ශ්‍රීනාත් ප්‍රසන්න ජයසූරිය
නුගේගොඩ ප්‍රදේශයේ ප්‍රසිද්ධ පෞද්ගලික අධ්‍යාපන ආයතනයක් තුළදී සිසුවකුට පහරදී තුවාල සිදුකිරීම සම්බන්ධයෙන් කොළඹ ප්‍රදේශයේ ප්‍රසිද්ධ විදුහලක 11 වන වසරේ ඉගෙනුම ලබන සිසුහු හය දෙනෙක් මිරිහාන මූලස්ථාන පොලිසියේ නිලධාරීන් විසින් පෙරේදා (26) සවස සැකපිට අත්අඩංගුවට ගනු ලැබූහ.
පහරකෑමෙන් තුවාල ලැබූ කොළඹ ප්‍රදේශයේ තවත් ප්‍රසිද්ධ විදුහලක එම වසරේම ඉගෙනුම ලබන සිසුවකු දකුණු කොළඹ කළුබෝවිල ශික්ෂණ රෝහලේ ප්‍රතිකාර ලබමින් පසු වන බව මිරිහාන මූලස්ථාන පොලිසියේ නිලධාරියෙක් ලංකාදීපයට පැවසීය. නුගේගොඩ ප්‍රදේශයේ පෞද්ගලික අධ්‍යාපන ආයතනයක් මගින් පෙරේදා මෙවර අපොස සාමාන්‍ය පෙළ විභාගය සඳහා පෙනී සිටින සිසු සිසුවියන් වෙනුවෙන් සම්මන්ත්‍රණයක් පවත්වා ඇත.මෙම සම්මන්ත්‍රණයට සහභාගී වී සිටි සැකකාර සිසුන් විසින් අනෙක් සිසුවාට පහර දී තිබෙන බවට තොරතුරු ලැබී ඇතැයි එම පොලිස් නිලධාරියා කීය.
සිසුවියක සමඟ පවත්වා ගෙන යන බව ප්‍කියන රේම සම්බන්ධතාවක් මුල්කරගෙන ඇති වූ බහින්බස් වීමකින් පසු මෙම පහර දීමට සිදු කර ඇතැයි ද පොලිසියට දැන ගැනීමට ලැබී ඇත. පොලිස් 119 හදිසි ඇමතුම් අංශය මගින් මිරිහාන මූලස්ථාන පොලිසියට දීම සම්බන්ධයෙන් තොරතුරු ලබාදීමෙන් පසු පොලිස් කණ්ඩායමක් එහි ගොස් විමර්ශන පවත්වා හෙළි වූ තොරතුරු මත මෙම සිසුන් හය දෙනා සැකපිට අත්අඩංගුවට ඇත. අත්අඩංගුවට ගත් සිසුහු ජම්බුගස්මුල්ල, ඇඹුල්දෙනිය, කැස්බෑව සහ පිළියන්දල යන ප්‍රදේශවල පදිංචිකරුවෝය. පහර කෑමට ලක්ව රෝහල් ගත කර සිටින සිසුවා කොළඹ 11 ප්‍රදේශයේ පදිංචි අයෙකි. මිරිහාන මූලස්ථාන පොලිසියේ නිලධාරීහු කණ්ඩායමක් මෙම සැකකාර සිසුන් පස් දෙනා සම්බන්ධයෙන් තවදුරටත් විමර්ශන පවත්වති.
0 comments:
Post a Comment
Note: Only a member of this blog may post a comment.