජ්‍ය නායකයන් ඉදිරිපිටදී අත්සන් තැබීමට නියමිතය.
සමුළුවේ රැස්වීම් අතරතුර බිම්ස්ටෙක් කලාපයේ වර්ධනය සහ ආර්ථික සෞභාගය ඉහළ නැංවීම සඳහා ප්‍රමුබතා අංශ යටතේ එකඟ වූ මූලාරම්භයන් රැසක් සමාලෝචනයට ලක්කිරීමටද නියමිතය. වෙළඳ හා ආයෝජන, තාක්ෂණිය, බලශක්තිය, ප්‍රවාහනය හා සන්නිවේදනය, සංචාරක කටයුතු, ධීවර කටයුතු, කෘෂිකර්මය, සංස්කෘතික සහයෝගිතාව, පරිසරය සහ ආපදා කළමනාකරණය, මීට අමතරව, සමුළුව අතරතුර බිම්ස්ටෙක් විදුලි ජාලකඅන්තර් සම්බන්ධතාව
වෙනුවෙන් එළඹෙන අවබෝධතා ගිවිසුමකටද රාජ්‍ය නායකයන් ඉදිරිපිටදී අත්සන් තැබීමට නියමිතය.
සමුළුවේ රැස්වීම් අතරතුර බිම්ස්ටෙක් කලාපයේ වර්ධනය සහ ආර්ථික සෞභාහය ඉහළ නැංවීම සඳහා ප්‍රමුඛතා අංශ යටතේ එකඟ වු මූලාරම්භයන් රැසක් සමාශලෝචනයට ලක්කිරීමටද නියමිතය. වෙළඳ හා ආයෝජන, තාක්ෂණය, බලශක්තිය, ප්‍රවාහනය හා සන්නිවේදනය, සංචාරක කටයුතු, ධීවර කටයුතු, කෘෂිකර්මය, සංස්කෘතික සහයෝගිතාව, පරීසරය සහ ආපදා කළමනාකරණය,මහජන සෞඛ්‍යය, පුද්ගලාන්තර සම්බන්ධතා, දිළිඳුකම පිටුදැකීම, ත්‍රස්තවාදය පිටුදැකීම හා ජාත්‍යන්තර අපරාධ සහ දේශගුණික විපර්යාස බිම්ස්ටෙක් සංවිධානයේ සහයෝගිතාව යටතට අයත් ප්‍රමුඛතා අංශ වේ.
ශ්‍රී ලංකා දූත පිරිස වෙනුවෙන් විදේශ කටයුතු රාජ්‍ය අමාත්‍ය වසන්ත සේනානායක මහතා සහ විදේශ අමාත්‍යාංශයේ හා කත්මණ්ඩු නුවර ශ්‍රී ලංකා තානාපති කාර්යාලයේ නිලධාරින්හුද සමුළුවට සම්බන්ධ රැස්වීම්වලට සහභාගි වෙති.
සිය නේපාල සංචාරය අතරතුර ජනාධිපති මෙත්‍රීපාල සිරිසේන මහතා සැප්තැම්බර් මස 01 වැනිදා ට ජනාධිපතිනී බිද්‍යා දේවි භන්දාරි මහත්මිය සහ අග්රාමාත්ය බඩ්ගා ප්‍රසාද් ඔලි මහතා හමුවීමට නියමිතය. මීට අමතරව, ජනාධිපති මෛත්‍රීපාල සිරිසේන මහතා සැප්තැම්බර් මස 01 වැනිදා ලුම්බිණි නුවරට යාමට නියමිත අතර, සැප්තැම්බර් මස 02 වැනිදා කත්මණ්ඩු නුවර සාක් මහලේකම් කාර්යාලයට පැමිණ එහි පැවැත්වෙන රුක් රෝපණ වැඩසටහනකටද එක්වීමට නියමිතය.
