ගයාන් සූරියආරච්චි
වස් කවියක් සම්බන්ධයෙන් තරුණයකු දෙමටගොඩ පොලිසියට කැඳවා ප්‍රකාශයක් සටහන් කරගෙන ඇති බවට කළ ප්‍රකාශයක් සම්බන්ධයෙන් නීතීඥ සුදත් වික්‍රමරත්න මහතාගෙන් මධ්‍යම අපරාධ විමර්ශන කාර්යාංශය පෙරේදා (26) ප්‍රකාශයක් සටහන් කර ගත්තේය.
සමාජ මාධ්‍ය ඔස්සේ සංසරණය වන වස් කවියක් සම්බන්ධයෙන් තරුණයකු දෙමටගොඩ පොලිසියට කැඳවා ප්‍රකාශයක් සටහන් කරගෙන ඇති බවට නීතීඥවරයා කළ ප්‍රකාශයක් සම්බන්ධයෙන් ඔහුගෙන් මෙසේ ප්‍රකාශ සටහන් කරගෙන ඇත.
නීතීඥවරයා එම ප්‍රකාශය ඇතුළත් වීඩියෝව සමාජ මාධ්‍ය ඔස්සේ සංසරණය වීමෙන් අනතුරුව පොලිස්පති ප්‍රියන්ත වීරසූරිය මහතා ඒ සම්බන්ධයෙන් විමර්ශනයක් කරන ලෙස මධ්‍යම අපරාධ විමර්ශන කාර්යාංශයට දන්වා ඇත. දෙමටගොඩ පොලිසිය කිසිදු පුද්ගලයකුගෙන් එවැනි ප්‍රකාශයක් සටහන් කරගෙන නොමැති බව මධ්‍යම අපරාධ විමර්ශන කාර්යාංශය පවසයි.
ඒ අනුව අසත්‍ය ප්‍රකාශය ගැන සමාජ මාධ්‍යයේ පළ කිරීම සම්බන්ධයෙන් මධ්‍යම අපරාධ විමර්ශන කාර්යාංශය නීතීඥවරයාගෙන් ප්‍රකාශ සටහන් කර ඇත.මධ්‍යම අපරාධ විමර්ශන කාර්යාංශයේ අධ්‍යක්ෂ ජ්‍යෙෂ්ඨ පොලිස් අධිකාරී කමල් ආරියවංශ මහතාගේ උපදෙස් පරිදි එම කාර්යාංශයේ නිලධාරීහු වැඩිදුර විමර්ශන කරති.
0 comments:
Post a Comment
Note: Only a member of this blog may post a comment.