ඇල්පිටිය වීජය මාවතේ නිවෙසක් තුළ සාතනය කරන ලද නැන්දම්මාගේ සහ සියදිවි නසාගත් බැනාගේ පශ්චාත් මරණ පරික්ෂණ කටයුතු ඇල්පිටිය මූලික රෝහලේ විශේෂඥ අධිකරණ වෛද්‍ය නිලධාරී චමිල් ආරියරත්න මහතා විසින් ඉකුත්දා දහවල් ඇල්පිටිය මූලික රෝහලේදී පවත්වන ලදී.
ඝාතනයට ලක් වූ කාන්තාවගේ මරණය හෘදයාබාධයක් ඇති අයකුට තදින් පහර දීම හේතුවෙන් පපුවේ දකුණුපස ඉළඇට 09ක් සහ වම්පස ඉළඇට 07ක් කැඩී යාම හේතුවෙන් ඇති වූ සංකූලතා හේතුවෙන් සිදුව ඇති බවත් සියදිවි නසාගත් අයගේ මරණය ගෙල වැලලා ගැනීමෙන් හුස්ම හිර වීමෙන් සිදුව ඇති බවත් වෛද්‍ය වාර්තාවේ දක්වා තිබේ.මෙසේ ඝාතනය කර ඇත්තේ නො.24, විජය මාවත, ඇල්පිටිය ලීපිනයේ පදිංචිව සිටි වරාහේන ලියනගේ ලීලාවතී (85) නමැති කාන්තාව සියදිවි නසාගෙන ඇත්තේ ඝාතනයට ලක් වූ කාන්තාවගේ බෑනා වන එම ලීපිනයේ පදිංචි ජගත් කීර්ති අබේසේකර (45) නමැති අයයි. මෙම සාතනයන් පසුගිය 24දා සිදුව තිබේ.
සාතනයට ලක් වූ කාන්තාවන්ගේ මෘත දේහය ඇයගේ දියණිය මෙන්ම සියදිවි නසාගත් අයගේ බිරිය වන නො. 24, විජය මාවත, ඇල්පිටිය පදිංචි බෝපේ ආරච්චිගේ චම්පා හර්ෂණී (43) මහත්මියට භාරදුන් අතර සියදිවි නසාගත් බෑනාගේ මෘතදේහය ඔහුගේ මව වන කුසල්කන්දවත්ත, අම්පේගම පදිංචි උඩුගම කෝරලලාගේ සෝමාවතී (75) මහත්මියට භාරදෙන ලදී.
බෑනා විසින් සියදිවි නසා ගැනීමට ප්‍රථම ඒ සම්බන්ධයෙන් ලිපියක් ලියා ඇති අතර නැන්දම්මාගේ මරණය අත්වැරැදීමකින් සිදුවූවක් බව එහි සඳහන් කර ඇත. දිගු කාලීනව නැන්දම්මා සමඟ ආරවුල් තිබු බවත් සිය පවුලේ සමගියට නිතර නිතර නැන්දම්මා නිසා බාධා එල්ද වූ බවත් එම ලීපියේ සඳහන් කර තිබේ. එම අවස්ථාවේ ඇති වූ කෝපය නිසා නැන්දම්මාට පහරදුන් බවත් ඝාතනය කිරීමේ චේතනාවකින් පහර නොදුන් බවත් ඝාතනය සම්බන්ධයෙන් සමාව ලබාදෙන ලෙසත් එම ලිපියෙන්නේ සියදිවි නසාගත් අය ඉල්ලා තිබූ බවත් ඇල්පිටිය පොලිසිය කියයි. නැන්දම්මා ඝාතයෙන් ස්වල්ප වේලාවකට පසු එම නිවෙසේම වෙනත් කාමරයක බාල්කයක එල්ලී බෑනා සියදිවි නසාගෙන තිබේ. 119 පොලිස් හදිසි දුරකතන ඇමතුම් අංකයට ලැබුණු තොරතුරක් මත සවස 2.30ට පමණ ඇල්පිටිය පොලීසිය මගින් මළසිරූර සොයාගෙන තිබේ.
ඝාතනයට ලක් වූ කාන්තාව අවිවාහක විශ්‍රාමික පාසල් ගුරුවරියකි. ඇය පසුකාලීනව දියණියක් හදාවඩාගෙන තිබේ. දියණියගේ කල වයස එළැඹීමත් සමඟ ඇය, සිය හිතවත් වෙනත් පාසල් ගුරුවරියකගේ පුතකුට විවාහ කරදී තිබෙන බවද පොලිස් පක්ෂණවලදී තහවුරු වී තිබේ.
නැන්දම්මා ඝාතනය කරන ලද බැනා තදින් මත්පැන්වලට ඇබ්බැහි වූ අයකු බවද ඇල්පිටිය පොලීසිය කියයි. නැන්දම්මාගේ විශ්‍රාම වැටුපෙන් වැඩි කොටසක් බෑනා මත්පැන් පානය සඳහා බලහත්කාරයෙන් ලබා ගන්නා බවත් දෙදෙනා අතර කලක පටන් ආරවුල් ඇති වී තිබෙන බවත් ඇල්පිටිය පොලීසිය කියයි. ඝාතනයට ලක් වූ කාන්තාවන් සිය දියණිය, ඇයගේ ස්වමිපුරුෂයා වන සියදිවි නසාගත් බෑනා ඇතුළු පවුලේ අය එකම නිවසක ජීවත්වන බවද ඇල්පිටිය පොලීසියේ ප්‍රකාශකයෙක් සඳහන් කළේය.
ඉකුත්දා (24දා) පෙරවරුවේද නැන්දම්මා හා බෑනා අතර ජංගම දුරකතනයක් සම්බන්ධයෙන් ආරවුලක් ඇති වී තිබේ. බෑනාගේ ජංගම දුරකතනය අස්ථාන ගතවීමක් සමිබන්ධයෙන් මෙම ආරවුල ඇතිව තිබෙන අතර බෑනා විසින් වරින්වර නැන්දම්මාට පහර දෙමින් දුරකතනය සම්බන්ධයෙන් විමසා ඇත. එසේ සිය බෑනාගෙන් පහරකෑමෙන් පසු නැන්දම්මා නිවසේ ඇඳ උඩම මියගොස් ඇති බවද පොලිස් පරීක්ෂණවලදී තහවුරු වී තිබේ. නැන්දම්මා මියයෑමෙන් පසු එම නිවසේම වෙනත් කාමරයක බාල්කයක කඹයකින් එල්ලී බෑනාද සියදිවි නසාගෙන තිබූ බව ඇල්පිටිය පොලීසිය කියයි.
ඇල්පිටිය මූලස්ථාන පොලිස් පරික්ෂක අජිත් ප්‍රසන්න මහතාගේ මෙහෙයවීම මත පොලිස් සැරයන් නිහාල් (13723) සහ පොලිස් කොස්තාපල් පැරකුම් (58841) ඇතුළු නිලධාරීහු පිරිසක් වැඩිදුර පරීක්ෂණ පවත්වති.
